ಶಕ್ತಿನಗರ, ಮಂಗಳೂರ 20-12-2025 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾನ ವರ್ಧನಿ ಫೆಲೋಶಿಪ್ ಯೋಜನೆರಿ ಪ್ರಾರಂಭ ಕೆಲೆಲೆ “ಗೋಯಾಂತ ಮಾತೃದೇವಿಲೊ ಉಪಾಸನಾ” ಮ್ಹಳೆಲೆ ಸಂಶೋಧನಾಚೆ ಯೋಜನಾ ಕಾರ್ಯಾವಳ, ಗೋಂಯಚೆ ಇತಿಹಾಸ ತಜ್ಞ ಡಾ. ರೋಹಿತ್ ಫಳಗಾಂವಕಾರ್ ಹಾನಿ ಉಗ್ತಾವಣ ಕೆಲೆಂ. ಆನಿ ತಾಂಗೆಲೆ ಸಂಶೋಧನಾ ಯೋಜನಾ ಬದ್ದಲ ಉಪನ್ಯಾಸ ದಿಲೆಂ. ಪ್ರಾಕಾದಾಕುನೂಚಿ ಕೊಂಕಣಿ ಭಾಷಿಕಾಂಗೆಲೊ ಮಧ್ಯೆ ನಿಚ್ಚಳ ಜಾವನು ಆಸುಚೆ ಮಾತೃಶಕ್ತಿ ಆರಾಧನಾಕ ಸೂಕ್ತ ಸಂಶೋಧನಾತ್ಮಕ ಸ್ಪರ್ಶಾಚೆ ಅಗತ್ಯ ಜಾಯ್ ಆಸೂನು, ಅಸಲೆ ಕಾರ್ಯ ಅಧ್ಯಯನ ಯೋಜನಾ ವಿಶ್ವ ಕೊಂಕಣಿ ಕೇಂದ್ರಾನ ಹಾತ್ತಾಂತ ಘೆತಲಾಂ. ಹೆಂ ಸಂಶೋಧನಾ ಕಾರ್ಯಯೋಜನಾ ಆರತಾಂ ಆಖೇರೀಚೆ ಹಂತಾ ಮೆರೆನ ಪಾವಲಾಂ. ವಿಶ್ವ ಕೊಂಕಣಿ ಕೇಂದ್ರ ಆನಿ ವರ್ಧನಿ ಫೆಲೋಶಿಪ್ ಸಂಸ್ಥೆಚಾಚೆ ಹೆಂ ಕಾರ್ಯ ಮಸ್ತ ಪ್ರಶಂಶೆಕ ಸಾಬೀತ ಜಾಲಾಂ ಅಶಿಂ ತಾಂಗೆಲೆ ಉಲೊಂ ದಿಲೆಂ. ಅಶಿಂ ಉಲಯತಚಿ ಗೋಯಾಂತ ಮಸ್ತ ದೇವಿಮಂದಿರ, ಅಮೂರ್ಥ ಕಲ್ಪನಾಚೆ ಆನಿ ಮೂರ್ತಿ ರೂಪಾಂತ ದೇವೀ ವಿಗ್ರಹಾಚೆ ಚಿತ್ರ ಪ್ರದರ್ಶನ ವಯರ ಉಪನ್ಯಾಸ ದಿಲೆಂ. ಆನಿ ಗೊಯಾಂತ ಮಾತೃ ದೇವಿಲೊ ಉಪಾಸನಾ ಬದ್ದಲ ಸುಮಾರ 67 ವೆವೆಗಳೆ ದೇವಳಾಂತ ಚಲಚೆ ಸಾಂಪ್ರದಾಯಿಕ ಆರಾಧನಾ ನಂಬಿಕಾ ಬದ್ದಲ ಶಾಸ್ತ್ರೀಯ ವಿಧಾನಾಚೆ ವ್ಯಾಸಂಗಿಕ ಅಧ್ಯಯನ ಬದ್ದಲ ಸಂಕ್ಷಿಪ್ತ ಜಾಲೆಲೆ ಮಾಹಿತ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಮಾನೆಸ್ತ ಸಿಎ ನಂದಗೋಪಾಲ್ ಶೆಣೈ ಹಾನಿ ಸ್ವಾಗತ ಕೆಲೆಂ. ವರ್ಧನಿ ಸಂಸ್ಥಾ ಹೆಂ ಸಂಶೋಧನಾ ಪುಸ್ತಕ ರಚನಾಕ ಪ್ರಾಯೋಜಕ ಜಾವನ ಆಸಾಚಿ, ಸಂಶೋಧಕ ಡಾ. ರೋಹಿತ್ ಫಳಗಾಂವಕಾರ್ ಹಾನಿ ಕಾರ್ಯರೂಪಾಕ ಹಾಡಚೆ ಸಂಶೋಧನಾ ಪುಸ್ತಕ ಕೇಂದ್ರಾಚೆ ಅಧ್ಯಕ್ಷಾಲೊ ಹಾತ್ತಾಂತ ದಿಲೆಂ. ಹ್ಯಾ ಸಂಧರ್ಭಾರ ಸಂಶೋಧಕರ ಡಾ. ರೋಹಿತ್ ಫಳಗಾಂವಕಾರ್ ಹಾಂಕಾ ಸನ್ಮಾನ ದೀವನು ಗೌರವ ದಿಲೆಂ. ಮಾನೆಸ್ತ ಪುಂಡಳೀಕ ಪೈ (ಅನ್ನು ಮಂಗಳೂರು) ಹಾನಿ, ಸುಮಾರ್ ಏಕ ವರಸ ಅವಧಿಚೆ ಹ್ಯಾ ಸಂಶೋಧನೇಕ ಜಾವಕಾ ಜಾಲೆಲೆ, ಛಾಯಾಚಿತ್ರ ಕಾಣು, ಏಕ ಸೊಬಿತ್ ಜಾವನ ಕಾಫಿಟೆಬಲ್ ಪುಸ್ತಕ ರೂಪಾರ ಯೆವಚಾಕ ಕೆಲೆಲೆ ವಾವರ ಬದ್ದಲ ಸಭೆಕ ಮಾಹಿತ ದಿಲೆಂ. ಹಾಂಗೆಲೆ ವಾವರಾಕ ವಿಶ್ವ ಕೊಂಕಣಿ ಕೇಂದ್ರಾಚೆ ವಿಶ್ವಸ್ಥ ಮಂಡಳಿನ ಶ್ಲಾಘ್ಹನ ಕರನ ಸನ್ಮಾನ ಕೆಲೆಂ. ಮಾನೆಸ್ತಿಣ್ ಸುಚಿತ್ರಾ ಎಸ್ ಶೆಣೈ ನ ಅಧ್ಯಯನ ಯೋಜನಾಚೆ ಸಂಶೋಧಕ ಡಾ ರೋಹಿತ್ ಫಳಗಾಂವಕರ ಹಾಂಗೆಲೆ ಸಂಕ್ಷಿಪ್ತ ಪರಿಚಯ ದಿಲೆಂ ಆನಿ ಕಾರ್ಯಕ್ರಮ ನಿರೂಪಣ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಖಜಾಂಚಿ ಮಾನೆಸ್ತ ಬಿ ಆರ್ ಭಟ ಹಾನಿ ವಂದನಾರ್ಪಣ ಕೆಲೆಂ. ವಿಶ್ವಸ್ಥ ಮಂಡಳಿಚಾ ಸಾಂದೆ ಮಾನೆಸ್ತ ಪ್ರಶಾಂತ ಶೇಟ್, ಉಪಾಧ್ಯಕ್ಷ ಮಾನೆಸ್ತ ಡಿ ರಮೇಶ ನಾಯಕ್ ಆನಿ ಸೊಯರೆ ಮಾನೆಸ್ತಿಣ್ ಉಷಾ ನಂದಗೋಪಾಲ ಶೆಣೈ, ಮಾನೆಸ್ತ ಪಯ್ಯನೂರು ರಮೇಶ ಪೈ, ಅಮೇರಿಕಾಚೆ ಮಾನೆಸ್ತ ಎಸ್ ಗಣೇಶ ಶೆಣೈ, ಕುಡಾಳ ದೇಶ ಆದ್ಯ ಗೌಡ ಬ್ರಾಹ್ಮಣ ಸೇವಾ ಸಂಘಾಚೆ ಆನಿ ಚಪ್ಟೇಕಾರ ಸಮಾಜ ಸುಧಾರಕ ಸಂಘಾಚೆ ಪ್ರಮುಖ ಮಾನೆಸ್ತ ಲೋಕ ಉಪಸ್ಥಿತ ಆಶಿಲಿಂಚಿ.
विश्व कोंकणी केंद्र
गोयांत मातृदेविली उपासना, संशोधना योजनेचे काऱ्यरूपाक हाळेले बद्दल उपन्यास काऱ्यावळी
शक्तिनगर, मंगळूर २०–१२–२०२५ तार्केर विश्व कोंकणी केंद्रान वर्धनी फेलोशीप योजनेरी प्रारंभ केलेले “गोयांत मातृदेविलो उपासना” म्हळेले संशोधनाचे योजना काऱ्यावळ, गोंयचे इतिहास तज्ञ डा. रोहीत फळगांवकार हानी उग्तावण केलें. आनी तांगेले संशोधना योजना बद्दल उपन्यास दिलें. प्राकादाकुनूची कोंकणी भाषिकांगेलो मध्ये निच्चळ जावनू आसुचे मातृशक्ती आराधनाक सूक्त संशोधनात्मक स्पर्शाचे अगत्य जाय आसूनू असले काऱ्य अध्ययन योजना विश्व कोंकणी केंद्रान हात्तांत घेतलां. हें संशोधना काऱ्ययोजना आरतां आखेरीचे हंता मेरेन पावलां. विश्व कोंकणी केंद्र आनी वर्धनी फेलोशीप संस्थेचाचे हें काऱ्य मसत प्रशंशेक साबीत जालां अशीं तांगेले उलों दिलें. अशीं उलयतची गोयांत मसत देविमंदीर, अमूर्थ कल्पनाचे आनी मूर्ती रूपांत देवी विग्रहाचे चित्र प्रदर्शन वयर उपन्यास दिलें. आनी गोयांत मातृ देविलो उपासना बद्दल सुमार ६७ वेवेगळे देवळांत चलचे सांपरदायीक आराधना नंबिका बद्दल शासत्रीय विधानाचे व्यासंगीक अध्ययन बद्दल संक्षिप्त जालेले माहीत दिलें.
विश्व कोंकणी केंद्राचे अध्यक्ष मानेसत सिए नंदगोपाल शेणै हानी स्वागत केलें. वर्धनी संस्था हें संशोधना पुसतक रचनाक प्रायोजक जावन आसाची, संशोधक डा. रोहीत फळगांवकार हानी काऱ्यरूपाक हाडचे संशोधना पुसतक केंद्राचे अध्यक्षालो हात्तांत दिलें. ह्या संधर्भार संशोधकर डा. रोहीत फळगांवकार हांका सन्मान दीवनू गौरव दिलें. मानेसत पुंडळीक पै (अन्नू मंगळूरू) हानी, सुमार एक वरस अवधिचे ह्या संशोधनेक जावका जालेले, छायाचित्र काणू, एक सोबीत जावन काफिटेबल पुसतक रूपार येवचाक केलेले वावर बद्दल सभेक माहीत दिलें. हांगेले वावराक विश्व कोंकणी केंद्राचे विश्वस्थ मंडळीन श्लाघहन करन सन्मान केलें. मानेसतीण सुचित्रा एस शेणै न अध्ययन योजनाचे संशोधक डा रोहीत फळगांवकर हांगेले संक्षिप्त परिचय दिलें आनी काऱ्यक्रम निरूपण केलें. विश्व कोंकणी केंद्राचे खजांची मानेसत बी आर भट हानी वंदनार्पण केलें. विश्वस्थ मंडळिचा सांदे मानेसत प्रशांत शेट, उपाध्यक्ष मानेसत डी रमेश नायक आनी सोयरे मानेसतीण उषा नंदगोपाल शेणै, मानेसत पय्यनूरू रमेश पै, अमेरिकाचे मानेसत एस गणेश शेणै, कुडाळ देश आद्य गौड ब्राह्मण सेवा संघाचे आनी चपटेकार समाज सुधारक संघाचे प्रमूख मानेसत लोक उपस्थीत आशिलिंची.