ಭಟ್ಕಳ ತಾ|| ಶಿರಾಲಿಚೆ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳಾಕ ೪೦೦ ವರ್ಷಾ ಪಶಿ ಚ್ಹಡ ಇತಿಹಾಸು ಆಸ್ಸಾ. ೧೯೦೪ ಇಸ್ವೆಂತು ಹೇ ದೇವಳಾಚೆ ನವೀಕರಣ ವರೇನ ಚಲ್ಲೆ ಕುಳಾವಿ ಭಕ್ತ ಲೋಕಾನಿ ಮಾಗ್ಗಿಲೆ ಸಕ್ಕಡ ದಿವ್ಚೆ ಶಿರಾಲಿಚೆ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಳಾಂತು ಪ್ರತಿ ವರ್ಷ ವೈಭವಾಚೆ ರಥೋತ್ಸವು, ಗಣಹೋಮ, ಸಹಸ್ರಚಂಡಿಕಾಹವನ ಸಹಿತ ವಿವಿಧ ಉತ್ಸವು ವೈಭವಾರಿ ಚಲ್ತಾ. ಮಾಗ್ಗಿಲೆ ದಿವಚೆ ದೆವೂಚಿ ಶ್ರೀ ಮಹಾಗಣಪತಿ ಮಹಾಮಾಯಾ ಮ್ಹೊಣು ಭಕ್ತಜನಾಲೆ ಭರ್‍ವಸ. ಶ್ರೀ ಕಾಶೀಮಠಾಧೀಶ ಶ್ರೀ ಶ್ರೀ ಶ್ರೀಮದ್ ಭುವನೇಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ವರಪ್ರಸಾದಾನಿ ಹೇ ಕುಲದೇವಳಾಚೆ ಶ್ರೇಯೋಭಿವೃದ್ಧಿ ತಶೀಚಿ ಸಾನಿಧ್ಯಾಭಿವೃದ್ಧಿ ಜಾಲೀಲೆ ಆಸ್ಸಾ. ಸರ್ವ ಕಾರ್ಯಾಕ ಶ್ರೀ ಶ್ರೀ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಅನುಗ್ರಹ ಆಶೀರ್ವಾದ ಮೆಳ್ಳಿಲೆ ಆಸ್ಸಾ.
ಆತ್ತ ಶಿರಾಲಿಚೆ ಶ್ರೀ ಮಹಾಗಣಪತಿ ಮಹಾಮಾಯಾ ದೇವಾಕ ಸುಮಾರ ೪೫ ವರ್ಷ ಉಪರಾಂತ ಸಮಾಜಾಚೆ ಪೂಜ್ಯ ಗುರುವರ್ಯ ಶ್ರೀ ಕಾಶೀಮಠಾಧೀಶ ಶ್ರೀ ಶ್ರೀ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಮಾರ್ಗದರ್ಶನ, ಆಶೀರ್ವಾದ ತಶೀಚಿ ದಿವ್ಯ ಉಪಸ್ಥಿತಿರಿ ಶ್ರೀ ಕುಲದೇವಾಕ ಸಹಸ್ರಕುಂಭಾಭಿಷೇಕ ಬುಧವಾರ ತಾ: 05-11-2025 ತಾಕೂನು ಶುಕ್ರವಾರ ತಾ: 07-11-2025 ಪರಿಯಂತ ಆಯೋಜನ ಕೆಲ್ಲ್ಯಾ. ಹೇ ವೇಳ್ಯಾರಿ ಪವಿತ್ರ ತೀರ್ಥಾನಿ ಭರಲೀಲೆ ಸಹಸ್ರಕುಂಭಾಭಿಷೇಕ ಶ್ರೀ ಕುಲದೇವಾಕ ಸಮರ್ಪಣ ಕೆಲಯಾರಿ ದೇವಳಾಚೆ ಸಾನಿಧ್ಯಾಭಿವೃದ್ಧಿ ಜಾವನು, ಸರ್ವ ಕುಳಾವಿಲೊ ಸರ್ವತೋಮುಖ ಅಭಿವೃದ್ಧಿ ಘಡ್ತಾ.
ಸರ್ವ ಸಮಾಜ ಬಾಂದವಾನಿ ಅಸ್ಸಾಲೆ ದೈವಿಕ ಜಾಲೀಲೆ ಧಾರ್ಮಿಕ ಮಹೋತ್ಸವಾಂತು ವಾಂಟೊ ಘೇವ್ನು ಹರ್‍ಯೇಕ ಕುಟುಂಬಾಚಾನ ಕನಿಷ್ಠ ಏಕ ಕಲಶ ಶೃದ್ಧಾಭಕ್ತಿರಿ ಶ್ರೀ ಉಭಯದೇವಾಂಕ ಸಮರ್ಪಣ ಕೆಲಯಾರಿ ಶ್ರೀ ದೇವಾಲೊ ಅನುಗ್ರಹಾಕ ತಶೀಚಿ ಶ್ರೀ ಪೂಜ್ಯ ಗುರುವರ್ಯಾಂಗೆಲೆ ಕೃಪಾಶೀರ್ವಾದಾಕ ಪಾತ್ರ ಜಾವಚಾಕ ಅನ್ಕೂಲ ಜಾತ್ತಾ. ಹಾಂತು ರೂ. ೩,೦೦೦/- ತಾಕೂನು ರೂ. ೨,೫೦,೦೦೦/- ಪರ್ಯಂತಾಚೆ ಕಲಶ ಸೇವೆಕ ಅವಕಾಶ ಆಸ್ಸುನು, ಸಕ್ಕಡ ಸೇವಾದಾರಾಂಕ ಕುಂಭಾಭಿಷೇಕಾಚೆ ತೀರ್ಥ, ಕಲಶ ಆನಿ ಗಂಧ ಪ್ರಸಾದ ರೂಪಾನಿ ದಿತ್ತಾತಿ. ಚಡ್ತೆ ಮಾಹಿತಿಕ ೮೦೫೦೦೬೩೬೩೬ ಹೇ ವಾಟ್ಸಪ್ ನಂಬರಾಕ ಸಂಪರ್ಕ ಕೊರಯೇತ.