ಮಹಿಳಾ ಸಮಾಜ ಮಣಿಪಾಲ ಹಾಜ್ಜೆ ೬೩ ವೇಂ ಸ್ಥಾಪಕ ದಿನಾಚರಣ ರೋಟರಿ ಹಾಲ್ ಮಣಿಪಾಲ ಹಾಂಗಾ ಆರತಾಂ ಚಲ್ಲೆ. ಮುಖೇಲ ಸೊಯರೆ ಜಾವನು ಮಣಿಪಾಲ ಮಾಹೆಚೆ ಶ್ರೀಮತಿ ವಸಂತಿ ರಾಮದಾಸ್ ಪೈ ತಾನ್ನಿ ಯವ್ನು ದೀಪ ಪ್ರಜ್ವಲನ ಕೊರನು ಕಾರ್ಯಕ್ರಮಾಚೆ ಉದ್ಘಾಟನ ಕೆಲ್ಲಿ. ಮಹಿಳಾ ಸಮಾಜ ಮಣಿಪಾಲ ಹಾಜ್ಜೆ ಸ್ಥಾಪಕ ಜಾಲೀಲೆ ದಿವಂಗತ ಶಾರದ ಪೈ, ಡಾ ಪದ್ಮ ರಾವ್ ಹಾಂಗೆಲೆ ಫೋಟೋಕ ಕೆ ಪುಷ್ಪಾ ನಮನ ಕೆಲ್ಲಿ.
ಮುಖೇಲ ಸೊಯರೆ ಜಾಲೀಲೆ ಡಾ ರಾಜಶ್ರೀ ಎಸ್ ಕಿಣಿ ತಾನ್ನಿ ಸಮಾಜಾಚೆ ವೆಗವೆಗಳೆ ಕ್ಷೇತ್ರಾಂತು ಸಾಧನ ಕೆಲೀಲೆ ಬಾಯ್ಲಮನ್ಶೆ ಜಾಲೀಲೆ ನಾರಾಯಣಿ ನಾಯಕ್, ಸಪ್ನಾ ಸಾಲಿನ್ಸ್, ಏಕ್ತಾ ಜೈನ್, ಪ್ಲಾವಿಯಾ ಮೆಂಡೋಂಕಾ ತಾಂಕಾ ಸನ್ಮಾನ ಪೂರ್ವಕ ಗೌರವ ಕೊರನು ಉಲಯಿಲೆ. “ಬಾಯ್ಲಮನ್ಶ್ಯಾನಿ ತಾಂಗೆಲೆ ದಿವಸಾಚೆ ಕಾಮ್ಮಾ ಒಟ್ಟು ಆರೋಗ್ಯಾಚೆ ಖಾತೇರಿ ಚಡ್ತೆ ನಜರ ಘಾಲ್ಕಾ ಮ್ಹೊಣು ಆಪೋವ್ಣಿ ದಿಲ್ಲಿ. ವೇದಿಕೆರಿ ಮಹಿಳಾ ಸಮಾಜಾಚೆ ಅಧ್ಯಕ್ಷೆ ಶೃತಿ ಶೆಣೈ, ಉಪಾಧ್ಯಕ್ಷೆ ವ್ಯಜಯಂತಿ ಕಾಮತ್, ಕಾರ್ಯದರ್ಶಿ ವಿಜಯಲಕ್ಷ್ಮೀ, ಸಹ ಕಾರ್ಯದರ್ಶಿ ಏಕ್ತ ಜೈನ, ಖಂಚಾಚಿ ಶಾಲಿನಿ ಜಿ ನಾಯಕ್, ರೇಷ್ಮಾ ತೋಟ ಉಪಸ್ಥತ ಆಶ್ಶಿಲೆ. ಸಂಸ್ಥೆಚೆ ಸದಸ್ಯೆ ತಾಕೂನು ಮನೋರಂಜನಾ ಕಾರ್ಯಕ್ರಮ ಚಲ್ಲೆ.