ಪುಟಾಣಿ ಬಾಳಾನು ವೈಶಾಖಾಚೆ ಸೂಟಿ ಸೂರ ಜಾಲ್ಲಾ ನ್ಹಂಹಿವೇ? ಆರಾಮ ಆಸ್ಸತಿ ನ್ಹಂಹಿವೇ? ತುಮ್ಮಿ ರಾಂಚೊಸರೆಂತು ರಾಂದಪ ಕೊರಚಾಕ ಹಾಡಲೀಲೆ ವಾಯಂಗಣ, ಪಿಯಾವು, ತೌಶೆ, ಮಗ್ಗೆ, ಕ್ಯಾರೇಟ್, ಬೇಂಡ್, ಟೊಮೇಟೊ ಸಕ್ಕಡ ಪಳೋನು ಆಸ್ಸಾತಿ ನ್ಹಂಹಿವೇ? ರಾಂದಯಕಾಯಿ, ಫಳ ಕಾಲಯಾರಿ ಆಮ್ಗೆಲೆ ಶರೀರ ದಷ್ಟ-ಪುಷ್ಟ ಜಾತ್ತಾ ಮ್ಹಣ್ಚೆ ತುಮಕಾ ಗೊತ್ತಾಸ ನ್ಹಂಹಿವೇ? ಯೆಯ್ಯಾತಿ ಆಜಿ ತುಮಕಾ ರಾಂದಯಕಾಯಿಚೆ ಪರೋಪಕಾರ ಕಳಯಚೆ ಏಕ ಸಾನ ಕಾಣಿ ಸಾಂಗ್ತಾ. ಏಕ ದಿವಸು ರಾಂಚೊಸರೆಂತು ಆಸ್ಸುಚೆ ಟೊಮೇಟೊ ರಡ್ತಾ, ಹೆಕ್ಕಡೆ ತಾಕೂನು ತೆಕ್ಕಡೆ ಉಡ್ತಾ, ತೆಕ್ಕಡೆ ತಾಕೂನು ಹೆಕ್ಕಡೆ ಉಡ್ತಾ ರಂಪ-ರಾದ್ಧಾಂತ ಕರ್ತಾ ಆಶ್ಶಿಲೆ. ತೆದ್ನಾ ಬೇಂಡ್ ಆನಿ ಕ್ಯಾರೆಟಾಕ ಟೊಮೇಟೊಕ ಪಳೋನು ಪಾಪಶಿ ದಿಸ್ಸುನು, ಕಿತಯಾಕ ಅಶ್ಶಿ ಕರತಾ ಆಸ್ಸಾ ಮ್ಹೊಣು ತಾನ್ನಿ ಟೊಮೆಟೊಕ ನಿಮ್ಗಿಲೆ. ತೆದ್ನಾ ಟೊಮೆಟೊಪಳೆ ಹೇ ಮನುಷ್ಯ ಕಿತ್ಲೆ ವಾಯ್ಟ ಆಸ್ಸಾತಿ, ಮಾಕ್ಕಾ, ತುಮ್ಕಾ ಸಕ್ಕಡಾಂಕ ಕಾವ್ನು ವಾಂಚತಾತಿ. ಹೇ ಅನ್ಯಾಯು ನ್ಹಂಹಿವೇ? ಮೋಸು… ಅನ್ಯಾಯು… ಮ್ಹೊಣು ಬೊಬ ಘಾಲಚಾಕ ಲಾಗಲೆ.
ತೆದ್ನಾ ಸಾನ ಬೇಂಡ್ ಮ್ಹೋಗಾನಿ ಹೇ ಅನ್ಯಾಯು ನ್ಹಂಹಿ, ಆಮ್ಮಿ ಮನುಷ್ಯಾಕ ಕೊರಚೆ ಉಪಕಾರು... ಮ್ಹಳ್ಳೆ. ಜಾಲಯಾರಿ ಟೊಮೇಟೊಚೆ ರಾಗು ದೆವ್ವಿಲೆ ನಾಶ್ಶಿಲೆ. ತಾಜ್ಜೇನ ಟೊಮೇಟೊ ``ತ್ಯಾ ಕಶ್ಶಿ ಉಪಕಾರು ಜಾತ್ತಾ, ಆಮ್ಮಿ ತಾಂಕಾ ಇತಯಾಕ ಉಪಕಾರು ಕೊರಕಾ... ಮ್ಹೊಣು ಆಡಾಡ ಉಲಯಚಾಕ ಲಾಗ್ಲೆ. ತೆದ್ನಾ ಬುದ್ದೊಂತ ಕ್ಯಾರೇಟ್ ಸಾಂಗ್ತಾತೂಂ ಆತ್ತ ಮಸ್ತ ಆವೇಶಾಂತು ಆಸ್ಸಾ. ಆತ್ತ ಕಸಲೆ ಸಾಂಗ್ಲ್ಯಾರಿಚಿ ತುಗೇಲೆ ಮಾಥಿಯಾಕ ವಚ್ಚನಾ ಯೋ ಆಮ್ಮಿ ಸುರವೇಕ ಆತ್ತ ನಿಪ್ಪೂನು ಭೊಸಚೆ ಖೇಳು ಖೇಳ್ಯಾ. ಹಾಂವ ಆನಿ ಬೇಂಡ್ ನಿಪ್ಪೂನು ಬಸತಾತಿ ತೂಂ ಆಮ್ಕಾ ಸೊದ್ದಿ ಮ್ಹಳ್ಳೆ.
ಖೇಳು ಮ್ಹಳ್ಳ ಸತ್ತಾ ಟೊಮೇಟೊಕ ಖುಶಿ ಜಾಲ್ಲೆ. ತ್ಯಾ ಜಾಯ್ತ ಮ್ಹಣ್ತಾ ಘೂವ್ನು ರಾಬ್ಬೂನು ದೋಳೆ ದಾಂಪೂನು ಘೇವ್ನು ಏಕ, ದೋನಿ, ತೀನಿ, ಚಾರಿ, ಪಾಂಚ, ಸ, ಸಾತ, ಆಠ, ನವ್ವಾ, ಧಾ ಪರಿಯಂತ ಆಂಕಡೆ ಸಾಂಗ್ಲೆ.
ತಿತ್ಲ ಭಿತ್ತರಿ ಬೇಂಡ್ ವಚ್ಚುನು ಚಮ್ಚೆ ಸ್ಟ್ಯಾಂಡಾ ಮಾಕಶಿ ನಿಪ್ಪೂನು ಬಸಲೆ ಆನಿ ಕ್ಯಾರೆಟ್ ವಚ್ಚುನು ಆಯದನಾಚೆ ಮಾಕಶಿ ನಿಪ್ಪೂನು ಬಸಲೆ.
ಪಯಲೇಕ ಟೊಮೇಟೊನ ಚಮಚೆ ಸ್ಟಾಂಡಾಚೆ ಮಾಕಶಿ ನಿಪ್ಪೂನು ಬಸಲೀಲೆ ಬೇಂಡಾಕ ಸೊದ್ದಿತಾ ಆನಿ ಹಾಂವ ಬೇಂಡಾಕ ಸೊದ್ದಿಲೆ, ಬೇಂಡಾಕ ಸೊದ್ದಿಲೆ ಮ್ಹೊಣು ಖುಶೇನಿ ನಾಮಚತಾ. ಮಾಗಿರಿ ಟೊಮೇಟೊ ಆನಿ ಬೇಂಡ್ ತೊಪ್ಪಾ ಮಾಕಶಿ ಬಶ್ಶಿಲೆ ಕ್ಯಾರೆಟಾಕ ಸೊದ್ದಿಲೆ. ಮಜಾಶೀರ ಖೇಪಳೆ ದೇವಾನಿ ಆಮ್ಕಾ ಪರೋಪಕಾರ ಖಾತ್ತಿರಿ ಜನ್ಮು ದಿಲೀಲೆ. ಆಮ್ಕಾ ಕಾವ್ನು ಮನುಷ್ಯ ದಷ್ಟ-ಪುಷ್ಟ ಜಾತ್ತಾತಿ. ದುಸರ್ಯಾಂಕ ಉಪಕಾರ ಕೆಲಯಾರಿ ತ್ಯಾ ದೇವಾಕಽಚಿ ಉಪಕಾರು ಕೆಲೀಲ್ವರಿ. ದೇವಾನಿ ತ್ಯಾ ಭಾಗ್ಯ ಆಮ್ಕಾ ದಿಲ್ಲ್ಯಾ. ಕೆದ್ನಾಯಿ ಫಲಾಪೇಕ್ಷಾ ನಾಶಿ ದುಸರ್ಯಾಂಕ ಉಪಕಾರು ಕರ್ತಾ ಉರ್ಯಾ, ತೆದ್ನಾ ದೇವಾಲೆ ಕೃಪಾ ಆಮ್ಕಾ ಮೆಳ್ತಾ ಮ್ಹಣ್ತಾ.ಳ ಖೇಳ್ನು ಜಾಲ್ಲ ಮಾಗಿರಿ ಕ್ಯಾರೆಟ್ ಸಾಂಗ್ತಾ
ಬೇಂಡ್ ವ್ಹಯಿ ಮ್ಹೊಣು ಮಾತ್ತೆ ಹಾಲಯತಾ. ಟೊಮೇಟೋಕ ವ್ಹಯಿ ಮ್ಹೊಣು ದಿಸ್ತಾ. ಸಕ್ಕಡ ರಾಂದಯಕಾಯಿ ಖುಷೇನ ಪದ ಸಾಂಗತಾ ನಾಂಚೆಕ ಲಾಗ್ಲೆ.
ಬಾಳಾನು ತುಮ್ಕಾ ಹೇ ಕಾಣಿ ದಿಸ್ಲೆ. ಆನ್ನೇಕ ಕಾಣ್ಯಾ ಬರಶಿ ಆನ್ನೇಕ ಪಂತಾ ಯತ್ತಾ, ಜಾಯ್ತವೇ?