ಸೂಚನಾ : ಹಾಂತು ಸಾಂದರ್ಭಿಕ ಪೊರೂಚೆ ಫೋಟೋ ವಾಪರಲ್ಯಾ.
ಭಟ್ಕಳ ತಾಲೂಕಾಂತು `ಶ್ರೀ ಚಿತ್ರಾಪುರ ರಥೋತ್ಸವ ಮ್ಹೊಣು ನಾಂವ ಪಾವ್ವಿಲೆ ಚಿತ್ರಾಪುರ ಮಠ ಸಂಸ್ಥಾನಾಚೆ ೧೬೫ವೇಂ ವರಸಾಚೆ ತೇರು ೦೨-೦೪-೨೦೨೬ಕ ಸಂಪನ್ನ ಜಾತ್ತಾ ಮ್ಹಣ್ಚೆ ಮಾಹಿತಿ ಮೆಳ್ಳಾ. ತತ್ಸಂಬಂಧ ರಥೋತ್ಸವ ಕಾರ್ಯಕ್ರಮ ಮಾರ್ಚ್ ೨೮ ತಾಕೂನು ಎಪ್ರಿಲ್ ೪ ಪರಿಯಂತ ಚಲ್ತಾ.ಪ್ರತಿ ದಿವಸು ಸಕ್ಕಾಣಿ೬ ಘಂಟ್ಯಾಕ ಸುಪ್ರಭಾತ, ದೇವಮಾಗಣಿ, ಪಂಚಾಂಗ ವಾಚನ, ೮ ಘಂಟ್ಯಾಕ ಸಾಮೂಹಿಕ ಸಾಧನಾ, ಧೋಂಪಾರಾ ೧೧.೩೦ಕ ಮಹಾಪೂಜಾ, ಮಂಗಳಾರ್ತಿ, ಬಲಿ, ಸೇವಾ ಪ್ರಸಾದ ವಾಂಟಪ, ತೀರ್ಥ ವಾಂಟಪ, ಪ್ರಸಾದ ಭೋಜನ. ಆನಿ ಸಾಂಜವಾಳಾ ಪಾಲ್ಕಿ ಪರತೂನು ಆಯ್ಲ ಮಾಗಿರಿ ದೀಪ ನಮಸ್ಕಾರ, ಅಷ್ಟಾವಧಾನ ಸೇವಾ, ಬಲಿ, ಪರಿಕ್ರಮಾ ಉತ್ಸವು, ಮಂಗಳಾರ್ತಿ, ಪ್ರಸಾದ ವಾಂಟಪ ಆದಿ ಕಾರ್ಯಕ್ರಮ ಚಲ್ತಾ.
ಮಾರ್ಚ್ ೨೮ಕ ಸಕ್ಕಾಣಿ ೮ ಘಂಟ್ಯಾಕ ಸಾಮೂಹಿಕ ದೇವಮಾಗಣಿ, ೧೦.೩೦ಕ ಧ್ವಜಾರೋಹಣ ಮುಖಾಂತರ ಶ್ರೀ ಚಿತ್ರಾಪುರ ಮಠಾಧೀಶ ಶ್ರೀಮತ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮ್ಯಾಂಗೆಲೆ ದಿವ್ಯ ಸಾನ್ನೀಧ್ಯಾರಿ ಅವುಂದೂಚೆ ರಥೋತ್ಸವ ಕಾರ್ಯಕ್ರಮ ಆರಂಭ ಜಾತ್ತಾ. ಮಾಗಿರಿ ಪ್ರತಿ ದಿವಸು ಸಾಂಜವಾಳಾ ಪಾಲ್ಕಿ ಉತ್ಸವು ಚಲ್ತಾ. ಮಾರ್ಚ್ ೩೧ಕ ಸಕ್ಕಾಣಿ ೮ಕ ತೇರಾಚೆ ಕಲಶಾರೋಹಣ ಆನಿ ಸಾಂಜವಾಳಾ ೫ಕ ಲಾಲ್ಕಿ ಉತ್ಸವು ಚಲ್ತಾ.ಬ್ರಹ್ಮರಥೋತ್ಸವು ಘಡ್ಚೆ ಎಪ್ರಿಲ್ ೨ಕ ಧೋಂಪಾರಾ ೧೨ಕ ರಥಾರೋಹಣ, ಸಾಂಜವಾಳಾ ೫-೩೦ಕ ರಥೋತ್ಸವು, ೬ ಘಂಟ್ಯಾಕ ಧರ್ಮ ಸಭಾ ಚಲ್ತಾ.
ಎಪ್ರಿಲ್ ೩ಕ ಧೋಂಪಾರಾ ೧.೩೦ ಘಂಟ್ಯಾಕ ಅನ್ನಸಂತರ್ಪಣ, ಸಾಂಜವಾಳಾ ೭ಕ ದೀಪ ನಮಸ್ಕಾರ ಆನಿ ಮಂಗಳಾರ್ತಿ, ರಾತ್ತಿಕ ೧೦.೩೦ಕ ಪಂಚವಟಿಂತು ಮೃಗಬೇಟೆ ಉತ್ಸವು, ತಮಾಶಾ ವಾಕ್ಕದ ಲಾಸ್ಸುಚೆ ಕಾರ್ಯಕ್ರಮ ಚಲ್ತಾ. ಎಪ್ರಿಲ್ ೪ಕ ಓಕುಳಿ(ಅವಭೃತ ನ್ಹಾಣ), ಧ್ವಜಾವರೋಹಣ, ಪುಷ್ಪಥ ಉತ್ಸವ ಚೋಲ್ನು ಅವಂದೂಚೆ ಶ್ರೀ ಚಿತ್ರಾಪುರ ತೇರು ಸಮಾಪ್ತಿ ಜಾತ್ತಾ. ಹಾಜ್ಜ ಒಟ್ಟು ಪ್ರತಿ ದಿವಸು ಭಕ್ತಿಪ್ರಧಾನ/ ಸಾಂಸ್ಕೃತಿಕ ಕಾರ್ಯಾವಳಿ ವರೇನ ಚಲ್ತಾ.
ಚಡ್ತೆ ಮಾಹಿತಿ ಜಾಂವೊ ಸೇವಾ ಆದಿ ಮಾಹಿತಿ ಖಾತ್ತಿರಿ ೦೮೩೮೫-೨೫೮೩೬೮, ೨೫೮೭೫೬ ಹಾಂಗಾಕ ಸಂಪರ್ಕ ಕೊರಯೇತ.