ಉಡ್ಪಿಂತು ಆಂಟಿಬಯಾಟಿಕ್ ವಾಪರ್‍ಚೆ ಖಾತ್ತಿರಿ ಜಾಗೃತಿ

ಆರೋಗ್ಯ ಆನಿ ಕುಟುಂಬ ಕಲ್ಯಾಣ ಇಲಾಖೆ ತಶೀಚಿ ಔಷಧ ನಿಯಂತ್ರಣ ಇಲಾಖೆ ಹಾಂಗೆಲೆ ಜಂಟಿ ಸಹಭಾಗಿತ್ವಾರಿ ಆಂಟಿಬಯಾಟಿಕ್ ವಾಪರಚೆ ಸಾರ್ವಜನಿಕ ಜಾಗೃತಿ ಪತ್ರಾಚೆ ಉಗ್ತಾವಣ ಆರತ ದಿನಾಂಕ ೧೮.೦೯.೨೦೨೪ ದಿವಸು ಉಡುಪಿ ಜಿಲ್ಲಾ ಔಷಧಿ ವ್ಯಾಪಾರ ಸಂಘಾಚೆ ಧಪ್ತಾರಾಂತು ಚಲ್ಲೆ. ಸಭೆಚೆ ಅಧ್ಯಕ್ಷಪಣ ಉಡುಪಿ ಜಿಲ್ಲಾ ಔಷದ ವ್ಯಾಪಾgಸ್ಥಾಂಗೆಲೆ ಸಂಘಾಚೆ ಅಧ್ಯಕ್ಷ ಶ್ರೀ ಅಮ್ಮುಂಜೆ ರಮೇಶ್ ನಾಯಕ್ ತಾನ್ನಿ ಘೆತ್ತಿಲೆ. ಪತ್ರಾಚೆ ಉಗ್ತಾವಣ ಸಹಾಯಕ ಔಷದ ನಿಯಂತ್ರಕ ಶ್ರೀ ಶಂಕರ್ ನಾಯಕ್ ತಾನ್ನಿ ಕೆಲ್ಲಿ.
ಲೋಕಾಂಕ ಮಾಹಿತಿಚೆ ಉಣೆಪಣಾಣಿ ಆಂಟಿ ಬಯೋಟಿಕ್ ವಾಕ್ದಾಚೆ ದುರ್ಬಳಕೆ ಜಾತ್ತಾ ಆಸ್ಸುನು, ಡಾಕ್ಟರಾನಿ ಸಾಂಗಿಲೆ ಆಂಟಿಬಯೋಟಿಕ್ ಕೋರ್ಸ ಪೂರ್ತಿ ಜಾವ್ನು ಘೇನಾಶಿ ಆಸ್ಸುಚೆ ತಾಕೂನು ಪ್ರತಿಜೀವಕ ತಾಂಚೆ ಪ್ರತಿರೋದಕ ಶಕ್ತಿ ವೃದ್ಧಿ ಕೊರನು ಘೆವ್ಚೆ ನಿಮಿತ್ತ್ಯಾನ ಚಡ್ತೆ ಅಂಟಿಬಯೋಟಿಕ್ ವಾಕ್ದ ರೋಗಿಂಗೆಲೆ ಶರೀರಾಂತು ಕಾಮ ಕೊರಚಾಕ ಸಾಧ್ಯ ಜಾತ್ತಾ ನಾ. ಹೇ ಮುಖಾವಯಲೆ ದಿವಸಾಂತಯ ಮಸ್ತ ಅಪಾಯಕಾರಿ ಜಾವ್ಚೆ ಸಾಧ್ಯತಾ ಆಸ್ಸಾ.
ತಶ್ಶಿ ಜಾವನು ಸಕಡಾನಿ ಆತ್ತಽಚಿ ಜಾಗೃತಿ ಜಾವ್ನು, ವಿಶೇಷ ಜಾವ್ನು ವಾಕ್ದಾ ವ್ಯಾಪಾರಸ್ಥಾನಿ ತತ್ಸಂಬಂಧ ಹೇ ವಿಷಯಾಂತು ಚಡ್ತೆ ಜವಾಬ್ದಾರಿ ಘೆವ್ಕಾ ಮ್ಹೊಣು ಹೇ ವೇಳ್ಯಾರಿ ಸಾಂಗ್ಲೆ. ಸಂಘಾಚೆ ಕಾರ್ಯದರ್ಶಿನಿ ಆಬಾರ ಮಾನಲೆ. ಸಂಘಾಚೆ ಸರ್ವ ಸದಸ್ಯ ಉಪಸ್ಥಿತ ವ್ಹರಲೀಲೆ. ಜಾಗೃತಿ ಪತ್ರ ಉಡುಪಿಚೆ ಸರ್ವ ಮೆಡಿಕಲ್ ಸ್ಟೋರಾಚಾಂಕ ವಾಂಟಿಲೆ.