ಜಿ.ಎಸ್.ಬಿ. ಮಹಿಳಾ ಮಂಡಳಿ ಗಂಗೊಳ್ಳಿ ಹಾಂಗೆಲೆ ತರಪೇನಿ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಆಶೀರ್ವಾದ, ಮಾರ್ಗದರ್ಶನಾಂತು ಗಂಗೊಳಿಚೆ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಚೆ ವಿದ್ಯಾಧಿರಾಜ ಸಭಾಭವನಾಂತು ಶ್ರೀ ವರಮಹಾಲಕ್ಷ್ಮೀ ವೃತ ಕಾರ್ಯಕ್ರಮ ಶುಕ್ರವಾರ ೨೮-೦೮-೨೦೨೬ ದಿವಸು ಚಲ್ಲೆ.
ದೇವಳ ತಾಂತ್ರಿಕ ಜಿ.ವಸಂತ ಭಟ್ ನೇತೃತ್ವಾರಿ ವರಮಹಾಲಕ್ಷ್ಮೀ ವೃತಾಚೆ ಧಾರ್ಮಿಕ ವಿಧಿವಿಧಾನ ಶಾಸ್ತ್ರೋಕ್ತ ಜಾವ್ನು ವಿಜೃಂಭಣೆರಿ ಸಂಪನ್ನ ಜಾಲ್ಲೆ. ಗಂಗೊಳ್ಳಿ ಆನಿ ಆಲ್ತಾಪೆಲ್ತಾ ಗಾಂವ್ಚೆ ಜಿಎಸ್ಬಿ ಸಮಾಜಾಚೆ ಸುವಾಸಿಣಿ ಬಾಯ್ಲಮನ್ಶೆ ಪೂಜೆಂತು ವಾಂಟೊ ಘೇವ್ನು ಶ್ರೀದೇವಾಲೆಂ ಪ್ರಸಾದ ಸ್ವೀಕಾರ ಕೊರನು ಕೃತಾರ್ಥ ಜಾಲ್ಲೆ.
ದೇವಳಾಚೆ ಪ್ರಧಾನ ಅರ್ಚಕ ಎಸ್.ವೆಂಕಟರಮಣ ಆಚಾರ್ಯ, ದೇವಳದ ಆಡಳಿತ ಮೊಕ್ತೇಸರ ಎನ್.ಸದಾಶಿವ ನಾಯಕ್, ಜಿ.ವೆಂಕಟೇಶ ನಾಯಕ್, ಜಿಎಸ್ಬಿ ಮಹಿಳಾ ಮಂಡಳಿ ಅಧ್ಯಕ್ಷೆ ವಿಜಯಶ್ರೀ ವಿ. ಆಚಾರ್ಯ, ಕಾರ್ಯದರ್ಶಿ ವೈಭವಿ ವಿ. ಶೆಣೈ, ಪುರೋಹಿತ, ದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಜಿಎಸ್ಬಿ ಮಹಿಳಾ ಮಂಡಳಿ ಪದಾಧಿಕಾರಿ, ಸದಸ್ಯ, ಸಮಾಜಬಾಂಧವ, ಗಾಂವ್ಚೆ ಧಾ ಸಮಸ್ತ, ಭಕ್ತ ವ್ರತಾಂತು ವಾಂಟೊ ಘೇವನು ಹರಿ-ಗುರು ಕೃಪೆಕ ಪಾತ್ರ ಜಾಲ್ಲೆ.