ಗಾವಾಂತ ಆಯಚೆ ದಿಸಾಕ ಸಿ.ಎ. ಪರೀಕ್ಷಾಪೂರ್ವ ತರಬೇತ ಆಸಲಾರಿಯ, ಸಾಮಾನ್ಯ ಸಾಮರ್ಥ್ಯಚೆ ಯುವಕಾಂಕ ಆತ್ಮವಿಶ್ವಾಸ ವಾಡೊವಚೆ, ಸರ್ವ ಆಸಕ್ತಾಂಕ ಮುಕ್ತ ಜಾವನು ಆಸುಚೆ ವಿಶಿಷ್ಟ ರೀತಿಚೆ ತರಬೇತಿ ಜಾವನು ಆಸಾ ವಿಶ್ವ ಕೊಂಕಣಿ ಕೇಂದ್ರಾಚೆ ‘ ಸಿ.ಎ. ಪವರ್ 25’ ತರಬೇತ ಶಿಬಿರ.ಹ್ಯಾ ಪಾವಟಿ ಸಂಚೆ ” ಸಿ.ಎ. ಪವರ್ 25- ಸಿ.ಎ ಇಂಟರ್ ಸೀಸನ್ -6 ತರಬೇತಿ ಶಿಬಿರಾಚೆ ಸಮಾರೋಪ ಸಮಾರಂಭ 02-04-2025 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ.
ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾನ್ನಿ “ವಿದ್ಯಾರ್ಥಿಂನಿ ತಾಂಗೆಲೆ ನಿರಂತರ ಜಾಲೆಲೆ ಛಲ ಸಾಧನಾ, ಧೃಢ ನಿರ್ಧಾರ, ಆತ್ಮವಿಶ್ವಾಸಾನ ಮಾತ್ರ ತಾಂಗೆಲೆ ಗುರಿ ಪಾವಚಾಕ ಸಾಧ್ಯ ಅಶಿಂ ಜೀವನಾಂತ ಚಲೆಲೆ ಉದಾಹರಣ ಸಾಂಗುನು ಶಿಬಿರಾರ್ಥಿಂನಿ ತಾಂಗೆಲೆ ಬುದ್ದಿಮತಾ ಉಪಯೋಗ ಕರುನು ಜಯಶೀಲ ಜಾವನು ಯಶ ಪಾವಕಾ, ಆತ್ಮವಿಶ್ವಾಶ ವಾಡೊವಕಾ ಅಶಿಂ ಸಾಂಗಲೆಂ. ವಿಶ್ವ ಕೊಂಕಣಿ ಕೇಂದ್ರ ಸಂಸ್ಥೆಚೆ ಆಡಳಿತ ಅಧಿಕಾರಿ ಡಾ ಬಿ ದೇವದಾಸ ಪೈ, ಮಂಗಳೂರು ಇನ್ಸ್ಟಿಟ್ಯೂಟ ಆಫ್ ಚಾರ್ಟಡ್ ಅಕೌಂಟೆಂಟ್ ಖಜಾಂಚಿ ಸಿಎ ಬಾಲಸುಬ್ರಹ್ಮಣ್ಯ ಆನಿ ಸಿಎ ತರಬೇತ ಉಪನ್ಯಾಸಕ ಮುಂಬಯಿಚೊ ತೇಜಸ್ ದಿಲೀಪ್ ಶಾ ಉಪಸ್ಥಿತ ಆಶಿಲಿಂಚಿ. ಶಿಬಿರಾರ್ಥಿಂನಿ ಶಿಬಿರಾಂತ ತಾನ್ನಿ ಘೆತ್ತಿಲೆ ಅನುಭವ, ಜ್ನಾನ ವಾಂಟುನು ಘೆತಲೆಂ. ವಿದ್ಯಾರ್ಥಿ ಧನ್ಯಶ್ರೀ ನ ಕಾರ್ಯಕ್ರಮ ನಿರೂಪಣ ಕೆಲೆಂ.
ವೀಸ ದಿವಸ ಅವಧಿಚೆ ಹೆಂ ಮುಫತ ಸನಿವಾಸೀ ತರಬೇತಿಂತ ಪರೀಕ್ಷಾರ್ಥಿಂಕ ಆಧುನಿಕ ಮಾದರಿಂತ ಸಂಪೂರ್ಣ ಪುನರಾವರ್ತನ ದಿವನು ಅಂತಿಮ ಮಟ್ಟಾಕ ತಯಾರ ಕರಚೆ ಉದ್ದೇಶ ಜಾವನು ಆಸಾ.
ವಿಶ್ವ ಕೊಂಕಣಿ ಕೇಂದ್ರ ಸಾಂಗಾತಾಕ ಸಿ.ಎ. ಉಲ್ಲಾಸ್ ಕಾಮತ್ ಹಾಂಗೆಲೆ ಯು.ಕೆ. ಆಂಡ್ ಕೊ ಆನಿ ತ್ರಿಶಾ ಕ್ಲಾಸಸ್ ಸಂಸ್ಥೊ ಸಿ.ಎ. ಪವರ್ 25ತರಬೇತಿ ಯೋಜನೆಕ ಸಾಂಗಾತಾಕ ಹಾತ ಮೆಳೊವನ ಆಸಾತಿ.
विश्व कोंकणी केंद्र सी.ए. पवर २५ सी.ए इंटर सीसन -६ सनिवासी तरबेती शिबीर समारोप सुवाळो
गावांत आयचे दिसाक सी.ए. परीक्षापूर्व तरबेत आसलारीय, सामान्य सामर्थ्यचे युवकांक आत्मविश्वास वाडोवचे, सर्व आसक्तांक मुक्त जावनू आसुचे विशिषट रीतिचे तरबेती जावनू आसा विश्व कोंकणी केंद्राचे ‘ सी.ए. पवर २५ तरबेत शिबीर.
ह्या पावटी संचे ” सी.ए. पवर २५- सी.ए इंटर सीसन -६ तरबेती शिबिराचे समारोप समारंभ ०२-०४-२०२५ तार्केर विश्व कोंकणी केंद्रांत चल्लें.
विश्व कोंकणी केंद्र अध्यक्ष सी.ए. नंदगोपाल शेणै हान्नी “विद्यार्थिंनी तांगेले निरंतर जालेले छल साधना, धृढ निर्धार, आत्मविश्वासान मात्र तांगेले गुरी पावचाक साध्य अशीं जीवनांत चलेले उदाहरण सांगुनू शिबिरार्थिंनी तांगेले बुद्दिमता उपयोग करुनू जयशील जावनू यश पावका, आत्मविश्वाश वाडोवका अशीं सांगलें. विश्व कोंकणी केंद्र संस्थेचे आडळीत अधिकारी डा बी देवदास पै, मंगळूरू इन्स्टिट्यूट आफ चार्टड अकौंटेंट खजांची सिए बालसुबरह्मण्य आनी सिए तरबेत उपन्यासक मुंबयिचो तेजस दिलीप शा उपस्थीत आशिलिंची. शिबिरार्थिंनी शिबिरांत तान्नी घेत्तिले अनुभव, ज्नान वांटुनू घेतलें. विद्यार्थी धन्यश्री न काऱ्यक्रम निरूपण केलें.
वीस दिवस अवधिचे हें मुफत सनिवासी तरबेतिंत परीक्षार्थिंक आधुनीक मादरिंत संपूर्ण पुनरावर्तन दिवनू अंतीम मट्टाक तयार करचे उद्देश जावनू आसा.
विश्व कोंकणी केंद्र सांगाताक सी.ए. उल्लास कामत हांगेले यू.के. आंड को आनी त्रिशा क्लासस संस्थो सी.ए. पवर २५ तरबेती योजनेक सांगाताक हात मेळोवन आसाती.