ಬ್ರಹ್ಮಾವರ್‍ಚೆ ಜಿ.ಎಸ್.ಬಿ. ಯುವ ಸಮಾಜಾ ತರಪೇನಿ ಬ್ರಹ್ಮಾವರ್‍ಚೆ ಸಮಾಜ ಬಾಂಧವ ಖಾತೇರಿ ವಿಶೇಷ `ಆಷಾಢ ಜವಣ ವೆಗವೆಗಳೆ ಸಾಂಸ್ಕೃತಿಕ ಕಾರ್ಯಕ್ರಮ ಬರಶಿಸಂಭ್ರಮು-೩ಮ್ಹಣಚೆ ನಾಂವಾರಿ 19.೦7.2025 ದಿವಸು ಸಾಂಜವಾಳಾ ಚಲ್ತಾ ಮ್ಹಣ್ಚೆ ಮಾಹಿತಿ ಮೆಳ್ಳಾ. ಸಾಂಜವಾಳಾ ೬-೦೦ ಘಂಟ್ಯಾಕ ದೀಪ ಪ್ರಜ್ವಲನೆ ಬರಶಿ ಮೆರ್‍ವಣಿಗಾ ಆರಂಭ ಜಾತ್ತಾ. ಮಾಗಿರಿ ಸಾಂಸ್ಕೃತಿಕ ವೈಭವು `ಸಂಭ್ರಮು-೩ ಶೂರ ಜಾತ್ತಾ. ಸುರವೆಕ ವಿದೂಷಿ ಶ್ರೇಯಾ ಶಾನ್‌ಭಾಗ್ ಉಡುಪಿ ಹಾಂಗೆಲೆ ತಾಕೂನು ಭರತನಾಟ್ಯ ಚಲಯಾರಿ ಮಾಗಿರಿ ಶ್ರೀ ಲಕ್ಷ್ಮೀ ವೆಂಕಟರಮಣ ಮಹಿಳಾ ಭಜನಾ ಮಂಡಳಿ ಬ್ರಹ್ಮಾವರ ಹಾನ್ನಿ ಭಜನಾ ಕಾರ್ಯಕ್ರಮ ಚಲೋನು ದಿತ್ತಾತಿ. ಉಪರಾಂತ ಎಸ್ ಆಕಾಂಕ್ಷ ನಾಯಕ್ ತಂಡಾಚಿ ಸಮೂಹ ನೃತ್ಯ/ಫಿಲಂ ಡ್ಯಾನ್ಸ್ ಪ್ರದರ್ಶನ ದಿತ್ತಾತಿ. ಮಾಗಿರಿ ಬಿ ಸತೀಶ್ ಎಂ ಪೈ, ಕಾರ್ತಿಕ್ ಶೆಣೈ & ಸತ್ಯ ಪ್ರಸಾದ ಶೆಣೈ ಭೂಮಿಕಾ ಪ್ರಭು ಹಾನ್ನಿ ಗಾನ ನಿನಾದಾಚೆ ರಸದೌತಣ ವಾಂಟಿತಾತಿ. ಹೇ ಸಂದರ್ಭಾರಿ ಮ್ಹಾಲ್ಗಡೆ ಭಜಕ ಜಾಲೀಲೆ ಲಕ್ಷ್ಮೀದೇವಿ ನಾಗೇಶ ಪೈ ಆನಿ ಸತ್ಯವತಿ ಶ್ರೀನಿವಾಸ ಪ್ರಭು ದಂಪತಿಂಕ ಸನ್ಮಾನು ವರೇನ ಚಲ್ತಾ.
ಜಿ.ಎಸ್.ಬಿ. ಯುವಸಮಾಜಾಚೆ ಸಾಮಾಜಿಕ ಕಾರ್ಯಕ್ರಮಾಚೆ ವಾಂಟೊ ಜಾವನು ಕೆ‌ಎಂಸಿ ಆರೋಗ್ಯ ಕಾರ್ಡ್, ಮ್ಹಾಲ್ಗಡ್ಯಾಲೆಂ ನಾಗರಿಕ ಕಾರ್ಡ್, ‘ಆಯುಷ್ಮಾನ್ (ಅ ಭಾ)ಕಾರ್ಡ್, ಆಧಾರ್ ಕಾರ್ಡಾಂತು ವಿಳಾಸ ಆನಿ ಮೊಬೈಲ್ ಸಂಖೋ ಬದಲಾವಣ ಆದಿ ಕಾರ್ಯಕ್ರಮ ಚಲಾಯಸೂಚೆ ಯೋಜನಾ ಘಾಲ್ನು ಘೆತ್ಲ್ಯಾ. ವಾಮನ ಪೈ ಹಾನ್ನಿ ಹಾಜ್ಜೆ ಉದ್ಘಾಟನ ಕರತಾತಿ. ಹಾಜೇನ ಆರೋಗ್ಯ ರಾಕವಣ, ಸರಕಾರಿ ಸೌಲಭ್ಯಾಕ ಮದತ್ ಜಾತ್ತಾ.ತಶೀಚಿ ಸಾಂಸ್ಕೃತಿಕ ಕಾರ್ಯಕ್ರಮಾನಿ ಮನಾಕ ಆನಂದ ಮೆಳ್ತಾ. ಸಮಾಜ ಬಾಂದವಾಲೊ ಪ್ರತಿಭಾ ಅನಾವರಣ ಜಾತ್ತಾ. ಅಖೇರಿಚೆ ಕಾರ್ಯಕ್ರಮ ಜಾವ್ನು ರಾತ್ತಿಕ ೯ ಘಂಟ್ಯಾಕ ಹಾಂಗಾ ವಿಶೇಷ ಆಷಾಢ ಭೋಜನ ವರೇನ ಆಯೋಜನ ಕೆಲ್ಲ್ಯಾ.