ಸೇವಾ ಮಾಧ್ಯಮ ಮುಖಾಂತರ ಜೀವನಾಂತು ಸಾಫಲ್ಯತಾ ಪಳೋವಕಾ, ಶ್ರೀ ರಾಮಾಲೊ ಚಮ್ಕಣಿ, ಶ್ರೀ ಕೃಷ್ಣಾಲೊ ಉತ್ರ ಜೀವನಾಂತ ಆಮ್ಮಿ ವಾಪರ್‍ಕಾ. ವಿದ್ಯಾರ್ಥಿ ಲೋಕಾನಿ ಕಷ್ಟ ಕಾಲಾಂತು ಹಾತು ಧರಲೀಲೊ ಸಮಾಜಾಚೆ ಋಣ ಮುಖಾರಿ ಶಿಕ್ವಣಾಂತು ಶ್ರೇಷ್ಠತೆಚೆ ಸಾzsನ ಕೊರನು ಉದ್ಯೋಗ ಜಾಂವೊ ಉದ್ಯಮಾಕ ಸೇರ್‍ವಲೆ ಮಾಗಿರಿ ಸಮಾಜಾಕ ಪರತೂನು ದಿವಚೆ ಸಂಕಲ್ಪ ಘೇವ್ಕಾ ಅಶ್ಶಿ ಮ್ಹೊಣು ನಾಮಾಧಿಕ ಲೆಕ್ಕಪರಿಶೋಧಕ ತಶೀಚಿ ಮಹಾದಾನಿ ಜಾಲೀಲೆ ಸಿ.ಎ.ಕಮಲಾಕ್ಷ ಕಾಮತ್ ತಾನ್ನಿ ಸಾಂಗ್ಲೆ. ಅವರು ತಾನ್ನಿ ಉಡುಪಿಚೆ ಅಂಬಾಗಿಲು ಅಮೃತ ಗಾರ್ಡನ್ ಆಡಿಟೋರಿಯಂತು ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆ ಆನಿ ಸಮರ್ಪಣಾ ಚಾರಿಟೇಬಲ್ ಟ್ರಸ್ಟ್ ಮುದರಂಗಡಿ ಮೇಳ್ನು ಅಗಸ್ಟ್ ೧೭ಕ ಚಲಾಯಿಸಿಲೆ ೧೧ವೇಂ ವರ್ಷಾಚೆ ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿವೇತವಾಂಟಪ ಆನಿ ಶೈಕ್ಷಣಿಕ ಪ್ರೇರಣಾ ಕಾರ್ಯಾಗಾರ, ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮ ಉದ್ಘಾಟನ ಕೊರನು ಉಲಯತಾಲೆ. ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆನಿ ಸಮಾಜ ಸಂಘಟನ ಆನಿ ಸಮಾಜಮುಖಿ ಕಾರ್ಯಕ್ರಮ ಮುಖಾಂತರ ಸಮಾಜಾಚೆ ಅಖೇರಿಚೆ ಮನುಷ್ಯಾಲೆ ಕಷ್ಟಾಕ ಮದತ್ ಕರತಾ ಆಸ್ಸುಚೆ ಶ್ಲಾಘನೀಯ. ಯುವಕಾರಾನಿ ಶಿಕ್ವಣಾಚೆ ಬರಶಿ ಸಂಸ್ಕೃತಿ ಆನಿ ಸಂಸ್ಕಾರ ವರೇನ ಅನುಸರಣ ಕೊರಕಾ ಮ್ಹೊಣು ತಾನ್ನಿ ಆಪೋವ್ಣಿ ದಿಲ್ಲಿ. ವಿದ್ಯಾಪೋಷಕ ನಿಧಿಚೆ ಅಧ್ಯಕ್ಷ ಸಿ‌ಎ ಎಸ್.ಎಸ್.ನಾಯಕ್ ತಾನ್ನಿ ಸಮಾರಂಭಾಚೆ ಅಧ್ಯಕ್ಷಪಣ ಘೇವ್ನು ಉಲಯತಾವಿದ್ಯಾಭ್ಯಾಸಾಕ ದಿವಚೆ ಮದತ್ ಸಮಾಜಾಚೆ ಉದರ್ಗತಿಕ ವಿನಿಯೋಗ ಜಾವ್ಕಾ. ಆಯ್ಚೆ ಸ್ಪರ್ಧಾತ್ಮಕ ಯುಗಾಂತು ಯುವಕಾರಾನಿ ಉದ್ಯೋಗ ಘೆವಚಾಂತು ಮಾತ್ರ ಸಂತೃಪ್ತಿ ಪಾವನಾಶಿ ಉದ್ಯಮಶೀಲತಾ ಮುಖಾಂತರ ಶಂಬರ ಬಽರಿ ಲೋಕಾಂಕ ಉದ್ಯೋಗ ದಿವಚೆ ಕಾರ್ಯ ಕೊರಕಾ ಮ್ಹಣ್ಚೆ ಆಪೋವ್ಣಿ ದಿಲ್ಲಿ.
ಸಾUರಾಚೆ ಉದ್ಯಮಿ ಶಿವಾನಂದ ಭಂಡಾರ್ಕರ್ ತಾನ್ನಿ ಉಲೋನು ಖೇಳಾ ವಿಭಾಗಾಂತು ರಾಷ್ಟ್ರ ಆನಿ ಅಂತರಾಷ್ಟ್ರೀಯ ಮಟ್ಟಾಕ ಪರಿಶ್ರಮ ಪಾವ್ತಾ ಆಸ್ಸುಚೆ ವಿದ್ಯಾರ್ಥಿಂಕ ದುಡವಾ ಸಹಕಾರ ಆನಿ ವಿಶೇಷ ತರಬೇತಿಕ ಲಾಗಚೆ ಖರ್ಚು ಜಿ‌ಎಸ್‌ಬಿ ಹಿತರಕ್ಷಣಾ ವೇದಿಕೆಯ ಮೂಖಾಂತರ ಭೊರನು ದಿವಚಾಕ ತಯಾರ ಆಸ್ಸಾ ಮ್ಹೊಣು ವಾಗ್ಧಾನ ಕೆಲ್ಲಿ. ಬೆಂಗಳೂರ್‍ಚೆ ಉದ್ಯಮಿ ಬೇಲಾಡಿ ಜಯವಂತ ಕಾಮತ್, ಶಿವಮೊಗ್ಗಾಚೆ ಸಾಮಾಜಿಕ ಮುಂದಾಳು ಮಹಿಳಾ ಉದ್ಯಮಿ ರೀತಾಪ್ರಕಾಶ್ ಪ್ರಭು, ಮುಖೇಲ ಸೊಯರೆ ಜಾವ್ನು ಆಯಲೀಲೆ. ವೇ . ಮೂ . ರಾಮಚಂದ್ರ ಅನಂತ್ ಭಟ್ ಮಾಮ್ಮಾಲೆ ಮಾರ್ಗದರ್ಶನಾರಿ ಸಾಮೂಹಿಕ ಶ್ರೀ ರಾಮನಾಮ ಜಪ ಪಠಣ ಚಲ್ಲೆ. ಸುಪ್ರಸಿದ್ದ ಗಾಯಕ ಜಾಲೀಲೆ ಶ್ರೀ ಶಂಕರ್ ಶಾನ್‌ಬೋಗ್ ತಾನ್ನಿ ಶ್ರೀ ರಾಮನಾಮ ಸ್ಮರಣೇ ಭಕ್ತಿಗಾನ ಚಲೋನು ದಿಲ್ಲೆ. ತ್ರಿಷಾ ವಿದ್ಯಾ ಸಮೂಹ ಸಂಸ್ಥೆಚೆ ಸಂಸ್ಥಾಪಕ ಸಿ‌ಎ ಗೋಪಾಲಕೃಷ್ಣ ಭಟ್ ಆನಿ ಉಡುಪಿಚೆ ಖ್ಯಾತ ಸರ್ಜನ್ ಸುರೇಶ್ ಶೆಣೈ ತಾನ್ನೆ ಶೈಕ್ಷಣಿಕ ಪ್ರೇರಣ ಕಾರ್ಯಗಾರ ಚಲಾಯಿಸೂನು ದಿಲ್ಲೆ. ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಚೆ ಆರಂಭಾಚೆ ದಿವಸಾಚಾನ ಮಾರ್ಗದರ್ಶಕ ಜಾವನಾಸ್ಸುಚೆ ಬೆಂಗಳೂರ್‍ಚೆ ಮ್ಹಾಲಗಡೆ ಸಾಮಾಜಿಕ ಕಾರ್ಯಕರ್ತೆ ಸತ್ಯಭಾಮ ಕಾಮತ್ ತಾಂಕಾ ವಿಶೇಷ ಅಭಿನಂದನಾ ಆನಿ ಮಾತೃವಂದನಾ ಗೌರವ ಪುರಸ್ಕಾರ ಪ್ರಧಾನ ಜಾಲ್ಲೆ. ಹೇ ವೇಳ್ಯಾರಿ ವರುಣ್ ಶೆಣೈ ಆನಿ ವೈಷ್ಣವ್ ಶೆಣೈ ತಾಕೂನು ನಿರ್ಮಾಣ ಜಾಲೀಲೆ ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಚೆ ಸೋಷಿಯಲ್ ಮೀಡಿಂi ವೆಬ್‌ಸೈಟಾಕ ಚಾಲನಾ ದಿಲ್ಲೆ. ಯುವಕಾರಾಂಕ ಉದ್ಯೋಗಾವಕಾಶ ಆನಿ ಉದ್ಯಮಶೀಲತಾ ಘೆವಚಾಕ ಜಾಯಿ ಜಾಲೀಲೆ ಮಾರ್ಗದರ್ಶನ ದಿವ್ಚೆ ಉದ್ಯೋಗ ಪೋರ್ಟಲ್ ತಯಾರ ಕೊರನು ತಾಕ್ಕಾ ಚಾಲನಾ ದಿಲ್ಲೆ. ಸಮಾಜಾಚೆ ಆಸಹಾಯಕ ಮ್ಹಾಲ್ಗಡ್ಯಾಂಕ ಗೌರವಯುತ ಜಾವನು ವಾಂಚೇಕ ಶಾಶ್ವತ ಅನ್ಕೂಲ ಕೊರೆ ವಯೋ-ವಂದನ ಯೋಜನೆಕ ಚಾಲನಾ ದಿಲ್ಲೆ. ತಾಜ್ಜ ಬರಶಿ ವಯೋ-ವಂದನ ಲಾಂಭನಾಚೆ ಲೋಕಾರ್ಪಣ ಮ್ಹಾಲ್ಗಡೆ ಜಾಲೀಲೆ ಶ್ರೀ ರಾಮಚಂದ್ರ ಕಾಮತ್ ತಾನ್ನಿ ಕೆಲ್ಲೆ. ವಯೋ-ವಂದನ ಯೋಜನೆಕ ನಿವೇಶನ ಖರೀದಿ ಕೊರಚಕ ಏಕ ಸೆಂಟ್ಸ್ ಜಾಗೇಕ ರೂ. ೭೦,೦೦೦/- ಪ್ರಕಾರ ಕಾರ್ಯಕ್ರಮಾಂತು ಚೆಕ್ ದಿವ್ಚೆ ಮೂಖಾಂತರ ದಾನಿ ಲೋಕಾನಿ ತಾಂಗೆಲೆ ದೇಣಿಗಾ ಘೋಷಣ ಕೆಲ್ಲಿ.
ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಚೆ ಅಧ್ಯಕ್ಷ ಜಿ. ಸತೀಶ್ ಹೆಗ್ಡೆ ಕೋಟ ತಾನ್ನಿ ಯೆವಕಾರ ಕೊರನು, ಪ್ರಾಸ್ತಾವಿಕ ಜಾವನು ಉಲಯಿಲೆ. ಸಂಚಾಲಕ ಆರ್. ವಿವೇಕಾನಂದ ಶೆಣೈ ತಾನ್ನಿವಯೋವಂದನಾ ಯೋಜನೆಚೆ ವಿವರ ದಿಲ್ಲೆ. ಕಟ್ಟಡ ನಿರ್ಮಾಣಾಕ ನಿವೇಶನ ಖರೀದಿ ಪ್ರಕ್ರಿಯಾ ಚಲ್ತಾ ಆಸ್ಸುನು, ಜಾಲೀಲೆ ತಿತ್ಲೆ ಬಿಗ್ಗೀಚಿ ಸೂಕ್ತ ನಿವೇಶನ ಖರೀದಿ ಕೊರನು ಕಟ್ಟಡ ಬಾಂಚೆ ಕಾರ್ಯ ಯೋಜನಾ ಅನುಷ್ಠಾನಾಕ ಹಾಡತಾತಿ ಮ್ಹೊಣು ತಾನ್ನಿ ಸಾಂಗ್ಲೆ. ಪ್ರಧಾನ ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್ ತಾನ್ನಿ ಸ್ವರ ಸಂಚಲನ ಕೆಲ್ಲಿ. ಕಾಪು ಹರೀಶ್ ನಾಯಕ್ ತಾನ್ನಿ ಆಬಾರ ಮಾನಲೆ. ಉಡುಪಿ, ದ.ಕ, ಶಿವಮೊಗ್ಗ ಆನಿ ಉ.ಕ ಜಿಲ್ಲ್ಯಾಚಾನ ೨೫೦೦ ಪಶಿ ಚ್ಹಡ ಪೋಷಕ, ವಿದ್ಯಾರ್ಥಿ ಲೋಕಾನಿ ಹೇ ಸಮಾರಂಭಾಂತು ವಾಂಟೊ ಘೆತ್ತಿಲೆ.
ಪ್ರತಿಭಾ ಪುರಸ್ಕಾರ
ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆ ಮತ್ತು ಸಮರ್ಪಣಾ ಚಾರಿಟೇಬಲ್ ಟ್ರಸ್ಟ್ ಮುದರಂಗಡಿ ಹಾನ್ನಿ ಮೇಳ್ನು ಆಯೋಜನ ಕೆಲೀಲೆ ಹೇ ಸಮಾರಂಭಾಂತು ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿವೇತನ ವಾಂಟಪ, ಪ್ರತಿಭಾ ಪುರಸ್ಕಾರ ಚಲ್ಲೆ.
ವೇದಿಕೆರಿ ಮುಖೇಲ ಸೊಯರೆ ಜಾವನು ವೇ . ಮೂ . ರಾಮಚಂದ್ರ ಅನಂತ್ ಭಟ್ , ವೇ . ಮೂ . ವಿಠ್ಠಲ್ ಭಟ್ ಮಂಗಳೂರು , ಸಿ ಎ ಸುಧೀರ್ ಪ್ರಭು ಬೆಂಗಳೂರು, ಹೋಟೆಲ್ ಉಧ್ಯಮಿ ಸಮಾಜ ಸೇವಕ ರಘುವೀರ್ ಶೆಣೈ ಆಂಧ್ರಪ್ರದೇಶ, ನಾಮಾಧಿಕ ಗಾಯಕ ಶಂಕರ್ ಶಾನ್‌ಭಾಗ ಬೆಂಗಳೂರು , ಬೋಗ್ ವಿದ್ಯಾಪೋಷಕ ನಿಧಿ ಅಧ್ಯಕ್ಷ ಸಿ‌ಎ ಎಸ್.ಎಸ್.ನಾಯಕ್, ಸಿ‌ಎ ಗೋಪಾಲಕೃಷ್ಣ ಭಟ್, ವಿನೋದ್ ಕಾಮತ್ ಕಲ್ಯಾಣಪುರ, ಜಿ‌ಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಯ ಅಧ್ಯಕ್ಷ ಜಿ. ಸತೀಶ್ ಹೆಗ್ಡೆ ಕೋಟ, ಸಂಚಾಲಕ ಆರ್. ವಿವೇಕಾನಂದ ಶೆಣೈ , ಪ್ರಧಾನ ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್, ಪಧಾದಿಕಾರಿ ಲೋಕ ಉಪಸ್ಥಿತ ವ್ಹರಲೀಲೆ.
ವಿದ್ಯಾ ಪೋಷಕ್ ನಿಧಿ: ಉಡುಪಿ ಆನಿ ದ.ಕ.ಜಿಲ್ಲೆಚೆ ಒಟ್ಟು ೩೯೩ ವಿದ್ಯಾರ್ಥ್ಯಾಂಕ ವಿದ್ಯಾಪೋಷಕ ನಿಧಿ ವಿದ್ಯಾರ್ಥಿವೇತನ,
ಉಡುಪಿ/ದ.ಕ/ಶಿವಮೊಗ್ಗ/ಉ.ಕ ಜಿಲ್ಲೆಚೆ ಆವಯಿ-ಬಾಪಯಿ ನಾಶ್ಶಿಲೆ ವಿದ್ಯಾರ್ಥ್ಯಾಂಕ ಶೈಕ್ಷಣಿಕ ದತ್ತು ಸ್ವೀಕಾರ ಯೋಜನೆಂತು ೧೭೧ ವಿದ್ಯಾರ್ಥ್ಯಾಂಕ ವಿದ್ಯಾರ್ಥಿವೇತನ ವಾಂಟಿಲೆ.
ಎಸ್‌ಎಸ್‌ಎಲ್‌ಸಿ/ಪಿಯುಸಿ ಪದವಿ/ಸ್ನಾತಕೋತ್ತರ/ಇಂಜಿನಿಯರಿಂಗ್/ ಮೆಡಿಕಲ್/ ಸಿ‌ಎ/ಕಂಪೆನಿ ಸೆಕ್ರೆಟರಿ/ ಪಿ‌ಎಚ್‌ಡಿ ಸಾಧನಾ ಕೆಲೀಲೆ ರಾಜ್ಯಾಚೆ ೧೪೮ ಶೈಕ್ಷಣಿಕ ಸಾಧಕಾಂಕ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮ ಚಲ್ಲೆ.
ಸಾಣೂರು ಸರಕಾರಿ ಪದವಿಪೂರ್ವ ವಿದ್ಯಾಲಯಾಚೆ ೨೦ ಲೋಕ ಆನಿ ಸಾಣೂರು ಸರಕಾರಿ ಪ್ರೌಢ ಶಾಲೆಚೆ ೧೦ ಲೋಕ ಪ್ರತಿಭಾನ್ವಿತ ವಿದ್ಯಾರ್ಥ್ಯಾಂಗೇಲೆ ವಿದ್ಯಾರ್ಥಿ ವೇತನಾಚೆ ಚೆಕ್ ಪ್ರಾಂಶುಪಾಲೆ ಸುಚೇತಾ ಕಾಮತ್ ತಾಂಕಾ ಹಸ್ತಾಂತರ ಕೆಲ್ಲಿ. ಅಶ್ಶಿ ಒಟ್ಟು ೮೫ ಲಾಕ್ (೮೫,೦೦,೦೦೦/-) ರೂ. ವಿದ್ಯಾರ್ಥಿವೇತನ ವಿತರಣ ಚಲ್ಲೆ. ಉಪರಾಂತ ನಾಮಾಧಿಕ ಗಾಯಕ ಜಾಲೀಲೆ ಶ್ರೀ ಶಂಕರ್ ಶಾನ್‌ಬಾಗ್ ಬೆಂಗಳೂರು ಹಾಂಗೆಲೆ ತಾಕೂನು ಶ್ರೀ ರಾಮನಾಮ ಸ್ಮರಣೇ ಭಕ್ತಿ ಗಾನ ತಶೀಚಿ ವಂದೇಮಾತರಂ ದೇಶ ಭಕ್ತಿ ಗಾಯನ ಲೋಕಾಂಕ ಮಸ್ತ ಆನಂದ ದಿಲ್ಲೆ. ಜಿ.ಎಸ್.ಬಿ ಹಿತರಕ್ಷಣಾ ವೇದಿಕೆ ತರಪೇನಿ ಕಲಾವಿದಾಂಕ ಗೌರವಾರ್ಪಣೆ ಚಲ್ಲೆ.
ಫೋಟೊ & ವರದಿ : ದೇವದಾಸ ಕಾಮತ, ಉಡುಪಿ.