ಕರ್ಕಿ ದೈವಜ್ಞ ಬ್ರಾಹ್ಮಣ ಮಠಾಧೀಶ ಪ.ಪೂ. ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾ ಸ್ವಾಮ್ಯಾನಿಂ ಕೊಪ್ಪಳ, ಬಳ್ಳಾರಿ, ರಾಯಚೂರು ತಶೀಚಿ ಗುಲಬರ್ಗಾ ಜಿಲ್ಲೆಂತು ಶ್ರೀ ದೈವಜ್ಞ ಮಠಾಚೆ ಪ್ರತಿನಿಧಿ ಜಾವ್ನು ಗಂಗಾವತಿಚೆ `ಸಮಾಜ ಚಿಂತಕ, ಧರ್ಮಬೀರು ಶ್ರೀ ಸುಬ್ರಹ್ಮಣ್ಯ ರಾಮರಾವ್ ರಾಯ್ಕರ್ ತಾಂಕಾ ನೇಮಣೂಕಿ ಕೆಲ್ಲ್ಯಾ ಮ್ಹಣಚೆ ಮಾಹಿತಿ ಮೆಳ್ಯಾ. ಶ್ರೀ ಸುಬ್ರಹ್ಮಣ್ಯ ರಾಯ್ಕರ ತಾನ್ನಿ ವೃತ್ತಿನಿ ಸ್ವರ್ಣೋದ್ಯಮಿ ಜಾಲಯಾರೀಚಿ ತಾಂಕಾ ಸಮಾಜ, ದೇಶ, ಮಾತೃ ಭಾಸಾ ಖಾತೇರಿ ವಿಶೇಷ ಕಾಳಜಿ ಆಸ್ಸಾ. ತಾನ್ನಿ ಆಪಣೇಲೆ ನವರತ್ನ ಪ್ರಕಾಶನ ಮೂಖಾಂತ್ರ ದೈವಜ್ಞ ದರ್ಪಣ, ನಾ ಮುಚ್ಚಿದ ನುಡಿಮುತ್ತುಗಳು, ವಿವಾಹ ಒಂದು ಚಿಂತನೆ, ನಿತ್ಯ ಜೀವನಕ್ಕೆ ನುಡಿಮುತ್ತುಗಳು, ಮಹಿಳೆ ಮತ್ತು ಸಂಸ್ಕೃತಿ ಆದಿ ಸಬಾರ ಪುಸ್ತಕ ಪ್ರಕಟ ಕೊರನು ಉಚಿತ ಜಾವ್ನು ವಾಂಟೂನು ಆಮ್ಗೆಲೆ ಸಂಸ್ಕೃತಿ ಖಾತೇರಿ ತಶೀಚಿ ಹಿಂದೂ ಧರ್ಮಾಚೆ ಮಹತ್ವ ಕಸ್ಸಲೆ ಮ್ಹೊಣು ಸಾಮಾನ್ಯ ಲೋಕಾಂತು ಜಾಗೃತಿ ಆಸ್ಸ ಕೊರಚಾಕ ಪ್ರಯತನ ಕರತಾ ಆಸ್ಸಾತಿ. ರಾಮಾಯಣ, ಮಹಾಭಾರತ ಖಾತೇರಿ ಆಯಚೆ ಚರಡುವಾಂಕ ಕಳೋನು ದಿವಚೆ ತಸ್ಸಾಲೆ ಅನುಕರಣೀಯ ಕಾಮ ಕೆಲ್ಲ್ಯಾ. ಲೋಕಾಂಗೆಲೆ ಸಂಸ್ಕಾರಯುತ ಜೀವನಾಕ ಸಬಾರ ನಮೂನ್ಯಾನಿ ಮಾರ್ಗದರ್ಶನ ದಿವಚೆ ಪ್ರಯತ್ನ ಕೆಲ್ಲ್ಯಾ. ಅಸ್ಸಾಲೆ ಸಂಘಟನಾ ಚತುರಾಂಕ ಪೂಜ್ಯ ಸ್ವಾಮ್ಯಾನಿ ಸಮಾಜ ಬಾಂಧವಾಂಕ ಸಂಘಟನ ಕೊರಚೆ ಜವಾಬ್ದಾರಿ ದಿಲೀಲೆ ಸುಯೋಗ್ಯ ಆಸ್ಸುನು ತಾಂತೂ ತಾನ್ನಿ ಪೂರ್ತಿ ಯಶಸ್ವಿ ಪಾವೊಂತಿ ಮ್ಹೊಣು ತಾಂಗೆಲೆ ಆತ್ಮೀಯ ಲೋಕಾನಿ ಅಭಿನಂದನ ಪಾವೋನು ದೇವು ಬರೆಂ ಕೊರೊ ಮ್ಹಳ್ಳಾ.