ವಿಶ್ವ ಕೊಂಕಣಿ ಕೇಂದ್ರ ಕುಡುಬಿ ಸಮಾಜಾಚೊ ವಿಕಸನ  ಚಿಂತನ – ಸಭಾ

ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು, ದಿ. 12-07-2025 – ಕರ್ನಾಟಕ, ಕೇರಳ ಆನಿ ಗೋವಾ ಹ್ಯಾ ತೀನ್ ರಾಜ್ಯಾಂತ್ ಪಾತಳ್ಯಾ ಕೊಂಕಣಿ ಕುಡುಬಿ ಸಮಾಜಾಚೆಂ ಮುಖೇಲ ಪ್ರತಿನಿಧಿ ವಿಶ್ವ ಕೊಂಕಣಿ ಕೇಂದ್ರಾಂತ ಏಕಠಾಯ್ ಜಾವನ್ ಏಕ ಚಿಂತನ ಸಭಾ ಘಡಯಲೆಂ.  ಕುಡುಬಿ ಸಮಾಜಾಚೆಂ ಭಾಶಿಕ, ಸಾಮಾಜಿಕ ಆನಿ  ಆರ್ಥಿಕ ಸ್ಥಿತೀಂಕ ಸುಧಾರಣ ಹಾಡಾಚೆ ಬದ್ದಲ  ವಿಚಾರ-ವಿನಿಮಯ ಕೆಲೊ. ಲೋಕವೇದ ಪಾವಂಡ್ಯಾರ ತೀನ್ ರಾಜ್ಯಾಂತಲೆ ಲೋಕಾ ಮದೆಂ ಸಾಮ್ಯತಾಯ್ ಆಸ ತರೀಯ ಸರಕಾರಿ ಸವಲತ ಆನಿ ಆರಕ್ಷಣ ಸವಲತಾಂ ಮದೆಂ ಖೂಬ ಫರಕ ಆಸ. ಗೋವಾ ರಾಜ್ಯಾಂತಲೆ ಪರಿಶಿಷ್ಟ ಜಾತಿಚ್ಯಾ ಸವಲತ ಕರ್ನಾಟಕಾಂತ್ಲ್ಯಾ ಕುಡಬಿ ಜಾತಿಂಕ ಮೇಳತ ನಾ. ಕುಡುಬಿ ಕೊಂಕಣಿ  ಭಾಸ ಉಪಯೋಗ ಉಣೆ ಜಾತಾಚಿ ಆಸ. ಕುಡಬಿ ತರಣಾಟ್ಯಾಂಕ ನೌಕರಿ, ಕೌಶಲ್ಯ ತರಬೇತ ಆನಿ ವಿದ್ಯಾರ್ಥಿ ಶಿಷ್ಯವೃತ್ತಿಚ್ಯಾ ಸವಲತ ಖೂಬ ಗರ್ಜೆಚ್ಯೊ ಆಸಾ. ಹ್ಯಾ ಸಗಳ್ಯಾ ಪ್ರಯತ್ನಾ ಖಾತೀರ ನವೆಂಬರ್ ಮ್ಹಯ್ನ್ಯಾಂತ ಅಖಿಲ ಭಾರತೀಯ ಮಟ್ಟಾಚೊ ಏಕ ಸಮ್ಮೇಳನ ಆಯೋಜನ ಕರ್ಚೊ ನಿಶ್ಚಯ ಜಾಲೊ.

ಹ್ಯಾ ಸಂಧರ್ಭಾರಿ  ಕೊಂಪದವು ಪೂಜ್ಯ ಸೇಸು ಗೌಡ ಕುಡಬಿ ಜಾನಪದ ಕಲಾ ಟ್ರಸ್ಟ್ ಆನಿ ಎಡಪದವಾಂತ್ಲೆ ಕುಡಬಿ ಜಾನಪದ ಕಲಾವೇದಿಕೆ ಹಾಂಚೆ ತರಪೇನ ಗುಮಟಾ ನಾಚ್, ತೊಣಿಯಾ ನಾಚ್, ದೊರಿಯಾ ನಾಚ್ – ಹ್ಯಾ ಜಾನಪದ ನೃತ್ಯಾಂಚೇಂ ಪ್ರದರ್ಶನ ಲೋಕಾಂಕ ಬರೆಂ ಲಾಗಲೆಂ.

ಗೊಯಾಂ ಥಾವನ ರಾಮನಾಥ ಗಾವಡೆ, ದೇವಿದಾಸ ಗಾಂವಕರ, ಕೇರಳ ಥಾವನ ಕೊಂಕಣಿ ಸಾಹಿತ್ಯ ಆಕಾಡೆಮಿಚೊ ನವೀನ ಕುಮಾರ ಆನಿ ಶರತ್ ಕುಮಾರ ಕುಡಬಿ, ಬಜಪೆ ಕುಡುಬಿ ಸಮಾಜಾಚೊ ಮುಖೇಲ ಮೋಹನ ಗೌಡ, ಮೋನಪ್ಪಗೌಡ, ಸುದರ್ಶನ, ಕೃಷ್ಣ ಕೊಂಪದವ, ಉಡುಪಿಚೊ ಪ್ರಭಾಕರ ನಾಯಕ್, ನಾರಾಯಣ ನಾಯಕ್ ಹಾಂಣಿ ವಿಚಾರ ಮಂಡನ ಕೆಲೆಂ.

ವಕೀಲ ವಿಜಯ ಗೌಡ ಹಾನ್ನಿ ಚರ್ಚಾ ಸಭೆಚೆ ಸಮನ್ವಯ ಕೆಲೆಂ . ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ ಹಾನಿ ಸ್ವಾಗತ ಆನಿ ಪ್ರಸ್ತಾವನಾಚೊ ಭಾಷಣ ಕೆಲೆಂ.  ಶೇಖರ ಗೌಡ ಹಾಣಿ ಉಪಕಾರಾ ಉತ್ರಂ ಸಾಂಗಲೆ.

ವಿಶ್ವ ಕೊಂಕಣಿ ಕೇಂದ್ರಾಚೊ ಉಪಾಧ್ಯಕ್ಷ ವಿಲಿಯಂ ಡಿಸೊಜಾ, ಡಿ ರಮೇಶ ನಾಯಕ್, ಕಾರ್ಯದರ್ಶಿ ಕಸ್ತೂರಿ ಮೋಹನ ಪೈ, ಖಜಾಂಚಿ ಬಿ ಆರ್ ಭಟ್, ಆನಿ ಸಿಎಒ ಡಾ. ಬಿ ದೇವದಾಸ ಪೈ ಉಪಸ್ಥಿತ ಆಶಿಲಿಂ.

विश्व कोंकणी केंद्र कुडुबी समाजाचो विकसन  चिंतन – सभा

विश्व कोंकणी केंद्र, शक्तिनगर, मंगळूरू, दी. १२-०७-२०२५ – कर्नाटक, केरळ आनी गोवा ह्या तीन राज्यांत पातळ्या कोंकणी कुडुबी समाजाचें मुखेल प्रतिनिधी विश्व कोंकणी केंद्रांत एकठाय जावन एक चिंतन सभा घडयलें.  कुडुबी समाजाचें भाशीक, सामाजीक आनी  आर्थीक स्थितींक सुधारण हाडाचे बद्दल  विचार-विनिमय केलो. लोकवेद पावंड्यार तीन राज्यांतले लोका मदें साम्यताय आस तरीय सरकारी सवलत आनी आरक्षण सवलतां मदें खूब फरक आस. गोवा राज्यांतले परिशिषट जातिच्या सवलत कर्नाटकांतल्या कुडबी जातिंक मेळत ना. कुडुबी कोंकणी  भास उपयोग उणे जाताची आस. कुडबी तरणाट्यांक नौकरी, कौशल्य तरबेत आनी विद्यार्थी शिषयवृत्तिच्या सवलत खूब गर्जेच्यो आसा. ह्या सगळ्या प्रयत्ना खातीर नवेंबर म्हयन्यांत अखील भारतीय मट्टाचो एक सम्मेळन आयोजन कर्चो निश्चय जालो.

ह्या संधर्भारी  कोंपदवू पूज्य सेसू गौड कुडबी जानपद कला ट्रसट आनी एडपदवांतले कुडबी जानपद कलावेदिके हांचे तरपेन गुमटा नाच, तोणिया नाच, दोरिया नाच – ह्या जानपद नृत्यांचें प्रदर्शन लोकांक बरें लागलें.

गोयां थावन रामनाथ गावडे, देविदास गांवकर, केरळ थावन कोंकणी साहित्य आकाडेमिचो नवीन कुमार आनी शरत कुमार कुडबी, बजपे कुडुबी समाजाचो मुखेल मोहन गौड, मोनप्पगौड, सुदर्शन, कृषण कोंपदव, उडुपिचो प्रभाकर नायक, नारायण नायक हांणी विचार मंडन केलें.

वकील विजय गौड हान्नी चर्चा सभेचे समन्वय केलें . विश्व कोंकणी केंद्राचो अध्यक्ष सिए नंदगोपाल शेणै हानी स्वागत आनी प्रसतावनाचो भाषण केलें.  शेखर गौड हाणी उपकारा उत्रं सांगले.

विश्व कोंकणी केंद्राचो उपाध्यक्ष विलियं डिसोजा, डी रमेश नायक, काऱ्यदर्शी कसतूरी मोहन पै, खजांची बी आर भट, आनी सिएओ डा. बी देवदास पै उपस्थीत आशिलीं.