ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ ಅಕಾಡೆಮಿ ಸಭಾಂಗಣಾಂತು ಎಪ್ರಿಲ್ ೧೮, ೨೦೨೬ ಕ ‘ಕಾವ್ಯಾಂ ವ್ಹಾಳೊ-೧೩’ ಕವಿಗೋಷ್ಟಿ ಚಲ್ಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಕಾರ್ಯಾವಳಿಚೊ ಅಧ್ಯಕ್ಷಪಣ ಘೆತ್ತಿಲೆ. ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲಯ್ತಾ ಕರ್ನಾಟಕ ಸರ್ಕಾರ ಕೊಂಕಣಿ ಸಮುದಾಯಾ ಖಾತೇರಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನ ಕೊರನು ಕೊಂಕಣಿ ಭಾಸ, ಕಲಾ, ಸಂಸ್ಕೃತಿ, ಸಾಹಿತ್ಯಾಚೆ ಅಭಿವೃದ್ಧಿಕ ಜೋರು ದಿತ್ತಾ ಆಸ್ಸುನು, ಕೊಂಕಣಿಗಾಂಕ ಏಕತ್ರ ಕೊರಚೆ ಮಹತ್ತರ ಜಾಲೀಲೆ ಕಾಮ ಕರತಾ ಆಸ್ಸಾ. ಅಕಾಡೆಮಿಕ ಕೊಂಕಣಿ ಲೋಕಾನಿ ಕೆದನಾಂಯಿ ಲಾಗ್ಗಿ ಆಸ್ಸುಕಾ ತಶೀಚಿ ಕೊಂಕಣಿ ಯುವ ಕವಿಂಕ ವೇದಿ ಮೆಳ್ಕಾ ಮ್ಹಣ್ಚೆ ಉದ್ದೇಶಾನಿ ಕಾವ್ಯಾಂ ವ್ಹಾಳೊ ಕಾರ್ಯಕ್ರಮ ಆಯೋಜನ ಕೊರನು ಘೇವನು ಯತ್ತಾ ಆಸ್ಸಾತಿ, ಹರಯೇಕ್ಲ್ಯಾನಿ ಹಾಜ್ಜೆ ಮುನಾಪೋ ಘೆವ್ಕಾ ಮ್ಹೊಣು ಸಾಂಗೂನು ಸಕಡಾಂಕ ಯೆವಕಾರ ಕೆಲ್ಲೊ.
ಮುಖೇಳ ಸೊಯರೆ ಜಾವ್ನು ಆಯಲೀಲೆ ಕೊಂಕಣಿ ಭಾಷಾ ಮಂಡಳಿ ಕರ್ನಾಟಕ (ರಿ). ಹಾಜ್ಜೆ ಅಧ್ಯಕ್ಷ ಶ್ರೀ ರೇಮಂಡ್ ಡಿಕುನ್ಹಾರವರು ಉಲಯತಾ ಕೊಂಕಣಿ ಅಕಾಡೆಮಿಚೆ ಅಧ್ಯಕ್ಷ ಆನಿ ಸದಸ್ಯಾಂಕ ಶ್ಲಾಘನ ಕೆಲ್ಲಿ.
ಕೊಂಕಣಿ ಖಾರ್ವಿ ಸಮುದಾಯಾಚೆ ಮ್ಹಾಲ್ಗಡೆ ಕಲಾವಿದ ಶ್ರೀ ಜೀವನ್ದಾಸ್ ಖಾರ್ವಿ ತಾಂಕಾ ಹೇ ವೇಳ್ಯಾರಿ ಸನ್ಮಾನ ಕೆಲ್ಲೊ. ಲೇಖಕಿ ಶ್ರೀಮತಿ ಕೃತಿಕಾ ಕಾಮತ್ ತಾನ್ನಿ ಬರೆಯಿಲೆ ಭಕ್ತಿ ರಸಾಮೃತಂ ಪುಸ್ತಕಾಚೆ ಲೋಕಾರ್ಪಣ ಹೇ ವೇಳ್ಯಾರಿ ಅಧ್ಯಕ್ಷ್ಯಾನಿ ಕೆಲ್ಲಿ.
ಸಾಮಾಧಿಕ ಕವಿ ಶ್ರೀ ಜೋರ್ಜ್ ಲಿಗೋರಿ ಡಿಸೋಜಾ ತಾನ್ನಿ ಕವಿಗೋಷ್ಟಿ ಚಲಾಯಿಸೂನು ದಿಲ್ಲೆ. ರೋಶನ್ ಕಾಮತ್, ಮರಿಯಾ ಪಿಂಟೊ, ವಿಲ್ಫ್ರೆಡ್ ಆರ್. ಪಾಂಗ್ಳಾ, ವೆನಿಶಾ ಜೆಸ್ಸಿಕಾ ಸಲ್ಡಾನ್ಹಾ, ರೊಬರ್ಟ್ ಮಿನೇಜಸ್, ರಾಧಿಕಾ ಪೈ, ರೆನಿಶಾ ರೋನಾ ಲೋಬೊ, ಹೆನ್ರಿ ಮಸ್ಕರೇನ್ಹಸ್ ಮತ್ತು ಸ್ಟೀವನ್ ಕ್ವಾಡ್ರಸ್ ಹಾನ್ನಿ ತಾಂಗ ತಾಂಗೆಲೆ ಕವಿತಾ ವಾಚ್ಚಿಲೆ. ಅಕಾಡೆಮಿ ಸಾಂದೊ ಶ್ರೀ ರೊನಾಲ್ಡ್ ಕ್ರಾಸ್ತಾರ ತಾನ್ನಿ ಕಾರ್ಯಕ್ರಮಾಚೆ ಸ್ವರಸಂಚಾಲನ ಕೊರನು ಆಬಾರ ಮಾನಲೆ. ಆಕಾಡೆಮಿ ಸಾಂದೆ ಜಾಲೀಲೆ ಶ್ರೀ ಸಮರ್ಥ್ ಭಟ್,ಶ್ರೀಮತಿ ಸಪ್ನಾ ಮೇ ಕ್ರಾಸ್ತಾ, ಶ್ರೀ ನವೀನ್ ಲೋಬೊ ಉಪಸ್ಥಿತ ವ್ಹರಲೀಲೆ.