ಆರತ ಹಳದಿಪುರ ಶ್ರೀ ಗೋಪೀನಾಥ ಸಭಾಗೃಹಾಂತು ಶ್ರೀ ಗೋಪಿನಾಥ ಸೇವಾ ವಾಹಿನಿಚೆ ವಾರ್ಷಿಕ ಸಹಮಿಲನ ಕಾರ್ಯಕ್ರಮ ಡಾ. ಸಚ್ಚಿದಾನಂದ ನಾಯಕ ಕೆನರಾ ಹೆಲ್ತ್ ಕೇರ್ ಕುಮಟಾ ಹಾನ್ನಿ ದಿವಲಿಂ ಪ್ರಜ್ವಲನ ಕೊರನು ಉದ್ಘಾಟನ ಕೆಲ್ಲಿ. ಮಾಗಿರಿ ತಾನ್ನಿ ಉಲೋನು ಹರ್‍ಯೇಕ್ಲ್ಯಾನಿ ಆರೋಗ್ಯಾ ಖಾತೇರಿ ಚಡ್ತೆ ನಜರ ಘಾಲ್ಕಾ. ನಿರಂತರ ವ್ಯಾಯಾಮ, ಸಮತೋಲಿತ ಆಹಾರ ಘೆವ್ಚೆ ಮೂಖಾಂತರ ಚಾಂಗ ಜೀವನಶೈಲಿ ಆಸ್ಸ ಕೊರನು ಘೆವಯೇತ. ಮ್ಹೊಣು ಸಲ್ಲೋ ದಿಲ್ಲೆ. ಕಾರ್ಯಕ್ರಮಾಚೆ ಅಧ್ಯಕ್ಷಪಣ ವಹಿಸೂನು ಘೆತ್ತಿಲೆ ಶ್ರೀ ವಿನೋದ್ ಪ್ರಭು ಹಾನ್ನಿ ಉಲೋನುಸಾಮಾಜಿಕ ಸಂಬಂಧಾಚೆ ಮಹತ್ವ ಕಮ್ಮಿ ಜಾತ್ತಾ ಘೆಲ್ಲ್ಯಾ. ಭಜನ ಮಾಯಕ ಜಾವ್ನು ತಾಜ್ಜೆ ಜಾಗೆಂತು ಟಿ.ವಿ. ಧಾರಾವಾಹಿ ಆಕ್ರಮಣ ಕೆಲ್ಲಿಂತಿ. ಮುಖಾವಯಲೆ ಥೊಡೆ ವರ್ಷಾಂತು ಮಾಂತು, ಮಾಂವ, ಬಾಪ್ಪಾ, ಮಾವ್ಶಿ, ಅಕ್ಕಾ, ಅಣ್ಣಾ, ಬೈಣಿ, ಬಾವು ಆದಿ ಸಂಬಂಧ ಮಾಯಕ ಜಾವ್ನು ಸಾಮಾಜಿಕ ವ್ಯವಸ್ಥಾ ಆಪಲೆ ಅಸ್ತಿತ್ವ ನಾಶಿ ಕೊರನು ಘೆತ್ತಾ ಮ್ಹಣ್ಚೆ ಕಳವಳ ವ್ಯಕ್ತ ಕೆಲ್ಲೆ. ಕಾರ್ಯಕ್ರಮಾಂತು ನಿವೃತ್ತ ಶಿಕ್ಷಕ ವಿಠ್ಠಲ್ ಮಾಧವ ಪೈ ತಾಂಕಾ ಸನ್ಮಾನ ಕೊರನು ಗೌರವ ಕೆಲ್ಲಿ. ವೇದಿಕೆರಿ ಸೇವಾ ವಾಹಿನಿ ಅಧ್ಯಕ್ಷ ನಾಗರಾಜ್ ಪೈ ಉಪಸ್ಥಿತ ವ್ಹರಲೀಲೆ. ಸಭಾ ಕಾರ್ಯಕ್ರಮ ಪಶಿ ಪಯಲೆ ಶ್ರೀ ಗೋಪಿನಾಥ ಮಹಿಳಾ ವಾಹಿನಿ ತರಪೇನಿ ಭಜನಾ ಸಂಧ್ಯಾ ಕಾರ್ಯಕ್ರಮ ಚಲ್ಲೆ. ಸಭಾ ಕಾರ್ಯಕ್ರಮ ಉಪರಾಂತ ಚರಡುವಾಲೆ ಛದ್ಮವೇಷ ಸ್ಪರ್ಧಾ ಕಾರ್ಯಕ್ರಮ ಚಲ್ಲೆ. ನಡೆಯಿತು. ಮಾಗಿರಿ ಸಮಾಜ ಬಾಂಧವಾನಿ ಪ್ರರ್ಶನ ಕೆಲೀಲೆ ಮನರಂಜನಾ ಕಾರ್ಯಕ್ರಮ, ಜುರಾಸಿಕ್ ವರ್ಲ್ಡ್ ಡೈನೋಸಾರ್ ಕಾರ್ಯಕ್ರಮ ಜಮೀಲೆ ಪ್ರೇಕ್ಷಕಾಂಕ ಖುಷಿ ಕೆಲ್ಲೆ. ಸುರವೇಕ ಸೇವಾ ವಾಹಿನಿ ಅಧ್ಯಕ್ಷ ನಾಗರಾಜ ಪೈ ತಾನ್ನಿ ಯೇವ್ಕಾರ ಕೆಲಯಾರಿ ಧನಂಜಯ ಪೈ ವರದಿ ವಾಚನ ಕೆಲ್ಲಿ. ಗಜಾನನ ಶಾನಭಾಗ ತಾನ್ನಿ ನಿರೂಪಣ ಕೆಲ್ಲಿ.
