ಚಪ್ಟೇಗಾರ ಸಾರಸ್ವತ ಸಮಾಜದ ವಿದ್ಯಾರ್ಥಿಂಕ
ದ.ಕ.ಜಿಲ್ಲಾ.ಚಪ್ಟೇಗಾರ ಸಮಾಜ ಸುಧಾರಕ ಸಂಘ (ರಿ) ಮಂಗಳೂರು ವಿದ್ಯಾರ್ಥಿ / ವಿದ್ಯಾರ್ಥಿಂಕ,
ವಿಶ್ವಕೊಂಕಣಿ ಕೇಂದ್ರ ಶಕ್ತಿನಗರ, ಮಂಗಳೂರು ಹಾಂಗಾ ೨೯-೧೨-೨೦೨೪ ತಾರ್ಕೆರ “ವಿದ್ಯಾರ್ಥಿ ವೇತನ” ದಿವಚೆ ಕಾರ್ಯಕ್ರಮ ಮಾಂಡುನ್ ಹಾಳೆಲೆ. ಸುಮಾರ್ ೬೦ ವಿದ್ಯಾರ್ಥಿಂಕ ರೂ. ೫ .೦೦ ಲಾಖ ವಿದ್ಯಾರ್ಥಿ ವೇತನ ‘ವಿದ್ಯಾಕಲ್ಪಕ’ ವಿದ್ಯಾರ್ಥಿ ವೇತನ ಯೋಜನೆ ಪಾವಂಡ್ಯಾರಿ ವಿತರಣ ಕೆಲೆಂ.
ಮುಖೇಲ ಸೊಯರೆಂಗೆಲೆ ಉಪಸ್ಥಿತಿರಿ ದಿವೊ ಲಾವನ್ ಕಾರ್ಯಕ್ರಮ ಉಗ್ತಾವಣ ಜಾಲೆಂ, ಆದ್ಯ. ಎಸ್ ನಾಯಕ್ ಹಾನಿ ಸ್ವಾಗತ ನೃತ್ಯ ಕೆಲೆಂ. ವಿಶ್ವಕೊಂಕಣಿ ಕೇಂದ್ರ ಅಧ್ಯಕ್ಷ ಮಾನೆಸ್ತ್ ನಂದಗೋಪಾಲ್ ಶೆಣೈ ಹಾನಿ ಕಾರ್ಯಕ್ರಮಾಚೆ ಅಧ್ಯಕ್ಷಪಣ್ ಘೆತಲೆಂ. ಮುಖೇಲ ಸೊಯರೆ ನಾಟ್ಯ ಗುರು ಮಾನೆಸ್ತ್ ಉಳ್ಳಾಲ್ ಮೋಹನ್ ಕುಮಾರ್, ಡಾಕ್ಟರ್ ಪ್ರಿಯ ಬಿ ನಾಯಕ್, ಮಾಣೆಸ್ತಿಣ್ ವಿಮಲಾ ಬಾಯಿ, ಚಪ್ಟೇಗಾರ ಸಮಾಜ ಸುಧಾರಕ ಸಂಘಾಚೆ ಉಪಾಧ್ಯಕ್ಷ ಮಾನೆಸ್ತ್ ಪ್ರೀತಮ್ ಕುಮಾರ್ ನಾಯಕ್, ಪ್ರಧಾನ ಕಾರ್ಯದರ್ಶಿ ಮಾನೆಸ್ತ್ ಎಮ್ ಮುರಳಿ ಮನೋಹರ ನಾಯಕ್ ವೇದಿರಿ ಉಪಸ್ಥಿತ ಆಶಿಲಿಂಚಿ. ಹ್ಯಾ ಸಂದರ್ಭಾರ ನಾಟ್ಯಗುರು ಉಳ್ಳಾಲ ಮೋಹನ್ ಕುಮಾರ್ ಹಾಂಕಾ ಸನ್ಮಾನ ಕೆಲೆಂ.
ನಂತರ ವಿದ್ಯಾರ್ಥಿಂಕ ಪ್ರೇರಣಾ ಕೌಶಲ್ಯ ಸಂಭಂಧ ಪಾವಿಲೆ ತರಬೇತ ಕಾರ್ಯಾಗಾರ ಕುಡ್ಪಿ ವಿದ್ಯಾ ಶೆಣೈ ಆನಿ ನಾಮಾನೆಚೆ ರಂಗಭೂಮಿ ಕಲಾವಿದ, ನಿರ್ದೇಶಕ ಮಾನೆಸ್ತ್ ಜಗನ್ ಪವಾರ್ ಹಾನಿ ಚಲಾಯಸುನ ದಿಲೆಂ. ಆನಿ ಪೋಷಕಾಂಕ ಮಾರ್ಗದರ್ಶನ ಆನಿ ಮಾಹಿತಿ ಕಾರ್ಯಾಗಾರ ಮಾನೆಸ್ತಿಣ್ ಸುಮತಿ ಗಜಾನನ ಪೈ ತೋನ್ಸೆ ಹಾನಿ ಚಲಾಯಸುನ ದಿಲೆಂ.
ವಿಶ್ವಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಜಾಲೆಲೆ ಮಾನೆಸ್ತ್ ರಮೇಶ್ ಡಿ ನಾಯಕ್, ಮಾನೆಸ್ತ್ ವಿಲಿಯಂ ಡಿಸೋಜಾ, ಸಿಎಒ ಶ್ರೀ ಬಿ ದೇವದಾಸ ಪೈ, ಚಪ್ಟೇಗಾರ ಸಂಘಾಚೆ ಆದಲೆ ಅಧ್ಯಕ್ಷ ಮಾನೆಸ್ತ್ ಸದಾನಂದ ನಾಯಕ್ ಆನಿ ಡಾ. ವಿನಾಯಕ್ ನಾಯಕ್ ಹೆರ ಗಣ್ಯ ಸಮಾರಂಭಾಂತ ಉಪಸ್ಥಿತ ಆಶಿಲಿಂಚಿ.
ಮಾನೆಸ್ತಿಣ್ ದೀಪ ಗೌತಮ್ ರಾವ್ ಹಾನಿ ಪ್ರಾರ್ಥನ ಕೆಲೆಂ. ಪ್ರೀತಮ್ ಕುಮಾರ್ ನಾಯಕ್ ಹಾನಿ ವಂದನ ಕೆಲೆಂ, ಪ್ರೀತಮ್ ನಾಯಕ್ ಜಲ್ಲಿಗುಡ್ಡ ಹಾನಿ ಕಾರ್ಯಕ್ರಮ ನಿರೂಪಣ ಕೆಲೆಂ.