ಗಂಗೊಳ್ಳಿಚೆ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಚೆ ಭಜನಾ ಸಪ್ತಾಹ ಸಮಿತಿ ತರಪೇನಿ ಶ್ರೀ ದೇವಾಲೆ ದಿವ್ಯ ಸನ್ನಿಧಿರಿ ವರ್ಷಂಪ್ರತಿ ಶ್ರಾವಣ ಮಾಸಾಂತು ಘಡ್ಚೆ “ಅಖಂಡ ಭಜನಾ ಸಪ್ತ” ಮಹೋತ್ಸವು ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಮಾರ್ಗದರ್ಶನ ಪ್ರಮಾಣೆ ದಿನಾಂಕ. ೧೮-೦೮-೨೦೨೬ಕ ಸಕ್ಕಾಣಿ ೯-೧೦ ಘಂಟ್ಯಾಚೆ ಕನ್ಯಾ ಲಗ್ನಾಂತು ಮಹಾಪ್ರಾರ್ಥನಾ ಕೊರನು ದೀಪ ಸ್ಥಾಪನಾಪೂರ್ವಕ ಸೂರು ಜಾವ್ನು ದಿನಾಂಕ. ೨೫-೦೮-೨೦೨೬ ಪರ್ಯಂತ ಘಡೋನು ಹಾಡಚಾಕ ಠರಯಿಲೆ ಆಸ್ಸಾ. ಅಗಸ್ಟ್ ೨೫ಕ ದೀಪ ವಿಸರ್ಜನ, ಮಹಾಪೂಜಾ, ಸಮಾರಾಧನ ಪ್ರಸಾದ ವಾಂಟಪ ಆದಿ ಧಾರ್ಮಿಕ ಕಾರ್ಯಕ್ರಮ ಚೋಲ್ನು ಅವಂದೂಚೆ ಸಪ್ತ ಮುಕ್ತಾಯ ಜಾತ್ತಾ.
ಅವಂದೂಚೆ ಭಜನಾ ಸಪ್ತಾಂತು ಸೇವಾದಾರ ಜಾವ್ನು ನಗರ ಲಕ್ಷ್ಮಣ ಮೂಡ್ಲಗಿರಿ ನಾಯಕ್ ಆನಿ ಬಾಬ್ಬಾವ, ತ್ರಾಸಿ ಶ್ರೀಧರ ನಾಗೇಶ್ ಶೆಣೈ ಆನಿ ಕುಟುಂಬಸ್ಥ, ಜಿ. ಸುಭಾಶ್ ವಾಮನ ಶ್ಯಾನುಭಾಗ ಆನಿ ಬಾಬ್ಬಾವ, ಜಿ. ಮೋಹನದಾಸ ಭಂಡಾರ್ಕಾರ್ ಆನಿ ಜಿ. ಯತೀಂದ್ರ ಭಂಡಾರ್ಕಾರ್, ಮೇಲ್ಗಂಗೊಳ್ಳಿ ಪೈ ಕುಟುಂಬಸ್ಥ, ದಿ ಸೇನಾಪುರ ಹರಿದಾಸ ಗೋಪಾಲಕೃಷ್ಣ ಆಚಾರ್ಯ ಹಾಂಗೆಲೆ ಘರಾಣಿಚಿ ತಶೀಚಿ ಮಾರುತಿ ವ್ಯಾಯಾಮ ಶಾಲೆ, ಗಂಗೊಳ್ಳಿ. ಹಾನ್ನಿ ವಾಂಟೋ ಘೆತ್ತಾತಿ.
ಹೇ ಸಂದರ್ಭಾರಿ ದಿನಾಂಕ. ೨೪-೦೮-೨೦೨೬ ಕ ಸಾಂಜವಾಳಾ ೫-೦೦ ಘಂಟ್ಯಾಕ ನಗರ ಭಜನಾ ಆನಿ ರಾತ್ತಿಕ ವಿಶೇಷ ಪೂಜಾ ತಶೀಚಿ ಪ್ರಸಾದ ವಾಂಟಪ ಚಲ್ತಾ.
ದಿನಾಂಕ. ೨೯-೦೮-೨೦೨೬ ದಿವಸು ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾಂಗೆಲೆ ಜನ್ಮದಿನ ಪ್ರಯುಕ್ತ ಮಹಾಪೂಜಾ, ಮಹಾಸಮಾರಾಧನ
ತತ್ಸಂಬಂಧ ಗಂಗೊಳ್ಳಿ ಆನಿ ಆಲ್ತಾ-ಪೆಲ್ತಾಚೆ ಗಾಂವ್ಚೆ ಸಮಾಜ ಬಾಂದವಾನಿ, ಭಜನಾ ತಂಡಾಚಾನ ಅವಂದೂಚೆ ಭಜನಾ ಸಪ್ತಾಂತು ವಾಂಟೊ ಘೇವ್ನು ಹರಿಗುರು ಕೃಪೇಕ ಪಾತ್ರ ಜಾವ್ಕಾ ಮ್ಹೊಣು ವ್ಯವಸ್ಥಾಪಕ ಸಮಿತಿ ತರಪೇನಿ ವಿನಂತಿ ಆಸ್ಸಾ. ಚಡ್ತೆ ಮಾಹಿತಿಕ, ಭಜನಾ ತಂಡಾಚಾನಿ ಹಾಂಕಾ ಸಂಪರ್ಕು ಕೊರಕಾ. N. Sadashiva Nayak : 9845863227, B. Ganesh Shenoy : 9008979520, Dr. Kashinath P. Pai : 8197368263