ಚಿಕ್ಕಮಗಳೂರು ಗೌಡ ಸಾರಸ್ವತ ಬ್ರಾಹ್ಮಣ ಸಂಘಾಚೆ ಶ್ರೀ ರಾಮಮಂದಿರಾಂತು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೆಂ ಜೂನ್ ೯ಕ ಯವ್ನು, ಥಂಯಿ ಜೂನ್ ೧೩ ಪರ್ಯಂತ ವಾಸ್ತವ್ಯ ವ್ಹರತಾತಿ ಮ್ಹಣ್ಚೆ ಮಾಹಿತಿ ಮೆಳ್ಳಾ.
ಜೂನ್ ೬ಕ ಸಾಂಜವಾಳಾ ಯವ್ಚೆ ಪೂಜ್ಯ ಸ್ವಾಮ್ಯಾಂಕ ಶ್ರೀ ಕತ್ರಿ ಮಾರಮ್ಮ ದೇವಳಾಚೆ ಆವಾರಾಂತು ಪೂರ್ಣಕುಂಭ ಯೇವ್ಕಾರ ದಿವನು ಪುರಪ್ರವೇಶ ಕಾರ್ಯಕ್ರಮ ಚಲ್ತಾ. ಮಾಗಿರಿ ವೇದಘೋಷ, ಶ್ರೀ ದೇವ ಮಾಗಣಿ, ಯೇವ್ಕಾರ, ಸಮಾಜ ಬಾಂದವಾಲೊ ತರಪೇನಿ ಪೂಜ್ಯ ಸ್ವಾಮ್ಯಾಂಗೆಲೆ ಪಾದ್ಯಪೂಜಾ, ಮಾಗಿರಿ ಪೂಜ್ಯ ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ ಆನಿ ಸಂತರ್ಪಣ ಚಲ್ತಾ.
ಜೂನ್ ೧೦ಕ ಸಕ್ಕಾಣಿ ೭-೦೦ ಘಂಟ್ಯಾಕ ನೈರ್ಮಲ್ಯ ವಿಸರ್ಜನ ಆನಿ ಮಂಗಳಾರ್ತಿ, ಶ್ರೀ ಗಣೇಶ ಭಜನಾ ಮಂಡಳಿ ತಾಕೂನು ಭಜನಾ ಕಾರ್ಯಕ್ರ,ಮ ೮-೦೦ ಘಂಟ್ಯಾಕ ಶ್ರೀ ಗಣೋಮು ಆನಿ ಶ್ರೀ ರಾಮತಾರಕ ಹವನ, ಶ್ರೀ ಲಕ್ಷ್ಮೀವೆಂಕಟರಮಣ ಭಜನಾ ಮಂಡಳಿ, ಮೂಡಬಿದರೆ ಹಾಂಗೆಲೆ ತಾಕೂನು ಭಜನಾ, ಶ್ರೀ ದೇವಾಲೆ ಪೂಜಾ, ಮಂಗಳಾರತಿ, ಸಂತರ್ಪಣ, ಸಾಂಜವಾಳಾ ೬-೦೦ ಘಂಟ್ಯಾಕ ಶ್ರೀಮತಿ ಸುಶೀಲಾ ಆರ್. ರಾವ್ ತಾಂಗೆಲೆ ತಾಕೂನು ಗಾಯನ, ರಾತ್ರಿಪೂಜಾ, ಸಂತರ್ಪಣ ಚಲ್ತಾ.
ಜೂನ್ ೧೧ಕ ನೈರ್ಮಲ್ಯ ವಿಸರ್ಜನ, ಶ್ರೀ ಹರಿಗುರು ಸೇವಾ ಮಂಡಳಿ, ಚಿಕ್ಕಮಗಳೂರು ಹಾಂಗೆಲೆ ತಾಕೂನು ಭಜನಾ ಕಾರ್ಯಕ್ರ, ೧೦-೦೦ ಘಂಟ್ಯಾಕ ಶ್ರೀ ವೀರವೆಂಕಟೇಶ ಭಜನಾ ಮಂಡಳಿ ಮಂಗಳೂರು ತಂಡಾಚಾನ ಭಜನಾ ಕಾರ್ಯಕ್ರಮ, ಧೋಂಪಾರ ೧೨ ಘಂಟ್ಯಾಕ ಶ್ರೀ ಲಕ್ಷ್ಮೀನಾರಾಯಣ ಹವನ ಆನಿ ಶ್ರೀ ಸತ್ಯನಾರಾಯಣ ವ್ರತ, ಧೋಂಪಾರಾಚೆ ಪೂಜಾ, ಸಂತರ್ಪಣ, ಸಾಂಜವಾಳಾ ಕು|| ವಿದ್ಯಾ ಪ್ರಭು ಹರಿಹರಪುರ ಹಾಂಗೆಲೆ ತಾಕೂನನು ದೇವಾಲೆ ಪದ ಆನಿ ಭಜನ, ರಾತ್ರಿ ಪೂಜಾ ಆನಿ ಸಂತರ್ಪಣ ಚಲ್ತಾ.
ಜೂನ್ ೧೨ಕ ಸಕ್ಕಾಣಿ ನೈರ್ಮಲ್ಯ ವಿಸರ್ಜನ. ಶ್ರೀ ಗಣೇಶ ಭಜನಾ ಮಂಡಳಿ ತಾಕೂನು ಭಜನಾ ಕಾರ್ಯಕ್ರಮ, ೧೦ ಘಂಟ್ಯಾಕ ಹೆಬ್ಬಾಗಿಲು ಶ್ರೀ ಲಕ್ಷ್ಮೀ ವೆಂಕಟರಮಣ ಭಜನಾ ಮಂಡಳಿ ಶೃಂಗೇರಿ ಹಾಂಗೆಲೆ ತಾಕೂನು ಭಜನಾ ಕಾರ್ಯಕ್ರಮ, ಸಕ್ಕಾಣಿ ೧೦-೧೫ಕ ಶತಕಲಶಾಭಿಷೇಕ, ಧೋಂಪಾರಾಚೆ ಪೂಜಾ, ಸಂತರ್ಪಣ, ಸಾಂಜವಾಳಾ ಶ್ರೀ ಮಹಾಮಾಯಾ ಭಜನಾ ಮಂಡಳಿ ಬಂಟವಾಳ ಹಾಂಗೆಲೆ ತಾಕೂನು ಭಜನಾ ಕಾರ್ಯಕ್ರಮ ಆನಿ ರಾತ್ರಿ ಪೂಜಾ ಮಾಗಿರಿ ಸಂತರ್ಪಣ ಚಲ್ತಾ.
ಅಖೇರಿಚೆ ದಿವಸು ಜೂನ್ ೧೩ಕ ಸಕ್ಕಾಣಿ ೭ ಘಂಟ್ಯಾಕ ನೈರ್ಮಲ್ಯ ವಿಸರ್ಜನ, ಶ್ರೀ ಹರಿಗುರು ಸೇವಾ ಮಂಡಳಿ ತಾಕೂನು ಭಜನಾ, ಸಕ್ಕಾಣಿ ೯ ಘಂಟ್ಯಾಕ ತಪ್ತಃ ಮುದ್ರಾಧಾರಣ, ೧೨ ಘಂಟ್ಯಾಕ ಧೋಂಪಾರಾ ಪೂಜಾ, ಮಾಗಿರಿ ೨ ಘಂಟ್ಯಾಂಕ ಪೂಜ್ಯ ಸ್ವಾಮೆಂ ಹುಬ್ಬಳ್ಳಿ ವಾಸ್ತವ್ಯಾಕ ಭಾಯ್ರಿ ಸರತಾತಿ. ತತ್ಸಂಬಂಧ ಸಭಾ ಕಾರ್ಯಕ್ರಮ, ಪೂಜ್ಯ ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ ಆದಿ ಕಾರ್ಯಕ್ರಮ ಚಲ್ತಾ ಮ್ಹಣ್ಚೆ ಮಾಹಿತಿ ಮೆಳ್ಳಾ.