ಗಾರ್ವೇರ್ ಹಾಜ್ಜೆ ನಿರ್ದೇಶಕ ಜಾಲೀಲೆ ಶ್ರೀ ವಿವೇಕ್ ಕಾಮತ್ ಆನಿ ಅಧ್ಯಕ್ಷ ತಶೀಚಿ ಕಂಪನಿ ಕಾರ್ಯದರ್ಶಿ ಶ್ರೀ ಅವನೀಶ್ ಶ್ರೀವಾಸ್ತವ ತಾನ್ನಿ ಗಾರ್ವೇರ್ ಟ್ರಸ್ಟ್ ತಾಕೂನು ಜಿ‌ಎಸ್‌ಬಿ‌ಎಸ್ ವೈದ್ಯಕೀಯ ಟ್ರಸ್ಟಾಕ ದಾನ ರೂಪಾಂತು ದಿಲೀಲೆ ನೇತ್ರ ಘಟಕಾಚೆ ಉದ್ಘಾಟನ ಎ. ೧೪ಕ ಕೆಲ್ಲಿ. ಜಿ‌ಎಸ್‌ಬಿ‌ಎಸ್ ವೈದ್ಯಕೀಯ ಟ್ರಸ್ಟಾಚೆ ಅಧ್ಯಕ್ಷ ಆನಿ ವೆಗಳೆಂ ಇತರ ಟ್ರಸ್ಟಿ ಲೋಕ ಹಾಜ್ಜೇನ ಖುಷಿ ಪಾವಲೆ. ಆನಿ ಹೇ ಪ್ರತಿಷ್ಠಿತ ಟ್ರಸ್ಟ್ ಬರಶಿ ಸಂಬಂಧ ದವರೂನು ಘೆವ್ಚೆ ಜಿ‌ಎಸ್‌ಬಿ‌ಎಸ್ ವೈದ್ಯಕೀಯ ಟ್ರಸ್ಟಾಕ ಗೌರವಾಚೆ ವಿಷಯು ಮ್ಹೊಣು ಸಾಂಗ್ಲಿಂತಿ.
ಏಪ್ರಿಲ್ ೧೪ ಚೆ ಸೋಮಾರ, ದಾದರ್ ಘಟಕಾಂತುಲೆ ಜಿ‌ಎಸ್‌ಬಿ‌ಎಸ್ ವೈದ್ಯಕೀಯ ಟ್ರಸ್ಟ್ ಹಾಜ್ಜೆ ನೋಂದಾಯಿತ ಕಚೇರಿಂತು ನೇತ್ರ ಘಟಕಾಚೆ ಉದ್ಘಾಟನಾ ಚಲ್ಲೆ. ಪರಂಪರೆ ಮ್ಹಣಕೆ ವಿಘ್ನವಿನಾಶಕ ಗಣಪತಿ ದೇವಾಲೆಂ ಮಾಗ್ಗುನು ಮಾಗಿರಿ ಜಿ‌ಎಸ್‌ಬಿ‌ಎಸ್ ವೈದ್ಯಕೀಯ ಟ್ರಸ್ಟ್ ಹಾಜ್ಜೆ ಅಧ್ಯಕ್ಷ ಡಾ. ಸುಹಾಸ್ ಪ್ರಭು ತಾನ್ನಿ ಸೊಯರ್‍ಯಾಂಕ ನೇತ್ರ ಘಟಕ ದವರೀಲೆ ಉದ್ಘಾಟನಾ ಕೂಡಾಕ ಆಪೋನು ವ್ಹರಲೆ. ನವೀನ ಜಾವ್ನು ಹಾಡ್ನು ಜೋಡಣ ಕೆಲೀಲೆ ಅಪ್ಪಾಸಾಮಿ ಅಸೋಸಿಯೇಟ್ಸ್ ಪ್ರೈ. ಲಿಮಿಟೆಡ್, ಆನಿ ಮ್ಯಾಶ್ ಆಪ್ಟಿಕೇರ್, ಐ ಘಟಕ, ಸ್ಲಿಟ್ ಲ್ಯಾಂಪ್, ಆಟೋ ರಿಫ್ರ್ಯಾಕ್ಟೋಮೀಟರ್, ರೆಟಿನೋಸ್ಕೋಪ್ ಆನಿ ಆಪ್ತಾಲ್ಮೋಸ್ಕೋಪ್ ಆದಿ ಯಂತ್ರಾಚೆ ಉದ್ಘಾಟನ ಆಯ್ಯಿಲೆ ಸೊಯರ್‍ಯಾನಿ ರಿಬ್ಬನ್ ಕಾತ್ತರಚೆ ಮೂಖಾಂತರ ಸರಳ ಜಾವ್ನು ಕೆಲ್ಲಿ.
ಡಾ. ಅಂಕಿತಾ ಕುಲಕರ್ಣಿ ಆನಿ ತೆದ್ನಾ ಉಪಸ್ಥಿತ ಆಶ್ಶಿಲೆ ನೇತ್ರಶಾಸ್ತ್ರಜ್ಞ ಡಾ. ಕಾಂಚನ್ ನಾಯಕ್ ತಾನ್ನಿ ನೇತ್ರ ಯಂತ್ರಾಚೆ ಕಾರ್ಯಾಚರಣೆ ಮಾಹಿತ ಸಾಂಗ್ಲೆ. ಗಾರ್ವೇರ್ ಕಂಪನಿಚೆ ಚಟುವಟಿಕೆಗಳ ಜಗಬಽರಿ ಆಸ್ಸಾ ಮ್ಹೊಣು ತಾಜ್ಜೆ ಖಾತೇರಿ ಶ್ರೀ ಶ್ರೀವಾಸ್ತವ ತಾನ್ನಿ ಸವಿವರ ಜಾವನು ಸಭೆಕ ಕಳಯಿಲೆ. ಹೇ ವೇಳ್ಯಾರಿ ಟ್ರಸ್ಟಿ ಜಾಲೀಲೆ ಶ್ರೀ ಗಣೇಶ್ ಶಾನಭಾಗ್, ಶ್ರೀಮತಿ ಸಂಧ್ಯಾ ಕಾಮತ್ ಉಪಸ್ಥಿತ ವ್ಹರಲೀಲೆ. ಶ್ರೀಮತಿ ಗೀತಾ ಪೈ ತಾನ್ನಿ ಸೊಯರ್‍ಯಾಂಕ ಆನಿ ಗಾರ್ವೇರ್ ಕಂಪನಿಚೆ ಔದಾರ್ಯಾಕ ತಶೀಚಿ ಜಮೀಲೆ ಗಣ್ಯಾಂಕ ಆಬಾರ ಮಾನಲೆ.