ಮಂಗಳೂರಾಂತು ಆಸ್ಸುಚೆ ವಿಶ್ವ ಕೊಂಕಣಿ ಕೇಂದ್ರ ಎಂಜಿನಿಯರಿಂಗ್ ಆನಿ ವೈದ್ಯಕೀಯ ವಿದ್ಯಾರ್ಥ್ಯಾಂಕ ೨೦೨೫-೨೦೨೬ ಶೈಕ್ಷಣಿಕ ವರ್ಷಾಕ ಜಾವನು ಮೆರಿಟ್-ಕಮ್-ಮೀನ್ಸ್‌ವಿದ್ಯಾರ್ಥಿವೇತನ ಖಾತೇರಿ ಅರ್ಜಿ ಆಹ್ವಾನ ಕರತಾ ಆಸ್ಸಾ.
- ಕೊಂಕಣಿ ಮಾತೃಭಾಸ ಜಾವನು ಉಲಯಚೆ ಅಭ್ಯರ್ಥಿನಿ ಮಾತ್ರ ತಾಂಗೆಲೆ ಜಾತಿ ಆನಿ ಧರ್ಮ ಲೆಕ್ಕನಾಶಿ ಹೇ ವಿದ್ಯಾರ್ಥಿವೇತನಾಂಕ ಅರ್ಜಿ ಘಾಲಯೇತ. ಕೊಂಕಣಿ ಮಾತೃಭಾಷಾ ಪ್ರಮಾಣಪತ್ರ ದಿವಚೆ ಕಡ್ಡಾಯ ಆಸ್ಸಾ.
* ೨೦೨೫ ಂತು ಎಂಜಿನಿಯರಿಂಗ್ ಜಾಂವೊ ವೈದ್ಯಕೀಯ ಕೋರ್ಸಾಚೆ ಪಯಲೆ ವರಸಾಕ ಪ್ರವೇಶ ಘೆವಚೆ ಅರ್ಹ ಅಭ್ಯರ್ಥಿನಿ ಮಾತ್ರ ಅರ್ಜಿ ಘಾಲಯೇತ. ತಾನ್ನಿ ಕಾಲೇಜಾಂತು ಪ್ರವೇಶ ಘೆತ್ತಿಲ್ಯಾಕ ಪುರಾವೋ ಆನಿ ಶುಲ್ಕ ಭರಲೀಲೆ ರಶೀದಿ ದಿವ್ಕಾ.
* ಪಿಯುಸಿಂತು ಕೋರ್ ವಿಷಯಾಂತು ಶೇ.೮೦% ಪಶಿ ಚ್ಹಡ ಆನಿ ಸಾಮಾನ್ಯ ಪ್ರವೇಶ ಪರೀಕ್ಷೆ(ಸಿ‌ಇಟಿ)ಂತು ೩೦,೦೦೦ ಜಾಂವೊ ತಾಜ್ಜ ಪಶಿ ಊಣೆ ರ್‍ಯಾಂಕ್ (ಕುಡುಬಿ ಆನಿ ಖಾರ್ವಿ ಸಮುದಾಯಾಚೆ ವಿದ್ಯಾರ್ಥ್ಯಾನಿ ೬೦,೦೦೦ ಜಾಂವೊ ತಾಜ್ಜ ಪಶಿ ಊಣೆ ರ್‍ಯಾಂಕ್) ಘೇವ್ನಾಸ್ಸುಕಾ. ಜಾಂವೊ ರಾಷ್ಟ್ರೀಯ ಅರ್ಹತಾ ಆನಿ ಪ್ರವೇಶ ಪರೀಕ್ಷೆಂತು (ನೀಟ್) ಅರ್ಹತಾ ಅಂಕ ಘೇವ್ನಾಶ್ಶಿಲೆ ವಿದ್ಯಾರ್ಥ್ಯಾನಿ ಮಾತ್ರ ಅರ್ಜಿ ಘಾಲಯೇತ. ನಾಂವೆ ವೆಗಳೆ ಪ್ರವೇಶ ಪರೀಕ್ಷೆಂತು ಪ್ರತಿಭಾನ್ವಿತ ಶ್ರೇಣಿ ಸ್ಥಾನ ಘೆತ್ತಿಲೆ ಚರಡುವಾನಿ, ತಾನ್ನಿ ಘೆತ್ತಿಲೆ ಅಂಕ ಆನಿ ಶ್ರೇಣಿಚೆ ಪುರಾವೆ ಸಹಿತ ಅರ್ಜಿ ಘಾಲ್ಕಾ.
- ಕುಟುಂಬಾಚೆ ಒಟ್ಟು ಆದಾಯ ವಾರ್ಷಿಕ ರೂ. ೫.೦೦ ಲಾಕಾ ಪಶಿ ಊಣೆ ಆಸ್ಸುಚೆ ವಿದ್ಯಾರ್ಥ್ಯಾನಿ ಮಾತ್ರ ಅರ್ಜಿ ಘಾಲಯೇತ. ತತ್ಸಂಬಂಧ ಅಭ್ಯರ್ಥಿನಿ ಕುಟುಂಬಾಚೆ ವೈದ್ಯ ಆನಿ ಚಾರ್ಟರ್ಡ್ ಅಕೌಂಟೆಂಟ್ ತಾಕೂನು ಉಲ್ಲೇಖ ಘಾಲ್ಕಾ.
* ವಿಶ್ವ ಕೊಂಕಣಿ ವಿದ್ಯಾರ್ಥಿ ವಿದ್ಯಾರ್ಥಿವೇತನ ಕಾರ್ಯಕ್ರಮ ಮಾತೃಭಾಷಿಕಾಂಕ ಮದತ್ ದಿವಚೆ ಕಾರ್ಯಕ್ರಮ ಜಾವ್ನಾಸ್ಸಾ. ಅರ್ಹ ವಿದ್ಯಾರ್ಥ್ಯಾಂಕ ದುಡವಾ ಮದತ್ ದಿವಚೆ ಬರಶಿ ಕೌಶಲ್ಯ ಅಭಿವೃದ್ಧಿ ಆನಿ ಮಾರ್ಗದರ್ಶನ ಕಾರ್ಯಕ್ರಮ ವರೇನ ದಿತ್ತಾತಿ. (ಎಂಜಿನಿಯರಿಂಗ್/ವೈದ್ಯಕೀಯ ಕೋರ್ಸ್ ಪೂರ್ಣ ಜಾವ್ಚೆ ಪರಿಯಂತ ಆಸ್ತಾ.). ಅರ್ಜಿ ಘಾಲ್ಚೆ ಮೂಖಾಂತರ ವಿದ್ಯಾರ್ಥಿ ವೇತನ ಅಪೇಕ್ಷ ಕೊರಚೆ ವಿದ್ಯಾರ್ಥಿ ಪ್ರಯೋಜನಾತ್ಮಕ ಕಡ್ಡಾಯ ಅಭಿವೃದ್ಧಿ ಕಾರ್ಯಕ್ರಮಾಂತು ವಾಂಟೊ ಘೆವಚಾಕ ಒಪ್ಪಿಗಾ ದಿವ್ನಾಸ್ತಾ.
* ವಿದ್ಯಾರ್ಥಿ ಆಪಣೇಲೆ ಶಿಕ್ವಣ ಪೂರ್ತಿ ಜಾವ್ನು ಉದ್ಯೋಗ ಘೆತ್ಲೆ ಮಾಗಿರಿ ದೊಗ್ಗ ಲೋಕ ವಿದ್ಯಾರ್ಥ್ಯಾಂಕ ಪ್ರಾಯೋಜಕ ಜಾವಚಾಕ ತಯಾರ ಆಸ್ಸುಕಾ. - * ವೆಂಚಪ ಜಾವಚೆ ಹರ್‍ಯೇಕ ವಿದ್ಯಾರ್ಥಿಕ ತಾನ್ನಿ ಅರ್ಹತಾ ಮಾನದಂಡ ಪೂರ್ಣ ಕೆಲಯಾರಿ ವಾರ್ಷಿಕ ಜಾವನು ರೂ. ೫೦,೦೦೦ ಮೊತ್ತಾಚೆ ವಿದ್ಯಾರ್ಥಿವೇತನ ದಿತ್ತಾತಿ (೪ ವರ್ಷಾಕ ಒಟ್ಟು ರೂ. ೨,೦೦,೦೦೦/-)
- ಸರ್ವ ವಿದ್ಯಾರ್ಥ್ಯಾನಿ ತಾಂಗೆಲೆ ಅರ್ಜ್ಯೋ ಆನಲೈನ್ ಮುಖಾಂತರ ಪೆಟೋನು. ಆಪ್‌ಲೈನಾಂತು (ಮುದ್ರಿತ ಪ್ರತಿಂತು) ಪೆಟಯಿಲೆ ಅರ್ಜ್ಯಾಂಕ ಮಾನ್ಯತಾ ಆಸ್ಸನಾ.
೧೫ ವರಸಾ ಮಾಕಸಿ ಮ್ಹಳಯಾರಿ ೨೦೧೦ ಇಸ್ವೆಂತು ಖ್ಯಾತ ಚಿಂತಕ ಆನಿ ಕಾರ್ಪೊರೇಟ್ ಮುಖೇಲ ಟಿ.ವಿ. ಮೋಹನದಾಸ್ ಪೈ ತಾಂಗೆಲೆ ಕಲ್ಪನೆ ಪ್ರಮಾಣೆ ಆರಂಭ ಕೆಲೀಲೆ ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ನಿಮಿತ್ತ್ಯಾನಿ ಆಜ ಪರಿಯಂತ ರೂ. ೩೦.೦೦ ಕೋಟಿ ಪಶಿ ಚ್ಹಡ ದುಡ್ಡು ಕೊಂಕಣಿ ಚರಡುವಾಂಕ ವಿದ್ಯಾರ್ಥಿವೇತನವ ಜಾವನು ವಾಂಟಿಲೆ ಆಸ್ಸಾ. ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿಕ ದಿವಚೆ ದೇಣಿಗಾ ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ ೮೦(ಜಿ) ಂತು ತೆರಿಗೆ ವಿನಾಯ್ತಿಕ ಅರ್ಹ ಜಾತ್ತಾ.