ಮಂಗಳೂರ ಶಕ್ತಿನಗರಾ ಚೆ ವಿಶ್ವ ಕೊಂಕಣಿ ಕೇಂದ್ರಾಂತ ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ ಆನಿ ದಕ್ಷಿಣ ಕನ್ನಡ ಜಿಲ್ಲಾ ಕುಡಾಳ್ ದೇಶಸ್ಥ ಆದ್ಯ್ ಗೌಡ್ ಬ್ರಾಹ್ಮಣ ಸಂಘ ಹಾಂಗೆಲೆ ಜೋಡ ಆಶ್ರಯಾರ, ಕುಡಾಳ್ ದೇಶಕರ್  ಸಮುದಾಯಾಚೆ ಪಿಯುಸಿ ಆನಿ ತತ್ಸಮಾನ ವಿದ್ಯಾರ್ಥಿಂಕ  ವಸತಿ ಸಹಿತ  ತೀನಿ  ದಿವಸಾಚೆ ಚಟುವಟಿಕಾ  ಆಧಾರಿತ ‘ಪ್ರಗತಿ -2024’ ವ್ಯಕ್ತಿತ್ವ ವಿಕಸನ ಆನಿ ಕೌಶಲ್ಯ ಅಭಿವೃದ್ಧಿ ಕಾರ್ಯಾಗಾರ ಆಯೋಜನ ಕೆಲೆಲೆಂ.  ಹೆಂ  ಕಾರ್ಯಾಗಾರ  ದಿ. 02-08-2024  ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಶ್ರೀ ಸಿಎ ನಂದ ಗೋಪಾಲ್ ಶೆಣೈ ಹಾನಿ  ದಿವೊ ಲಾವನ ಉಗ್ತಾವಣ ಕೆಲೆಂ.  ಹೆಂ ಸಂದರ್ಭಾರ ವಿದ್ಯಾರ್ಥಿಂಕ ಉದ್ದೇಶಿಸುನ “ಹೆಂ ಕಾರ್ಯಗಾರ ತಾಂಗೆಲೆ ವ್ಯಕ್ತಿತ್ವಕಯ  ಕೌಶಲ್ಯ ಆನಿ ಜೀವನಾಚೆ ಪ್ರಶ್ನ ಎದುರಿಸುಚೆ ಸಾಮರ್ಥ್ಯ ಆನಿ ಸಂಸ್ಕಾರಯುತ ಮೌಲ್ಯಕ ಗೌರವ ದಿವಚೆ, ವರೊವಚೆ, ಉದ್ಧಾರ ಕರಚೆ ತಸಲೆ ತರಬೇತ ದಿತ್ತಾ ಅಶಿಂ  ಅಭಿಪ್ರಾಯ ವ್ಯಕ್ತ ಕೆಲೆಂ. ಕೊಂಕಣಿ ಸಮಾಜಾಕ ಹರ ಎಕಲ್ಯಾನ ಸೇವಾ ದಿವಕಾ ಹಾಜೆ ನಿಮಿತ್ತ ಸಮಾಜ  ಅಭಿವೃದ್ಧಿ ಜಾತ್ತಾ. ಅಶಿಂ ಮಸ್ತ ಇತಲೆ ವಿಚಾರ ಸಾಂಗಲೆಂ.

ಹೆಂ ಸಂದರ್ಭಾರ ವಿಶ್ವ ಕೊಂಕಣಿ ಕೇಂದ್ರಾಚೆ ಟ್ರಸ್ಟಿ ಶ್ರೀ ಡಿ ರಮೇಶ್ ನಾಯಕ್ ಮೈರಾ,         ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನಾಚೆ ಅಧ್ಯಕ್ಷ ಶ್ರೀ ವಿಜಯ ಶೆಣೈ ಕೊಡಂಗೆ, ಕಾರ್ಯದರ್ಶಿ  ಶ್ರೀ ಮುರಳಿಧರ್ ಪ್ರಭು ವಗ್ಗ, ಕುಡಾಳ್ ದೇಶಸ್ಥ ಆದ್ಯ್ ಗೌಡ್ ಬ್ರಾಹ್ಮಣ ಸಂಘಾಚೆ  ಅಧ್ಯಕ್ಷ  ಶ್ರೀ ಶ್ರೀನಿವಾಸ ಶೆಣೈ ಕೂಡಿಬೈಲು, ಕಾರ್ಯದರ್ಶಿ ಶ್ರೀ ದಯಾನಂದ ನಾಯಕ್ ಪುಂಜಾಲ್ ಕಟ್ಟೆ ಆನಿ ಶ್ರೀ ಸುಧೀರ್ ನಾಯಕ್ ಅಮ್ಮೆಂಬಳ, ಸಂಜೀವ್ ಸಾವಂತ್ ಮರೋಳಿ, ಅನಂತ ಪ್ರಭು ಮರೋಳಿ, ಶ್ರೀಮತಿ ಸುಜಾತ ರಮೇಶ್ ಸಾಮಂತ್, ಶ್ರೀಮತಿ ಸುಚಿತ್ರ ರಮೇಶ್ ನಾಯಕ್, ಹಾನಿ ಉಪಸಿತ ಆಶಿಲಿಂಚಿ. ವಿಶ್ವ ಕೊಂಕಣಿ ಕೇಂದ್ರ ಕಾರ್ಯನಿರ್ವಹಣಾಧಿಕಾರಿ ಡಾ. ಬಿ. ದೇವದಾಸ್ ಪೈ ಶಿಬಿರಾರ್ಥಿಂಕ ಶುಭ ಸಾಂಗಲೆ. ಸಂಪನ್ಮೂಲ ವ್ಯಕ್ತಿ ಕುಡ್ಪಿ ಶ್ರೀಮತಿ ವಿದ್ಯಾ ಶೆಣೈ ಉಪಸ್ಥಿತ ಆಶಿಲಿಂಚಿ. ಡಾ. ವಿಜಯಲಕ್ಷ್ಮಿ ನಾಯಕ್ ಹಾನಿ ಸ್ವಾಗತ ಕರನು, ಪ್ರಾಸ್ತಾವಿಕ ಉತ್ರಂ ಉಲಯಿಲಿಂಚಿ.