ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿನಿ ಉಡ್ಪಿಚೆ ಉದ್ಯಾವರಾಂತು ಕರ್ನಾಟಕ ಕೊಂಕಣಿ ಆಕಾಡಮಿನಿ ದಿವಚೆ ೨೦೨೫ ವರ್ಷಾಚೆ ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಸಮಾರಂಭ ದಿನಾಂಕ. ೨೬-೦೪-೨೦೨೬ ದಿವಸು ಆಯೋಜನ ಕೆಲೀಲೆ.
ಸಮಾರಂಭಾಚೆ ಉದ್ಘಾಟನ ಉಡುಪಿ ಧರ್ಮ ಪ್ರಾಂತ್ಯಾಚೆ ವಿಶ್ರಾಂತ ಧರ್ಮಾಧ್ಯಕ್ಷ ಡಾ. ಜೆರಾಲ್ಡ್ ಐಸಾಕ್ ಲೋಬೊ ತಾನ್ನಿ ಕೆಲ್ಲಿ. ಮಾಗಿರಿ ಉಲಯಿಲೆ ತಾನ್ನಿ ಕೊಂಕಣಿ ಭಾಷೆಕ ಕೇವಲ ಪುರಾತನ ಪದಾರ್ಥ ಜಾವಚಾಕ ಸೋಣಾಕ್ಕಾತಿ, ತುಮಗೇಲೆ ಚರಡುಂವ ಅತೀ ಅಭಿಮಾನಾನಿ ಕೊಂಕಣಿ ಭಾಷೆಂತು ಉಲಯಚೆ ವರಿ ತಾಂಕಾ ಉತ್ತೇಜನ ದಿಯ್ಯಾತಿ. ಮಾತ್ರ ನ್ಹಂಹಿ ಕೊಂಕಣಿ ಸಾಹಿತ್ಯ ಸೋಶಿಯಲ್ ಮಾಧ್ಯಮಾಂತು ವಾಪರಚೆ ವರಿ ಕೊರನು ತಾಜ್ಜೆ ಅಭಿವೃದ್ಧಿ ಕೊರಕಾ. ಜಾಗತಿಕ ಆನಿ ಅಂತಾರಾಷ್ಟ್ರೀಯ ಲೆವಲ್ಲಾಂತು ವಾಡಚಾಕ ದುಸರೇ ಭಾಸಚೆ ಗರಜ ಆಸ್ಸಾ ವ್ಹಹಿ ಜಾಲಯಾರೀಚಿ ಕೊಂಕಣಿ ಭಾಸ ಆಮ್ಗೆಲೆ ಅಸ್ತಿತ್ವ ಆನಿ ಅಸ್ಮಿತೆಚೆ ವಿಷಯು ಜಾಲ್ಲ್ಯಾ ಮ್ಹಳ್ಳೆ.
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ಜೋಕಿಂ ಜ್ಞಾನಿ ಆಲ್ವಾರಿಸ್ ತಾನ್ನಿ ಸಮಾರಂಭಾಚೆ ಅಧ್ಯಕ್ಷತಪಣ ಘೆತ್ತಿಲೆ. ಸಕಡಾಂಕ ಯೆವಕಾರ ಕೊರನು ಪ್ರಾಸ್ತಾವಿಕ ಜಾವ್ನು ಉಲಯಿಲೆ ತಾನ್ನಿ “ಆಯ್ಚೆ ಯುವ ಪೀಳ್ಗಿ ಕೊಂಕಣಿ ಭಾಷೆಚಾನ ದೂರ ವತ್ತಾ ಆಸ್ಸುಚೆ ಭಾಷಾಭಿವೃದ್ಧಿಗೆ ಕಂಟಕ ಪ್ರಾಯ ಜಾಲ್ಲ್ಯಾ. ಯುವಕಾರ ತಶೀಚಿ ವಿಧ್ಯಾರ್ಥಿ ಲೋಕಾಂತು ಕೊಂಕಣಿ ಭಾಷೆ ಖಾತ್ತಿರಿ ಅಭಿಮಾನ ಯವ್ಚೆ ತಸ್ಸಾಲೆ ಕಾಮ ಕೊಂಕಣಿಗಾನಿ ಕೊರಕಾ ಜಾಲೀಲೆ ಗರಜ ಆಸ್ಸಾ. ಮ್ಹಣ್ಚೆ ಆಪೋವ್ಣಿ ದಿಲ್ಲೆ.
ಈ ವೇಳ್ಯಾರಿ ೨೦೨೫ವೇ ವರಸಾಚೆ ಗೌರವ ಪ್ರಶಸ್ತಿ ಪುರಸ್ಕೃತ ಜಾಲೀಲೆ ಕೊಂಕಣಿ ಸಾಹಿತ್ಯ ವಿಭಾಗಾಂತು ರೊನ್ ರೊಚ್ ಕಾಸ್ಸಿಯಾ, ಕೊಂಕಣಿ ಕಲಾ ವಿಭಾಗಾಂತು ರಾಮ್ದಾಸ್ ದತ್ತಾತ್ರೇಯ ಗುಲ್ವಾಡಿ, ಕೊಂಕಣಿ ಜಾನಪದ ವಿಭಾಗಾಂತು ಸೈರು ಮುರಳೀದರ ಪುತ್ತು ನಾಯ್ಕ ಹಾಂಕಾ ಪ್ರಶಸ್ತಿ ಪ್ರಧಾನ ಕೊರನು, ಸನ್ಮಾನ ಪೂರ್ವಕ ಅಭಿನಂದನ ಕೆಲ್ಲೆ. ತಶೀಚಿ ೨೦೨೫ ವೇ ವರ್ಷಾಚೆ ಪುಸ್ತಕ ಪುರಸ್ಕೃತ ಜಾಲೀಲೆ ಕವಿತಾ ವಿಭಾಗಾಂತು ಅಂದ್ರೂ ಎಲ್. ಡಿಕುನ್ಹಾ, ಲೇಖನ ವಿಭಾಗಾಂತು ರೋಷನ್ ಮೆಲ್ಕಿ ಸಿಕ್ಕೇರಾ ಆನಿ ಲ್ಹಾನಕಾಣಿ ವಿಭಾಗಾಂತು ರಿಚಾರ್ಡ್ ಅಲ್ವಾರಿಸ್ ತಾಂಕಾ ಪ್ರಶಶ್ತಿ ಪ್ರಧಾನ ಕೊರನು ಅಭಿನಂದನ ಪೂರ್ವಕ ಸನ್ಮಾನ ಕೆಲ್ಲಿ.
ಹೇ ವೇಳ್ಯಾರಿ ಕಾಪು ಶಾಸಕ ಸುರೇಶ್ ಶೆಟ್ಟಿ ಗುರ್ಮೆ, ಉಡುಪಿಚೆ ಧರ್ಮ ಗುರು ಜಾಲೀಲೆ ವಂ. ಚಾರ್ಲ್ಸ್ ಮಿನೇಜಸ್, ಉದ್ಯಾವರ ಚರ್ಚ್ ಧರ್ಮ ಗುರು ವಂ. ಅನಿಲ್ ಡಿಸೋಜಾ, ಬೀಚ್ ಹೀಲಿಂಗ್ ಹೋಮ್, ಹೂಡೆ ಹಾಜ್ಜೆ ನಿರ್ದೇಶಕ ಜಾಲೀಲೆ ಡಾ. ಪ್ರೊಫೆಸರ್ ಮೊಹಮ್ಮದ್ ರಫೀಕ್ ಉಪಸ್ಥಿತ ವ್ಹರಲೀಲೆ.
ಕಾರ್ಯಕ್ರಮಾಂತು ನಾಮಾಧಿಕ ಕಲಾವಿದಾನಿ ಸಿದ್ದಿ, ಕುಡುಬಿ, ಖಾರ್ವಿ ಸಮುದಾಯಾಚೆ ಜಾನಪದ ನೃತ್ಯ ತಶೀಚಿ ಕೊಂಕಣಿ ಸಂಗೀತ ರಸಮಂಜರಿ ಕಾರ್ಯಕ್ರಮ ಪ್ರಸ್ತತ ಕೆಲ್ಲಿ.
ಅಕಾಡೆಮಿ ಸದಸ್ಯ ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ, ದಯಾನಂದ್ ಮಡ್ಕಕರ್, ಸಪ್ನಾ ಕ್ರಾಸ್ತಾ, ಸುನೀಲ್ ಸಿದ್ದಿ ತಶೀಚಿ ಮಾದ್ದು ಇಬ್ರಾಹಿಂ ತಾನ್ನಿ ಉಪಸ್ಥಿತ ವ್ಹರಲೀಲೆ.
ಪರಿಚಯ ಪಾಂಬೂರು ಹಾಜ್ಜೆ ಟ್ರಸ್ಟಿ ಜಾಲೀಲೆ ಪ್ರಕಾಶ್ ನೊರೊನ್ಹಾ ತಾನ್ನಿ ಕಾರ್ಯಕ್ರಮ ನಿರೂಪಣ ಕೊರನು ಆಬಾರ ಮಾನಲೆ.