ಜಿ .ಎಸ್.ಬಿ. ಸಮಾಜ ಹಿತರಕ್ಷಣಾ ವೇದಿಕೆ (ರಿ.) ಹಾಂಗೆಲೆ ಇಕ್ರಾವೇಂ ವರ್ಷಾಚೆ ವಿದ್ಯಾ ಪೋಷಕ ನಿಧಿ ಜಿ.ಎಸ್.ಬಿ. ವಿದ್ಯಾರ್ಥಿ ವೇತನ ಆನಿ ಜಿ‌ಎಸ್‌ಬಿ ಪ್ರತಿಭಾ ಪುರಸ್ಕಾರ೨೦೨೫೨೬ ವಿತರಣ ಸಮಾರಂಭ ಉಡುಪಿ ಅಂಬಾಗಿಲು ಅಮೃತ್ ಗಾರ್ಡನ್ ಸಭಾಭವನಾಂತು ಆಗಸ್ಟ್ ೧೭, ೨೦೨೫ ಆದಿತ್ಯವಾರ ದಿವಸು ಚಲ್ತಾ ಮ್ಹಣಚೆ ಮಾಹಿತಿ ಮೆಳ್ಳಾ.
- ಹೇ ವೇಳ್ಯಾರಿ ಅವಶ್ಯ ಆಸ್ಸುಚೆ ಉಡುಪಿ, ದಕ್ಷಿಣ ಕನ್ನಡ ಜಿಲ್ಲ್ಯಾಚೆ ಚರಡುವಾಂಕ ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿ ವೇತನ ವಿತರಣಾ ಸಮಾರಂಭ ಚಲ್ತಾ.
- ಹೇಂಚಿ ವೇಳ್ಯಾರಿ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ ಆನಿ ಶಿವಮೊಗ್ಗ ಜಿಲ್ಲೆಚೆ ಜಿ.ಎಸ್.ಬಿ. ಸಮಾಜಾಚೆ ಪೋಷಕ (ಆವಯಿ-ಬಾಪಯಿ) ನಾಶ್ಶಿಲೆ ಚರಡುವಾಂಕ ದತ್ತು ಸ್ವೀಕಾರ ಕೊರನು ತಾಂಗೆಲೆ ಶಿಕ್ವಣಚೆ ವಾರ್ಷಿಕ ಶುಲ್ಕ ಹಿತರಕ್ಷಣಾ ವೇದಿಕೆ ತರರಪೇನಿ ವಾಂಟಿತಾತಿ.
- ಹಾಜ್ಜೆ ಭಾಯರಿ ರಾಜ್ಯಾಚೆ, ದೇಶಾಚೆ ಖಂಚೇಯಿ ಬಗಲೇಚಾನ ಯವ್ನು ಕರ್ನಾಟಕ ರಾಜ್ಯಾಂತು ಶಿಕ್ವಣ ಕೊರನು ಚಾಂಗ ಶೈಕ್ಷಣಿಕ ಸಾಧನಾ ಕೆಲೀಲೆ ಜಿ.ಎಸ್.ಬಿ. ಸಮಾಜಾಚೆ ಚರಡುವಾಂಕ ವರೇನ ಹೇ ಸಂದರ್ಭಾರಿ ನಗ್ದಿ ಪುರಸ್ಕಾರ ಸಹಿತ ಸನ್ಮಾನ ಚಲ್ತಾ.
1. ಘೆಲೀಲೆ ೨೦೨೪-೨೫ ಸಾಲಾಂತು ಎಸ್.ಎಸ್.ಎಲ್.ಸಿ.ಂತು ೬೨೫ಂತು ೬೧೦ ಪಶಿ ಚ್ಹಡ ಅಂಕ ಘೆತ್ತಿಲೆ ಕರ್ನಾಟಕ ರಾಜ್ಯಾಂತು ಶಿಕ್ತಾ ಆಸ್ಸುಚೆ ಖಂಚೇಯಿ ಜಿ.ಎಸ್.ಬಿ. ವಿದ್ಯಾರ್ಥ್ಯಾಂಕ. (ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿ ವೇತನ ಘೆತ್ತಾ ಆಸ್ಸುಚೆ ಚರಡುವಾನಿ ೬೨೫ ಂತು ೬೦೫ ಜಾಂವೊ ತಾಜ್ಜ ಪಶಿ ಚ್ಹಡ ಅಂಕ ಘೆವ್ಕಾ) - 2. ಘೆಲೀಲೆ ೨೦೨೪-೨೫ ಸಾಲಾಂತು ಪಿಯುಸಿ ಪರೀಕ್ಷೆಂತು ೬೦೦ ಂತು ೫೮೫ ಜಾಂವೊ ತಾಜ್ಜ ಪಶಿ ಚ್ಹಡ ಅಂಕ ಘೆತ್ತಿಲೆ ಕರ್ನಾಟಕ ರಾಜ್ಯಾಂತು ಶಿಕ್ತಾ ಆಸ್ಸುಚೆ ಖಂಚೇಯಿ ಜಿ.ಎಸ್.ಬಿ. ವಿದ್ಯಾರ್ಥ್ಯಾಂಕ. (ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿ ವೇತನ ಘೆತ್ತ ಆಸ್ಸುಚೆ ವಿದ್ಯಾರ್ಥಿ ಜಾಲಯಾರಿ ೬೦೦ ಂತು ೫೭೫ ಆನಿ ತಾಜ್ಜ ಪಶಿ ಚ್ಹಡ ಅಂಕ ಘೆವ್ಕಾ)
- 3. CET, NEET, COMED_K, JEE ಸ್ಪರ್ಧಾತ್ಮಕ ಪರೀಕ್ಷೆಂತು ೧೦೦ ಭಿತ್ತವೈಲೆ ರ್‍ಯಾಂಕ್ ಘೆತ್ತಿಲ್ಯಾಂಕ. KAS, IAS, IPS, IRS ಆದಿ ಉನ್ನತ ಮಟ್ಟಾಚೆ ಸ್ಪರ್ಧಾತ್ಮಕ ಪರೀಕ್ಷೆಂತು ಉತ್ತೀರ್ಣ ಜಾಲೀಲೆ ಜಿ.ಎಸ್.ಬಿ. ಚರಡುವಾಂಕ.
4. ಘೆಲೀಲೆ ಸಾಲಾಂತು ಖಂಚೇಯಿ ಪದವಿ ,ಇಂಜಿನಿಯರಿಂಗ್ *ವೈದ್ಯಕೀಯ, ಫಾರ್ಮಸಿ *ಕಾನೂನು, *ಸ್ನಾತಕೋತ್ತರ ಪದವಿಂತು ರ್‍ಯಾಂಕ ವಿಜೇತ ಜಿ.ಎಸ್.ಬಿ. ಚರಡುವಾಂಕ.
5. ಖಂಚೇಯಿ ವಿಷಯಾಂತು ಪಿ.ಎಚ್.ಡಿ. ಪದವಿ ಘೆತ್ತಿಲೆ ಜಿ.ಎಸ್.ಬಿ. ಲೋಕಾಂಕ.
6. ಸಿ‌ಎ ಆನಿ ಸಿ‌ಎಸ್ ಪರೀಕ್ಷೆಂತು ಉತ್ತೀರ್ಣ ಜಾಲೀಲೆ ಜಿ.ಎಸ್.ಬಿ. ಲೋಕಾಂಕ.
ವಯ್ರಿ ಕಳಯಿಲೆ ಖಂಚೇಯಿ ಶೈಕ್ಷಣಿಕ ವಿಭಾಗಾಂತು ಅತ್ಯುನ್ನತ ಸಾಧನಾ ಕೆಲೀಲೆ ಜಿ‌ಎಸ್‌ಬಿ ಸಮಾಜಾಚೆ ವಿದ್ಯಾರ್ಥ್ಯಾನಿ ಆಪಣೇಲೆ ಅಂಕಪಟ್ಟಿ, ಭಾವಚಿತ್ರ, ನಾಂವ ಆನಿ ಆವಯಿ-ಬಾಪಯಿಲೆ, ನಾಂವ ತಶೀಚಿ ಪತ್ತೋ, ಮೊಬೈಲ್ ನಂಬರ ಬರಶಿ ಅರ್ಜ್ಯೋ ರಿಜಿಸ್ಟಲ್ಡ್ ಪೋಸ್ಟ್ ಮೂಖಾಂತರ ಜುಲೈ ೩೧ ಭಿತ್ತರಿ ಪಾವಚೆ ವರಿ ಹಿತರಕ್ಷಣಾ ವೇದಿಕೆ ಆಫೀಸಾಕ ಪೆಟೋನು ದಿವ್ಕಾ. ಚಡ್ತೆ ಮಾಹಿತಿಕ ವೇದಿಕೆಚೆ ಮೊಬೈಲ್ ವಾಟ್ಸಪ್ ನಂ ೯೪೮೦೨೩೧೬೩೦ ಸಂಪರ್ಕ ಕೊರಯೇತ.
- ಸಂದರ್ಭಕ್ಕೆ ಅನುಗುಣ ಜಾವನು ಜಿ.ಎಸ್.ಬಿ ವಿದ್ಯಾರ್ಥಿ ವೇತನ ತಶೀಚಿ ಪುರಸ್ಕಾರ ಸಮಾರಂಭಾಂಚೆ ಮಾಕಸೀಚೆ ಫೋಟೊ ವಾಪರೂನು ಘೆತ್ಲ್ಯಾ.