ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಆನಿ ವಿಶ್ವ ಕೊಂಕಣಿ ಪ್ರಶಸ್ತಿ 

ತಾ. 31 ಜನವರಿ ಆನಿ ತಾ. 1 ಫೆಬ್ರವರಿ 2026 ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಆನಿ ಡಾ ಪಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಟ ಆನಿ ಅನುವಾದ ಪ್ರಶಸ್ತಿ ಪದಾನ ಉಗ್ತಾವಣ ಸುವಾಳೊ ಮಂಗಳೂರಚಾ ಟಿವಿ ರಮಣ ಪೈ ಸಭಾಂಗಣ, ಕೊಡಿಯಾಲ್-ಬೈಲ್ ಹಾಂಗಾ ದೋನಿ ದಿವಸು ಭರ, ಚಲ್ಲೆಂ. ಪಯಲೆ ದಿವಸು ಮಾನಾಚೆ ಸೊಯರೆ “ತರ್ಪಣ” ಕೊಂಕಣಿ ಸಿನೆಮಾ ನಿರ್ದೇಶಕ ದೇವದಾಸ ನಾಯಕ ಹಾನಿ ದಿವೊ ಲಾವನ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಉಗ್ತಾವಣ ಕೆಲೆಂ.

ದುಸರೆ ದಿವಸು ಮಾನಾಚೆ ಸೊಯರೆ ಮ್ಹಾಲ್ಗಡಿ ಕೊಂಕಣಿ ಅನುವಾದಕಿ ಮಾನೆಸ್ತಿಣ್ ಮಾಯಾ ಅನಿಲ್ ಖರಂಗಟೆ , ಹಾನ್ನಿ ದಿವೊ ಲಾವನ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಆನಿ ವಿಶ್ವ ಕೊಂಕಣಿ ಪ್ರಶಸ್ತಿ ಕಾರ್ಯಾವಳೀಚೆ ಉಗ್ತಾವಣ ಕೆಲೆಂ. ವಿಶ್ವ ಕೊಂಕಣಿ ನಾಟಕ ಮಹೋತ್ಸವಾಚೆ ಪ್ರಯುಕ್ತ ಚಾರಿ ನಾಮಾನೆಚೆ ಕೊಂಕಣಿ ನಾಟಕ ಪ್ರದರ್ಶನ ಚಲ್ಲೆ. ಪಯಲೆ ದಿವಸು (ತಾ. 31-01-2026) ಸಂಜೆ 5.00-6.00 ಮೆರೆನ ಮಂಗಳೂರಚಾ ಸಾಧನಾ ಬಳಗ ಶ್ರೀ ಪ್ರಕಾಶ್ ಶೆಣೈ ಮುಖೇಲಪಣಾರಿ ಚೆರ್ಡುವಾಂಗೆಲೊ ಪಂಗಡಾ ಥಾವನ “ಭಕ್ತ ಪುರಂದರು” ಕೊಂಕಣಿ ನಾಟಕ ಪ್ರದರ್ಶನ ಚಲ್ಲೆ. ಹೆಂ ಪ್ರದರ್ಶನಾಕ ಲೋಕಾಂಗೆಲೆ ಭಾರೀ ಪ್ರಶಂಶಾ ಮೆಳ್ಳೆಲೆ.

ಹ್ಯಾಚೀ ದಿವಸು ಸಂಜೆ 7.00-8.00 ಮೆರೆನ ಮಂಗಳೂರಚಾ ರಂಗ ಅಧ್ಯಯನ ಕೇಂದ್ರ ತಂಡಾ ಥಾವನ ಜನಮೊಗಾಳ ಜಾಲೆಲೆ “ಚಿಕೆ ರಾಬ್” (ಹೋಲ್ಡ್ ಓನ್) ಕೊಂಕಣಿ ನಾಟಕ ಪ್ರದರ್ಶನ ಚಲ್ಲೆಂ.

ದುಸರೆ ದಿವಸು (ತಾ. 01-02-2026) ಸಂಜೆ 5.00-6.00 ಮೆರೆನ ಗೊಂಯಚೆ ನಟರಂಗ ಕ್ರಿಯೇಶನ್ಸ್ ತಂಡಾ ಥಾವನ “ಸುಖವಾದಿ” (ಹೆಡೋನಿಸ್ಟ್) ಕೊಂಕಣಿ ನಾಟಕ ಪ್ರದರ್ಶನಯ ಚಲ್ಲೆಂ.ತಶೀಂಚಿ ನಾಮನೆಚೆ ಕೊಂಕಣಿ ಸಂಗೀತ ಗಾಯಕ ಮುರಳೀಧರ ಜಿ ಶೆಣೈ, ಪ್ರಜ್ವಲ ಕಾಮತ್, ಗ್ರೀಷ್ಮಾ ಕಿಣಿ, ಭೂಮಿಕಾ ಶೆಣೈ ಹಾನ್ನಿ ವೆವೆಗಳೆ ಕೊಂಕಣಿ ಗಾಯನ ಪ್ರಸ್ತುತ ಕೆಲೆಂ. ಪ್ರಶಸ್ತಿ ಪ್ರದಾನ ಸಮಾರಂಭ ನಂತರ 7.00-8.00 ಗಂಟ್ಯಾಕ ನಾಟ್ಯ ನಿಕೇತನ ಕೊಲ್ಯ ವತೀನ ಕರ್ನಾಟಕ ಕಲಾಶ್ರೀ ಗುರು ರಾಜಶ್ರೀ ಉಳ್ಳಾಲ ಹಾಂಗೆಲೆ ಪಂಗಡಾ ಥಾವನ “ಪಾರಿಜಾತ ಫೂಲ್” ಗೀತ ನೃತ್ಯ ನಾಟಕ ಪ್ರದರ್ಶನ ಚಲ್ಲೆಂ. ಹೆ ನೃತ್ಯ ನಾಟಕಾಕ ಲೋಕಾಂನಿ ಭಾರೀ ಪ್ರಶಂಶಾ ವ್ಯಕ್ತ ಕೆಲೆಲೆಂ.

ಸಂಜೆ 6.00 ಗಂಟ್ಯಾಕ ಡಾ ಪಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಟ ಆನಿ ಅನುವಾದ ಪ್ರಶಸ್ತಿ ಪ್ರದಾನ ಸಮಾರಂಭ ಆನಿ ಸಭಾ ಕಾರ್ಯಾವಳ ಚಲ್ಲೆಂ. ಮ್ಹಾಲ್ಗಡೆ ಕೊಂಕಣಿ ರಂಗಕರ್ಮಿ ಶ್ರೀ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ ಹಾಂಕಾ ಹ್ಯಾ ವರಸಾಚೆ “ಡಾ ಪಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಟ ಪ್ರಶಸ್ತಿ” ಆನಿ ಮ್ಹಾಲ್ಗಡಿ ಕೊಂಕಣಿ ಅನುವಾದಕಿ ಶ್ರೀಮತಿ ಮಾಯಾ ಅನಿಲ್ ಖರಂಗಟೆ ಹಾಂಕಾ ಹ್ಯಾ ವರಸಾಚೆ “ಡಾ ಪಿ ದಯಾನಂದ ಪೈ ವಿಶ್ವ ಕೊಂಕಣಿ ಅನುವಾದ ಪ್ರಶಸ್ತಿ” 1 ಲಾಖ ರುಪಯಿ, ಶಾಲ, ಯಾದಸ್ತಿಕಾ ಆನಿ ಫಲ-ತಾಂಬೂಲ ದೀವನು ದೊಗಾ ಮಾನೆಸ್ತಾಂಕಯ ಮಾನ ದೀವನ ಪ್ರಶಸ್ತಿ ಪ್ರದಾನ ಕೆಲೆಂ.

ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ ಎ ನಂದಗೋಪಾಲ ಶೆಣೈ ಹಾನ್ನಿ ಸ್ವಾಗತ ಕೆಲೆಂ. ಉಪಾಧ್ಯಕ್ಷ ಶ್ರೀ ವಿಲಿಯಂ ಡಿಸೋಜಾ, ಶ್ರೀ ಡಿ ರಮೇಶ ನಾಯಕ, ಟ್ರಸ್ಟಿ ಶ್ರೀ ಗಿಲ್ಬರ್ಟ್ ಡಿಸೋಜಾ, ಖಜಾಂಚಿ ಶ್ರೀ ಬಿ ಆರ್ ಭಟ, ಕಾರ್ಯದರ್ಶಿ ಡಾ. ಕೆ ಮೋಹನ ಪೈ, ಟ್ರಸ್ಟಿ ಪ್ರಶಾಂತ ಶೇಟ್ ಆನಿ ಉಷಾ ನಂದಗೋಪಾಲ ಶೆಣೈ, ಡಾ ಜಯಂತಿ ನಾಯಕ, ಸುಚಿತ್ರಾ ನಾಯಕ, ಪ್ರಭಾ ಭಟ್, ವಾಲ್ಟರ್ ಡಿಸೋಜಾ, ಪಯ್ಯನೂರು ರಮೇಶ ಪೈ, ಗುರುದಾಸ್ ಚೂರ್ಯಾ, ಡಾ ಬಿ ದೇವದಾಸ ಪೈ ಆನಿ ಹೆರ ಮಾನೆಸ್ತ ಲೋಕ್ ಉಪಸ್ಥಿತ ಆಶಿಲಿಂಚಿ.

ಡಾ ವಿಜಯಲಕ್ಷ್ಮಿ ನಾಯಕ ಹಾನಿ ಸಭಾ ಕಾರ್ಯಾವಳೀಚೆ ನಿರೂಪಣ ಕೆಲೆಂ. ಚೇತನಾ ನಾಯಕ ಹಾನಿ ಪ್ರಶಸ್ತಿ ವಿಜೇಂತಾಂಗೆಲೆ ಲ್ಹಾನಶೆಂ ವಳಕ ಕರನು ದಿಲೆಂ. ಎಂ ಆರ ಕಾಮತ್ ಹಾನಿ ವಿಶ್ವ ಕೊಂಕಣಿ ನಾಟಕ ಮಹೋತ್ಸವಾಚೆ ನಿರೂಪಣ ಕೆಲೆಂ. ವಿದ್ಯಾಕಲ್ಪಕ ಸಂಸ್ಥೆಚಾ ಛಾತ್ರಾಂ ಸ್ವಯಂ ಸೇವಕ ಜಾವನು ಆನಿ ವಿಶ್ವ ಕೊಂಕಣಿ ಕೇಂದ್ರಾಚೆ ಸಾಂದೆ, ರತ್ನಾಕರ ಕುಡ್ವಾ ಆನಿ ಗೋವಿಂದರಾಯ ಪ್ರಭು ಹಾನಿ ಸಹಕಾರ ದಿಲೆಂ. ವಿಕೊಕೇ ಕಾರ್‍ಯದರ್ಶಿ ಡಾ ಕೆ ಮೋಹನ ಪೈ ಹಾನಿ ದೇವು ಬರೆಂ ಕೊರೊ ಸಾಂಗಲೆಂ. ಅಶಿಂ ದೋನಿ ದಿವಸ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಆನಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಟ ಆನಿ ಅನುವಾದ ಪ್ರಶಸ್ತಿ ಪದಾನ ಸುವಾಳೊ-2026 ಭಾರೀ ವಿಜೃಂಭಣೇರಿ ಚಲ್ಲೆಂ.

ता. ३१ जनवरी आनी  ता. १ फेबरवरी २०२६ विश्व कोंकणी नाटक महोत्सव आनी  डा पी दयानंद पै विश्व कोंकणी रंगश्रेषट आनी अनुवाद प्रशसती पदान उग्तावण सुवाळो मंगळूरचा टिवी रमण पै सभांगण, कोडियाल-बैल हांगा दोनी दिवसू भर, चल्लें. पयले दिवसू मानाचे सोयरे “तर्पण” कोंकणी सिनेमा निर्देशक देवदास नायक हानी दिवो लावन विश्व कोंकणी नाटक महोत्सव उग्तावण केलें.  

दुसरे दिवसू मानाचे सोयरे म्हाल्गडी कोंकणी अनुवादकी मानेसतीण माया अनील खरंगटे हान्नी दिवो लावन विश्व कोंकणी नाटक महोत्सव आनी विश्व कोंकणी प्रशसती  काऱ्यावळीचे उग्तावण केलें.

      विश्व कोंकणी नाटक महोत्सवाचे प्रयुक्त चारी नामानेचे कोंकणी नाटक प्रदर्शन चल्ले. पयले दिवसू (ता. ३१-०१-२०२६) संजे ५.००-६.०० मेरेन मंगळूरचा साधना बळग श्री प्रकाश शेणै मुखेलपणारी चेर्डुवांगेलो पंगडा थावन “भक्त पुरंदरू” कोंकणी नाटक प्रदर्शन चल्ले. हें प्रदर्शनाक लोकांगेले भारी प्रशंशा  मेळ्ळेले.

       ह्याची दिवसू संजे ७.००-८.०० मेरेन मंगळूरचा रंग अध्ययन केंद्र तंडा थावन जनमोगाळ  जालेले “चिके राब” (होलड ओन) कोंकणी नाटक प्रदर्शन चल्लें.

दुसरे दिवसू (ता. ०१-०२-२०२६) संजे ५.००-६.०० मेरेन गोंयचे नटरंग क्रियेशन्स तंडा थावन “सुखवादी” (हेडोनिसट) कोंकणी नाटक  प्रदर्शनय चल्लें.  

तशींची नामनेचे कोंकणी संगीत गायक मुरळीधर जी शेणै, प्रज्वल कामत, ग्रीषमा किणी, भूमिका शेणै हान्नी वेवेगळे  कोंकणी गायन प्रसतूत केलें.

प्रशसती प्रदान समारंभ  नंतर   ७.००-८.०० गंट्याक नाट्य निकेतन कोल्य वतीन कर्नाटक कलाश्री गुरू राजश्री उळ्ळाल हांगेले पंगडा थावन “पारिजात फूल” गीत नृत्य नाटक प्रदर्शन चल्लें. हे नृत्य नाटकाक लोकांनी भारी प्रशंशा व्यक्त केलेलें.        

संजे ६.०० गंट्याक डा पी दयानंद पै विश्व कोंकणी रंगश्रेषट आनी अनुवाद प्रशसती प्रदान समारंभ आनी सभा काऱ्यावळ चल्लें. म्हाल्गडे कोंकणी रंगकर्मी श्री फ्रान्सीस फेर्नांडीस कास्सिया हांका ह्या वरसाचे “डा पी दयानंद पै विश्व कोंकणी रंगश्रेषट प्रशसती” आनी म्हाल्गडी  कोंकणी अनुवादकी श्रीमती माया अनील खरंगटे  हांका ह्या वरसाचे “डा पी दयानंद पै विश्व कोंकणी अनुवाद प्रशसती” १ लाख रुपयी, शाल, यादसतिका आनी फल-तांबूल दीवनू  दोगा मानेसतांकय मान दीवन प्रशसती प्रदान केलें.  

विश्व कोंकणी केंद्राचे अध्यक्ष सी ए नंदगोपाल शेणै हान्नी स्वागत केलें. उपाध्यक्ष श्री विलियं डिसोजा, श्री डी रमेश नायक, ट्रसटी श्री गिलबर्ट डिसोजा, खजांची श्री बी आर भट, काऱ्यदर्शी डा. के मोहन पै, ट्रसटी प्रशांत शेट आनी उषा नंदगोपाल शेणै, डा जयंती नायक, सुचित्रा नायक, प्रभा भट, वाल्टर डिसोजा, पय्यनूरू रमेश पै, गुरुदास चूऱ्या, डा बी देवदास पै आनी हेर मानेसत लोक उपस्थीत आशिलिंची.

डा विजयलक्षमी नायक हानी सभा काऱ्यावळीचे निरूपण केलें. चेतना नायक हानी प्रशसती विजेंतांगेले ल्हानशें वळक करनू दिलें. एं आर कामत हानी विश्व कोंकणी नाटक महोत्सवाचे निरूपण केलें. विद्याकल्पक संस्थेचा छात्रां स्वयं सेवक जावनू आनी विश्व कोंकणी केंद्राचे सांदे, रत्नाकर कुडवा आनी गोविंदराय प्रभू हानी  सहकार दिलें.  विकोके कार‍यदर्शी डा के मोहन पै हानी देवू बरें कोरो सांगलें. अशीं दोनी दिवस विश्व कोंकणी नाटक महोत्सव आनी  दयानंद पै विश्व कोंकणी रंगश्रेषट आनी अनुवाद प्रशसती पदान सुवाळो-२०२६ भारी विजृंभणेरी चल्लें.