ಪುತ್ತೂರ್ಚೆ ಭುರಗೋ ಅಕ್ಷಯ ನಾಯಕ ಹಾನ್ನಿ ಬರಯಲ್ಲೋ, ನಿರ್ಮಿತೀ ಕೇಲ್ಲೋ ಆನೀ ದಿಗ್ದರ್ಶೀತ ಕೇಲ್ಲೋ ಕೋಂಕಣೀ ಸಿನೇಮಾ(ಚಿತ್ರಪಟ) ಜೆವಣ್ ೧೭ವ್ಯಾ ಬೆಂಗಳೂರ್ಚೆ ಅಂತರರಾಷ್ಟೀಯ ಚಿತ್ರೋತ್ಸವಾಚೊ "ಅನ್ಸಂಗ್ ಇನ್ಕ್ರೆಡಿಬಲ್ ಇಂಡಿಯಾ (ಕಮ್ಮಿ ಕೋಳ್ನಾಶ್ಶಿಲೆ ಭಾಷೆಚಾನ ಸಿನೇಮ) ಭಾರತೀಯ ಉಪಭಾಷಾ ವಿಭಾಗಾಂತು ದಾಖೋವಪಾ ಖಾತೀರ ವೇಂಚೂನ ಕಾಡಲಾ. ತ್ಯಾ ಬೆಂಗಳೂರ್ಚೆ ಲುಲು ಮಾಲ್ ಹಾಂಗಾ ದಾಖಯತಲೇ. ಜೆವಣ್ಹೋ ಕೋಂಕಣೀ ಸಿನೇಮಾ ಮಂಗಳೂರ, ಉಡುಪೀ, ಪುತ್ತೂರ, ಕುಂದಾಪೂರ, ಹುಬ್ಬಳ್ಳಿ, ಬೇಂಗಳೂರ, ಮುಂಬಯ, ಶಿವಮೋಗ್ಗಾ ಹಾಂಗಾ ಪಯಲೀಂಚ ದಾಖಯಲಾ ಆನೀ ಕುವೈತ್, ಅರಿಝೋನಾ, ಮೆಲ್ಬೋರ್ನ್, ಕ್ಯಾಲಿಫೋರ್ನಿಯಾಂತು ಪ್ರದರ್ಶಿತ ಜಾವ್ನು ವಿದೇಶಾಂತು ವರೇನ ಕೊಂಕಣಿ ಪ್ರೇಕ್ಷಕಾಂಕ “ಜೆವಣ್” ಕೊಂಕಣಿ ಸಿನೇಮಾ ಮೋಹಿತ ಕೇಲಾ.
ಕೊಂಕಣಿ ಸಿನೇಮ ಅಂತರರಾಷ್ಟ್ರೀಯ ಚಿತ್ರೋತ್ಸವಾಂತು ದಾಖೋವಪಾ ಖಾತೀರ ವೇಂಚೂನ ಕಾಡಿಲೆ ಖಬರ ಕೊಂಕಣಿ ಭಾಷಿಕಾಂಕ ಗರ್ವಾಚೆ ವಿಷಯ ಜಾವ್ನಾಸ್ಸುನು ಅಕ್ಷಯ್ ತಾಂಗೆಲೆ ದಿಗ್ದರ್ಶನಾನ ಆನೀಕ ರುಚೀಕ ಕೋಂಕಣೀ ಸಿನೇಮ ತಯಾರ ಜಾಂವೊ ಮ್ಹೊಣು ಆಶಯ ವ್ಯಕ್ತ ಕೆಲ್ಲಿಂತಿ.
“ಜೆವಣ್ (ಕೋಂಕಣೀ ಫಿಲ್ಮ) ಹೋ ಕೋಂಕಣೀ ಭಾಶೇಂತ ವಿನೋದಾ ಖಾತೀರ ತಯಾರ ಕೇಲ್ಲೋ ಕುಟುಂಬೀಕ ಸಿನೇಮ. ವಿನೋದಾಚ್ಯಾಟ್ದೀ ಆನಿ ರುಂದಾಯೇನಿ ಪ್ರೇಕ್ಷಕಾಂಕ ಮನೋರಂಜನ ಕರಪಾಕ ತಯಾರ ದಿಸಪೀ ಹ್ಯಾ ಸಿನೇಮಾಂತ ಕೋಂಕಣೀ ಭಾಸ ಉಲೋವಪೀ ಕಲಾಕಾರಾಂಚೀ ಮೇಳಾವಟ್ ಆಸಾ.
ಕ್ಯಾಟರಿಂಗ ಕಂಪನೀಂತ ಕಾಮ ಕೊರಚೆ ತೀಗ ಲೋಕಾ ಮಧೇ ಏಕಾ ಮನಶಾನ ಏಕ ಚಲಯೇಕ ಪಳೋವಪಾಕ ವಚಪಾ ಪಾಸೂನ ಸುರೂ ಜಾವಚೆ ಹೋ ಸಿನೇಮಾ ಸಬಾರ ಆಯಾಮಾಂನೀ ಘುಸ್ಸೂನು ವತ್ತಾ. ಫಸಯಚೆ, ವಂಚ ಭರಲೀಲೆ ಜಗಾಂತು ಆಪಣೇಲೆ ಇಚ್ಛಾ ಪೂರ್ತಿ ಕೊರನು ಘೆವಚಾಕ ಸಾಧ್ಯ ಜಾಯನಾತ್ತಿಲೆ ವೆಗಳೆ ಪಾತ್ರಾಂಚೀ ಅಪರೂಪಾಚೆ ಕಥಾಹಂದರ ಕಾಣೀ ಸಾಂಗತಾ ವತ್ತಾ.
ನಾಯಕಾಚ್ಯಾ ಪ್ರವೇಶಾ ಉಪರಾಂತ ಆನ್ನೇಕ ಆಯಾi ಉಗಾಡ್ನು, ತಿಕ್ಕಾ ಲಗ್ನ ಜಾವಚೆ ಬರಶಿ `ಜೆವಣ್ ಸಿನೇಮ ಸಂಪತಾ. ಹಾಜ್ಜೆ ಮಧೇ ಯವ್ಚೆ ಪೋಷಕ ಪಾತ್ರಾಂ ಪ್ರೇಕ್ಷಕಾಂಕ ಹಾಂಸಪಾಕ ಯಶ ಪಾವ್ತಾತ. ಹೀ ಜವಣ್ ಹ್ಯಾ ಸಿನೇಮಾಚೀ ಸಂಕ್ಷಿಪ್ತ ಕಥಾ.
ಶ್ರೀ ಮಹಮ್ಮಯಿ ಸಿನಿ ಕ್ರಿಯೇಷನ್ಸ್ ತಶೀಚಿ ಧಾತ್ರಿ ಸಿನಿ ಕಂಬೈನ್ ಲಾಂಛನಾಂತು ನಿರ್ಮಾಣ ಜಾಲೀಲೆ ಹೇ ಸಿನೇಮಾಕ ಕುಂಬ್ಳೆ ವೆಂಕಟೇಶ್ ಭಟ್, ಕರೋಪಾಡಿ ಅಕ್ಷಯ್ ನಾಯಕ್ ನಿರ್ಮಾಪಕ ಜಾವ್ನಾಸ್ಸತಿ. ಸಿನೇಮಾಕಥಾ, ದಿಗ್ದರ್ಶನ ಆನೀ ಸಂಪಾದನ ಕರೋಪಾಡಿ ಅಕ್ಷಯ ನಾಯಕ್ ಹಾಂಗೆಲೆ. ರಾಜ್ಯ ಪ್ರಶಸ್ತಿ ಪುರಸ್ಕೃತ ನಟ ಎಮ್.ಕೆ ಮಠ ಆನಿ ಸೂರಜ್ ಭಟ್ ಬಂಟ್ವಾಳ್ ಹಾಂಗೆಲೆ ಕಾಣಿ ಆನಿ ಸಂಭಾಷಣ ಆಸ್ಸುನು, ಅರುಣ್ ರೈ ಪುತ್ತೂರು ಹಾಂಗೆಲೆ ಛಾಯಾಗ್ರಹಣ, ಸಿನೇಮಾಕ ಗೀತ ಸಾಹಿತ್ಯ ಸೂರಜ್ ಭಟ್ ಬಂಟ್ವಾಳ್ ತಶೀಚಿ ಸಾತ್ವಿಕ್ ಪಡಿಯರ್ ತಾನ್ನಿ ಬರಯಲಾ. ಸಂಗೀತ ದಿಗ್ದರ್ಶನ ಸಾತ್ವಿಕ್ ಪಡಿಯರ್ ತಾನ್ನಿ ದಿಲ್ಲ್ಯಾ. ಸುಮಂತ್ ಸಹ-ದಿಗ್ದರ್ಶಕ, ಕೃಷ್ಣ ಪ್ರಸಾದ್ ಸಹಾಯಕ ಕ್ಯಾಮೆರಾ ಸಂಚಾಲಕ, ಆಚಾರ್ಯ ಗುರುಪ್ರಸಾದ್ ತಾನ್ನಿ ಸಿನೇಮಾಚೆ ಗಿಈಘಿ ಕೆಲ್ಲ್ಯಾ. ಸಿನೇಮಾಂತ್ಲು ಒಟ್ಟು ೩ ಪದ ಆಸ್ಸುನು, ಪ್ರಕಾಶ್ ಮಹಾದೇವನ, ಮಿಲನ್ ತಶೀಚಿ ಅಪೇಷ ಪೈ ತಾನ್ನಿ ಗಾಯಲಾ. ಗುರು ಸವನ್ ಬೆಂಗಳೂರ್ ತಾಂಗೆಲೆ ನೃತ್ಯ ಸಂಯೋಜನಾ ಆಸ್ಸಾ. ೫.೧ ಡಿ.ಟಿ.ಎಸ್ ಮಿಕ್ಸಿಂಗ್ & ಮಾಸ್ಟರಿಂಗ್ ನಿಕಿಲೇಶ್ ಬೆಂಗಳೂರ ತಾನ್ನಿ ಕೆಲ್ಲ್ಯಾ.
ಬಂಟ್ವಾಳಾಚೆ ಆಸ್ಪಾಸಾಂತು ಸಿನೇಮಾಚೆ ಚಿತ್ರೀಕರಣ ಚಲ್ಲ್ಯಾ. ಸಿನೇಮ ವಿನೋದ(ಹಾಸ್ಯ)ಭರಿತ, ಮನಪಸಂದ ಬರಶಿ ಕುಟುಂಬಿಕಾನಿ ಸಕಡಾನಿ ಮೇಳ್ನು ಪಳಯಚೆ ವರಿ ಆಸ್ಸಾ.
ಮೂರು ಮುತ್ತು ಖ್ಯಾತಿಚೆ ಸತೀಶ್ ಪೈ ಕುಂದಾಪುರ, ಸಂತೋಷ್ ಪೈ, ಕುಂದಾಪುರ, ಕಾಮಿಡಿ ಕಿಲಾಡಿ ಖ್ಯಾತಿಚೊ ರಾಧೇಶ್ ಶೆಣೈ, ಕಲರ್ಸ್ ಕನ್ನಡ ಧಾರಾವಾಹಿಚಿ ಶಿಲ್ಪಾ ಕಾಮತ್ ಹಿರೋಯಿನ್ ಜಾವನು, ರಾಕೇಶ್ ಕಾಮತ್ ಪುತ್ತೂರು ಹೀರೊ ಜಾವನು, ಸೂರಜ್ ಭಟ್ ಬಂಟ್ವಾಳ್, ರಾಮನಾಥ್ ನಾಯಕ್ ಪುತ್ತೂರು, ವೆಂಕಟೇಶ್ ಭಟ್ ಪುತ್ತೂರು, ಚಂದ್ರಕಾoತ್ ಭಟ್ ಪುತ್ತೂರು, ವತ್ಸಲಾ ನಾಯಕ್ ಪುತ್ತೂರು, ಸುಲತಾ ನಾಯಕ್ ಪುತ್ತೂರು, ದಾಮೋದರ್ ಹೆಗಡೆ ಪುತ್ತೂರು, ಮಂಗೇಶ್ ಭಟ್ ವಿಟ್ಲ, ಕರೋಪಾಡಿ ವರುಣ್ ನಾಯಕ್, ದೀಪಕ್ ಪೈ ಉಪ್ಪಿನಂಗಡಿ, ಸ್ವಾತಿ ಅಕ್ಷಯ್ ನಾಯಕ್, ಸುಚಿತ್ರಾ ನಾಯಕ್ ಸಹಿತ ೪೫ಕಯೀ ಚಡ ಲೋಕಾನ ಹಾಂತುಲಿ ಅಭಿನಯ ಕೆಲೆಲೆಲಿ ಆಸಾ.
ಹೇ ಸಿನೇಮ ಜಿ.ಎಸ್.ಬಿ. ಶೈಲಿಚೆ ಕೊಂಕಣಿಂತು 9ವ್ಯಾ ಸಿನೇಮ ಜಾವ್ನಾಸ್ಸಾ.