ತಾ. 31-07-2025 ಮಂಗಳೂರಚಾ ಶಕ್ತಿನಗರ ವಿಶ್ವ ಕೊಂಕಣಿ ಕೇಂದ್ರಾಚೆ ಸಹಯೋಗಾನ ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ (ರಿ) ಆನಿ ದಕ್ಷಿಣ ಕನ್ನಡ ಜಿಲ್ಲಾ ಕುಡಾಳ್ ದೇಶಸ್ಥ ಆಧ್ಯ ಗೌಡ್ ಬ್ರಾಹ್ಮಣ ಸಂಘ (ರಿ), ಹಾಂಗೆಲೆ ಸಂಯುಕ್ತ ಆಶ್ರಯಾರ ಕುಡಾಳ್ ದೇಶ್ಕರ್ ಸಮುದಾಯಾಚೆ ಪದವಿ ಆನಿ ಸ್ನಾತಕೋತ್ತರ ವಿದ್ಯಾರ್ಥಿಂಕ ರಾವಪಾಚೆ ಸಹಿತ ೪ ದಿವಸಾಚೆ ಚಟುವಟಿಕಾ ಬದ್ದಲ “ಪರಿಣತಿ” -2025′ ವ್ಯಕ್ತಿತ್ವ ವಿಕಸನ ಕೌಶಲ್ಯಾಭಿವೃದ್ಧಿ ಕಾರ್ಯಾಗಾರ ಆಯೋಜನ ಕೆಲಾಂ.
ಹೆಂ ಕಾರ್ಯಾಗಾರ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದ ಗೋಪಾಲ ಶೆಣೈ, ಹಾನಿ ದಿವೊ ಲಾವನು ಉಗ್ತಾವಣ ಕೆಲೆಂ. ಆನಿ ಶಿಬಿರಾರ್ಥಿಂಕ ಉದ್ದೇಶಿಸುನು, “ಆಯಚೆ ದಿಸಾಂತ ಶಿಕ್ಷಣಾಚೆ ಸಾಂಗಾತಾಕ ಕೌಶಲ್ಯ ಚಟುವಟಿಕೆಯ ಅಗತ್ಯ ಜಾವನು ಆಸುನು ಅಸಲೆ ತರಬೇತ ಹೆಂ ಶಿಬಿರಾಂತ ದಿತ್ತಾಚಿ. ತಶೀಂಚಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ನಿಮಿತ್ತಾನ ಉದ್ಯೋಗಯ ಉಣೆ ಜಾಯತ ಆಯಲಾಂ. ಹಾಕಾ ಸಮ ಜಾವನು ಆಸಚೆ ತಸಲೆ ಮನೋಸಾಮರ್ಥ್ಯ ಉಪಯೋಗ ಕರಕಾ ಅಶಿಂ ಸಾಂಗಲೆಂ. ಗುರುಲೆಂ, ಮ್ಹಾಲ್ಗಡ್ಯಾಲೆ ಮಾರ್ಗದರ್ಶನಾಂತ, ಮಾತೃ ಸ್ಥಾನ ವಿಸರನಾಶಿ ವಾಡೆ ರೂಕಶಿ (ಆಲದ ಮರ) ವಿಶಾಲ ಜಾವನು ವಾಡ್ಡುನು ಆತ್ಮವಿಶ್ವಾಸಾನ ಜೀವನಾಂತ ಮುಖಾರ ಯೆವನು ಉಚ್ಚ ಸ್ಥಾನ ಪಾವಕಾ ಅಶಿಂ ಶುಭ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಶ್ರೀ ಡಿ. ರಮೇಶ ನಾಯಕ್ ಮೈರಾ, ಹಾನಿ ಆಯಲೆ ಸೊಯರೆಂಕ ಸ್ವಾಗತ ಕರನು ಶಿಬಿರಾರ್ಥಿಂಕ ಉದ್ದೇಶಿಸುನು “ವಿದ್ಯಾರ್ಥಿಂಕ ವ್ಯಕ್ತಿತ್ವ ಕೌಶಲ್ಯ, ತಂತ್ರಜ್ಞಾನಾಚೆ ಜ್ಞಾನ ಒಟ್ಟೂಚಿ ಕೊಂಕಣಿ ಸಾಹಿತ್ಯ, ಶಿಕ್ಷಣ ಕಲೆ ಸಾಂಸ್ಕೃತಿಕ ಮೌಲ್ಯ, ವರೊವನು ವಾಡೊವಚೆ ತರಬೇತಯ ದಿತ್ತಾಚಿ. ಪ್ರಗತಿ, ಸ್ಫೂರ್ತಿ, ಉನ್ನತಿ, ಪರಿಣತಿ ಅಶಿಂ 4 ಹಂತಾರಿ ಹೆಂ ಶಿಬಿರ ವಿದ್ಯಾರ್ಥಿಂಗೆಲೆ ಸರ್ವತೋಮುಖ ಅಭಿವೃದ್ಧಿಕ ಸಹಾಯ ಜಾತ್ತಾ. ಹೆಂ ಪೂರಾಯ್ ಜೀವನಾಂತ ಅಪಣಾವನ ಘೆವನು ಬರೆಂ ಜಾಲೆಲೆ ಉದ್ಯೋಗ ಘೆವನು ಸಮಾಜಾಕ ಸೇವಾ ದೀವಕಾ ಅಶಿಂ ಸಾಂಗುನು, ಭಾಗಿ ಜಾವಚಾಕ ಆಸಕ್ತಿ ಘೆವನು ಮುಖಾರ ಆಯಲೆ ಶಿಬಿರಾರ್ಥಿಂಕ ಅಭಿನಂದನ ಕೆಲೆಂ.
ಕೆಂಚಪಾಲ ಶ್ರೀ ಬಾಲಕೃಷ್ಣ ಪ್ರಭು, ಶ್ರೀಮತಿ ಶೈಲಜಾ ಬಾಲಕೃಷ್ಣ ಪ್ರಭು, ರಾಮಕೃಷ್ಣ ಪ್ರಭು ಮಾರಿಬೆಟ್ಟು, ಸಂದೀಪ್ ಶೆಣೈ ವಗ್ಗ, ದೀಪಕ್ ಪ್ರಭು ವಗ್ಗ, ಶಿವಪ್ರಸಾದ್ ಉದ್ದಮಜಲು, ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ ಕಾರ್ಯದರ್ಶಿ ರವೀಂದ್ರ ನಾಯಕ್ ಕುಂಟಲ್ಪಾಡಿ, ಅನಂತ ಪ್ರಭು ಮರೋಳಿ, ಸಂಜೀವ ಸಾಮಂತ್ ಮರೋಳಿ, ವಿಶ್ವನಾಥ ಶೆಣೈ ಮರೋಳಿ, ಪುರೋಹಿತ ಸಂಘಾಚೆ ಅಧ್ಯಕ್ಷ ಚಂದ್ರಹಾಸ್ ಭಟ್ ಇರುವೈಲು, ಗೋಪಾಲ್ ಸಾಮಂತ್ ಮೈರ, ಮೋಹನ್ ನಾಯಕ್ ಒಡ್ಡೂರು, ರಾಘವೇಂದ್ರ ಪ್ರಭು, ಅದಲೆ ಅಧ್ಯಕ್ಷ ವಿಜಯ ಶೆಣೈ ಕೊಡಂಗೆ, ರಾಜೇಶ್ ಪ್ರಭು ಬನ್ನೂರು ಹೆರ ಮಾನೆಸ್ತ ಲೋಕ ಉಪಸ್ಥಿತ ಆಶಿಲಿಂ. ಹೆಂ ಕಾರ್ಯಾಗಾರ ಡಾ ವಿಜಯಲಕ್ಶ್ಮಿ ನಾಯಕ್ ಮಾರ್ಗದರ್ಶನಾರಿ ಪ್ರಶಾಂತ ನಾಯಕ್, ಮಧುಸೂಧನ ಪ್ರಭು, ಪೂಜಾ ಪ್ರಭು, ಸ್ವಾತಿ ನಾಯಕ್ , ಮೇಘಾ ಶೆಣೈ ಡೆಚ್ಚಾರು ಹಾನಿ ಪೊಳೊವನ ಘೆತಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಲಕ್ಷ್ಮಿ ಕಿಣಿ ಆನಿ ವಿಘ್ಹೇಶ್ ಕುಡತಲಕಾರ ಹಾನಿ ಸಹಕಾರ ದಿಲೆಂ.
ಹ್ಯಾ ಸಂದರ್ಭಾರ್ ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯನಿರ್ವಹಣಾಧಿಕಾರಿ ಡಾ. ಬಿ. ದೇವದಾಸ್ ಪೈ, ಹಾನಿ ಶಿಬಿರಾರ್ಥಿಂಕ ಕಾರ್ಯಾಗಾರಚೆ ಉದ್ದೇಶ ಆನಿ ಅಭಿ ಶಿಕ್ಷಣ ದಿಲೆಂ. ಶ್ರೀಮತಿ ಸುಜಾತಾ ರಮೇಶ ಸಾಮಂತ್ ಹಾನಿ ಪ್ರಾರ್ಥನ ಕೆಲೆಂ. ಶ್ರೀ ಪೂಣಾ೯ನಂದ ಸೇವಾ ಪ್ರತಿಷ್ಠಾನಾಚೆ ಅಧ್ಯಕ್ಷ ಮುರಳಿಧರ ಪ್ರಭು ವಗ್ಗ ಹಾನಿ ವಂದನ ಕೆಲೆಂ. ಡಾ. ವಿಜಯಲಕ್ಷ್ಮಿ ನಾಯಕ್ ಹಾನಿ ಕಾರ್ಯಕ್ರಮ ನಿರೂಪಣ ಕೆಲೆಂ.
ವಿಶ್ವ ಕೊಂಕಣಿ ಕೇಂದ್ರಾಂತ
ಸಮಾರೋಪ ಸುವಾಳೊ
ತಾ. 03-08-2025 ಮಂಗಳೂರ ಶಕ್ತಿನಗರ ವಿಶ್ವ ಕೊಂಕಣಿ ಕೇಂದ್ರಾಚೆ ಸಹಯೋಗಾನ ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ (ರಿ) ಆನಿ ದಕ್ಷಿಣ ಕನ್ನಡ ಜಿಲ್ಲಾ ಕುಡಾಳ್ ದೇಶಸ್ಥ ಆದ್ಯ ಗೌಡ್ ಬ್ರಾಹ್ಮಣ ಸಂಘ (ರಿ), ಹಾಂಗೆಲೆ ಸಂಯುಕ್ತ ಆಶ್ರಯಾರ ಕುಡಾಳ್ ದೇಶ್ಕರ್ ಸಮುದಾಯಾಚೆ ತಾಂತ್ರಿಕ, ಪದವಿ ಆನಿ ಸ್ನಾತಕೋತ್ತರ ವಿದ್ಯಾರ್ಥಿಂಕ ರಾವಪಾಚೆ ಸಮೇತ ೪ ದಿವಸಾಚೆ ‘ಪರಿಣತಿ-2025′ ವ್ಯಕ್ತಿತ್ವ ವಿಕಸನ ಆನಿ ಕೌಶಲ್ಯಾಭಿವೃದ್ಧಿ ಕಾರ್ಯಾಗಾರಾಚೆ ಸಮಾರೋಪ ಸಮಾರಂಭ ಚಲ್ಲೆಂ.
ಶಿಬಿರಾಚೆ ೪ ದಿವಸ ಸಕಾಳಿ ಶಿಬಿರಾರ್ಥಿಂಕ ವೆವೆಗಳೆ ಸಾಂಸ್ಕೃತಿಕ ಚಟುವಟಿಕಾ ಚಲ್ಲೆಂ. ಆನಿ “ಸ್ಪಾರ್ಕ್ ಟು ಸ್ಟಾರ್ಟ ಅಪ್’ ಸೆಮಿನಾರಾಚೆ ಸಂಪನ್ಮೂಲ ಸೊಯರೆ ಜಾವನು ‘ದೇವಗಿರಿ ಟೀ ಎಂಡ್ ಪ್ರೊಡ್ಯೂಸ್’ ಮಾರ್ಗದರ್ಶಿ, ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದ ಗೋಪಾಲ ಶೆಣೈ, ಹಾನಿ ತಾಂಗೆಲೆ ವಾವರಾಚೆ ಆನಿ ಜೀವನಾಚೆ ಯಶ ಪಾವಿಲೆ ತಶೀಂಚಿ ‘ಬೆಳೆಯುವ ಸಿರಿ ಮೊಳಕೆಯಲ್ಲಿ’ ಮ್ಹಣಕೆ, ‘ಇಂದಿನ ಕೆಲಸ ಇಂದೇ ಮಾಡಿ ಮುಗಿಸುವ ಛಲ’, ‘ಸೋಲೇ ಗೆಲುವಿನ ಮೂಲ’, ಅಸಲೆ ಉತ್ತಮ ಜಾಲೆಲೆ ವಿಷಯಾರ ಜೀವನಾಂತ ಪರಾಜಯ ಸ್ವೀಕಾರ ಕರನು ಮುಖಾರಿ ಪರಿಶ್ರಮ ಕಾಣು ಜಯ ಸಾಧನ ಕರಕಾ ಅಶಿಂ ಕೆಲವು ಉದಾಹರಣಾ ದಿವನು ಶಿಬಿರಾರ್ಥಿಂಕ ‘ಪವರ್ ಪೊಯಿಂಟ್ ಪ್ರೆಸೆಂಟೇಶನ್’ ಮುಖಾಂತರ ಸ್ಫೂರ್ತಿದಾಯಕ ಉತ್ರಾಂ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಶ್ರೀ ಡಿ ರಮೇಶ ನಾಯಕ್ ಮೈರಾ, ಹಾನಿ, ಸ್ಥಾಪಕ ಅಧ್ಯಕ್ಷ ದೇವಾಧೀನ ಬಸ್ತಿವಾಮನ ಶೆಣೈ ಹಾಂಗೆಲೆ ಯಾದ ಕರನು, ವಿಶ್ವ ಕೊಂಕಣಿ ಕೇಂದ್ರಾಂತ ಸಾಮಾಜಿಕ, ಸಾಂಸ್ಕೃತಿಕ ಭಾಷಿಕ ಆನಿ ಶೈಕ್ಷಣಿಕ ಕಾರ್ಯಕ್ರಮ ಚಲತ ಆಸಾ. ಅಸಲೆ ವ್ಯಕ್ತಿತ್ವ ವಿಕಸನ ಕಾರ್ಯಾಗಾರ ವಿದ್ಯಾರ್ಥಿಂಕ ಅಗತ್ಯ ಆಸಾ. ಹೆಂ ಕಾರ್ಯಾಗಾರ ಮಾಂಡುನ ಹಾಡಚಾಕ ಕಬೂಲಿ ದಿಲ್ಲೆಲೆ ವಿಶ್ವ ಕೊಂಕಣಿ ಕೇಂದ್ರಾಕ ಅಭಾರ ಜಾವನ ಆಸಾ ಅಶಿಂ ಸಾಂಗುನು ಅಧ್ಯಕ್ಷ ಸಿ ಎ. ನಂದಗೋಪಾಲ ಶೆಣೈ ಹಾಂಕಾ ಅಭಿನಂದನ ಕೆಲೆಂ. ಶಿಬಿರಾರ್ಥಿಂನಿ ಉತ್ತಮ ಜಾಲೆಲೆ ಸಂಸ್ಕಾರ ಶಿಕುನು ಸಮಾಜಾಂತ ಮಾದರಿ ವ್ಯಕ್ತಿ ಜಾವನು ಸೇವಾ ದೀವಕಾ, ಅಶಿಂ ಸಾಂಗುನು ಜಮಲೆಲೆ ಸೊಯರೆಂಕ, ಗಣ್ಯಾಂಕ ಸ್ವಾಗತ ಕೆಲೆಂ.
ಸೊಯರೆ ಅರವಿಂದ ಪ್ರಭು, ಕುಲಶೇಖರ, ಹಾನಿ ಉಲಯತಚಿ, ವಿದ್ಯಾರ್ಥಿಂನಿ ಉತ್ತಮ ಜಾಲೆಲೆ ನೀತಿ ಪಾಠ ಶಿಕುನು, ಕಾಲ ಕಾಲಾಕ ಜ್ಞಾನ ಆನಿ ಕೌಶಲ್ಯ ವಾಡೊವನು, ಬರೆಂ ಜಾಲೆಲೆ ಗುರಿ ಸಾಧನ ಮನಾಂತ ದವರುನ ಜಯಶೀಲ ಜಾವಕಾ ಅಶಿಂ ಪ್ರೋತ್ಸಾಹಾಚೆ ಉತ್ರಂ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಕೋಶಾಧಿಕಾರಿ ಬಿ ಆರ್ ಭಟ್ ಹಾನಿ “ ಶ್ರೀ ಪೂರ್ಣಾನಂದ ಸೇವಾ ಪ್ರತಿಷ್ಠಾನ ವಿಶ್ವ ಕೊಂಕಣಿ ಕೇಂದ್ರಾಚೆ ಸಹಯೋಗಾನ ಉತ್ತಮ ಜಾಲೆಲೆ ಕಾರ್ಯಾವಳ ಮಾಂಡುನ ಹಾಡಲಾಂ. ಹಾಜೆ ಸದುಪಯೋಗ ಘೆವನು ವಿದ್ಯಾರ್ಥಿಂನಿ ಮುಖಾರಿ ಹಳೆ ವಿದ್ಯಾರ್ಥಿ ಸಂಘ ಬಾಂದುನ ಭದ್ರ ಬುನಾದಿ ಘಾಲಕಾ ಆನಿ ಸಮುದಾಯ ವಾಡೊವಕಾ. ಹರ ಏಕ ವಿದ್ಯಾರ್ಥಿಂಕಯ ಕೌಶಲ್ಯಾಭಿವೃದ್ಧಿ ಚಟುವಟಿಕಾ ಅತೀ ಅಗತ್ಯ ಜಾವನು ಆಸಾ ಅಶಿಂ ಶುಭಾಶಯ ಸಾಂಗಲೆಂ.
ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಡಾ. ಕಸ್ತೂರಿ ಮೋಹನ ಪೈ ಹಾನಿ ವಿದ್ಯಾರ್ಥಿಂಕ ಉದ್ದೇಶಿಸುನು, “ ಆಮಗೆಲೆ ಮಾತೃಭಾಷಾ ಅಸ್ಮಿತಾಯ ವಿಸರನಾಶಿ ವರೊವಕಾ. ಮಾತೃ ಭಾಸ ಪುಸ್ತಕ ಮುಖಾಂತರ, ಸಂಗೀತ ಮುಖಾಂತರ ವಾಪರನು ಜೀವನಾಚೆ ಕೌಶಲ್ಯ ಅಪಣಾವನ ಘೆವನ ಆರ್ಥಿಕ ಜಾವನು ಸಶಕ್ತ ಜಾವಕಾ ಆನಿ ಜೀವನಾಂತ ಜಯ ಸಾಧಿಸುಕಾ ಅಶಿಂ ಅಭಿಪ್ರಾಯ ವ್ಯಕ್ತ ಕೆಲೆಂ.
ಶಿಬಿರಾರ್ಥಿಂನಿ ಕಾರ್ಯಾಗಾರಾಚೆ ವೆವೆಗಳೆ ಚಟುವಟಿಕಾ ಆನಿ ತಾಂಗೆಲೆ ಅನುಭವ ವಾಂಟುನ ಘೆತಲೆ. ಶ್ರೀಮತಿ ಸುಚಿತ್ರಾ ರಮೇಶ ನಾಯಕ್, ಹಾನಿ ಸಾಂಸ್ಕೃತಿಕ ಚಟುವಟಿಕಾ ವಿಶ್ಲೇಶಣ ಬದ್ದಲ ಉಲಯಲಿಂಚಿ. ವೆವೆಗಳೆ ಚಟುವಟಿಕೆಂತ ಭಾಗಿ ಜಾಲೆಲೆ, ವಿಜೇತ ವಿದ್ಯಾರ್ಥಿಂಕ ಇನಾಮ ದೀವನು ಗೌರವ ದಿಲೆಂ. ಭಾಗಿ ಜಾಲೆಲೆ ಸರ್ವ ಶಿಬಿರಾರ್ಥಿಂಕ ಪ್ರಮಾಣಪತ್ರ ದೀವನು ಅಭಿನಂದನ ಕೆಲೆಂ. ಡಾ.ವಿಜಯಲಕ್ಷ್ಮಿ ನಾಯಕ್ ಹಾನಿ ಕಾರ್ಯಗಾರಾಚೆ ಉಸ್ತುವಾರಿ ಘೆವನ ಸಾಂಗಾತಾಕ ವಿ.ಕೊ ಕೇಂದ್ರಾಚೆ ಲಕ್ಷ್ಮೀ ಕಿಣಿ, ವಿಘ್ನೇಶ್ ಹಾನಿ ಸಹಕಾರ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯ ನಿರ್ವಹಣಾಧಿಕಾರಿ ಡಾ. ಬಿ ದೇವದಾಸ್ ಪೈ, ಪೂರ್ಣಾನಂದ ಪ್ರತಿಷ್ಠಾನಾಚೆ ಅಧ್ಯಕ್ಷ ಮುರಳಿಧರ ಪ್ರಭು ವಗ್ಗ, ದಯಾನಂದ ನಾಯಕ್ ಪೂಂಜಾಲ್ ಕಟ್ಟೆ, ಆದಲೆ ಅಧ್ಯಕ್ಷ ಶ್ರೀ ವಿಜಯ ಶೆಣೈ ಕೊಡಂಗೆ, ಕಾರ್ಯದರ್ಶಿ ರವೀಂದ್ರ ನಾಯಕ್ ಕುಂಟಲ್ಪಾಡಿ, ಅನಂತ್ ಪ್ರಭು ಮರೋಳಿ, ಕನಾ೯ಟಕ ರಾಜ್ಯೋತ್ಸವ ಪ್ರಶಸ್ತಿವಿಜೇತ ನಾರಾಯಣ ನಾಯಕ್ ಕಿನ್ನಾಜೆ, ಮೋಹನ್ ನಾಯಕ್ ಒಡ್ಡೂರು, ಉಪೇಂದ್ರ ನಾಯಕ್ ಮೇರಿಹಿಲ್, ಸುಧಾಕರ ನಾಯಕ್ ಅಸೈಗೋಳಿ, ದಯಾನಂದ ನಾಯಕ್ ಮೈರ, ಗಣೇಶ್ ನಾಯಕ್ ಬೋಳಂಗಡಿ, ರಾಜೇಶ್ ನಾಯಕ್ ಬೋಳಂಗಡಿ, ಭಾಸ್ಕರ ಪ್ರಭು ಗೋಳಿಮಾರು, ರತ್ನಾವತಿ ಪ್ರಭು ಕುಲಶೇಖರ, ಗಣಪತಿ ಶೆಣೈ ಡೆಚ್ಚಾರು, ಪ್ರಭಾಕರ ಪ್ರಭು ಗೋಳಿಮಾರು, ಸುನಂದಾ ನಾಯಕ್, ದಿನಕರ ಶೆಣೈ ಮರೋಳಿ, ಗೋಪಾಲ ಸಾಮಂತ್ ಮೈರಾ, ನಿತ್ಯಾನಂದ ಭಟ್, ಭಾಸ್ಕರ ಪ್ರಭು ಕೋರ್ದೊಟ್ಟು, ವಿಶ್ವನಾಥ ಶೆಣೈ ಮರೋಳಿ, ಮಾನೆಸ್ತ ಲೋಕ ಉಪಸ್ಥಿತ ಆಶಿಲಿಂಚಿ.
ಪ್ರತಿಷ್ಠಾನಾಚೆ ಮ್ಹಾಲ್ಗಡೆ ವಿದ್ಯಾರ್ಥಿ ಪ್ರಶಾಂತ್ ನಾಯಕ್ ಸಿದ್ದಕಟ್ಟೆ, ಮಧುಸೂಧನ್ ಪ್ರಭು ಬಜಪ್ಪಾಲ್, ಸ್ವಾತಿ ನಾಯಕ್ ಒಡ್ಡೂರು,ಮೇಘಾ ಶೆಣೈ ಡೆಚ್ಚಾರು, ಪೂಜಾ ಪ್ರಭು ಮಣಿಯ, ಹಾನಿ ಶಿಬಿರ ಹೆರ ಚಟುವಟಿಕೆಂತ ಕಾರ್ಯನಿವ೯ಹಣ ಕೆಲೆಂ. ಶಿಭಿರಾಥಿ೯ ರಚನಾ ನಾಯಕ್ ನ ಕಾರ್ಯಕ್ರಮ ನಿರೂಪಣ ಕೆಲೆಂ, ಚೇತನ ಶೆಣೈ ನ ಧನ್ಯವಾದ ದಿಲೆಂ.
विश्व कोंकणी केंद्रांत चार दिसांचे चटुवटिका आधारित “परिणति – 2025”
ता. 31-07-2025 मंगळूर शक्तिनगर विश्व कोंकणी केंद्राचो सहयोगान श्री पूर्णानंद सेवा प्रतिष्ठान (रिज.), आनी दक्षिण कन्नड जिला कुडाळ देशस्थ आद्य गौड ब्राह्मण संघ (रिज.), हांगेले जोड आश्रयार कुडाळ देश्कर समाजाच्यो तांत्रिक, पदवी आनी स्नातकोत्तर विद्यार्थीं खातीर रावपाचो सहित चार दिसांचे चटुवटिका आधारित “परिणति – 2025” व्यक्तित्व विकास आनी कौशल्याभिवृद्धि कार्यावळ आयोजन केली.
हें कार्यावळ विश्व कोंकणी केंद्राचो अध्यक्ष सीए नंद गोपाल शेणै, हानी दिवो लावन उगतावण केलें. आनी शिबिरार्थ्यांक उद्देशून सांगलें, “आयच्या दिसांनी शिक्षणाचेर सांगाती कौशल्य चटुवटिकेची गरज जावन आसता. तशीच आर्टिफिशियल इंटेलिजन्स (AI) निमितान उद्योग कमी जायत आसा. ताका सामके जावपाक तसले मनोसामर्थ्य उपेग करपाची गरज आसा.” गुरूचें मार्गदर्शनांत, मातृ स्थान विसरनाशी विशाल जावन वाडून आत्मविश्वासान जिवनांत मुखार येवन उच्य स्थान पावपाक शकता, अशी शुभेच्छा दिली
.
विश्व कोंकणी केंद्राचो उपाध्यक्ष श्री डी. रमेश नायक मायरा, हान्नी आयल्यो सायरेंक स्वागत करन शिबिरार्थ्यां खातीर सांगलें, “विद्यार्थ्यां खातीर व्यक्तित्व कौशल्य, तंत्रज्ञानाचें ज्ञान ओट्टुच कोंकणी साहित्य, शिक्षण, कला, संस्कृतीक मोल्य वाडोवपाची तरबेत दिल्या. प्रगति, स्फूर्ति, उन्नति, परिणति अशें चार मेटानी हें शिबिर विद्यार्थ्यां खातीर सर्वतोमुख अभिवृद्धी खातीर साहाय जाता. हें पुराय जिवनांत अपणावन घेवन बरें जालेलें उद्योग घेवन समाजाक सेवा दिवपाक शकता,” अशें सांगून भाग घेवपाची आसक्ती घेवन आयल्यो शिबिरार्थ्यांचें अभिनंदन केलें.
केंचपाल श्री बालकृष्ण प्रभु, श्रीमती शैलजा बालकृष्ण प्रभु, रामकृष्ण प्रभु मारीबेट्टु, संदीप शेणै वग्ग, दीपक प्रभु वग्ग, शिवप्रसाद उद्दमजलु, श्री पूर्णानंद सेवा प्रतिष्ठानाचो कार्यदर्शी रवींद्र नायक कुंटलपाडी, अनंत प्रभु मरोळी, संजीव सामंत मरोळी, विश्वनाथ शेणै मरोळी, पुरोहित संघाचो अध्यक्ष चंद्रहास भट इरुवायलु, गोपाल सामंत मायरा, मोहन नायक ओड्डूर, राघवेंद्र प्रभु, आदलो अध्यक्ष विजय शेणै कोडंगे, राजेश प्रभु बन्नूर हेर मान्यस्थ लोक उपस्थित आशिलें. हें कार्यावळ डॉ. विजयलक्ष्मी नायक हांचे मार्गदर्शनांत प्रशांत नायक, मधुसूधन प्रभु, पूजा प्रभु, स्वाती नायक, मेघा शेणै डेच्चारु हाणें पळोवपाक घेतलें. विश्व कोंकणी केंद्राच्यो लक्ष्मी किणी आनी विघ्नेश कुडतलकार हाणें सहकार दिलो.
ह्या संदर्भार विश्व कोंकणी केंद्राचो कार्यनिर्वहणाधिकारी डॉ. बी. देवदास पै, हानी शिबिरार्थ्यां खातीर कार्यावळाचो उद्देश आनी अभिशिक्षण दिलें. श्रीमती सुजाता रमेश सामंत हाणें प्रार्थन केलें. श्री पूर्णानंद सेवा प्रतिष्ठानाचो अध्यक्ष मुरळीधर प्रभु वग्ग हाणें वंदन केलें. डॉ. विजयलक्ष्मी नायक हाणें कार्यावळाचें निरूपण केलें.
समारोप सुवाळो
ता. 03-08-2025 मंगळूर शक्तिनगर विश्व कोंकणी केंद्राचो सहयोगान श्री पूर्णानंद सेवा प्रतिष्ठान (रिज.) आनी दक्षिण कन्नड जिला कुडाळ देशस्थ आद्य गौड ब्राह्मण संघ (रिज.), हांगा संयुक्त आश्रयार कुडाळ देश्कर समाजाच्यो तांत्रिक, पदवी आनी स्नातकोत्तर विद्यार्थीं खातीर रावपाचो सहित चार दिसांचे “परिणति – 2025” व्यक्तित्व विकास आनी कौशल्याभिवृद्धि कार्यावळाचो समारोप समारंभ चल्लो.
शिबिराचो चारी दिस सकाळीं शिबिरार्थ्यां खातीर वेगवेगळ्यो संस्कृतीक चटुवटिको चल्ल्यो. आनी “स्पार्क टू स्टार्ट अप” सेमिनाराचो संपनमूल सायरो जावन “देवगिरी टी एंड प्रोड्यूस” मार्गदर्शी, विश्व कोंकणी केंद्राचो अध्यक्ष सीए नंद गोपाल शेणै, हाणें तांचे वावराचें आनी जिवनाचें यश पाविलें तशेंच “बेळयूव सिरि मोळकयांत,” “आयचें कसलें काम आजूच करया,” “सोलें गेलूवाचें मूल,” अशें उत्तम जालेल्यो विशयांचेर जिवनांत पराजय स्वीकार करन मुखारी परिश्रम करपाक जय साधन करपाक शकता, अशें कांय उदाहरणां दिवन शिबिरार्थ्यां खातीर “पावर पायिंट प्रेझेंटेशन” मुखांत स्फूर्तिदायक उतरां सांगलें.
विश्व कोंकणी केंद्राचो उपाध्यक्ष श्री डी. रमेश नायक मायरा, हाणें स्थापक अध्यक्ष देवाधीन बस्तिवामन शेणै हांचें याद करन विश्व कोंकणी केंद्रांत सामाजिक, संस्कृतीक, भाशीक आनी शैक्षणीक कार्यावळ चलता. अशें व्यक्तित्व विकास कार्यावळ विद्यार्थ्यां खातीर गरजेचें आसा. हें कार्यावळ मांडून हाडपाचें कबुली दिल्लेल्या विश्व कोंकणी केंद्राक अभार जावन आसा, अशें सांगून अध्यक्ष सीए नंद गोपाल शेणै हांकां अभिनंदन केलें. शिबिरार्थ्यांनी उत्तम जालेलें संस्कार शिकून समाजांत मादरी व्यक्ती जावन सेवा दिवका, अशें सांगून जामलेल्या सायरो आनी गण्यांक स्वागत केलें.
सायरो अरविंद प्रभु, कुलशेखर, हाणें उलयतना, विद्यार्थ्यांनी उत्तम जालेलें नीती पाठ शिकून, काल कालाक ज्ञान आनी कौशल्य वाडोवपाचें, बरें जालेलें गुरि साधन मनांत धवरून जयशील जावपाक शकता, अशी प्रोत्साहाचें उतरां दिलें.
विश्व कोंकणी केंद्राचो कोशाधीकारी बी. आर. भट हाणी, “श्री पूर्णानंद सेवा प्रतिष्ठान विश्व कोंकणी केंद्राचो सहयोगान उत्तम जालेलें कार्यावळ मांडून हाडलें. हाचो सदुपयोग घेवन विद्यार्थ्यांनी मुखारी हळें विद्यार्थी संघ बांदून घट बुन्याद घालपाक आनी समाज वाडोवपाक जाय. हर एक विद्यार्थ्यां खातीर कौशल्याभिवृद्धी चटुवटिका गरजेचें जावन आसा,” अशी शुभाशय सांगलें.
विश्व कोंकणी केंद्राचो कार्यदर्शी डॉ. कस्तूरी मोहन पै हानी विद्यार्थ्यां खातीर उद्देशून सांगलें, “आमगेली मातृभाशा अस्मिताय विसरनाशी वरोवपाची गरज आसा. मातृभाशा पुस्तकां मुखांतर, संगीत मुखांतर वापरून जिवनाचें कौशल्य अपणावन घेवन अर्थीक जावन सशक्त जावपाक आनी जिवनांत जय साधन करपाक शकता,” अशें अभिप्राय व्यक्त केलें.
शिबिरार्थ्यांनी कार्यावळाच्यो वेगवेगळ्यो चटुवटिको आनी तांचे अनुभव वांटून घेतले. श्रीमती सुचित्रा रमेश नायक हाणें संस्कृतीक चटुवटिकांचें विश्लेशण उलयलें. वेगवेगळ्या चटुवटिकेंत भाग घेतलेल्या विजेत विद्यार्थ्यांक इनाम दिवन गौरव केलें. भाग घेतलेल्या सर्व शिबिरार्थ्यांक प्रमाणपत्र दीवन अभिनंदन केलें. डॉ. विजयलक्ष्मी नायक हाणें कार्यावळाचें उस्तुवारी घेवन सांगाताक विश्व कोंकणी केंद्राच्यो लक्ष्मी किणी, विघ्नेश हाणें सहकार दिलो.
विश्व कोंकणी केंद्राचो कार्यनिर्वहणाधिकारी डॉ. बी. देवदास पै, पूर्णानंद प्रतिष्ठानाचो अध्यक्ष मुरळीधर प्रभु वग्ग, दयानंद नायक पूंजाल कट्टे, आदलो अध्यक्ष श्री विजय शेणै कोडंगे, कार्यदर्शी अरवींद्र नायक कुंटलपाडी, अनंत प्रभु मरोळी, कर्नाटक राज्योत्सव प्रशस्तीविजेत नारायण नायक किन्नाजे, मोहन नायक ओड्डूर, उपेंद्र नायक मेरिहिल, सुधाकर नायक असायगोळी, दयानंद नायक मायरा, गणेश नायक बोळंगडी, राजेश नायक बोळंगडी, भास्कर प्रभु गोळिमारु, रत्नावती प्रभु कुलशेखर, गणपती शेणै डेच्चारु, प्रभाकर प्रभु गोळिमारु, सुनंदा नायक, दिनकर शेणै मरोळी, गोपाल सामंत मायरा, नित्यानंद भट, भास्कर प्रभु कोर्दोट्टु, विश्वनाथ शेणै मरोळी, मान्यस्थ लोक उपस्थित आशिलें.
प्रतिष्ठानाचो मालगडो विद्यार्थी प्रशांत नायक सिद्दकट्टे, मधुसूधन प्रभु बजप्पाल, स्वाती नायक ओड्डूर, मेघा शेणै डेच्चारु, पूजा प्रभु मणिय, हाणें शिबिर हेर चटुवटिकेंत कार्यनिर्वहण केलें. शिबिरार्थ्यां रचना नायक हाणें कार्यावळाचें निरूपण केलें, चेतन शेणै हाणें धन्यवाद दिलें.