ಕಾಪು ಶ್ರೀ ವೆಂಕಟರಮಣ ದೇವಳಾಂತು ಪರಾಭವ ನಾಮ ಸಂವತ್ಸರಾಚೆ ನವರಾತ್ರಿ ಮಹೋತ್ಸವು ದಿನಾಂಕ. ೧೧-೧೦-೨೦೨೬ ತಾಕೂನು ೨೦-೧೦-೨೦೨೬ ಪರಿಯಂತ ಚಲ್ತಾ ಮ್ಹಣ್ಚೆ ಮಾಹಿತಿ ಮೆಳ್ಳಾ. ಹೇ ವೇಳ್ಯಾರಿ ಅ.೧೧ಕ ದೇವ ಮಾಗಣಿ ಆನಿ ಕದರ ಬಾಂದುಚೆ ಕಾರ್ಯಕ್ರಮ ಚಲ್ತಾ. ತಶೀಚಿ ಅ.೧೧ ತಾಕೂನು ಅ.೨೦ ಪರಿಯಂತ ಪ್ರತಿ ದಿವಸು ಸಾಂಜವಾಳಾ ದುರ್ಗಾ ನಮಸ್ಕಾರ ಪೂಜಾ ಆಸ್ತಾ. ಸಾಂಜವಾಳಾ ೭ ಘಂಟ್ಯಾಕ ದುರ್ಗಾ ನಮಸ್ಕಾರ ಕಾರ್ಯಕ್ರಮ ಮಾಗಿರಿ ರಾತ್ತಿಕ ೮ ಘಂಟ್ಯಾಕ ಶ್ರೀ ದೇವಾಕ ರಾತ್ರಿ ಪೂಜಾ ಆನಿ ದುರ್ಗಾ ನಮಸ್ಕಾರ ಪೂಜಾ ಚಲ್ತಾ. ಮಾಗಿರಿ ಪ್ರಸಾದ ವಾಂಟಪ.
ಅ.೧೬ಕ ಶ್ರೀ ಶಾರದಾ ಪ್ರತಿಷ್ಠಾ ಆನಿ ಅ.೨೧ಕ ವಿಜಯದಶಮಿ ದಿವಸಾಚಾನ ಪಕ್ಷಿ ಜಾಗರ ಪೂಜಾ ಆರಂಭ ಜಾತ್ತಾ. ಅ.೨೧ಕ ಧೋಂಪಾರಾ ಚಂಡಿಕಾಯಾಗ ಮಹಾಪೂರ್ಣಾಹುತಿ ತಶೀಚಿ ಮಹಾ ಸಂತರ್ಪಣ ಆನಿ ರಾತ್ತಿಕ ನಗರ ಭಜನಾ ಸೂರು ಜಾತ್ತಾ.
ಭಜಕಾಂಕ ಏಕ ಸೂಚನಾ ಮ್ಹಳಯಾರಿ ನಿತ್ಯ ದುರ್ಗಾ ನಮಸ್ಕಾರ ಸೇವಾ ಬಾಬ್ತ ರೂ. ೨೫೦/- ದವರೀಲೆ ಆಸ್ಸುನು ಸೇವಾ ಪಾವಯಚಾಕ ಇಚ್ಛಾ ಆಶ್ಶಿಲೆ ಭಜಕಾನಿ ಚಡ್ತೆ ಮಾಹಿತಿಕ ದೇವಳಾಚೆ ಮ್ಯಾನೇಜರ್ (ಮೊ: ೯೯೦೨೭೫೭೪೮೪) ಹಾಂಕಾ ಸಂಪರ್ಕ ಕೊರಯೇತ.
ಅ.೧೧-ಅ.೨೭: ಶ್ರೀ ಹಳೇ ಮಾರಿಯಮ್ಮ ದೇವಳಾಂತು ನವರಾತ್ರಿ ಮಹೋತ್ಸವು
ಜಿ.ಎಸ್.ಬಿ. ಸಮಾಜ ಬಾಂದವಾಲೊ ಆಡಳಿತಾಂತು ಆಸ್ಸುಚೆ ಶ್ರೀ ಹಳೇ ಮಾರಿಯಮ್ಮ ದೇವಳ, ಕಾಪು ಹಾಂಗಾಯಿ ನವರಾತ್ರಿ ಮಹೋತ್ಸವು ದಿನಾಂಕ. ೧೧-೧೦-೨೦೨೬ ತಾಕೂನು ೨೭-೧೦-೨೦೨೬ ಪರಿಯಂತ ಚಲ್ತಾ. ಅ.೧೧ಕ ದೇವಮಾಗಣಿ ಆನಿ ಕಲಶ ಪ್ರತಿಷ್ಠೆ. ಮಾಗಿರಿ ಅ.೨೦ ಪರಿಯಂತ ಪ್ರತಿ ದಿವಸು ಸಕ್ಕಾಣಿ ಶ್ರೀ ದೇವಿ ಮಹಾತ್ಮೆ ಪಾರಾಯಣ, ನವದುರ್ಗಾ ಪೂಜಾ, ಅನ್ನದಾನ ಆಸತಾ. ದೋಂಪಾರಾ ೨.೧೫ಕ ಪಾರಾಯಣ ಪೂಜಾ ಆನಿ ೩ ಘಂಟ್ಯಾಕ ದರ್ಶನ ಸೇವಾ ಆಸ್ತಾ. ಸಾಂಜವಾಳಾ ೬.೦೦ ಘಂಟ್ಯಾಚಾನ ರಾತ್ತಿಚೆ ೯.೦೦ ಘಂಟ್ಯಾ ಪರಿಯಂತ ವೆಗವೆಗಳೆ ಭಜನಾ ಮಂಡಳಿ ತಾಕೂನು ಭಜನಾ ಕಾರ್ಯಕ್ರಮ ಚಲ್ತಾ. ರಾತ್ತಿಕ ೯.೦೦ ಘಂಟ್ಯಾಕ ಏಕಾಂತ ಸೇವೆ
ಅ.೧೩ಕ ಕದರ ಬಾಂಚೆ ಕಾರ್ಯಕ್ರಮ ಆಸ್ತಾ. ಅ.೧೯ಕ ದುರ್ಗಾಷ್ಟಮಿ ದಿವಸು ಸಾಂಜವಾಳಾ ದುರ್ಗಾ ನಮಸ್ಕಾರ ಪೂಜಾ ಆಸ್ತಾ. ಅ.೨೧ಕ ವಿಜಯದಶಮಿ ಕಾರ್ಯಕ್ರಮ ಆನಿ ಅ.೨೭ಕ ಚಂಡಿಕಾಯಾಗ ಮಹಾಪೂರ್ಣಾಹುತಿ ತಶೀಚಿ ಭೂರಿ ಸಮಾರಾಧನಾ ಚಲ್ತಾ.ಕಾಪು ಶ್ರೀ ವೆಂಕಟರಮಣ ದೇವಳಾಂತು ಆನಿ ಶ್ರೀ ಹಳೆ ಮಾರಿಯಮ್ಮ ದೇವಳಾಂತು ಚೊಲ್ಚೆ ಹೇ ದೊನ್ನೀ ನವರಾತ್ರೋತ್ಸವಾಂತು ಸಮಾಜ ಬಾಂದವಾನಿ ತನು-ಮನ-ಧನ ಸಹಿತ ವಾಂಟೊ ಘೇವ್ನು ದೇವತಾನುಗ್ರಹಾಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸಾ.