ಪ್ರಾಕಾಥಾವ್ನ ಕೊಂಕಣಿ ಲೋಕಾ ಮದೆಂ ಆಸಚೆ ಮಾತೃಶಕ್ತಿ ಆರಾಧನೆಕ ಸಂಶೋಧನಾತ್ಮಕ ಸ್ಪರ್ಶ ಅಗತ್ಯ, ಆನಿ ತಸಲೆ ಏಕ್ ಅಧ್ಯಯನ ಯೋಜನಾ ವಿಶ್ವ ಕೊಂಕಣಿ ಕೇಂದ್ರಾನ ಹಾತಾಂತ ಘೆತ್ತಿಲೆ ಪ್ರಶಂಶನೀಯ ಜಾವನ ಆಸಾ- ಅಶಿಂ ಗೊಂಯಚೆ ಇತಿಹಾಸ ತಜ್ಞ ಡಾ. ರೋಹಿತ್ ಫಳಗಾಂವಕಾರ್ ಹಾನಿ ಸಾಂಗಲೆಂ.

‘ವರ್ಧನಿ ಫೆಲೋಶಿಪ್’ ದ್ವಾರಿ ಪ್ರಾರಂಭ ಕೆಲ್ಲೆ “ಗೊಯಾಂತ ಮಾತೃದೇವಿಲೆ ಉಪಾಸನಾ” ಮ್ಹೊಣಚೆ ಸಂಶೋಧನಾ ಕಾರ್ಯ ಯೋಜನಾ ಬದ್ದಲ ದಿಲ್ಲೆ ಉಪನ್ಯಾಸಾಂತ, ಸಾಂಪ್ರದಾಯಿಕ ಆರಾಧನಾ, ವಿಶ್ವಾಸಾ ಬದ್ದಲ ಶಾಸ್ತ್ರೀಯ ವಿಧಾನಾಚೆ ಅಧ್ಯಯ ಚಲತನಾ ತೆಂ ಸರ್ವ ಸ್ವೀಕಾರ ಜಾತಾ ಅಶೆಂ ಮ್ಹಳ್ಳೆಂ.
ಹ್ಯಾ ಸಂದರ್ಭಾರ ಗೊಂಯಚೆ ಜಾಯತ್ಲೆ ದೇವಳಾಂತ ಪ್ರಚಲಿತ ದೇವಿಲೊ ಅಮೂರ್ಥ ಕಲ್ಪನಾ ಆನಿ ಮೂರ್ತಿ ರೂಪಾಚೆ ದೇವೀ ವಿಗ್ರಹಾಚೆ ವಿವರಣ ಚಿತ್ರ ಪ್ರದರ್ಶನ ವಯರ ಚರ್ಚಾ- ವಿಶ್ಲೇಷಣ ಚಲಾಯಸುಚೆ ಮುಖಾಂತರ ಏಕ ವಿಚಾರಗೋಷ್ಠಿ ಚಲ್ಲಿಂ.

ಸ್ಮಿತಾ ಶೆಣೈ ಹಾನಿ ಅಧ್ಯಯನ ಯೋಜನಾ ಆನಿ ತಾಚೆ ಸಂಶೋಧಕ ಡಾ ರೋಹಿತ್‍ ಫಳಗಾಂವಕರ ಹಾಂಗೆಲೆ ಪರಿಚಯ  ಕರನು ದಿಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ‌ಎ ನಂದಗೋಪಾಲ್ ಶೆಣೈ ಹಾನಿ ಸ್ವಾಗತ ಕರನು  ಸಂಶೋಧಕಾಕ ಮಂಜೂರಾತಿ ಪತ್ರ ದೀವನ ಮಾನ ಕೆಲೆಂ.
ಶ್ರಿ ಅನ್ನು ಮಂಗಳೂರು ಹಾನಿ,   ಸುಮಾರು ಏಕ ವರಸ ಅವಧಿಚೆ ಹ್ಯಾ ಸಂಶೋಧನೆಕ ಪೂರಕ ಜಾವನು, ನಾಜೂಕ ಛಾಯಾಚಿತ್ರ ಕರನು, ಏಕ ಸುಂದರ ಕಾಫಿಟೆಬಲ್ ಪುಸ್ತಕ ರೂಪಾರ ತಯಾರ ಕರಚೆ ವಿಚಾರ ಸಭೆಕ ಮಾಹಿತಿ ದಿಲ್ಲೆ. ಗೊಂಯಚೆ ಉದ್ಯಮಿ ಸಿ‌ಎ ಬಾಲಾಜಿ ಭಟ್ ಹಾನಿ ಹೆಂ ಸಂಶೋಧನಾ ಪುಸ್ತಕ ರಚನೆಚೊ ಪ್ರಾಯೋಜಕ ಜಾವನ ಆಸತಿ.

ಸ್ಮಿತಾ ಶೆಣೈ ನ ಸಭೆಚೆ ಕಾರ್ಯಕ್ರಮ ನಿರೂಪಣ ಕರನು, ದೆವು ಬರೆಂ ಕೊರೊ ಸಾಂಗಲೆಂ. ವಿಶ್ವ ಕೊಂಕಣಿ ಕೇಂದ್ರ ಖಜಾಂಚಿ ಬಿ ಆರ್ ಭಟ್, ವಿಶ್ವಸ್ಥ ಮಂಡಳಿಚೆ ಸದಸ್ಯ ಡಾ ಮೋಹನ್ ಪೈ,  ಪಿ ರಮೇಶ್ ಪೈ, ಶಕುಂತಲಾ ಆರ್ ಕಿಣಿ, ಆನಿ ಕೇಂದ್ರಾಚೆ ಆಡಳಿತ ಅಧಿಕಾರಿ ಡಾ ಬಿ ದೇವದಾಸ ಪೈ, ಜಿಸ್ಸೆಲ್ ಡಿ ಮೆಹ್ತಾ ಅಶೆಂ ಸಬಾರ ಲೋಕ ಉಪಸ್ಥಿತ ಆಶಿಲಿಂಚಿ.