ವಿದ್ಯಾಕಲ್ಪಕ ‘ಕ್ಷಿತಿಜ’ ಕೌಶಲ್ಯ ತರಬೇತಿ ಶಿಬಿರ ಸಮಾರೋಪ ಸುವಾಳೊ

ವಿದ್ಯಾಕಲ್ಪಕ  ಯೋಜನಾ ಖಾಲ ವಿದ್ಯಾರ್ಥಿ ವೇತನಾಕ ವಿಂಚುನ ಆಯಿಲೆಂ ವಿದ್ಯಾರ್ಥಿಂಕ  ‘ಕ್ಷಿತಿಜ’ ನಾವಾಂಚೆ ತೀನಿ ದಿವಸಾಚೆ ಮುಫತ ಕೌಶಲ್ಯ ತರಬೇತಿ ಶಿಬಿರ ವಿಶ್ವ ಕೊಂಕಣಿ ಕೇಂದ್ರಾಂತ ಆಯೋಜನ ಕೆಲೆಲೆಂ, ಶಿಬಿರಾಚೆ ಸಮಾರೋಪ ಸಮಾರಂಭ 25-05-2025 ತಾರ್ಕೆರ ಚಲ್ಲೆಂ. ಮುಖೇಲ ಸೊಯರೆ ಜಾವನು ಆಯಿಲೆ ನಾಯಕ್ ಗ್ರೂಪ್ಸ್ ಚೆ ಶ್ರೀ ಪ್ರಸಾದ ನಾಯಕ್ ಸುಜೀರ್ ಹಾನಿ ಶಿಬಿರಾರ್ಥಿಂಕ ಸ್ಫೂರ್ತಿದಾಯಕ ಸಂದೇಶ ದಿಲೆಂ. ಮ್ಹಾಲ್ಗಡೆ ವಿದ್ಯಾಕಲ್ಪಕ ಹಿತೈಶಿ ಶ್ರೀ ಜಯಂತ ಶೆಣೈ ನಗರ, ವಿದ್ಯಾಕಲ್ಪಕ ಸಂಘಟಕ ಶ್ರೀ ಯು ಎಸ್ ಸುರೇಂದ್ರ ನಾಯಕ ಹಾನಿ ಉಪಸ್ಥಿತ ಆಸುನು ಶುಭ ಸಂದೇಶ ದಿಲೆಂ. 

ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಆನಿ ಶಿಬಿರಾಚೆ ಪ್ರಾಯೊಜಕ  ಸಿ. ಎ. ನಂದಗೋಪಾಲ್ ಶೆಣೈ ಹಾನಿ ಅತಿಥಿಂಕ ಸ್ವಾಗತ ಕರನು, ವಿದ್ಯಾರ್ಥಿಂಕ ಉದ್ದೇಶಿಸುನು  ನಿರಂತರ ಜಾಲೆಲೆ ಛಲ ಸಾಧನಾ, ಧೃಢ ನಿರ್ಧಾರ, ಆತ್ಮವಿಶ್ವಾಸಾನ ಮಾತ್ರ ಆಮಗೆಲೆ ಗುರಿ ಪಾವಚಾಕ ಸಾಧ್ಯ ಅಶಿಂ  ಜೀವನಾಚೆ  ಘಟಣಾ ಸಾಂಗಾತಾಕ  ಶಿಬಿರಾರ್ಥಿಂಕ ಉದ್ದೇಶಿಸುನು ತಾಂಗೆಲೆ ಮನೋಸಾಮರ್ಥ್ಯ ಉಪಯೋಗ ಕರನು ಯಶ ಪಾವಚಾಕ ಆನಿ ಆತ್ಮವಿಶ್ವಾಶ ವಾಡೊವಚೆ ಬದ್ದಲ ಸಾಂಗಲೆಂ.   

25-05-2025 ತಾರ್ಕೆರ ಸಕಾಳಿ ದಾಕುನು ಸಾಂಜ ಮೆರೆನ ನಾಮನೆಚೆ ರಂಗಭೂಮಿ ಕಲಾವಿದ ಕಾಸರಗೋಡು ಚಿನ್ನ ಹಾಂಗೆಲೆ ರಂಗಭೂಮಿ ಪ್ರಾತ್ಯಕ್ಷಿಕಾ ತರಬೇತಿ ಚಲ್ಲೆಂ. ಶಿಬಿರಾರ್ಥಿಂನಿ ಶಿಬಿರಾಂತು ತಾನ್ನಿ ಘೆತ್ತಿಲೆ ವೆವೆಗಳೆ ವಿಷಯಾ ಬದ್ದಲ ಅನುಭವ ಸಭೆರಿ ವಾಂಟುನ ಘೆತಲೆಂ. ಸಿಎಒ ಡಾ. ಬಿ. ದೇವದಾಸ ಪೈ ಹಾನಿ ಧನ್ಯವಾದ ಸಮರ್ಪಣ ಕೆಲೆಂ. ಲಕ್ಷ್ಮೀ ಕಿಣಿ ಹಾನ್ನಿ ಕಾರ್ಯಕ್ರಮ ನಿರೂಪಣ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ವಿದ್ಯಾಕಲ್ಪಕ ಆನಿ ವರ್ಧನಿ ಸಂಸ್ಥೆ ತರಬೇತಿ ಯೋಜನಾಚೆ ಸಹಭಾಗಿ ಜಾವನ ಆಸಾತಿ. .   

विश्वकोंकणी केंद्र विद्याकल्पक ‘क्षितीज’ कौशल्य तरबेती शिबीर समारोप सुवाळो

 विद्याकल्पक  योजना खाल विद्यार्थी वेतनाक विंचून आयिलें विद्यार्थिंक  ‘क्षितीज’ नावांचे तीनी दिवसाचे मुफत कौशल्य तरबेती शिबीर विश्व कोंकणी केंद्रांत आयोजन केलेलें, शिबिराचे समारोप समारंभ २५-०५-२०२५ तार्केर चल्लें. मुखेल सोयरे जावनू आयिले नायक ग्रूप्स चे श्री प्रसाद नायक सुजीर हानी शिबिरार्थिंक स्फूर्तिदायक संदेश दिलें. म्हाल्गडे विद्याकल्पक हितैशी श्री जयंत शेणै नगर, विद्याकल्पक संघटक श्री यू एस सुरेंद्र नायक हानी उपस्थीत आसुनू शूभ संदेश दिलें.   

विश्व कोंकणी केंद्र अध्यक्ष आनी शिबिराचे प्रायोजक  सी. ए. नंदगोपाल शेणै हानी अतिथिंक स्वागत करनू, विद्यार्थिंक उद्देशिसुनू  निरंतर जालेले छल साधना, धृढ निर्धार, आत्मविश्वासान मात्र आमगेले गुरी पावचाक साध्य अशीं  जीवनाचे  घटणा सांगाताक  शिबिरार्थिंक उद्देशिसुनू तांगेले मनोसामर्थ्य उपयोग करनू यश पावचाक आनी आत्मविश्वाश वाडोवचे बद्दल सांगलें.  

२५-०५-२०२५ तार्केर सकाळी दाकुनू सांज मेरेन नामनेचे रंगभूमी कलावीद कासरगोडू चिन्न हांगेले रंगभूमी प्रात्यक्षिका तरबेती चल्लें. शिबिरार्थिंनी शिबिरांतू तान्नी घेत्तिले वेवेगळे विषया बद्दल अनुभव सभेरी वांटून घेतलें. सिएओ डा. बी. देवदास पै हानी धन्यवाद समर्पण केलें. लक्ष्मी किणी हान्नी काऱ्यक्रम निरूपण केलें. विश्व कोंकणी केंद्र सांगाताक विद्याकल्पक आनी वर्धनी संस्थे तरबेती योजनाचे सहभागी जावन आसाती.