ಉಗ್ತಾವಣ ಸುವಾಳೊ
ಸಿ.ಎ. ಅಂತಿಮ ಪರೀಕ್ಷಾಪೂರ್ವ ತರಬೇತ ಆತ್ಮವಿಶ್ವಾಸ ವಾಡೊವಚೆ, ಆನಿ ಆಸಕ್ತಾಂಕ ಸೀಮಿತ ಜಾವನು ಆಸುಚೆ, ವಿಶೇಷ ತರಬೇತ ಶಿಬಿರ. “ಸಿ.ಎ. ಪವರ್ 25. ಸಿ.ಎ. ಅಂತಿಮ ಪರೀಕ್ಷಾಪೂರ್ವ ಸೀಸನ್ 1 ತರಬೇತ ಶಿಬಿರಾಚೆ ಉಗ್ತಾವಣ ಸುವಾಳೊ 17-01-2025 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರ ಹಾಂಗಾ ಚಲ್ಲೆಂ.
ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನಿ ಉಗ್ತಾವಣ ಕರನು ತಾಂಗೆಲೆ ಉತ್ರಾಂನಿ ಸಾಂಗತಚಿ ”ಹೆಂ ಶಿಬಿರ ಸಿ.ಎ. ಅಂತಿಮ ಪರೀಕ್ಷಾ ಛಾತ್ರಾಂಕ ಮಸ್ತ ಮಹತ್ವಾಚೆ ಜಾವನು ಆಸಾ, ಹಾಜೆ ಸದುಪಯೋಗ ಘೆವನು ಯಶ ಪಾವಕಾ ಅಶಿಂ ಶುಭ ಸಾಂಗಲೆಂ.
ತ್ರಿಶಾ ಕ್ಲಾಸಸ್ ಸಂಸ್ಥೆ ಸ್ಥಾಪಕ ಸಿಎ. ಗೋಪಾಲಕೃಷ್ಣ ಭಟ್ ಹಾನಿ ಪರೀಕ್ಷಾರ್ಥಿಂಕ ಪರೀಕ್ಷಾ ಎದುರಿಸುಚಾಕ ಅಗತ್ಯ ಆಶಿಲೆ ಆನಿ, ಜೀವನಾಂತ ಆಪಣಾವನ ಘೆವಕಾ ಜಾಲೆಲೆ ಮಾಹಿತಿ ಬದ್ದಲ ಸಲಹಾ ದಿಲೆಂ.
ಮುಖೇಲ ಸೊಯರೆ ಜಾವನು ಸಿ.ಎ. ಪವರ್ -25 ಸಿ.ಎ ಅಂತಿಮ ಪರೀಕ್ಷ ಶಿಬಿರ ಕಾರ್ಯಕ್ರಮಾಚೆ ಪ್ರಾಯೋಜಕ ಜಾವನುವಿದ್ಯಾಕಲ್ಪಕ ಸಂಸ್ಥಾ ಮುಖೇಲ ಉಷಾ ನಂದಗೋಪಾಲ ಶೆಣೈ, ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯುಶನ ಹಾಜೆ ಡಾ. ನಾರಾಯಣ್ ಕಾಯರ ಕಟ್ಟೆ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಡಾ ಕೆ. ಮೋಹನ ಪೈ, ಉಪಾಧ್ಯಕ್ಷ ಶ್ರೀ ರಮೇಶ ಡಿ ನಾಯಕ, ಮಂಗಳೂರು ತ್ರಿಶಾ ಕ್ಲಾಸಸ್ ಮುಖೇಲ ಯಶಸ್ವಿನಿ ಯಶಪಾಲ್, ಉಪನ್ಯಾಸಕ ಸಿ.ಎ. ಕರಣ್ ಮನ್ಸೂಖಾನಿ ಮುಂಬಯಿ, ಮಂಗಳೂರು ಲೇಕ ತಪಾಸಣ ಸಂಸ್ಥೆ ಸದಸ್ಯ ಜಾವನು ಆಸುಚೆ ಸಿಎ ಗೌತಮ ನಾಯಕ್, ಸಿಎ ಪ್ರಸನ್ನಾ ಶೆಣೈ ಆನಿ ಸಿಎ ಜಯಂತ ಶೆಣೈ ನಗರ್, ವಿ.ಕೊ.ಕೇ ಆಡಳಿತ ಅಧಿಕಾರಿ ಡಾ. ಬಿ. ದೇವದಾಸ್ ಪೈ ಮಾನೆಸ್ತ ಲೋಕ ಸಮಾರಂಭಾಂತ ಉಪಸ್ಥಿತ ಆಶಿಲಿಂಚಿ.
51 ದಿವಸಭರ ಕಾಳ ಮುಫತ್ ಜಾವನು ಆಸುಚೆ ಹೆಂ ರೆಸಿಡೆನ್ಸಿಯಲ್ ತರಬೇತ ಶಿಬಿರ, ಸಿ.ಎ. ಅಂತಿಮ ಪರೀಕ್ಷಾರ್ಥಿಂಕ ಉತ್ತಮ ನವೀನ ಮಾದರಿಂತ ಸಂಪೂರ್ಣ ಅಭ್ಯಾಸ ಕರನು, ಅಣಕ ಪರೀಕ್ಷಾ ದಿವಚೆ ಆಸತಾ. ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ವಿದ್ಯಾಕಲ್ಪಕ ಸಂಸ್ಥೆ, ತ್ರಿಶಾ ಕ್ಲಾಸಸ್ ಸಂಸ್ಥಾ ವಿಶ್ವ ಕೊಂಕಣಿ ಸಾಂಗಾತಾಕ ಹೆಂ ತರಬೇತಿ ಯೋಜನಾಚೆ ಪಾಟಿಂಬ ಜಾವನು ಆಸಾತಿ. ಶಾನೆಲ್ ಡಿಸೋಜಾ ಹಾನಿ ಕಾರ್ಯಕ್ರಮ ನಿರೂಪಣ ಕರನು ದೆವು ಬರೆಂ ಕೊರೊ ಸಾಂಗಲೆಂ.