ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಾನ ಇನ್ಫೆಂಟ್ ಮೇರಿ ಚರ್ಚ್ ಬಜ್ಜೋಡಿ ಹಾಂಗೆಲೆ ಮೇಳಾವಟ್ಟಾರಿ ಮಾಂಡ್ ಸೊಭಾಣ್ ಸಂಸ್ಥೆಚೆ ಮದತ್ ಘೇವನು ಆಯೋಜಿತ `ಮಾಣ್ಕಾಂ ಮೊತಿಯಾಂ-೨ ಚರಡುಂವಾಲೆ ರಜಾ ಶಿಬಿರಾಚೆ ಉದ್ಘಾಟನಾ ಸಮಾರಂಭ ದಿನಾಂಕ ೨೦-೪-೨೦೨೬ಕ ಇನ್ಫೆಂಟ್ ಮೇರಿ ಸಭಾಭವನ ಬಜ್ಜೋಡಿ ಹಾಂಗಾ ಚಲ್ಲೆ.
ಕಾರ್ಯಕಮಾಚೆ ಅಧ್ಯಕ್ಷಪಣ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಅಧ್ಯಕ್ಷ ಜಾಲೀಲೆ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಘೆತ್ತಿಲೆ. ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲಯತಾ ಕೊಂಕಣಿ ಚರಡುಂವಾನಿ ಕೊಂಕಣಿ ಭಾಷೆಂತೂ ಶಿಕ್ಚೆ ಅವಶ್ಯಕತೆ ಆಸ್ಸಾ. ಕೊಂಕಣಿ ಅಕಾಡೆಮಿ ಅಸ್ಸಾಲೆ ಶಿಬಿರಾಂಕ ಪ್ರೋತ್ಸಾಹ ದಿತ್ತಾ ಪೋಷಕಾನಿ ತಾಂಗೆಲೆ ಚರಡುವಾಂಕ ಅಸ್ಸಾಲೆ ಕಾರ್ಯಕ್ರಮಾಂತು ವಾಂಟೊ ಘೆವಚಾಕ ಅವಕಾಶ ಕೊರನು ದಿವ್ಕಾ. ಮ್ಹಳ್ಳೆ.
ಮುಖೇಲ ಸೊಯರೆ ಜಾವ್ನು ಆಯಲೀಲೆ ಖ್ಯಾತ ಸಾಹಿತಿ, ಕವಿ ಆಂಡ್ರ್ಯೂ ಎಲ್ ಡಿಕುನಾ ತಾನ್ನಿ ಉಲೋನುಮುತ್ತು ಹವಳ ಸಮುದ್ರಾಚೆ ಮುಳಾಂತು ಆಸ್ತಾ. ತ್ಯಾ ಥಂಚಾನ ವಿಂಚೂನು ಹಾಡಲೇರಿ ತಾಕ್ಕಾ ಚಾಂಗ ಮ್ಹೊಲ ಯತ್ತಾ. ಆತ್ತ ವಿಂಗವಿಂಗಡ (ಬಿಡಿಬಿಡಿ) ಜಾವ್ನಾಸ್ಸುಚೆ ಮುತ್ತು ಹವಳಾಂಕ ಪೋಣಸೂಚೆ ಕಾಮ ಶಿಬಿರಾಂತು ಜಾತ್ತಾ, ತಾಜೇನ ಅಲಂಕಾರಿಕ ಸೋರು ಜಾವ್ನು ಶೋಭಾಯಮಾನ ಜಾಂವೊ ಮ್ಹೊಣು ದೇವು ಬರೆಮ ಕೊರೊಂ ಮ್ಹಳ್ಳೆ.
ಕಾರ್ಯಕ್ರಮಾಂತು ಇನ್ಫೆಂಟ್ ಮೇರಿ ಚರ್ಚ್ ಬಜ್ಜೋಡಿ ಧರ್ಮಗುರು ಫಾ|ಡೊಮಿನಿಕ್ ವಾಸ್, ಉಪಾಧ್ಯಕ್ಷ ವಿನ್ಸಿ ಪಿಂಟೊ ಆಂಜೆಲೊರ್, ಕಾರ್ಯದರ್ಶಿ ಜಾನೆಟ್, ಅಸುಂತಾ ಮೆಂಡೊನ್ಸಾ ತಶೀಚಿ ಇತರ ಗಣ್ಯ ಉಪಸ್ಥಿತ ವ್ಹರಲೀಲೆ. ಹೇ ಶಿಬಿರಾಂತು ಕೊಂಕಣಿ ಭಾಷೆಂತು ನಾಟಕ, ಗಾಯನ ತಶೀಚಿ ನೃತ್ಯ ವಿಭಾಗಾಂತು ತರಬೇತಿ ದಿತ್ತಾತಿ. ಶಿಬಿರ ಎಪ್ರಿಲ್ ೨೦,೨೧, ೨೨ ಅಶ್ಶಿ ತೀನಿ ದಿವಸು ಚಲ್ಲೆ. ಕಾರ್ಯಕ್ರಮಾಂತು ಅಕಾಡೆಮಿ ಸದಸ್ಯ ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ ಉಪಸ್ಥಿತ ವ್ಹರಲೀಲೆ. ಶ್ರೀಮತಿ ಐರಿನ್ ತಾನ್ನಿ ಕಾರ್ಯಕ್ರಮ ನಿರೂಪಣ ಕೆಲ್ಲಿ.