ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ , ಅಕಾಡೆಮಿ ಸಭಾಂಗಣಾಂತು ಸೆಪ್ಟೆಂಬರ್ ೦೫, ೨೦೨೬ ಕ ‘ಕಾವ್ಯಾಂ ವ್ಹಾಳೊ-೧೮’ ಕವಿಗೋಷ್ಟಿ ಚಲ್ಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಕಾರ್ಯಕ್ರಮಾಚೆ ಅಧ್ಯಕ್ಷಪಣ ಘೇವ್ನು, ಪ್ರಾಸ್ತಾವಿಕ ಉತ್ರ ಉಲಯಿಲೆ. ತಶೀಚಿ ಸಕಡ್ಯಾಂಕ ಯೆವಕಾರ ಕೆಲ್ಲೆ.
ಮುಖೇಲ ಸೊಯರೆ ಜಾವನು ಕೊಂಕಣಿಚೆ ನಾಮಾಧಿಕ ನಟ, ಗಾಯಕ ತಶೀಚಿ ಕಾರ್ಯಕರ್ತ ಎಮ್. ಮುರಳೀಧರ್ ಕಾಮತ್ ಆಯಲೀಲೆ. ಕೊಂಕಣಿ ಅಕಾಡೆಮಿ ತರಪೇನಿ ಕೊಂಕಣಿಚೆ ಮ್ಹಾಲಗಡೆ ಕಾರ್ಯಕರ್ತ ಶ್ರೀ ಜೆರಾಲ್ಡ್ ರೊಡ್ರಿಗಸ್ ತಾಂಕಾ ಸನ್ಮಾನ ಕೆಲ್ಲಿ. ತಾಕ್ಕಾ ತಾನ್ನಿ ಹರ್ಷ ವ್ಯಕ್ತ ಕೆಲ್ಲಿ.
ಖ್ಯಾತ ಕವಯಿತ್ರಿತಾರಾ ಲವೀನಾ ಫೆರ್ನಾಂಡಿಸ್ (ಲವಿ ಗಂಜಿಮಠ) ತಾನ್ನಿ ಕವಿಗೋಷ್ಟಿ ಚಲೋನು ದಿಲ್ಲಿ. ವಲೇರಿಯನ್ ಸಿಕ್ವೇರಾ (ವಲ್ಲಿ ಬೋಳಾ), ಶನನ್ ರೀವ್ ಕ್ರಾಸ್ತಾ, ಕೃತಿಕಾ ಕಾಮತ್, ಜೆನಿಶಾ ಶರಲ್ ರೊಡ್ರಿಗಸ್, ಎಡ್ವರ್ಡ್ ಲೋಬೊ ತೊಕ್ಕೊಟ್ಟು, ವಾಯ್ಲೆಟ್ ಜೆ. ಪಿರೇರಾ, ಅಲೋಮಾ ಲೋಬೊ ಕಟೀಲ್, ಗೊಡ್ವಿನ್ ಪಿಂಟೊ, ಕಾಂತಾವರ ಶಿವಾನಂದ ಶೆಣೈ ಆನಿ ಪ್ರೀತಮ್ ಮಿಜಾರ್ ಹಾನ್ನಿ ತಾಂಗತಾಂಗೆಲೆ ಕವಿತಾ ಪ್ರಸ್ತುತ ಕೆಲ್ಲಿ. ಅಕಾಡೆಮಿ ಸದಸ್ಯ ಶ್ರೀ ರೊನಾಲ್ಡ್ ಕ್ರಾಸ್ತಾ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೆಲ್ಲಿ. ಸದಸ್ಯ ಸಮರ್ಥ್ ಭಟ್ ಉಪಸ್ಥಿತ ವ್ಹರಲೀಲೆ.