G.S.B. ಸ್ಕಾಲರ್ಶಿಪ್ ಲೀಗ್ ಹಾಜ್ಜೆ ಬಲಾಚೆ ಸ್ತಂಭ ವಾರ್ಷಿಕ ಕಾರ್ಯಕ್ರಮ/ जि.ऎस्.बि. स्कालर्शिप् लीग् हाज्जॆ `बलाचॆ स्तंभ वार्षिक कार्यक्रम
ಜಿಎಸ್ಬಿಸ್ಕಾಲರ್ಶಿಪ್ ಲೀಗ್ ಹಾಂಗೆಲೆ ತರಪೇನಿ ಆರತಬಲಾ(ಶಕ್ತೀ)ಚೆ ಸ್ತಂಭ (PILLARS OF STRENGTH) ಮ್ಹಣಚೆ ವಾರ್ಷಿಕ ಕಾರ್ಯಕ್ರಮ ಆಯೋಜನ ಕೆಲೀಲೆ. ಹೇ ಕಾರ್ಯಕ್ರಮಾಂತು ಜಿ.ಎಸ್.ಬಿ. ಲೀಗಾಚೆ ವಾಡಪಣಾಕ ಮದತ್ ಕೆಲೀಲೆ ಮುಂಬೈಚೆ ದಾನಿಂಕ ಆಹ್ವಾನ ಕೊರನು ತಾಂಕಾ ಆಬಾರ ಮಾನಚಾಕ ಆನಿ ತಾಂಗೆಲೆ ಸಲ್ಲೋ ಘೆವಚಾಕ/ ವಿದ್ಯಾರ್ಥ್ಯಾಂಕ, ವಿದ್ಯಾರ್ಥಿ ಮದತ್ಧನ(ವೇತನ) ಖಾತ್ತಿರಿ ತಾಂಗೆಲೆ ತಾಕೂನು ವೈಶಿಷ್ಠ್ಯಪೂರ್ಣ ಸಲ್ಲೋ ಘೆವಚಾಕ ಹೇ ವೇಳ್ಯಾರಿ ಸಾಧ್ಯ ಜಾಲ್ಲೆ.
ಮುಂಬೈಚೊ ನಾಮಾಧಿಕ ಆಂಕೊಲಾಜಿಸ್ಟ್ ಡಾ.ರಮಾಕಾಂತ್ ದೇಶಪಾಂಡೆ ತಾನ್ನಿ ಹೇ ಸಮಾರಂಭಾಕ ಮುಖೇಲ ಸೊಯರೆ ಜಾವನು ಆಯಲೀಲೆ. ಸಂಘಾಚೆ ಅಧ್ಯಕ್ಷ ಜಾಲೀಲೆ ಶ್ರೀ ಎಸ್.ಎಸ್.ಭಟ್ ತಾನ್ನಿ ದೇವಾಲೆ ತಶೀಚಿ ಸ್ವಾಮ್ಯಾಂಗೆಲೆ ಆಶೀರ್ವಾದ ಮಾಗ್ಗುನು ಸಕಡಾಂಕ ಯೇವಕಾರ ಕೆಲ್ಲಿ. ಕಾರ್ಯದರ್ಶಿ ಶ್ರೀ ಗಣೇಶ ಶಾನಭಾಗ ತಾನ್ನಿ ಮುಖೇಲ ಸೊಯರ್ಯಾಲೆ ಗುರ್ತು ಕೊರನು ದಿಲ್ಲೆ.
ಜಿ.ಎಸ್.ಬಿ. ಲೀಗ್ ಹಾಜ್ಜೆ ಅಧ್ಯಕ್ಷೆ ಶ್ರೀಮತಿ ಗೀತಾ ಆರ್.ಪೈ ತಾನ್ನಿ ೧೦ ಲೋಕ ದಾನಿಂಗೆಲೊ ಒಳಕ ಕೊರನು ದಿವನು ಪ್ರಾಸ್ತಾವಿಕ ಜಾವನು ಉಲಯಿಲೆ. ಆಪಣೇಲೆಂ ಉಲ್ಲಣಿಂತು ತಾನ್ನಿ ಜಿ.ಎಸ್.ಬಿ. ಲೀಗಾಚೆ ಕಾರ್ಯಚಟುವಟಿಕಾ/ ತಾಂತುಲೆ ನಿಧಿ ವಾಂಟೂಚೆ ವಿಧಾನ ಸಾಂಗೂನು ಜಿ.ಎಸ್.ಬಿ. ಲೀಗ್ ಹಾಜ್ಜೆ ಖಾತ್ತಿರಿ ಪ್ರತಿಯೆಕ್ಲ್ಯಾಲೆ ಅಭಿಪ್ರಾಯ ನಿಮ್ಗಿಲೀಂತಿ. ಸಮಾರಂಭಾಕ ಆಯ್ಯಿಲೆ ದಾನಿ ಲೋಕಾನಿ ಉತ್ಕೃಷ್ಟ ಸಲ್ಲೊ ದಿಲ್ಲೋ.
ಜಿ.ಎಂ.ಕಾಮತ್ ತಾನ್ನಿ ೧೯೧೯ ಇಸ್ವೆಂತು ಛಾಪಿಸಿಲೆ ಲೀಗ್ ವರದಿಂತು ಆಶ್ಶಿಲೆ ವಿಷಯಾಂತು ಉಲಯಿಲೇರಿ ಗುರುದತ್ ಗಾಯತೊಂಡೆ, ವಸಂತ ಕಾಮತ್ ಆನಿ ನೀಲಾ ಶೇಣ್ವಿ ತಾನ್ನಿ ಲೀಗಾಚಾನ ಮದತ್ ಘೆವಚೆ ವಿದ್ಯಾರ್ಥ್ಯಾನಿ ಸಂಪಾದನ ಕೊರಚಾಕ ಲಾಗ್ಲೆ ನಂತರ ಲೀಗಾಚೆ ಕಾರ್ಯಚಟುವಟಿಕೆಂತು ತಾನ್ನೀಯಿ ಹಾತು ಮೆಳೋನು ಕೃತಜ್ಞತಾ ದಾಖಯಕಾ ಮ್ಹಣಚೆ ಆಪೋವ್ಣಿ ದಿಲ್ಲಿ.
ಶ್ರೀಮತಿ. ಅನಿತಾ ಪೈ ತಾನ್ನಿ ಉಲೋನು ನವೀನ ವೃತ್ತಿ ಖಾತ್ತಿರಿ ಸಬಾರ ನವೀನ ಕೋರ್ಸ್ ಆಸ್ಸಾ, ತಾಕ್ಕಾಯಿ ಲೀಗಾ ತಾಕೂನು ಮದತ್ ದಿವಕಾ ಮ್ಹೊಣು ಸಾಂಗಲ್ಯಾರಿ ಡಾ, ಸುಧಾಕರ ಶೆಣೈನಿ ಲೀಗಾಚೆ ಗರೀಬ, ದುಡವಾ ದುರ್ಬಲತಾ ಆಸ್ಸುಚೆ ವಿದ್ಯಾರ್ಥ್ಯಾಂಕ ಮದತ್ ಕೊರಚೆ ಕಾರ್ಯಾಚೆ ಶ್ಲಾಘನ ಕೆಲ್ಲೆ. ಶ್ರೀ ಕುಕ್ಕುನೂರು ಮಾಧವ್ ಕಿಣಿ ತಾನ್ನಿ ಆಪಣೇನಿ ಕಶ್ಶಿ ಲೀಗಾ ತಾಕೂನು ಮದತ್ ಘೆತ್ಲೆ ಮ್ಹಣಚೆ ಆಪಣೇಲೆ ವೈಯಕ್ತಿಕ ಅನುಭವ ಸಾಂಗೂನು ಪರತೂನು ಲೀಗಾಕ ದೇಣಿಗೆ ದಿವಚೆ ತಶ್ಶಿ ಜಾಲೀಲೆ ಖಾತ್ತಿರಿ ಹರ್ಷ ವ್ಯಕ್ತವ್ಯ ಕೆಲ್ಲಿ. ಸಕ್ಕಡ ದಾನಿಂಗೆಲೆ ಉತ್ರ ಮಸ್ತ ಪ್ರಭಾವಶಾಲಿ ಆನಿ ಆಯ್ಕುಚಾಕ ಆಸಕ್ತಿದಾಯಕ ಜಾವ್ನಾಶ್ಶಿಲೆ. ಅಧ್ಯಕ್ಷೆ ಶ್ರೀಮತಿ ಗೀತಾ ಪೈ ತಾನ್ನಿ ನಿಧಿ ಸಂಗ್ರಹ ಆನಿ ನಿಧಿ ವಾಂಟೂಚೆ ವಿಷಯಾಂತು ದಾನಿಂಗೆಲೆ ಸರ್ವ ಸಂದೇಹಾಂಕ ಸೂಕ್ತ ಜವಾಬ ದಿಲ್ಲಿ.
ಮುಖೇಲ ಸೊಯರೆ ಜಾವನು ಆಯಲೀಲೆ ಡಾ. ರಮಾಕಾಂತ್ ದೇಶಪಾಂಡೆ ತಾನ್ನಿ ಉಲೋನು “ಆಜಿ ಶಿಕ್ಷಣ ಮಸ್ತ ಮಾರಗ ಜಾಲ್ಲ್ಯಾ. ತ್ಯಾ ಕಾರಣಾನಿ ಲೀಗಾನಿ ಸಂಪನ್ಮೂಲ ಚಡೋನು ಘೆವಚೆ ವಾವರೋ ಕೊರಚೆ ಬರಶಿ ಅವಶ್ಯ ಆಸ್ಸುಚೆ ವಿದ್ಯಾರ್ಥ್ಯಾಂಕ ಮದತ್ ಕೊರಚೆ ಲೀಗಾಚೆ ಉದ್ದೇಶ ಚಾಂಗ ಜಾವ್ನಾಸ್ಸಾ, ದಾನಿ ಲೋಕಾನಿ ವರೇನ ಅಸ್ಸಲೇಚಿ ವ್ಯಕ್ತವ್ಯ ದಿಲ್ಲ್ಯಾ ಮ್ಹೊಣು ತಾನ್ನಿ ಜಿ.ಎಸ್.ಬಿ. ಲೀಗಾಚೆ ಸರ್ವ ಕಾರ್ಯಾಕ ಶ್ಲಾಘನ ಕೆಲ್ಲಿ. ತಶೀಚಿ ಲೀಗಾಚೆ ಸ್ಥಾಪಕಾಂಕ ವರೇನ ತಾನ್ನಿ ಆಬಾರ ಮಾನಲೆ. ಸಮಾರಂಭಾಕ ಆಯಲೀಲೆ ಸರ್ವ ಸೊಯರ್ಯಾಂಕ ಸನ್ಮಾನ ಕೆಲ್ಲಿ. ಹೇ ಸಮಾರಂಭ ಆಯೋಜನ ಕೆಲೀಲೆ ಖಾತ್ತಿರಿ ಡಾ.ನಿರಂಜನಿ ನಾಯಕ್ ಆನಿ ಶ್ರೀ ರಘುವೀರ್ ನಾಯಕ್ ತಾನ್ನಿ ಪ್ರಾಯೋಜಕಾಂಕ ಧನ್ಯವಾದ ಸಾಂಗಲೆ. ಅಖೇರಿಕ ಕಾರ್ಯದರ್ಶಿ ಶ್ರೀ ಮಧುಕರ ಪೈ ತಾನ್ನಿ ಆಬಾರ ಮಾನಲೆ. ಮಾಕ್ಷಿಚಾನ ಚೋಲ್ನು ಆಯ್ಯಿಲೆ ವರಿ ವಡಾಲಾ ಮಠಾಚೆ ಅಧಿಕಾರಿನಿ ಜಿ.ಎಸ್.ಬಿ. ಲೀಗ್ ಹಾಜ್ಜೆ ಕಾರ್ಯ ಚಟುವಟಿಕಾ ಚಲೋನು ವ್ಹರಚಾಕ ಉದಾರ ಪಣಾನಿ ಬೆಂಬಲ ದಿಲ್ಲಿ.
ರುಚಿಕರ ಜಾಲೀಲೆ ಖಾಣಾಚೆ ಪ್ರಾಯೋಜಕ ಶ್ರೀ ವಿನಾಯಕ ಶಾನಭಾಗ್ ತಾಂಕಾ ವಿಶೇಷ ಕೃತಜ್ಞತಾ ಪಾವಯಿಲೆ.
जि.ऎस्.बि. स्कालर्शिप् लीग् हाज्जॆ बलाचॆ स्तंभ वार्षिक कार्यक्रम जिऎस्बिस्कालर्शिप् लीग् हांगॆलॆ तरपेनि आरतबला(शक्ती)चॆ स्तंभ म्हणचॆ वार्षिक कार्यक्रम आयोजन कॆलीलॆ. हे कार्यक्रमांतु जि.ऎस्.बि. लीगाचॆ वाडपणाक मदत् कॆलीलॆ मुंबैचॆ दानिंक आह्वान कॊरनु तांका आबार मानचाक आनि तांगॆलॆ सल्लो घॆवचाक/ विद्यार्थ्यांक, विद्यार्थि मदत्धन(वेतन) खात्तिरि तांगॆलॆ ताकूनु वैशिष्ठ्यपूर्ण सल्लो घॆवचाक हे वेळ्यारि साध्य जाल्लॆ.
मुंबैचॊ नामाधिक आंकॊलाजिस्ट् डा.रमाकांत् देशपांडॆ तान्नि हे समारंभाक मुखेल सॊयरॆ जावनु आयलीलॆ. संघाचॆ अध्यक्ष जालीलॆ श्री ऎस्.ऎस्.भट् तान्नि देवालॆ तशीचि स्वाम्यांगॆलॆ आशीर्वाद माग्गुनु सकडांक येवकार कॆल्लि. कार्यदर्शि श्री गणेश शानभाग तान्नि मुखेल सॊयर्यालॆ गुर्तु कॊरनु दिल्लॆ.
जि.ऎस्.बि. लीग् हाज्जॆ अध्यक्षॆ श्रीमति गीता आर्.पै तान्नि १० लोक दानिंगॆलॊ ऒळक कॊरनु दिवनु प्रास्ताविक जावनु उलयिलॆ. आपणेलॆं उल्लणिंतु तान्नि जि.ऎस्.बि. लीगाचॆ कार्यचटुवटिका/ तांतुलॆ निधि वांटूचॆ विधान सांगूनु जि.ऎस्.बि. लीग् हाज्जॆ खात्तिरि प्रतियॆक्ल्यालॆ अभिप्राय निम्गिलींति. समारंभाक आय्यिलॆ दानि लोकानि उत्कृष्ट सल्लॊ दिल्लो.
जि.ऎं.कामत् तान्नि १९१९ इस्वॆंतु छापिसिलॆ लीग् वरदिंतु आश्शिलॆ विषयांतु उलयिलेरि गुरुदत् गायतॊंडॆ, वसंत कामत् आनि नीला शेण्वि तान्नि लीगाचान मदत् घॆवचॆ विद्यार्थ्यानि संपादन कॊरचाक लाग्लॆ नंतर लीगाचॆ कार्यचटुवटिकॆंतु तान्नीयि हातु मॆळोनु कृतज्ञता दाखयका म्हणचॆ आपोव्णि दिल्लि.
श्रीमति. अनिता पै तान्नि उलोनु नवीन वृत्ति खात्तिरि सबार नवीन कोर्स् आस्सा, ताक्कायि लीगा ताकूनु मदत् दिवका म्हॊणु सांगल्यारि डा, सुधाकर शॆणैनि लीगाचॆ गरीब, दुडवा दुर्बलता आस्सुचॆ विद्यार्थ्यांक मदत् कॊरचॆ कार्याचॆ श्लाघन कॆल्लॆ. श्री कुक्कुनूरु माधव् किणि तान्नि आपणेनि कश्शि लीगा ताकूनु मदत् घॆत्लॆ म्हणचॆ आपणेलॆ वैयक्तिक अनुभव सांगूनु परतूनु लीगाक देणिगॆ दिवचॆ तश्शि जालीलॆ खात्तिरि हर्ष व्यक्तव्य कॆल्लि. सक्कड दानिंगॆलॆ उत्र मस्त प्रभावशालि आनि आय्कुचाक आसक्तिदायक जाव्नाश्शिलॆ. अध्यक्षॆ श्रीमति गीता पै तान्नि निधि संग्रह आनि निधि वांटूचॆ विषयांतु दानिंगॆलॆ सर्व संदेहांक सूक्त जवाब दिल्लि.
मुखेल सॊयरॆ जावनु आयलीलॆ डा. रमाकांत् देशपांडॆ तान्नि उलोनु “आजि शिक्षण मस्त मारग जाल्ल्या. त्या कारणानि लीगानि संपन्मूल चडोनु घॆवचॆ वावरो कॊरचॆ बरशि अवश्य आस्सुचॆ विद्यार्थ्यांक मदत् कॊरचॆ लीगाचॆ उद्देश चांग जाव्नास्सा, दानि लोकानि वरेन अस्सलेचि व्यक्तव्य दिल्ल्या म्हॊणु तान्नि जि.ऎस्.बि. लीगाचॆ सर्व कार्याक श्लाघन कॆल्लि. तशीचि लीगाचॆ स्थापकांक वरेन तान्नि आबार मानलॆ. समारंभाक आयलीलॆ सर्व सॊयर्यांक सन्मान कॆल्लि. हे समारंभ आयोजन कॆलीलॆ खात्तिरि डा.निरंजनि नायक् आनि श्री रघुवीर् नायक् तान्नि प्रायोजकांक धन्यवाद सांगलॆ. अखेरिक कार्यदर्शि श्री मधुकर पै तान्नि आबार मानलॆ. माक्षिचान चोल्नु आय्यिलॆ वरि वडाला मठाचॆ अधिकारिनि जि.ऎस्.बि. लीग् हाज्जॆ कार्य चटुवटिका चलोनु व्हरचाक उदार पणानि बॆंबल दिल्लि.
रुचिकर जालीलॆ खाणाचॆ प्रायोजक श्री विनायक शानभाग् तांका विशेष कृतज्ञता पावयिलॆ.
