``ಸಾಹಿತ್ಯ ಆಮ್ಗೆಲೆ ಬೌದ್ಧಿಕ ಚಿಂತನಾ ತಶೀಚಿ ಜ್ಞಾನ ವೃದ್ಧಿ ಕರತಾ. ಕಂಪ್ಯೂಟರ್, ಮೊಬೈಲ್ ನಿಮಿತ್ತ್ಯಾನ ಸಾಹಿತ್ಯಾಚಾನ ದೂರ ವತ್ತಾ ಆಸ್ಸುಚೆ ಯುವಕಾರಾಂತು ಸಾಹಿತ್ಯಾಭಿರುಚಿ ವಾಡಯಚೆ ಗರಜ ಆಸ್ಸಾ ಮ್ಹೊಣು ಉಡ್ಪಿಚೆ ತೊಟ್ಟಂ ಹಾಂಗಾ ಸಾಹಿತ್ಯ ಅಕಾಡೆಮಿ ನವದೆಹಲಿ ಆನಿ ಸಾಮಾಜಿಕ ಸಂಪರ್ಕ ಸಾಧನ ಆಯೋಗ ತೊಟ್ಟಂ ಹಾಂಗೆಲೆ ಸಹಯೋಗಾರಿ ದಿನಾಂಕ. ೨೩-೧೧-೨೦೨೪ಕ ಚಲಾಯಿಸಿಲೆ ಗ್ರಾಮಲೋಕ್ ಸಾಹಿತ್ಯ ಗೋಷ್ಠಿ ಉದ್ಘಾಟನ ಕೊರನು ತೊಟ್ಟಂ ಸಂತ ಅನ್ನಮ್ಮ ಚರ್ಚಾಚೊ ಧರ್ಮಗುರು ವಂ.ಡೆನಿಸ್ ಡೆಸಾ ತಾನ್ನಿ ಸಾಂಗಲೆ. ಕೇಂದ್ರ ಸಾಹಿತ್ಯ ಅಕಾಡೆಮಿ ನವದೆಹಲಿ ಹಾಜ್ಜೆ ಕೊಂಕಣಿ ವಿಭಾಗಾಚೆ ಸಲಹಾ ಸಮಿತಿ ಸದಸ್ಯ, ಕವಿ ಮೆಲ್ವಿನ್ ರೊಡ್ರಿಗಸ್ ತಾನ್ನಿ ಪ್ರಾಸ್ತಾವಿಕ ಜಾವ್ನು ಉಲಯಿಲಿ. ಕ್ಲಾರೆನ್ಸ್ ಫರ್ನಾಂಡಿಸ್ (ನಾನು ಮರೋಲ್) ಗ್ರಾಮಲೋಕ್ ಹಾಜ್ಜೆ ಅಧ್ಯಕ್ಷ ಪಣ ಘೆತ್ತಿಲೆ. ಹೇ ಕಾರ್ಯಕ್ರಮಾಂತು ಮೋನಿಸ್, ಕ್ಯಾಥರಿನ್ ರೊಡ್ರಿಗಸ್, ಜ್ಞಾನದೇವ್ ಮಲ್ಯ, ದೊನಾತ್ ಡಿ‌ಆಲ್ಮೇಡಾ, ಕಿಶೋರ್ ಗೊನ್ಸಾಲ್ವಿಸ್ ತಾನ್ನಿ ಆಪಣಾಲೆ ಸಾಹಿತ್ಯ ಪ್ರಸ್ತುತ ಕೆಲ್ಲೆ. ಸುನೀಲ್ ಫರ್ನಾಂಡಿಸ್, ಉಪಸ್ಥಿತ ಆಶ್ಶಿಲೆ. ರೇಮಂಡ್ ಫರ್ನಾಂಡಿಸ್ ತಾನ್ನಿ ಆಬಾರ ಮಾನಲೆ. ಕೇಂದ್ರ ಸಾಹಿತ್ಯ ಅಕಾಡೆಮಿ ಕೊಂಕಣಿ ಸಲಹಾ ಸಮಿತಿ ಸದಸ್ಯ ಎಚ್.ಎಂ. ಪೆರ್ನಾಲ್ ತಾನ್ನಿ ಕಾರ್ಯಕ್ರಮಾಚೆ ಸೂತ್ರಸಂಚಾಲನ ಕೆಲ್ಲಿ.