ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ, ತೆಂಕಪೇಟೆ ಉಡುಪಿ ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಲೆಂ ಸನ್ನಿಧಿಂತು ಭಜನೇಚೆ ಆರಾಧ್ಯ ದೇವು ಜಾಲೀಲೊ ಶ್ರೀ ವಿಠೋಬಾ ರುಖುಮಾಯಿ ದೇವಾಲೆ ಮುಖಾರಿ ಅವಂದೂಚೆ ೧೨೬ ವ್ಯಾ ವರ್ಷಾಚೆ ಭಜನಾ ಸಪ್ತಾಹಾಕ ದೇವಳಾಚೊ ಪ್ರಧಾನ ಅರ್ಚಕ ಜಾಲೀಲೆ ವೇ.ಮೂ. ದಯಾಘನ್ ಭಟ್ ತಾನ್ನಿ ದೀಪ ಪ್ರಜ್ವಲನ ಕೊರನು, ಮಹಾ ಮಂಗಳಾರತಿ ದಾಕೋನು ಚಾಲನಾ ದಿಲ್ಲೆ.
ಆಗಸ್ಟ್ ೧೮ಕ ಸೂರು ಜಾವನು ಸಾತ ದಿವಸು ಕಾಳ ಗಾಂವ್ಚೆ ಆನಿ ಪರಗಾಂವ್ಚೆ ಭಜನಾ ತಂಡಾಚಾನ ಅಹೋರಾತ್ರಿ ಅಖಂಡ ಭಜನಾ ಕಾರ್ಯಕ್ರಮ ವೈಭವಾರಿ ಚಲ್ತಾ. ಆಗಸ್ಟ್ ೨೫ ಕ ಮಂಗಳಾಚರಣ ಚಲ್ತಾ. ಧಾರ್ಮಿಕ ಪೂಜಾ ವಿಧಾನ ತಶೀಚಿ ಸಾಮೂಹಿಕ ಪ್ರಾರ್ಥನಾ, ದೇವಾಕ ಮಹಾಪೂಜಾ ವೇ.ಮೂ. ದಯಾಘಾನ್ ಭಟ್ ತಾನ್ನಿ ಚಲೋನು ದಿಲ್ಲೆ. ವಿನಾಯಕ ಭಟ್, ದೀಪಕ್ ಭಟ್, ಗಿರೀಶ್ ಭಟ್ ತಾನ್ನಿ ಮದತ್ ಕೆಲ್ಲಿ. ಶ್ರೀ ದೇವಾಕ ವಿಶೇಷ ಅಲಂಕಾರ, ಶಂಬರ ಬಽರಿ ಭಕ್ತಾನಿ ಶೃದ್ಧಾ-ಭಕ್ತಿನಿ ಜೈ ವಿಠಲ್… ಹರಿ ವಿಠಲ್.. ನಾಮ ಸ್ಮರಣ ಮ್ಹಣತಾ ಭಜನಾ ಸೇವೆಂತು ವಾಂಟೊ ಘೆತ್ಲೆ.
ಆಡಳಿತ ಮಂಡಳಿಚೆ ಸದಸ್ಯ ಜಾಲೀಲೆ ಪ್ರಭಾಕರ್ ಭಟ್, ಅಶೋಕ್ ಬಾಳಿಗಾ, ಕೈಲಾಸನಾಥ ಶೆಣೈ, ಉಡುಪಿ ಆಭರಣ ಸಂಸ್ಥೆಚೆ ಸುಭಾಸ್ ಕಾಮತ್, ಪ್ರಕಾಶ್ ಭಕ್ತ, ಡಾ ವಿನಾಯಕ ಶೆಣೈ, ನಾರಾಯಣ ಪ್ರಭು, ವಸಂತ್ ಕಿಣಿ, ಮಹೇಶ್ ಶೆಣೈ, ವೆಂಕಟೇಶ್ ಭಟ್, ಶಾಂತಾರಾಮ್ ಪೈ, ಭಜನಾ ಮೊಹೋತ್ಸವಾಚೆ ಅಧ್ಯಕ್ಷ ಮಟ್ಟಾರ್ ಸತೀಶ್ ಕಿಣಿ, ಭಾಸ್ಕರ ಶೆಣೈ, ಪಾಂಡುರಂಗ ಪೈ, ಹರಿರಾಮ್ ಶೆಣೈ, ಗಣೇಶ್ ಕಿಣಿ, ವಿಶಾಲ್ ಶೆಣೈ, ವಿಶ್ವನಾಥ್ ಭಟ್, ಪಿ ವಿ ಶೆಣೈ ತಶೀಚಿ ದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಜಿ ಎಸ್ ಬಿ ಮಹಿಳಾ / ಯುವಕ ಮಂಡಳಿ ಸದಸ್ಯ, ಶ್ರಾವಣ ಶನಿವಾರ ಭಜನಾ ಮಂಡಳಿ, ಭಗಿನಿ ವೃಂದ ಸದಸ್ಯ ಆನಿ ಭಜನಾ ಸಪ್ತಾಹ ಸಮಿತಿ ಸದಸ್ಯ ಗಾಂವ್ಚೆ, ಪರಗಾಂವ್ಚೆ ಭಜನಾ ಮಂಡಳಿ ಸದಸ್ಯ, ಶಂಬರ ಬಽರಿ ಸಮಾಜ ಭಾಂದವ ಹೇ ವೇಳ್ಯಾರಿ ಉಪಸ್ಥಿತ ವ್ಹರನು ಪುನೀತ ಜಾಲ್ಲೆ.