

೧೮.೦೧.೨೦೨೫ಕ ಸಕ್ಕಾಣಿ ೧೦.೩೦ ಘಂಟ್ಯಾಕ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಧಪ್ತಾರಾಂತು ದಿ| ನಾ. ಡಿಸೋಜಾಂಕ ಶ್ರದ್ಧಾಂಜಲಿ ಸಭಾ ಏರ್ಪಾಟ ಕೆಲೀಲೆ. ಅಕಾಡೆಮಿ ಅಧ್ಯಕ್ಷ ಜಾಲೀಲೆ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಪ್ರಾಸ್ತಾವಿಕ ಜಾವ್ನು ನಾ ಡಿಸೋಜ ತಾಂಗೆಲೆ ಪ್ರಕೃತಿ ಬರಶಿ ಸಂಬಂಧ, ಆನಿ ಗರೀಬ ಇತರ ಚಿತ್ರಣ ತಾಂಗೆಲೆ ಕೃತಿಂತು ವರ್ಣನ ಕೆಲ್ಲ್ಯಾ. ತ್ಯಾ ಖಾತ್ತಿರಿ, ಬಾಲ ಸಾಹಿತ್ಯಾಂತು ಆಸ್ಸುಚೆ ತಾಂಗೆಲೆ ಆಸಕ್ತಿ ಖಾತೆರಿ ಉಲಯಿಲೆ. ಹೇ ವೇಳ್ಯಾರಿ ದೇವಾಧೀನ ಜಾಲೀಲೆ ಕೊಂಕಣಿ ಸಾಹಿತಿ ಶ್ರೀ ಲುವಿಸ್ ಡಿ. ಅಲ್ಮೆಡಾ ಆನಿ ಶ್ರೀ ಎಮ್. ಪಿ. ರೊಡ್ರಿಗಸ್ ತಾಂಕಾಯಿ ಶ್ರದ್ದಾಂಜಲಿ ಪಾವಯಿಲೆ. ಸಭಾಂತು ಉಪಸ್ಥಿತ ವ್ಹರಲೀಲೆ ಸಕಡಾನಿ ಗೌರವಪೂರ್ವಕ ಜಾವ್ನು ನಾ. ಡಿಸೋಜಾಂಕ ಫೂಲ ಸಮರ್ಪಣ ಕೊರನು ಶೃದ್ದಾಂಜಲಿ ಪಾವಯಿಲಿ. ದಿ| ನಾ. ಡಿಸೋಜ ತಾಂಗೆಲೆ ಜೀವನ ಆನಿ ಸಾಹಿತ್ಯ ಕ್ಷೇತ್ರಾಕ ತಾನ್ನಿ ದಿಲೀಲೆ ದೇಣಿಗೆ ಖಾತೇರಿ ಕವಿ, ಸಾಹಿತಿ ಜಾಲೀಲೆ ಶ್ರೀ ವಿಕ್ಟರ್ ಮಥಾಯಸ್(ವಿತೊರಿ ಕಾರ್ಕಳ)ತಾನ್ನಿ ಶ್ರದ್ಧಾಂಜಲಿ ಭಾಷಣ ಕೆಲ್ಲಿ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ರಿಜಿಸ್ಟ್ರಾರ್ ರಾಜೇಶ್ ಜಿ., ಅಕಾಡೆಮಿ ಸದಸ್ಯ, ಕೊಂಕಣಿ ಸಾಹಿತಿ, ಕೊಂಕಣಿ ಕವಿ, ಕೊಂಕಣಿ ಭಾಷಾ- ಭಾಂದವ, ನಾ. ಡಿಸೋಜಾಂಗೆಲೆ ಅಭಿಮಾನಿ ಲೋಕ, ಶ್ರದ್ದಾಂಜಲಿ ಸಭಾಂತು ಹಾಜರ ಆಶ್ಶಿಲೆ.