ದಾವಣಗೆರೆ ಗೌಡ ಸಾರಸ್ವತ ಸಮಾಜಾಚಾನ ೧೯೭೬ಂತು ಸೂರು ಜಾಲೀಲೆ ಶ್ರೀ ಗಣೇಶೋತ್ಸವು ಆಗಸ್ಟ್ ೨೭ ತಾಕೂನು ೩೧ ಪರ್‍ಯಂತ ೫ ದಿವಸ ವಿಜೃಂಭಣೆರಿ ಸುವರ್ಣೋತ್ಸವ ಚಲ್ತಾ ಮ್ಹೊಣು ಸಮಾಜಾಧ್ಯಕ್ಷ ಜಾಲೀಲೆ ಶ್ರೀಮತಿ ಅಮಿತಾ ಡಾ. ವೇಣುಗೋಪಾಲ್ ಪೈ ತಾನ್ನಿ ಕಳಯಲಾ. ಹೇ ವೇಳ್ಯಾರಿ ಸಮಾಜಾಚೆ ಬಾಯ್ಲಮನ್ಶೆಂಕ, ದಾರಲ್ಯಾಂಕ, ಆನಿ ಚರಡುವಾಂಕ ಆಟೋಟ ಸ್ಪರ್ಧಾ, ಮನರಂಜನ, ಮಹಿಳಾ ಮಂಡಳಿಚಾನ ಸಾಂಸ್ಕೃತಿಕ ಕಾರ್ಯಕ್ರಮ, ಯುವಕಾರಾಂಕ ಕ್ರಿಕೆಟ್ ಪಂದ್ಯಾವಳಿ, ಛದ್ಮವೇಷ ಸ್ಪರ್ಧಾ, ನಾಮಧಿಕ ಗಾಯಕ ಬೆಂಗಳೂರ್‍ಚೆ ಶಂಕರ ಶಾನಭೋಗ ತಾಕೂನು ಸಂಗೀತ ಕಾರ್ಯಕ್ರಮ, ೩೧-೮-೨೦೨೫ ಕ ಶ್ರೀ ಗಣಪತಿ ವಿಸರ್ಜನಾ ದಿವಸು ಸಾಲಿಗ್ರಾಮ ಗಣೇಶ್ ಶೆಣೈ ತಾಕೂನು ದಾವಣಗೆರೆ ಐತಿಹಾಸಿಕ ಪರಂಪರೆಚೆ, ರಾಮಾಯಣ ಮಹಾಭಾರತ ಖಾತೇರಿ ಉಪನ್ಯಾಸ, ರಾತ್ತಿಕ ವಿಸರ್ಜನಾ ಪೂಜೆ ನಂತರ ವೆಗವೆಗಳೆ ಸ್ಪರ್ಧಾಂತು ಜಿಕ್ಕಿಲ್ಯಾಂಕ ಬಹುಮಾನ ವಾಂಟಪ ಚಲ್ತಾ ಮ್ಹೊಣು ಪ್ರಧಾನ ಕಾರ್ಯದರ್ಶಿ ಕೆ.ವೆಂಕಟರಮಣ ಭಟ್ ತಾನ್ನಿ ಕಳಯಲಾ.
ದಾವಣಗೆರೆ ಎಂ.ಸಿ.ಸಿ.ಎ ಬ್ಲಾಕ್ ಹಾಂಗಾಸ್ಸುಚೆ ಶ್ರೀ ಸುಕೃತೀಂದ್ರ ಕಲಾ ಮಂದಿರಾಂತು ಹೇ ಸಕ್ಕಡ ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಾವಳಿ ಚಲ್ತಾ ಮ್ಹೊಣು ಖಜಾಂಚಿ ಆರ್.ವಿ.ಶೆಣೈ ತಾನ್ನಿ ಕಳಯಲಾ. ಗೌಡ ಸಾರಸ್ವತ ಸಮಾಜಾಚೆ ದಾವಣಗೆರೆ ಜಿಲ್ಲೆ, ಚಿತ್ರದುರ್ಗ ಜಿಲ್ಲೆಚೆ ಪ್ರತಿಭಾವಂತ ವಿದ್ಯಾರ್ಥಿ-ವಿದ್ಯಾರ್ಥಿನಿಂಕ ಹೇ ಸಂದರ್ಭಾರಿ ಪ್ರತಿಭಾ ಪುರಸ್ಕಾರ ವರೇನ ಚಲ್ತಾ, ಚಡ್ತೆ ಮಾಹಿತಿಕ ೯೯೮೦೨೦೯೬೮೩, ೯೯೮೬೧೫೪೬೭೮, ೯೪೪೮೬೬೬೪೫೯ ಹೇ ಮೊಬೈಲ್ ಮುಖಾಂತರ ಸಂಪರ್ಕ ಕೊರಯೇತ. ಸಕಟ ಸಮಾಜ ಬಾಂದವಾನಿ ಯವ್ನು ವಾಂಟೊ ಘೆವನು ಶ್ರೀ ಗಣೇಶೋತ್ಸವಾಚೆ ಸುವರ್ಣ ಸಂಭ್ರಮ ಯಶಸ್ವಿ ಕೊರಕಾ ಮ್ಹೊಣು ನಿಕಟಪೂರ್ವ ಅಧ್ಯಕ್ಷ ಸಾಲಿಗ್ರಾಮ ಗಣೇಶ್ ಶೆಣೈ ತಾನ್ನಿ ವಿನಂತಿ ಕೆಲ್ಲ್ಯಾ.