ಲಕ್ಷ ಪ್ರದಕ್ಷಿಣೆ
ಶ್ರೀ ವೆಂಕಟರಮಣ ದೇವುಳ, ರಥಬೀದಿ, ಮಂಗಳೂರು ಹಾಂಗಾ ಆಷಾಢ ಶುದ್ದ ಏಕಾದಶಿಚಾನ ಕಾರ್ತಿಕ ಶುದ್ದ ಏಕಾದಶಿ ಪರಿಯಂತ ಮ್ಹಳಯಾರಿ ದಿನಾಂಕ. ೦೬-೦೭-೨೦೨೫ ತಾಕೂನು ದಿನಾಂಕ. ೦೨-೧೧-೨೦೨೫ ಪರಿಯಂತ ಪ್ರತಿ ದಿವಸು ಸಕ್ಕಾಣಿ ಹಾಂಗಾ ೬.೩೦ ಘಂಟ್ಯಾಚಾನ ಧೋಂಪಾರಾ ೧೨.೩೦ ಪರಿಯಂತ ಲಕ್ಷ ಪ್ರದಕ್ಷಿಣೆ ಚಲ್ತಾ. ತ್ಯಾ ಧಾರ್ಮಿಕ ಕಾರ್ಯಕ್ರಮ ಇತ್ಲೆ ಭಿತ್ತರಿ ಆರಂಭ ಜಾಲೀಲೆ ಆಸ್ಸುನು ಜಿ.ಎಸ್.ಬಿ. ಸಮಾಜಾಚೊ ಸರ್ವ ಭಾಂದವಾನಿ ಹೇ ಪುಣ್ಯಕಾರ್ಯಾಂತು ವಾಂಟೊ ಘೇವ್ನು ಹರಿಕೃಪೆಕ ಪಾತ್ರ ಜಾವ್ಕಾ ಮ್ಹೊಣು ವಿನಂತಿ ಆಸ್ಸಾ.
ಸದಸ್ಯಾಂಗೆಲೆ ಸಭಾ : ಮಂಗಳೂರ್‍ಚೆ ಶ್ರೀ ವೆಂಕಟರಮಣ ದೇವಳಾಂತು ನೋಂದಾಯಿತ ಸದಸ್ಯಾಂಗೆಲೊ ಬೈಠಕ್ (ಸಭಾ) ದಿನಾಂಕ ೨೦.೭.೨೦೨೫ ದಿವಸು ಸಕ್ಕಾಣಿ ೧೦.೩೦ ಘಂಟ್ಯಾಕ ಶ್ರೀದೇವಳಾಚೆ ರಾಜಾಂಗಣಾಂತು ಚಲ್ಲೆ. ಹೇ ವೇಳ್ಯಾರಿ ಶ್ರೀ ದೇವಳಾಂತು ಆಯೋಜನ ಕೆಲೀಲೆ ಸರ್ವ ಧಾರ್ಮಿಕ, ಸಾಮಾಜಿಕ, ಸಾಂಸ್ಕೃತಿಕ ಕಾರ್ಯಕ್ರಮ ಯಶಸ್ವಿ ಜಾವನು ಚಲಾಯಿಸುಚೆ ಖಾತೇರಿ ಚರ್ಚಾ ಚಲ್ಲಿ.
ಸಾಮೂಹಿಕ ಬ್ರಹ್ಮೋಪದೇಶ ಕಾರ್ಯಕ್ರಮ
ಶ್ರೀ ವೆಂಕಟರಮಣ ದೇವುಳ, ರಥಬೀದಿ, ಮಂಗಳೂರು ಹಾಂಗಾ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಮುಂಜಿಕ ವಾಡ್ಡಿಲೆ ವಟುಂಕ ಸಾಮೂಹಿಕ ಬ್ರಹ್ಮೋಪದೇಶ ಕಾರ್ಯಕ್ರಮು ಆಯ್ತವಾರು, ದಿನಾಂಕ.೦೮-೦೨-೨೦೨೬ ಅಭಿಜಿನ್ ಲಗ್ನಾಂತು ಸಂಸ್ಥಾನ ಶ್ರೀ ಕಾಶಿ ಮಠಾಧಿಪತಿ ಪ.ಪೂ.ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಉಪಸ್ಥಿತಿರಿ ಚೊಲ್ಚೆ ಆಸ್ಸಾ. ಆಪಣೇಲೆ ಯೋಗ್ಯ ಚರಡುವಾಂಕ ಮೂಂಜಿ ಕೊರಚಾಕ ಇಚ್ಛಾ ಆಶ್ಶಿಲೆ ಸಮಾಜ ಬಾಂದವಾನಿ ಹೇ ಸಾಮೂಹಿಕ ಬ್ರಹ್ಮೋಪದೇಶ ಕಾರ್ಯಕ್ರಮಾಂತು ವಾಂಟೊ ಘೆವಚಾಕ ದಿನಾಂಕ. ೧೫-೦೧-೨೦೨೬ ಪಶಿ ಪಯಲೆ ದೇವುಳಾಚೆ ಟ್ರಸ್ಟಿಂಕ ಸಂಪರ್ಕ ಕೊರಯೇತ ಮ್ಹೊಣು ಕೋಳ್ನು ಆಯಲಾ. ಮಾಹಿತಿಕ : ಶ್ರೀ ಎಂ. ಸತೀಶ್ ಪ್ರಭು ೯೪೪೮೧ ೩೫೯೫೦ ಆನಿ ಶ್ರೀ ಕೆ. ಗಣೇಶ್ ಕಾಮತ್ ೯೭೩೧೪ ೩೭೬೨೮ ಹಾಂಕಾ ಸಂಪರ್ಕ ಕೊರಯೇತ.