ಬೆಂಗಳೂರ್‍ಚೆ ಜಿ.ಎಸ್.ಬಿ. ಪರಿವಾರು ಉತ್ತರಹಳ್ಳಿ ಹಾನ್ನಿ ಜಿ.ಎಸ್.ಬಿ ಸಮಾಜಾಚೆ ಭಾಯಚೆ ಗರೀಬ ಆನಿ ಅನಾಥ ಚರಡುಂವಾಲೆ ಶಿಕ್ಪಣಾಚೆ ಅನ್ಕೂಲತೆ ಖಾತೇರಿ ವಿದ್ಯಾನಿಧಿ ಸ್ಥಾಪನ ಕೆಲೀಲೆ ಆಸ್ಸಾ. ಆನಿ ಪ್ರತಿ ವರ್ಷ ಹಾಜ್ಜೇನ ಮಸ್ತ ಇತ್ಲೆ ಚರಡುವಾಂಕ ಮದತ್ ದಿತ್ತಾ ಆಯಲೀಂತಿ. ಅವುಂದು ಜಿ.ಎಸ್.ಬಿ. ಪರಿವಾರು ಉತ್ತರಹಳ್ಳಿ ಹಾಂಗೆಲೆ ತರಪೇನಿ ಆರತಾಂ ಬೆಂಗಳೂರಾಂತು ಚಾರಿ ಸರಕಾರಿ ಶಾಳಾ ಆನಿ ಬಿಬಿ‌ಎಂಪಿ ಶಾಳೆಚೆ ಗರೀಬ ಚರಡುವಾಂಕ ರೂ. 3,5೦,೦೦೦/- (ರೂ. ಸಾಡಿ ತೀನ ಲಾಕಾ) ಮೌಲ್ಯಾಚೆ 55೦೦ ಲಾಂಗ್ ನೋಟ್ ಪುಸ್ತಕ ಆನಿ ಕಿಂಗ್ ಸೈಜ್ ನೋಟ್‌ಬುಕ್ ವಾಂಟಿಲಾ. ತ್ಯಾ ಇಸ್ಕೂಲ್ ಮ್ಹಳಯಾರಿ ೧. ಶ್ರೀನಿಧಿ ಅರಸು ಕುಮಾರ್ ಪ್ರಾಥಮಿಕ ಶಾಲೆ ಶ್ರೀನಗರ, ೨. ಸರ್ಕಾರಿ ಪ್ರಾಥಮಿಕ ಶಾಲೆ ಶಾಲೆ ಚಿಕ್ಕಲಸಂದ್ರ, ೩. ವೈ ಎ ಎಸ್ ಹಿರಿಯ ಪ್ರಾಥಮಿಕ ಶಾಲೆ, ಸುಬ್ರಹ್ಮಣ್ಯಪುರ, ೪. ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕುಮಾರಸ್ವಾಮಿ ಲೇ‌ಔಟ್. ತಾಜ್ಜ ಬರಶಿ 33 ಗರೀಬ ಚರಡುವಾಲೆ ಎಡ್‌ಮೀಶನ್ನಾಕ (ಇಸ್ಕೂಲಾಕ ಸೇರ್‍ಸುಚಾಕ) ಜಾಯಿ ಜಾಲೀಲೆ ದುಡ್ಡು ವರೇನ ದಿವನು ತಾಂಕಾ ಎಡ್‌ಮೀಶನ್ ಕೆಲ್ಲ್ಯಾ. ತಾಜೇನ ತಾನ್ನಿ ಮುಖಾವಯಲೆ ಕ್ಲಾಸಾಂತು ನಿರಾತಂಕಾನಿ ಅಭ್ಯಾಸು ಕೊರಚಾಕ ಅನ್ಕೂಲ ಜಾಲ್ಲ್ಯಾ.
ಜಿ.ಎಸ್.ಬಿ. ಪರಿವಾರು ಉತ್ತರಹಳ್ಳಿ ಹಾಂಗೆಲೆ ಹೇ ಸಮಾಜಮುಖೀ ಕಾರ್ಯಾಚೆ ಮದತ್ ಘೆತ್ತಿಲೆ ಸರ್ವ ಇಸ್ಕೂಲಾಚೆ ಆಡಳಿತ ಮಂಡಳಿಚಾನ ತಾರೀಪು ಕೊರನು ಹೃತ್ಪೂರ್ವಕ ಕೃತಜ್ಞತಾ ಪಾವಯಲಾ. ಹೇ ಸಂದರ್ಭಾರಿ ಜಿ.ಎಸ್.ಬಿ. ಪರಿವಾರು, ಉತ್ತರಹಳ್ಳಿ ಹಾಂಗೆಲೆ ತರಪೇನಿ ಯುನೈಟೆಡ್ ಟ್ರೇಡಿಂಗ್ ಕಾರ್ಪೊರೇಷನ್, ಮಾಲೀಕ: ಶ್ರೀ ಉಮೇಶ್ ಪೈ ಹಾನ್ನಿ ನೋಟ್‌ಬುಕ್ ಖರೀದಿ ವಯ್ರಿ ಚಾಂಗ ಡಿಸ್ಕೌಂಟ್ ದಿಲೀಲೆ ಆನಿ ತಾಜ್ಜೆ ಜಿ.ಎಸ್.ಟಿ. ವರೇನ ತಾನ್ನೀಚಿ ಸ್ವತಃ ಭೊರನು ಘೆತ್ತಿಲೆ ಖಾತೇರಿ ಆನಿ ಪರಿವಾರು ಹಾಜ್ಜೆ ವಿದ್ಯಾನಿಧಿಕ ದಾರಾಳ ಮನಾನಿ ದೇಣಿಗಾ ದಿಲೀಲೆ ಗೌರವಾನ್ವಿತ ದಾನಿಂಗೆಲೆ ತಾಕೂನು ಮೆಳೀಲೆ ಮದತ್ತಾನಿ ಹೇ ಸಕ್ಕಡ ಸಾಧ್ಯಜಾಲ್ಲೆ ಮ್ಹಣಚೆ ವಿಷಯು ಯಾದಕೊರನು ತಾಂಕಾ ಸಕಡಾಂಕ ಹರದೆ ಭರಲೀಲೆ ಆಬಾರ ಮಾನಲೆ. ಹಾಂಗೆಲೆ ಸಕಡಾಲೆ ಸಮಯೋಚಿತ ಮದತ್ತಾನಿ ಪ್ರಾಥಮಿಕ ತರಗತಿಂತು ಶಿಕ್ತಾ ಆಸ್ಸುಚೆ ಸಾನ ಚರಡುವಾಂಕ ಮಸ್ತ ಅನ್ಕೂಲ ಜಾಲ್ಲೆ. ಹೇ ಏಕ ಉದಾತ್ತ ದಾನ ಮ್ಹೊಣು ದಾನಿಂಗೆಲೆ ಕಾರ್ಯಾಕ ತಾರೀಪು ಕೆಲ್ಲೆ.
ಹಾಜ್ಜ ಬರಶಿ ಮಸ್ತ ಶೀಘ್ರಾಂತೂ ಜಿ.ಎಸ್.ಬಿ. ಪರಿವಾರು ಉತ್ತರಹಳ್ಳಿ ಹಾಂಗೆಲೆ ತರಪೇನಿ ವಿದ್ಯಾರ್ಥಿವೇತನ ವಾಂಟೂಚೆ ಕಾರ್ಯಕ್ರಮ ಚೊಲಚೆ ಆಸ್ಸುನು ಜಿ.ಎಸ್.ಬಿ. ಸಮಾಜಾಚೆ ವಿದ್ಯಾರ್ಥ್ಯಾಂಕ ಅವುಂದು ಸುಮಾರ ೫.೫೦ ಲಾಕ್ ರೂಪಾಯಿ (ಸಾಡಿ ಪಾಂಚ ಲಾಕ್ ರೂಪ್ಪಯಿ) ವಿದ್ಯಾರ್ಥಿ ವೇತನ ವಾಂಟೂಚಾಕ ಠರಯಿಲೆ ಆಸ್ಸಾ. ಹೇ ಉದಾತ್ತ ಕಾರ್ಯಾಕ ಪರಿವಾರಾಚೆ ಸದಸ್ಯಾನಿ ಆನಿ ಸಮಾಜ ಬಾಂಧವಾನಿ ದಾರಾಳ ಮನಾಚೆ ದೇಣಿಗಾ ದಿವನು ಮದತ್ ಕೊರಕಾ ಮ್ಹೊಣು ವಿನಂತಿ ಆಸ್ಸಾ.
ಚಡ್ತೆ ಮಾಹಿತಿಕ ಶ್ರೀ ಅಣ್ಣಪ್ಪ ಪ್ರಭು (ಕಾರ್ಯದರ್ಶಿ) ೭೮೯೨೦೬೯೩೧೮ ಹಾಂಕಾ ಸಂಪರ್ಕ ಕೊರಯೇತ. ನಾಂವೆ ಜಿ.ಎಸ್.ಬಿ. ಪರಿವಾರು ಉತ್ತರಹಳ್ಳಿ ಹಾಜ್ಜೆ ಬ್ಯಾಂಕ ಖಾತೆಕ ವರೇನ ತುಮ್ಮಿ ದೇಣಿಗಾ ಪೆಟೋನು(ಧಾಡ್ನ) ದಿವ್ಯೇತ ಮ್ಹೊಣು ವಿನಂತಿ ಆಸ್ಸಾ. ಆನಿ ರಸೀದಿ ಪೆಟಯಚಾಕ ತುಮ್ಗೆಲೆ ವಾಟ್ಸಪ್ ಮೊಬೈಲ್ ನಂಬರ ವಯಚೆ ಮೊಬೈಲ್ ನಂಬರಾಕ ಪೆಟೆಯಾ.
ಬ್ಯಾಂಕ್ ಖಾತಾ ವಿವರ
Bank account details are given below :
Name of the beneficiary : GSB Parivaru Uttarahalli
Name of the Bank : State Bank of India , KSRTC Layout, Uttarahalli Branch
Current Account Number : 40024958140
IFSC Code : SBIN0040621