ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಂಗಳೂರು ಹಾನ್ನಿ ಇನ್ಫೆಂಟ್ ಮೇರಿ ಚರ್ಚ್, ಬಜ್ಜೋಡಿ ಹಾಂಗೆಲೊಟ್ಟು ಮೇಳ್ನು ಬಜ್ಜೋಡಿ ಇನ್ಫೆಂಟ್ ಮೇರಿ ಚರ್ಚ್ ಸಭಾಂಗಣಾಂತುಮಾಣ್ಕಾಂ-ಮೊತಿಯಾಂ’ ಶೀರ್ಷಿಕೆಂತು ಚರಡುಂವಾಲೆ ರಜಾ ಶಿಬಿರ ಆಯೋಜನ ಕೆಲೀಲೆ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಶಿಬಿರಾಚೆ ಅಧ್ಯಕ್ಷಪಣ ಘೆತ್ತಿಲೆ. ಮಾಂಡ್ ಸೊಭಾಣ್ (ರಿ.) ಅಧ್ಯಕ್ಷ ಶ್ರೀ ಲುವಿ ಜೆ. ಪಿಂಟೊ ದೀವೊ ಜಳೋನು ಕಾರ್ಯಕ್ರಮ ಉದ್ಘಾಟನ ಕೆಲ್ಲಿ. ಆನಿ “ಹೇ ಕಾರ್ಯಕ್ರಮ ಚರಡುವಾಂಕ ಆನಿ ಯುವಕಾರಾಂಕ ಕೊಂಕಣಿ ವಿಷಯು ಕೋಳ್ನು ಘೆವಚಾಕ ಏಕ ಅವಕಾಶ, ಅಕಾಡೆಮಿಚಾನ ಅಸ್ಸಾಲೆ ಕಾರ್ಯಕ್ರಮ ಚಲ್ತಾ ಉರೊ ಮ್ಹಳ್ಳೆ.
ಮುಖೇಲ ಸೊಯರೆ ಜಾವನು ಇನ್ಫೆಂಟ್ ಮೇರಿ ಚರ್ಚ್ ಬಜ್ಜೋಡಿ ಹಾಜ್ಜೆ ಫಾದರ್ ವಂ| ದೊಮಿನಿಕ್ ವಾಸ್, ಚರ್ಚ್ ಹಾಜ್ಜೆ ಪಾಲನಾ ಮಂಡಳಿ ಉಪಾಧ್ಯಕ್ಷ ಶ್ರೀ ಪ್ರಕಾಶ್ ಸಲ್ಡಾನ್ಹಾ, ಕಾರ್ಯದರ್ಶಿ ಶ್ರೀಮತಿ ಎಲಿಜಬೆತ್ ಪಿರೇರಾ, ಅಕಾಡೆಮಿ ಸದಸ್ಯ ಸಂಚಾಲಕ ನವೀನ್ ಲೋಬೊ ವೇದಿಕೆರಿ ಉಪಸ್ಥಿತ ವ್ಹರಲೀಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಯೇವ್ಕಾರ ಕೆಲ್ಲಿ.ನವೀನ್ ಲೋಬೊ ತಾನ್ನಿ ಆಬಾರ ಮಾನಲೆ. ಶ್ರೀಮತಿ ಶರಲ್ ನೊರೊನ್ಹಾ ತಾನ್ನಿ ಕಾರ್ಯಕ್ರಮ ಚಲೋನು ದಿಲ್ಲೆ.