ಮೈಸೂರ್‍ಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಭಾ ಹಾಜ್ಜೆ ಅವುಂದೂಚೆ ವಾರ್ಷಿಕೋತ್ಸವು ಜುಲೈ ೨೭ ಆನಿ ಜುಲೈ ೨೮ಕ ಚಲ್ಲೆ. ಪಯಲೆ ದಿವಸು ಜುಲೈ ೨೭ಕ ಮಹಿಳಾ ದಿನಾಚರಣ ಚಲ್ಲೆ. ಸಮಾರಂಭಾಚೆ ಅಧ್ಯಕ್ಷ ಪಣ ಶ್ರೀಮತಿ ಕುಸುಮಾ ಜಗನ್ನಾಥ ಶೆಣೈ ತಾನ್ನಿ ಘೆತ್ತಿಲೆ. ಮುಖೇಲ ಸೊಯರೆ ಜಾವ್ನು ಶ್ರೀಮತಿ ದೀಪಾ ಅರವಿಂದ ಕಾಮತ ತಾನ್ನಿ ಆಯ್ಯಿಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಬಾಯ್ಲಮನ್ಶೆ ತಾಕೂನು ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ಲೆ.

ಜುಲೈ ೨೮ಕ ಸಕ್ಕಾಣಿ ಶ್ರೀ ಸತ್ಯನಾರಾಯಣ ಪೂಜಾ, ಸರ್ವಸದಸ್ಯಾಂಗೆಲೆ ವಾರ್ಷಿಕ ಮಹಾಸಭಾ, ಆದರ್ಶ ದಂಪತಿ ಕಾರ್ಯಕ್ರಮ ಚಲ್ಲೆ. ಸಾಂಜವಾಳಾ ಚಲೀಲೆ ಪ್ರಧಾನ ಸಭಾ ಕಾರ್ಯಕ್ರಮಾಕ ಮುಖೇಲ ಸೊಯರೆ ಜಾವನು ಕರ್ನಾಟಕ ಹೈಕೋರ್ಟಾಚೆ ಹೆಚ್ಚುವರಿ ಸಾಲಿಸಿಟರ್ ಜನರಲ್ ಶ್ರೀ ಅರವಿಂದ ಕಾಮತ್ ತಾನ್ನಿ ಆಯ್ಯಿಲೆ. ಜಿ.ಎಸ್.ಬಿ. ಸಭಾ ಮೈಸೂರು ಹಾಜ್ಜೆ ಅಧ್ಯಕ್ಷ ಜಾಲೀಲೆ ಡಾ|| ಎಂ. ಜಗನ್ನಾಥ ಶೆಣೈ ತಾನ್ನಿ ಅಧ್ಯಕ್ಷಪಣ ಘೆತ್ತಿಲೆ. ಮೈಸೂರು ಗೌಡ ಸಾರಸ್ವತ ಸಮಾಜಾಚೆ ಕಾರ್ಯಚಟುವಟಿಕೆ ಖಾತ್ತಿರಿ ಅಪಾರ ಹರ್ಷ ವ್ಯಕ್ತ ಕೆಲೀಲೆ ಶ್ರೀ ಅರವಿಂದ್ ಕಾಮತ್ತಾನಿ ಯುವಕಾರಾನಿ ಮ್ಹಾಲ್ಗಡ್ಯಾನಿ ರಾಕ್ಕುನು ಹಾಡಲೀಲೆ ಸಂಸ್ಕೃತಿ, ಸಂಸ್ಕಾರ ವಿಸರಚಾಕ ನಜ್ಜ ಮ್ಹಣಚೆ ಆಪೋವ್ಣಿ ದಿಲ್ಲಿ. ಸಮಾಜಾಚೆ ಕಾರ್ಯದರ್ಶಿ ಶ್ರೀ ಮಹೇಶ ಕಾಮತ್ ಮಾಮು ಆನಿ ಶ್ರೀ ರಾಮಮಂದಿರಾಚೆ ಕಾರ್ಯದರ್ಶಿ ಶ್ರೀ ರಾಮಪ್ರಸಾದ ಕಾಮತ್ ಮಾಮು ತಾನ್ನಿ ಹೇ ಸಂದರ್ಭಾರಿ ಉಪಸ್ಥಿತ ವ್ಹರಲೀಲೆ. ವ್ಹಡ ಅಂಕಡ್ಯಾರಿ ಸಮಾಜ ಬಾಂಧವ ವರೇನ ಜಮೀಲೆ.