ಉತ್ತರ ಕರ್ನಾಟಕದ ಎಲ್ಲಾ ಜಿಲ್ಲೆಗಳ ಪದವೀಧರರು ಹಾಗೂ ಸ್ಪರ್ಧಾತ್ಮಕ ಪರೀಕ್ಷಾ ಅಭ್ಯರ್ಥಿಗಳು SSC Combined Graduate Level (CGL) Examination – 2026 ಮೂಲಕ ಲಭ್ಯವಿರುವ ಅಂಚೆ ಇಲಾಖೆಯ ಉದ್ಯೋಗಾವಕಾಶಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಬಳಸಿಕೊಳ್ಳುವಂತೆ ಅಂಚೆ ಇಲಾಖೆ, ಉತ್ತರ ಕರ್ನಾಟಕ ಪ್ರದೇಶ ಮನವಿ ಮಾಡಿದೆ.
ಸ್ಟಾಫ್ ಸೆಲೆಕ್ಷನ್ ಕಮಿಷನ್ (SSC) ವಿವಿಧ ಕೇಂದ್ರ ಸರ್ಕಾರದ ಇಲಾಖೆಗಳು ಮತ್ತು ಸಚಿವಾಲಯಗಳಲ್ಲಿನ 12,256 Group ‘B’ ಹಾಗೂ Group ‘C’ ಹುದ್ದೆಗಳ ನೇಮಕಾತಿಗೆ ಅಧಿಸೂಚನೆ ಹೊರಡಿಸಿದೆ.
SSC CGL ಪರೀಕ್ಷೆಯ ಮೂಲಕ ಅಂಚೆ ಇಲಾಖೆಯಲ್ಲಿ ಕೆಳಕಂಡ ಮಹತ್ವದ ಹುದ್ದೆಗಳಿಗೆ ಅವಕಾಶಗಳಿವೆ:
- Postal Assistant (PA)
- Sorting Assistant (SA)
- Inspector Posts
ಅಂಚೆ ಇಲಾಖೆಯ Postal Assistant / Sorting Assistant ಹುದ್ದೆಗಳು ಕೆಳಕಂಡ ಕಾರಣಗಳಿಂದ ಅತ್ಯಂತ ಜನಪ್ರಿಯ ಕೇಂದ್ರ ಸರ್ಕಾರಿ ಉದ್ಯೋಗಗಳಾಗಿವೆ:
- ಕೇಂದ್ರ ಸರ್ಕಾರಿ ಹುದ್ದೆ
- ಉತ್ತಮ ವೇತನ ಹಾಗೂ ಭತ್ಯೆಗಳು
- ಉದ್ಯೋಗ ಭದ್ರತೆ
- ಪದೋನ್ನತಿ ಅವಕಾಶಗಳು
- ದೇಶವ್ಯಾಪಿ ಸೇವಾ ಅವಕಾಶಗಳು
- ಜನಸೇವೆ ಆಧಾರಿತ ಪ್ರತಿಷ್ಠಿತ ಹುದ್ದೆಗಳು
ಅಂಚೆ ಇಲಾಖೆಯ Inspector Posts ಹುದ್ದೆಗಳು ಆಡಳಿತಾತ್ಮಕ ಮತ್ತು ಮೇಲ್ವಿಚಾರಣಾ ಜವಾಬ್ದಾರಿಯ ಪ್ರತಿಷ್ಠಿತ ಹುದ್ದೆಗಳಾಗಿವೆ
ಉತ್ತರ ಕರ್ನಾಟಕ ಜಿಲ್ಲೆಗಳ ಅಭ್ಯರ್ಥಿಗಳ ಪ್ರತಿನಿಧಿತ್ವ ಅಂಚೆ ಇಲಾಖೆಯ ಹುದ್ದೆಗಳಲ್ಲಿ ಹೋಲಿಕೆಯಾಗಿ ಕಡಿಮೆ ಇರುವುದರಿಂದ ಧಾರವಾಡ, ಬೆಳಗಾವಿ, ಗದಗ, ಹಾವೇರಿ, ವಿಜಯಪುರ, ಬಾಗಲಕೋಟೆ, ಬಳ್ಳಾರಿ, ಕೊಪ್ಪಳ, ರಾಯಚೂರು, ಯಾದಗಿರಿ, ಬೀದರ, ಕಲಬುರಗಿ ಹಾಗೂ ಉತ್ತರ ಕನ್ನಡ ಜಿಲ್ಲೆಗಳ ಯುವಕರು ವಿಶೇಷವಾಗಿ ಈ ಅವಕಾಶವನ್ನು ಬಳಸಿಕೊಳ್ಳುವಂತೆ ಮನವಿ ಮಾಡಲಾಗಿದೆ.
ಎಲ್ಲಾ ವಿಶ್ವವಿದ್ಯಾಲಯಗಳು, ಕಾಲೇಜುಗಳು, Placement Cells, Coaching Centres ಹಾಗೂ ವಿದ್ಯಾರ್ಥಿ ಸಂಘಟನೆಗಳು ಈ ಮಾಹಿತಿಯನ್ನು ವಿದ್ಯಾರ್ಥಿಗಳು ಹಾಗೂ ಯುವಕರಿಗೆ ವ್ಯಾಪಕವಾಗಿ ತಲುಪಿಸುವಂತೆ ಕೋರಲಾಗಿದೆ.
ಅಭ್ಯರ್ಥಿಗಳು ಅಧಿಕೃತ SSC ವೆಬ್ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದು:ಉತ್ತರ ಕರ್ನಾಟಕದ ಯುವಕರು ಈ ಅವಕಾಶವನ್ನು ಸಂಪೂರ್ಣವಾಗಿ ಬಳಸಿಕೊಂಡು ಅಂಚೆ ಇಲಾಖೆಯ ಸೇವೆಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಪ್ರತಿನಿಧಿಸಬೇಕೆಂದು ನಿರ್ದೇಶಕರು ಅಂಚೆ ಸೇವೆಗಳು
ಉತ್ತರ ಕರ್ನಾಟಕ ಪ್ರದೇಶ, ಧಾರವಾಡ ಇವರಿಂದ ಮನವಿ ಮಾಡಲಾಗಿದೆ.
Websites : https://ssc.gov.in/