ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಉಡುಪಿಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಲೆಂ ಸನ್ನಿಧಿಂತು ಆನಿ ಭಜನಾ ಆರಾಧ್ಯ ದೇವು ಜಾಲೀಲೊ ವಿಠೋಬಾ ರುಖುಮಾಯಿ ಶ್ರೀ ದೇವಾಲೆಂ ಸನ್ನಿಧಿಂತು ೧೨೬ ವರಸಾಚೆ ಭಜನಾ ಸಪ್ತಾಹಾಚೆ ಪಾಂಚವೇ ದಿವಸು ೫ ದಿನ ಮಹಾ ರಂಗಪೂಜೆ ಪ್ರಯುಕ್ತ ವಿಶೇಷ ಜಾವ್ನು ಫುಲ್ಲಾಚಾನ ಕೆಲೀಲೆ ಶೃಂಗಾರ, ಶ್ರೀದೇವಾಕ ಶ್ರೀದೇವಿ ಭೂದೇವಿ ಸಹಿತ ಗರುಡಾರೂಢ ಶ್ರೀ ಲಕ್ಷ್ಮೀ ವೆಂಕಟೇಶ ಸ್ವಾಮಿಕ ವಿಶೇಷ ಅಲಂಕಾರ ದೇವಳಾಚೆ ಪ್ರಧಾನ ಅರ್ಚಕ ಜಾಲೀಲೆ ವೇ.ಮೂ. ದಯಾಘನ್ ಭಟ್ ತಾನ್ನಿ ಚಲೋನು ದಿಲ್ಲೆ. ಮಾಗಿರಿ ಮಹಾ ಮಂಗಳಾರತಿ ಕೆಲ್ಲಿ. ಗಾಂವ್ಚೆ, ಪರಗಾಂವ್ಚೆ ಭಜನಾ ತಂಡಾ ತಾಕೂನು ಅಹೋರಾತ್ರಿ ನಿರಂತರ ಭಜನಾ ಕಾರ್ಯಕ್ರಮ ಮಸ್ತ ವೈಭವಾರಿ ಚಲ್ತಾ ಆಸ್ಸುನು ಆಗಸ್ಟ್ ೨೫ ಕ ಮಂಗಳಾಚರಣ ಚಲ್ತಾ.
ಕೋಂಕಣಿ ಮಾನ್ಯತಾ ದಿವಸ ಆಚರಣ
ಕೋಂಕಣಿ ಮಾನ್ಯತಾ ದಿವಸು ಶ್ರೀ ದೇವಳಾಚೆ ಶ್ರೀ ಭುವನೇಂದ್ರ ಮಂಟಪಾಂತು ಶ್ರೀ ಲಕ್ಷ್ಮೀ ವೆಂಕಟೇಶ ಕಲಾ ಸೇವಾ ಟ್ರಸ್ಟ್(ರಿ) ಹಾಂಗೆಲೆ ತರಪೇನಿ ಕೊಂಕಣಿ ಭಾಷಾ ರಾಷ್ಟ್ರೀಯ ಮಾನ್ಯತಾ ದಿವಸು ಜಾಲೀಲೆ ೨೦-೦೮-೨೦೨೬ ದಿವಸುವೆಗವೆಗಳೆ ಕಾರ್ಯಾಕ್ರಮ ಆಯೋಜನ ಕೆಲೀಲೆ. ಸುರವೇಕ ಶ್ರೀಮತಿ ಸ್ನೇಹ ವಿನೋದ ಪೈ ಹಾನ್ನಿ `ಸ್ಪರ್ಧಾ ಕಾರ್ಯಕ್ರಮ ಚಲೋನು ದಿಲ್ಲೆ. ಉಪರಾಂತ ಶ್ರೀಮತಿ ಗೀತಾ ದಿನೇಶ ಪೈ ಹಾನ್ನಿ ಯವಕಾರ ಗೀತಾ ಸಾಂಗೂನು ಸಭಾ ಕಾರ್ಯಕ್ರಮಾಕ ಸುರುವಾತ ದಿಲ್ಲಿ. ಶ್ರೀ ಸುಧೀಂದ್ರ ಬಾಲ ಭಜನಾ ಮಂಡಳ, ಉಡುಪಿ ಹಾನ್ನಿ
ಸ್ವಾಗತ ನೃತ್ಯ ಕೆಲ್ಲೆ. ಮಾಗಿರಿ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ಶ್ರೀ ನಂದಕುಮಾರ ಶೆಣೈ ಹಾನ್ನಿ ದಿಕ್ಸೂಚಿ ಭಾಷಣ ಕೆಲ್ಲಿ. ಗೌರವ ಸಮರ್ಪಣ ಶ್ರೀ ಲಕ್ಷ್ಮೀವೆಂಕಟೇಶ ದೇವಳಾಚೆ ವಿಶ್ವಸ್ಥ ಮಂಡಳಿಚೆ ನಿರ್ವಾಹಕ ವಿಶ್ವಸ್ಥ ಶ್ರೀ ಗುಜ್ಜಾಡಿ ಪ್ರಭಾಕರ ನಾಯಕ.ಉಪರಾಂತ ಪ್ರತಿಭಾ ಪ್ರದರ್ಶನ ಕಾರ್ಯಕ್ರಮ ಚಲ್ಲೆ. ತಾಂತುಕು. ಸಿಂಧು ಕಾಮತ್ ತಾಕೂನು ಸುಧೀಂದ ವಾಣಿ,
ಕೊಂಕಣಿ ಭಜನ್, ಕೊಂಕಣಿ ಗಾಯನ್,ಹೋವ್ವೋ, ಕೊಂಕಣಿ ಪ್ರಹಸನ, ಮ್ಹಣಿಯೋ, ಕೊಂಕಣಿ ಪದಬಂಧ, ಭಾವಗೀತಾ ಆದಿ ಕಾರ್ಯಕ್ರಮ ಚಲ್ಲೆ.