`ಯುವಾಂಕ ಆತ್ಮವಿಶ್ವಾಸ ವಾಡೊವಚೆ, ಆನಿ ಸಕಡ ಆಸಕ್ತಾಂಕ ಮುಕ್ತ ಜಾವನು ಆಸುಚೆ ವಿಶಿಷ್ಟ ರೀತಿಚೆ ತರಬೇತಿ ವಿಶ್ವ ಕೊಂಕಣಿ ಕೇಂದ್ರಾಚೆ ಸಿ.ಎ. ಪವರ್ 25 ತರಬೇತಿ. ಹೆಂ ಸಿ ಎ ಇಂಟರ 20 ದಿವಸಾಚೆ ಮುಫತ ತರಬೇತಿ ಶಿಬಿರಾಚೆ ಸಮಾರೋಪ ಸುವಾಳೊ 25-11-2025 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ.
ಹ್ಯಾ ಮೆರೆನ ಸಿ.ಎ. ಇಂಟರ 6 ಸೀಸನ್ ಯಶ ಪಾವನು ಬರೆಂ ಫಲಿತಾಂಶ ದಿಲಾಂ. ತಶೀಂಚಿ ವಿದ್ಯಾರ್ಥಿಂನಿ ತಾಂಗೆಲೆ ಛಲ ಸಾಧನೆನ ಮುಖಾರ್ ಪಾವಚಾಕ, ಆತ್ಮವಿಶ್ವಾಸ ಆನಿ ನಿರಂತರ ಜಾಲೆಲೆ ಅಭ್ಯಾಸಾನ ಮಾತ್ರ ಸಾಧ್ಯ, ಅಶಿಂ ಸಿ ಎ ಇಂಟರ್ ಪರೀಕ್ಷಾ ಉತ್ತೀರ್ಣ ಜಾವನ್ ಸಿ ಎ ಅಂತಿಮ ಪರೀಕ್ಷಾ ಹಂತಾಕ ಯೆವಚೆ ತಶಿಂ ಜಾವೊ ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನಿ ಶಿಬಿರಾರ್ಥಿಂಕ ಶುಭ ಸಾಂಗಲೆಂ.
ತ್ರಿಶಾ ಗ್ರೂಪ್ ಆಫ್ ಇನ್ಸ್ಟಿಟ್ಯೂಶನ್ ಮುಖೇಲ ಸಿ ಎ ಗೋಪಾಲಕೃಷ್ಣ ಭಟ್ ಹಾನಿ ಸಿ.ಎ. ಇಂಟರ್ ಪರೀಕ್ಷಾ ಎದುರಿಸುಚಾಕ ಪರೀಕ್ಷಾರ್ಥಿಂಕ ಅವಶ್ಯಕ ಜಾಲೆಲೆ ಮನೋಸಾಮರ್ಥ್ ಬದ್ದಲ ವಿವರಣ ದಿಲೆಂ.
ಹೆಂ ತರಬೇತಿಕ ಭಾಯಲೆ ಗಾಂವಾ ತಾಕುನ ಆಯಿಲೆ ಅನುಭವ ಆಶಿಲೆ ಉಪನ್ಯಾಸಕ ತರಬೇತಿ ದಿವಚಾಕ ಆಶಿಲಿಂಚಿ. ತಾಂತು ನಾಸಿಕ ತಾಕುನು ಆಯಿಲೆ ಉಪನ್ಯಾಸಕ ಸಿ ಎ. ದರ್ಶನ್ ಚಂದಾಲಿಯಾ, ಹಾನಿ ವಿದ್ಯಾರ್ಥಿಂಕ ಉದ್ದೇಶಿಸುನ ಅಸಲೆ ಏಕ ಉಪಯುಕ್ತ ಜಾಲೆಲೆ ಆನಿ ಸರ್ವರೀತೀನ ಸೌಕರ್ಯ ಆಸುಚೆ ಬರೆಂ ಜಾಲೆಲೆ ಮಾರ್ಗದರ್ಶನ ದಿವಚೆ ಶಿಬಿರ ಆಯೋಜನ ಕೆಲೆಲೆ ವಿಶ್ವ ಕೊಂಕಣಿ ಕೇಂದ್ರಾಕ ಶ್ಲಾಘನ ಕೆಲೆಂ. ಹಾಜೆ ಸದುಪಯೋಗ ಸರ್ವ ವಿದ್ಯಾರ್ಥಿಂನಿ ಘೆವಕಾ ಆನಿ ಸಿ ಎ ಇಂಟರ್ ಪರೀಕ್ಷಾ ಉತ್ತೀರ್ಣ ಜಾವಕಾ ಅಶಿಂ ಎಂದು ಶುಭ ಸಾಂಗಲೆಂ.
ಕೇಂದ್ರಾಚೆ ಮುಖೆಲ ಆಡಳಿತ ಅಧಿಕಾರಿ ಡಾ. ಬಿ. ದೇವದಾಸ್ ಪೈ, ಆನಿ ದೂರಚೆ ಶಿಬಿರಾರ್ಥಿಂಗೆಲೆ ಪೋಷಕ ಕಾರ್ಯಕ್ರಮಾಂತ ಉಪಸ್ಥಿತ ಆಶಿಲಿಂಚಿ. ಹೆಂ ಸನಿವಾಸೀ ತರಬೇತಿಂತ ಪರೀಕ್ಷಾರ್ಥಿಂಕ ನವೀನ ಮಾದರಿರಿ ಸಂಪೂರ್ಣ ಪುನರಾವರ್ತನ ಕರೊವನು ಅಂತಿಮ ಹಂತಾಕ ತಯಾರ ಕರಚೆ ಉದ್ದೇಶ ಜಾವನು ಆಸಾ. ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೊ ವಿಶ್ವ ಕೊಂಕಣಿ ಕೇಂದ್ರಚೆ ಸಾಂಗಾತಾಕ ಹೆಂ ತರಬೇತಿ ಯೋಜನೆಚೆ ಸಹಭಾಗಿ ಜಾವನು ಆಸಾತಿ.
ದ.ಕ, ಉಡುಪಿ, ದಾಂಡೇಲಿ ಆನಿ ಕೊಚ್ಚಿ ದೂರ ದೂರಚೆ ಗಾಂವಾ ತಾಕುನು ಆಯಿಲೆ ಶಿಬಿರಾರ್ಥಿಂನಿ ಉತ್ಸಾಹಾನ ಆನಿ ಆತ್ಮವಿಶ್ವಾಸಾನ ಶಿಬಿರಾಂತ ತಾನ್ನಿ ಘೆತ್ತಿಲೆ ಅನುಭವ, ವಾಂಟುನ ಘೆತಲೆಂ. ಶಿಬಿರಾರ್ಥಿ ರೋನಿತ್ ನ ಅತಿಥಿಂಕ ಸ್ವಾಗತ ಕೆಲೆಂ, ಶ್ರೀನಿಧಿ ನಾಯಕ್ ನ ಕಾರ್ಯಕ್ರಮ ನಿರೂಪಣ ಕೆಲೆಂ. ಶ್ರೀದೇವಿ ಶೆಣೈ ನ ಪ್ರಾರ್ಥನ ಕೆಲೆಂ. ಲಾವಣ್ಯಾ ಶೆಣೈ ನ ಧನ್ಯವಾದ ಸಮರ್ಪಣ ಕೆಲೆಂ.
विश्व कोंकणी केंद्रांत “सी. ए. पवर-२५” ७ वे शिबीर सी ए इंटर २० दिवसाचे मुफत तरबेती शिबीर समारोप सुवाळो
युवांक आत्मविश्वास वाडोवचे, आनी सकड आसक्तांक मुक्त जावनू आसुचे विशिषट रीतिचे तरबेती विश्व कोंकणी केंद्राचे सी.ए. पवर २५ तरबेती. हें सी ए इंटर २० दिवसाचे मुफत तरबेती शिबिराचे समारोप सुवाळो २५-११-२०२५ तार्केर विश्व कोंकणी केंद्रांत चल्लें.
ह्या मेरेन सी.ए. इंटर ६ सीसन यश पावनू बरें फलितांश दिलां. तशींची विद्यार्थिंनी तांगेले छल साधनेन मुखार पावचाक, आत्म विश्वास आनी निरंतर जालेले अभ्यासान मात्र साध्य, अशीं सी ए इंटर परीक्षा उत्तीर्ण जावन सी ए अंतीम परीक्षा हंताक येवचे तशीं जावो अशीं विश्व कोंकणी केंद्राचे अध्यक्ष सी.ए. नंदगोपाल शेणै हानी शिबिरार्थिंक शूभ सांगलें.
त्रिशा ग्रूप आफ इन्स्टिट्यूशन मुखेल सी ए गोपालकृषण भट हानी सी.ए. इंटर परीक्षा एदुरिसुचाक परीक्षार्थिंक अवश्यक जालेले मनोसामर्थ बद्दल विवरण दिलें.
हें तरबेतीक भायले गांवा ताकून आयिले अनुभव आशिले उपन्यासक तरबेती दिवचाक आशिलिंची. तांतू नासीक ताकुनू आयिले उपन्यासक सी ए. दर्शन चंदालिया, हानी विद्यार्थिंक उद्देशिसून असले एक उपयुक्त जालेले आनी सर्वरीतीन सौकऱ्य आसुचे बरें जालेले मार्गदर्शन दिवचे शिबीर आयोजन केलेले विश्व कोंकणी केंद्राक श्लाघन केलें. हाजे सदुपयोग सर्व विद्यार्थिंनी घेवका आनी सी ए इंटर परीक्षा उत्तीर्ण जावका अशीं एंदू शूभ सांगलें.
केंद्राचे मुखेल आडळीत अधिकारी डा. बी. देवदास पै, आनी दूरचे शिबिरार्थिंगेले पोषक काऱ्यक्रमांत उपस्थीत आशिलिंची. हें सनिवासी तरबेतिंत परीक्षार्थिंक नवीन मादरिरी संपूर्ण पुनरावर्तन करोवनू अंतीम हंताक तयार करचे उद्देश जावनू आसा. सी.ए. उल्लास कामत हांगेले यू.के. आंड को आनी त्रिशा क्लासस संस्थो विश्व कोंकणी केंद्रचे सांगाताक हें तरबेती योजनेचे सहभागी जावनू आसाती.
द.क, उडुपी, दांडेली आनी कोच्ची दूर दूरचे गांवा ताकुनू आयिले शिबिरार्थिंनी उत्साहान आनी आत्मविश्वासान शिबिरांत तान्नी घेत्तिले अनुभव, वांटून घेतलें. शिबिरार्थी रोनीत न अतिथिंक स्वागत केलें, श्रीनिधी नायक न काऱ्यक्रम निरूपण केलें. श्रीदेवी शेणै न प्रार्थन केलें. लावण्या शेणै न धन्यवाद समर्पण केलें.