ಚಾತುರ್ಮಾಸ್ಯ ವೇಳ್ಯಾರಿ ಸ್ವಾಮ್ಯಾಂಕ ಭೆಟ್ಟೂನು ಪುನೀತ ಜಾಯ್ಯಾತಿ

ಕೋಟೇಶ್ವರಾಂತು ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಲೆಂ ಚಾತುರ್ಮಾಸು

ವಿಶ್ವಾವಸು ಸಂವತ್ಸರಾಂತು ಶ್ರೀ ಕಾಶೀಮಠಾಧೀಶ ಶ್ರೀಮದ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು ಕೋಟೇಶ್ವರಾಚೆ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಂತು ೧೫-೦೭-೨೦೨೫ಕ ಆರಂಭ ಜಾತ್ತಾ ಆನಿ ದಿನಾಂಕ. ೨೬-೧೦-೨೦೨೫ ದಿವಸು ದಿಗ್ವಿಜಯೋತ್ಸವು ಚಲ್ತಾ ಮ್ಹಣ್ಚೆ ಮಾಹಿತಿ ಮೆಳ್ಳಾ. ಹೇ ವರಸಾಚೆ ವೈಶಿಷ್ಠ್ಯತಾ ಮ್ಹಳಯಾರಿ ಕೋಟೇಶ್ವರಾಚೆ ಭಗವಾನ್ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಕ ೮೫ ವರ್ಷಾಂಚೆ ಸಂಭ್ರಮು. ಶ್ರೀ ಪಟ್ಟಾಭಿರಾಮಚಂದ್ರ ದೇವಸ್ಥಾನ, ಕೋಟೇಶ್ವರ – ೫೭೬ ೨೨೨
ಶ್ರೀ ಕಾಶೀ ಮಠಾಧಿಪತಿ ಪರಮ ಪೂಜ್ಯ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮೀಜಿ ತಾನ್ನಿ ಆಪಣೇಲೆ ದಿವ್ಯ ಕರಕಮಲಾನಿ ೧೪/೦೨/೧೯೪೦ ಕ ಭಗವಾನ್ ಶ್ರೀ ಪಟ್ಟಾಭಿ ರಾಮಚಂದ್ರರ ದೇವಾಕ ಪ್ರತಿಷ್ಠಾ ಕೆಲ್ಲೆ. ಥಂಚಾನ ಹಾಂಗಾ ಪ್ರತಿ ದಿವಸು ರಾತ್ತಿಕ ಭಜನಾ ಸೇವಾ ಆನಿ ವಸಂತ ಪೂಜಾ, ಪೂಜಾ ವಿದಿ ಚಲ್ತಾ ಆಸ್ಸುನು ದೈವಿಕ ವಾಸಸ್ಥಾನ ಜಾವ್ನು ಶೃದ್ಧೇನಿ ಉಪಾಸನ ಕೆಲೀಲೆ ಮಸ್ತ ಭಕ್ತಬಾಂದವಾಲೆ ಜೀವನಾಂತು ಪವಾಡ ಚಲ್ಲ್ಯಾ. ೧೯೪೬ ಇಸ್ವೆಂತು ಹಾಂಗಾ ಶ್ರೀಮದ್ ಸುಕ್ರತೀಂದ್ರ ತೀರ್ಥ ಸ್ವಾಮ್ಯಾನಿ ಪಟ್ಟಶಿಷ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸಹಿತ ಚಾತುರ್ಮಾಸ ವೃತ ಘೆತ್ತಿಲೆ. ತ್ಯಾ ಸಂದರ್ಭಾರಿ ಉಭಯ ಸ್ವಾಮ್ಯಾಂಗೇಲೆ ದಿವ್ಯ ಉಪಸ್ಥಿತಿರಿ ಶ್ರೀಮದ್ ಭಾಗವತ ಸಪ್ತಾಹ ಚಲ್ಲೆ. ಹೇಂಚಿ ವೇಳ್ಯಾರಿ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪಾದಪೂಜಾ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾನಿ ಚಲಯಲೆ. ಶ್ರೀ ದೇವಳಾಂತು ನವಗ್ರಹ, ಮೃತ್ಯುಂಜಯ ಪೂರ್ವಕ ಶತಚಂಡಿ ಹವನ ೨೧/೦೧/೧೯೬೨ ಚಾನ ೨೫/೦೧/೧೯೬೨ ಪರ್ಯಂತ ಅಷ್ಟಗ್ರಹ ಯೋಗಾಚೆ ಅಪರೂಪಾಚೆ ಸಂದರ್ಭಾರಿ ಚಲಾಯಿಸಿಲೆ. ೦೧-೦೨-೧೯೯೦ ಕ ಸ್ವರ್ಣ ಮಹೋತ್ಸವ ಪ್ರಯುಕ್ತ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ದಿವ್ಯ ಕರಕಮಲಾನಿ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಕ ಸಹಸ್ರ ಕುಂಭಾಭಿಷೇಕವ ಚಲಯಿಲೆ. ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾನಿಂ ೦೧-೦೪-೨೦೧೦ ಕ ಪಣೇಲೆ ಗುರು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಜನ್ಮ ನಕ್ಷತ್ರಾಚೆ ಶುಭ ದಿವಸು ಗುರು ಪಾದಪೂಜಾ ಕೆಲ್ಲೆ. ಆನಿ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಕ ಸಹಸ್ರ ಕುಂಭಾಭಿಷೇಕ ಚಲಾಯಿಸಿಲೆ. ೨೦೧೫ಕ ದೇವಳಾಚೆ ದೇವಳಾಚೆ ಅಮೃತ ಮಹೋತ್ಸವ ಸಂದರ್ಭಾರಿ ಶ್ರೀಮದ್ ಸಂಯಮಿಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸ ವೃತ ಚಲ್ಲೆ. ಆತ್ತ ಪರತ ಅವುಂದು ಶ್ರೀ ಪಟ್ಟಾಭಿ ರಾಮಚಂದ್ರ ದೇವಾಲೆ ಪ್ರತಿಷ್ಠಾ ಜಾವ್ನು ೮೫ ವರ್ಷ ಜಾಲೀಲೆ ಸಂದರ್ಭಾರಿ ಆನಿ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿಯವರ ಜನ್ಮ ಶತಾಬ್ದಿ ಸಂದರ್ಭಾರಿ ಆನ್ನೇಕ ಪಂತಾ ಹಾಂಗಾಚಿ ಶ್ರೀ ಕಾಶಿಮಠದ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತರ್ಮಾಸು ಘಡ್ತಾ ಆಸ್ಸುಚೆ ಏಕ ಯೋಗಾಯೋಗ ಆನಿ ಹಾಂಗಾಚೆ ಲೋಕಾಂಗೆಲೆ ಮಹಾಭಾಗ್ಯ ಮ್ಹಣಯೇತ. ಹಾಜ್ಜೆ ಪಯ್ಲೆ ೧೯೫೨, ೧೯೬೭ ಆನಿ ೧೯೮೪ ಇಸ್ವೆಂತು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು ಕೋಟೇಶ್ವರಾಚೆ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಳಾಂತು ವಿಜೃಂಭಣೆರಿ ಘಡಿಲೆ ಆಸ್ಸಾ.

ಶ್ರೀ ವ್ಯಾಸ ರಘುಪತಿ ನರಸಿಂಹ ದೇವಾಲೆ ಪಾದಾಂಭುಜಾಂತು ಜುಲೈ ೧೭ಕ ಶತ ದಿವಸಾಚೆ ಆಖಂಡ ಭಜನಾ ಮಹೋತ್ಸವ ದೀಪ ಪ್ರಜ್ವಲನೆ ಬರಶಿ ಆರಂಭ ಜಾತ್ತಾ. ಹೇ ಭಜನಾ ಕಾರ್ಯಕ್ರಮು ಶ್ರೀ ಕಾಶೀ ಮಠ ಸಂಸ್ಥಾನಾಚೆ ಇತಿಹಾಸಾಂತೂ ಪಯ್ಲೆ ಪಂತಾ ಘಡತಾ ಆಸ್ಸಾ. ಆನಿ ೨೪-೧೦-೨೦೨೫ ದಿವಸು ಶತದಿವಸಾಚೆ ಭಜನಾ ಮಹೋತ್ಸವಾಚೆ ಮಂಗಲೋತ್ಸವು ಚಲ್ತಾ. ಪೂಜ್ಯ ಸ್ವಾಮ್ಯಾಂಗೆಲೆ ದಿವ್ಯ ಚಾತುರ್ಮಾಸಾಚೆ ವೇಳ್ಯಾರಿ ಪ್ರತಿ ದಿವಸು ತ್ರಿಕಾಲ ಪೂಜಾ, ಭಿಕ್ಷಾ, ಪಾದಪೂಜಾ, ಪರಬ, ಪೂಜ್ಯ ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ, ಭಜನ, ಸಾಂಸ್ಕೃತಿಕ ಕಾರ್ಯಕ್ರಮ ಚಲ್ತಾ.
ತಶೀಚಿ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಜನ್ಮ ಶತಾಬ್ದಿ ಆಚರಣೆ ಪ್ರಯುಕ್ತ ಘಾಲ್ನು ಘೆತ್ತಿಲೆ ಆನ್ನೇಕ ವಿಶೇಷ ಕಾರ್ಯಕ್ರಮ ಮ್ಹಳಯಾರಿ ವಿಶ್ವವಸು ನಾಮ ಸಂವತ್ಸರಾಚೆ ಚಾತುರ್ಮಾಸಾಚೆ ವೇಳ್ಯಾರಿ ಆಮ್ಗೆಲೆ ಸಮಾಜಾಚೆ ೧೦೦+ ಸುಮಧುರ ಆನಿ ಲಯಬದ್ಧ ಸಂಗೀತ ವಾದ್ಯಗಾರ ತಾಕೂನು “ಶತ ನಮನ, ಶತ ಸ್ಮರಣೆ” ಸಂಗೀತ ಕಾರ್ಯಕ್ರಮು, ತ್ಯಾ ೧೮-೧೦-೨೦೨೫ ದಿವಸು ಚಲ್ತಾ.
ಚಾತುರ್ಮಾಸ ಪ್ರಯುಕ್ತ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೆಂ ಜುಲೈ ೫ಕ ಚಾತುರ್ಮಾಸ ವ್ರತ ಪ್ರಯುಕ್ತ ಕೋಟೇಶ್ವರ ಪುರಪ್ರವೇಶ ಕರತಾತಿ. ಜುಲೈ ೧೧ಕ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪುಣ್ಯತಿಥಿ ಆರಾಧನಾ ಚಲ್ತಾ. ಚಡ್ತೆ ಮಾಹಿತಿಕ ಮೊ: ೮೧೨೩೧ ೬೨೭೮೭, ೮೮೮೪೨ ೫೫೫೭೭, ೯೮೪೫೯ ೬೦೦೦೭ ಮೂಖಾಂತರ ಸಂಪರ್ಕ ಕೊರಯೇತ.

ವಾರಣಾಸಿಂತು ಶ್ರೀ ಗೋಕರ್ಣ ಪರ್ತಗಾಳಿ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾಂಗೆಲೆ ಚಾತುರ್ಮಾಸು

ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಸ್ವಾಮ್ಯಾಂಗೆಲೆ ವಿಶ್ವಾವಸು ಸಂವತ್ಸರಾಚೆ ಚಾತುರ್ಮಾಸು ಜುಲೈ ೧೭ ತಾಕೂನು ಸೆಪೆಂಬರ್ ೭ ಪರಿಯಂತ ವಾರಣಾಸಿ ಪಂಚಗಂಗಾ ಘಾಟ್ ಹಾಂಗಾಸ್ಸುಚೆ ಶ್ರೀ ಲಕ್ಷ್ಮೀ ನಾರಾಯಣ ಮಂದಿರಾಂತು ಸಂಪನ್ನ ಜಾವಚೆ ಆಸ್ಸಾ ಮ್ಹಣಚೆ ಮಾಹಿತ ಮೆಳ್ಳಾ. ಆಜಿಕ ೫೫೦ ವರ್ಷಾ ಮಾಕಶಿ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠ ಸ್ಥಾಪಕ ಶ್ರೀಮದ್ ನಾರಾಯಣ ತೀರ್ಥ ಶ್ರೀಪಾದ್ ವಡೇರ ಸ್ವಾಮ್ಯಾನಿಂ ಪ್ರಥಮ ಮಠ ಸ್ಥಾಪನ ಕೊರನು ಹಾಂಗಾಚಿ ಚಾತುರ್ಮಾಸ ವ್ರತಾಚರಣ ವರೇನ ಕೆಲೀಲೆ ಆಸ್ಸಾ. ತಾಜ್ಜ ಉಪರಾಂತ ನವ್ವಾಚೆ ಯತಿವರ್ಯ ಶ್ರೀಮದ್ ಲಕ್ಷ್ಮೀನಾರಾಯಣ ತೀರ್ಥ ಸ್ವಾಮ್ಯಾನಿಂ ೮ ಪಂತಾ, ೧೭ವೇಂ ಯತಿವರ್ಯ ಶ್ರೀಮದ್ ಆನಂದ ತೀರ್ಥ ಸ್ವಾಮ್ಯಾನಿಂ ೨ ಪಂತಾ, ೧೮ವೇಂ ಯತಿವರ್ಯ ಶ್ರೀಮದ್ ಪೂರ್ಣಪ್ರಜ್ಞ ಸ್ವಾಮ್ಯಾನಿಂ ೧ ಪಂತಾ ಆನಿ ೨೩ವೇಂ ಯತಿವರ್ಯ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾನಿಂ ೨ ಪಂತಾ ಹಾಂಗಾ ಚಾತುರ್ಮಾಸ ಕೆಲೀಲೆ ಆಸ್ಸಾ. ಆತ್ತ ಶ್ರೀ ಗೋಕರ್ಣ ಪರ್ತಗಾಳಿ ಮಠಾಕ ೫೫೦ ವರ್ಷ ಭೊರಚೆ ಸುಸಂದರ್ಭಾರಿ ಥಂಯಿಚಿ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾನಿ ೨೦೨೫ ಇಸ್ವೆಚೆ ಚಾತುರ್ಮಾಸ ವ್ರತಾಚರಣ ಕರತಾ ಆಸ್ಸುಚೆ ಏಕ ಯೋಗಾಯೋಗ ಮ್ಹಣಯೇತ. ಗಂಗಾ ನಂಯ್ಚೆ ಆನಿ ಶ್ರೀ ಬಿಂದು ಮಾಧವ ದೇವಳಾಚೆ ಬಗಲೇನ ತೋಂಡ ಕೊರನು, ಶ್ರೀಮದ್ ನಾರಾಯಣ ತೀರ್ಥ ಸಾಮ್ಯಾನಿಂ ಶ್ರೀ ಲಕ್ಷ್ಮಿ ನಾರಾಯಣರ ಪಂಚಧಾತು ವಿಗ್ರಹ ಪ್ರತಿಷ್ಠಾ ಕೆಲ್ಲಿ. ತಾಜ್ಜೆ ಪಾವಿತ್ರ್ಯ ರಾಕಚೆ ಖಾತೇರಿ ಪ್ರತಿ ದಿವಸಾಚೆ ಆಚರಣ ಚಲಯಚಾಕ ಲಾಗ್ಲೆ.

ಪೂಜ್ಯ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾಂಗೆಲೆ ಅವುಂದೂಚೆ ಚಾತುರ್ಮಾಸು ಜುಲೈ ೧೭ಕ ವ್ಯಾಸ ಪೂಜೆ ಪೂರ್ವಕ ಆರಂಭ ಜಾತ್ತಾ. ಆನಿ ತ್ಯಾ ದಿವಸು ತಾಂಗೆಲೆ ಪಟ್ಟಾಭಿಷೇಕ ದಿವಸು ವರೇನ ಜಾವ್ನಾಸ್ಸಾ. ಚಾತುರ್ಮಾಸ ವೇಳ್ಯಾರಿ ತ್ರಿಕಾಲ ಪೂಜಾ, ಭಿಕ್ಷಾ, ಪಾದಪೂಜ್ಯ, ಏಕಾದಶಿಕ ತಪ್ತಮುದ್ರಾಧಾರಣ, ಅಗಸ್ಟ್ ೮ಕ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಅಭಿನಂದನ ದಿವಸ, ಅ.೧೦ಕ ಶ್ರೀ ಲಕ್ಷ್ಮೀನಾರಾಯಣ ಹೃದಯ ಹವನ ಚಲ್ತಾ. ಆನಿ ಸೆ.೭ಕ ಮೃತ್ತಿಕಾ ವಿಸರ್ಜನೆ ಬರಶಿ ಚಾತುರ್ಮಾಸ ವ್ರತ ಸಮಾಪ್ತಿ ಜಾತ್ತಾ. ತಶೀಚಿ ಶ್ರೀಮದ ವಿದ್ಯಾಧೀಶ ತೀರ್ಥ ಸ್ವಾಮ್ಯಾಂಗೆಲೆ ಪವಿತ್ರ ಚಾತುರ್ಮಾಸ್ಯ ವೇಳ್ಯಾರಿ ೧೦೦೦ ಬ್ರಾಹ್ಮಣಾಂಕ ಭೋಜನ ಸಮರ್ಪಣ ಕೊರಚೆ ಸುವರ್ಣ ಅವಕಾಶ ಸೇವಾದಾರಾಂಕ ಕೊರನು ದಿತ್ತಾತಿ. ವಾರಣಾಸಿಚೆ ಪವಿತ್ರ ಕ್ಷೇತ್ರಾಂತು ಬ್ರಾಹ್ಮಣಾಂಕ ತೀರ್ಥ, ಗಂಧ, ಪ್ರಸಾದ, ಬ್ರಾಹ್ಮಣ ದಕ್ಷಿಣ ಆನಿ ಭೋಜನ ಸಮರ್ಪಣ ಕೊರಚೆ ದೈವಿಕ ಸವಲತ್ತ ವರೇನ ಸೇವಾದಾರಾಂಕ ಆಸ್ತಾ. ಹೇ ಖಾತ್ತಿರಿ ಚಡ್ತೆ ಮಾಹಿತಿಕ ಮೊಬೈಲ್ ನಂ. +೯೧ ೮೭೬೨೨೩ ೭೭೭೭, ಆನಿ ಸೇವಾ ಮಾಹಿತಿಕ +೯೧ ೯೮೯೨೮ ೧೯೪೨೫ (ಶ್ರೀ ಉಮೇಶ ಪೈ) ಹಾಂಕಾ ಸಂಪರ್ಕ ಕೊರಯೇತ.

ವಾಲ್ಕೇಶ್ವರಾಂತು ಶ್ರೀ ಕವಳೇ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ಚಾತುರ್ಮಾಸು

ಶ್ರೀ ಕವಳೇ ಗೌಡಪಾದಾಚಾರ್ಯ ಮಠಾಚೆ ೭೭ವೇಂ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮ್ಯಾಂಗೆಲೆ ೩೧ವೇ ವರ್ಷಾಚೆ ಶ್ರೀ ವಿಶ್ವಾವಸು ನಾಮ ಸಂವತ್ಸರಾಚೆ ಚಾತುರ್ಮಾಸು ವಾಲ್ಕೇಶ್ವರಾಚೆ ಶ್ರೀ ಕವಳೇ ಮಠಾಂತು ಗುರು ಪೂರ್ಣಿಮಾ ಜಾಲೀಲೆ ಹೇಂಚಿ ಜುಲೈ ೧೦ಕ ಆರಂಭ ಜಾಲ್ಯಾ, ಆನಿ ಚಾತುರ್ಮಾಸು ಸೆಪ್ಟಂಬರ್ ೭ ಕ ಸಮಾಪ್ತ ಜಾತ್ತಾ. ವಾಲ್ಕೇಶ್ವರಾಚೆ ಶ್ರೀ ಕವಳೇ ಮಠಾಂತು ಶ್ರೀ ಕಾಳಿಕಾ ದೇವಿಲೆ ದಿವ್ಯ ಸಾನಿಧ್ಯ ವರೇನ ಆಸ್ಸುಚಾ ವೊಚ್ಚುನು ಚಾತುರ್ಮಾಸ ವೇಳ್ಯಾರಿ ಪೂಜ್ಯ ಸ್ವಾಮ್ಯಾಂಕ ಭೆಟ್ಟುಚಾಕ ಆಯ್ಯಿಲೆ ಶಿಷ್ಯಕೋಟಿಂಕ ಪೂಜ್ಯ ಸ್ವಾಮ್ಯಾಂಗೆಲೆ, ಶ್ರೀ ಭವಾನಿ ಶಂಕರಾಲೆ ಆನಿ ಶ್ರೀ ಕಾಳಿಕಾ ದೇವಿಲಿಂ ಅಶ್ಶಿ ತ್ರಿವಳಿ ಕೃಪಾಭಾಗ್ಯ ಅನಾಯಾಸ ಜಾವ್ನು ಲಭ್ಯ ಜಾತ್ತಾ. ಹೇ ಸಂದರ್ಭಾರಿ ವಿಶೇಷ ಕಾರ್ಯಕ್ರಮ ಜಾವನು ಜುಲೈ ೨೯ಕ ನವಚಂಡಿ ಹವನ, ಶ್ರಾವಣಾಂತು ಪ್ರತಿ ಸೋಮಾರಾ ಪ್ರದೋಷ ಪೂಜಾ, ಅಗಸ್ಟ್ ೨೭ ತಾಕೂನು ಸೆಪ್ಟಂಬರ್ ೮ ಪರ್ಯಂತ ವಿಜೃಂಭಣೆಚೆ ಶ್ರೀ ಗಣೇಶೋತ್ಸವ ಚಲ್ತಾ.
ವ್ರತಾಚರಣೆ ವೇಳ್ಯಾರಿ ಸಕ್ಕಾಣಿ ಭಜನ, ನಾಮ ಸಂಕೀರ್ತನ, ಸ್ವಾಮ್ಯಾಂಗೆಲೆ ತಾಕೂನು ಭವಾನಿ ಶಂಕರ ದೇವಾಕ ಅಭಿಷೇಕ ಪೂಜಾ, ಆರತಿ, ಕಾಳಿಕಾಮಾತೆಪೂಜಾ, ಧೋಂಪಾರಾ ಆರತಿ, ಅನುಷ್ಠಾನ, ಭಿಕ್ಷಾ ಸೇವಾ, ಸಮಾರಾಧನ, ಗುರು ಪಾದ ಪೂಜಾ ಸೇವಾ, ಸಾಂಜವಾಳಾ ಗುರು ಸಂದರ್ಶನ, ಸಾಂಸ್ಕೃತಿಕ ಕಾರ್‍ಯಕ್ರಮ ಪ್ರಯುಕ್ತ ಕೊಂಕಣಿ ಹಾಸ್ಯ ನಾಟಕ, ಕೊಂಕಣಿ, ಮರಾಠಿ ತಶೀಚಿ ಕನ್ನಡ ಭಕ್ತಿ ಸಂಗೀತ ಕಾರ್‍ಯಕ್ರಮ, ಯಕ್ಷಗಾನಪ್ರದರ್ಶನ ಆದಿ ಕಾರ್ಯಕ್ರಮ ಚಲ್ತಾ
ಚಡ್ತೆ ಮಾಹಿತಿಕ ಚಾತುರ್ಮಾಸ ಸಮಿತಿಚೆ ಕಾರ್‍ಯಕಾರಿ ಅಧ್ಯಕ್ಷ ಶ್ರೀ ಸುಧೀರ ಪಡ್ನಿಸ (ಮೊ: ೯೮೯೨೧೮೨೭೩೩) ಗೌರವ ಕಾರ್ಯದರ್ಶಿ ಶ್ರೀ ಪ್ರಮೋದ ಗಾಯತೊಂಡೆ (ಮೊ: ೯೮೩೩೦೩೨೫೪೫) ಕೋಶಾಧಿಕಾರಿ ಶ್ರೀ ಚಿಂತಾಮಣಿ ನಾಡಕರ್ಣಿ (ಮೊ: ೯೮೨೦೪೦೮೦೨೫) ಹಾಂಕ ಕೋಣಾಕ ತರಿ ಸಂಪರ್ಕು ಕೊರಯೇತ.

ಶಿರಾಲಿಂತು ಶ್ರೀ ಚಿತ್ರಪುರ ಮಠಾಧೀಶ ಶ್ರೀಮತ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮ್ಯಾಂಗೆಲೆ ಚಾತುರ್ಮಾಸು

ಶಿರಾಲಿ ಶ್ರೀ ಚಿತ್ರಾಪುರ ಮಠಾಧೀಶಾ ಶ್ರೀಮತ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮ್ಯಾಂಗೆಲೆ ವಿಶ್ವಾವಸು ನಾಮ ಸಂವತ್ಸರಾಚೆ ಚಾತುರ್ಮಾಸು ವರೇನ ಗುರುಪೂರ್ಣಿಮಾ ಜಾಲೀಲೆ ಜುಲೈ ೧೦ಕ ಶಿರಾಲಿ ಶ್ರೀ ಚಿತ್ರಾಪುರ ಮಠಾತು ಆರಂಭ ಜಾಲ್ಲ್ಯಾ. ಚಾತುರ್ಮಾಸು ಸೆಪ್ಟಂಬರ್ ೬ ಪರ್ಯಂತ ಚಲ್ತಾ. ಹೇ ಸಂದರ್ಭಾರಿ ತ್ರಿಕಾಲ ಪೂಜಾ, ಭಜನಾ, ಪೂಜ್ಯ ಸ್ವಾಮ್ಯಾಂಗೆಲೆ ಉಪಸ್ಥಿತೀರಿ ಸತ್ಸಂಗ, ಆಶೀರ್ವಚನ, ಹೋಮ-ಹವನ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ತಾ. ಚಾತುರ್ಮಾಸ ಖಾತೇರಿ ಚಡ್ತೆ ಖಂಚೇಯಿ ಮಾಹಿತಿ ಜಾವ್ಕಾ ಜಾಲಯಾರಿ ಚಿತ್ರಾಪುರ ಮಠಾಚೆ ಶಿರಾಲಿ ಆಫೀಸ್ ೦೮೩೮೫-೨೫೮೩೬೮, ೨೫೮೭೫೬ ಹಾಂಗಾಕ ಸಂಪರ್ಕ ಕೊರಯೇತ. ಜಾಂವೊ ಚಾತುರ್ಮಾಸಾಚೆ ಸಂಚಾಲಕ ಶ್ರೀ ಜಯದೇವ ನಿಲೇಕಣಿ, ಸೇವಾ ಮಾಹಿತಿಕ ಶ್ರೀ ಸತೀಶ ಕೊಪ್ಪಿಕರ, ರಾಬಚೆ ವ್ಯವಸ್ಥೆಕ ಶ್ರೀಮತಿ ಕಲ್ಪನಾ ಕಬಾಡ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ಖಾತೇರಿ ಶ್ರೀ ಗಣೇಶ ಬಂಕೇಶ್ವರಾಂಕ ಸಂಪರ್ಕು ಕೊರಯೇತ. ಛಿhಚಿಣuಡಿmಚಿsಚಿ೨೦೨೫@ಛಿhiಣಡಿಚಿಠಿuಡಿ mಚಿಣh.ಟಿeಣ.iಟಿ ಹೇ ಇ.ಮೇಲ್ ಐಡಿ ಮುಖಾಂತರ ವರೇನ ಚಡ್ತೆ ಮಾಹಿತಿ ಘೆವಯೇತ.

ದಾವಣಗೆರೆಂತು ಶ್ರೀ ದೈವಜ್ಞ ಮಠಾಧೀಶ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾಸ್ವಾಮ್ಯಾಂಗೆಲೆ ಚಾತುರ್ಮಾಸು

ಶ್ರೀ ಜ್ಞಾನೇಶ್ವರಿ ಪೀಠ, ದೈವಜ್ಞ ಬ್ರಾಹ್ಮಣ ಮಠಾಧೀಶ ಪ.ಪೂ. ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾಸ್ವಾಮಿ ಆನಿ ತಾಂಗೆಲೆ ಪಟ್ಟಶಿಷ್ಯ ಪ.ಪೂ. ಶ್ರೀ ಶ್ರೀ ಸುಜ್ಞಾನೇಶ್ವರ ಭಾರತೀ ಸ್ವಾಮ್ಯಾಂಗೆಲೆ ವಿಶ್ವವಸು ನಾಮ ಸಂವತ್ಸರಾಚೆ ಚಾತುರ್ಮಾಸು-೨೦೨೫ ದಾವಣಗೆರೆಚೆ ಪಿ.ಬಿ. ರಸ್ತೆಚೆ ರೇಣುಕಾ ಬಡಾವಣೆಂತು ಆಸ್ಸುಚೆ ದೈವಜ್ಞ ಕಲ್ಯಾಣ ಮಂಟಪಾಂತು ಜುಲೈ ೧೦ ಕ ಗುರು ಪೂರ್ಣಿಮೆ ದಿವಸು ಆರಂಭ ಜಾಲ್ಲ್ಯಾ. ತೇ ದಿವಸು ಸಕ್ಕಾಣಿ ಪೂಜ್ಯ ಸ್ವಾಮ್ಯಾ ತಾಕೂನು ವ್ಯಾಸ ಪಂಚಕ ಪೂಜಾ ಮೂಖಾಂತರ ಚಾತುರ್ಮಾಸ್ಯ ವ್ರತ ಆರಂಭ ಜಾಲ್ಲೆ. ಪಾದುಕಾ ಪೂಜನ, ಸಭಾ ಕಾರ್ಯಕ್ರಮ, ಪೂಜ್ಯ ಸ್ವಾಮ್ಯಾಂಗೆಲೆ ತಾಕೂನು ಆಶೀರ್ವಚನ ಮಹಾಪ್ರಸಾದ ಆದಿ ಕಾರ್ಯಕ್ರಮ ಚಲ್ಲೆ. ಚಾತುರ್ಮಾಸಾ ವೇಳ್ಯಾರಿ ಪ್ರತಿ ದಿವಸು ಸಕ್ಕಾಣಿ ೧೦-೩೦ಕ ಸಾಮೂಹಿಕ ಪಾದುಕಾ ಪೂಜನ, ಪೂಜ್ಯ ತಾಕೂನು ವ್ಯಾಸಾಕ್ಷತ, ೧೨.೩೦ಕ ಸ್ವಾಮ್ಯಾಂಗೆಲೆ ಪಟ್ಟದೇವಾಲೆ ಮಹಾಪೂಜಾ, ಮಹಾಪ್ರಸಾದ, ಸಾಂಜವಾಳಾ ೬-೩೦ಕ ಭಜನ, ಸಹಸ್ರನಾಮ ಪಠಣ ಆನಿ ಸಾಂಸ್ಕೃತಿ ಕಾರ್ಯಕ್ರಮ, ರಾತ್ತಿಕ ೮-೦೦ ಘಂಟ್ಯಾಕ ರಾತ್ರಿ ಪೂಜಾ, ಆಶೀರ್ವಚನ ಆದಿ ಕಾರ್ಯಕ್ರಮ ಚಲ್ತಾ. ಹೇ ಚಾತುರ್ಮಾಸ ವೇಳ್ಯಾರಿ ಅಗಸ್ಟ ೯ ಆನಿ ೧೦ಕ ಶ್ರೀ ಸತ್ಯನಾರಾಯಣಸ್ವಾಮಿ ವ್ರತ ಉದ್ಯಾಪನ, ಅಗಸ್ಟ ೧೨, ೧೩ಕ ಸಂಕಷ್ಟಹರ ಚತುರ್ಥಿ ಉದ್ಯಾಪನ, ಅಗಸ್ಟ್ ೨೧ಕ ಮಂಗಲ ಚಂಡಿ ಹವನ, ಅಗಸ್ಟ ೨೨ ಆನಿ ೨೩ಕ ಶ್ರೀ ಲಲಿತಾ ಸಹಸ್ರನಾಮ ಸ್ತೋತ್ರ ಪಾರಾಯಣ ಉದ್ಯಾಪನ, ಅಗಸ್ಟ ೨೩ಕ ಶ್ರೀ ದುರ್ಗಾದೀಪ ನಮಸ್ಕಾರ ಆದಿ ವಿಶೇಷ ಕಾರ್ಯಕ್ರಮ ಚಲ್ತಾ. ಚಡ್ತೆ ಮಾಹಿತಿಕ ಪ್ರಶಾಂತ ವಿ. ವೆರ್ಣೇಕರ್,(ಹೆಗಡೆ) ಮೊ : ೯೧೬೪೯೨೩೫೭೦, ಸತೀಶ ಎಸ್. ಸಾನು – ೯೪೪೮೭೫೪೧೮೧, ಸತ್ಯನಾರಾಯಣ ಆರ್. ರಾಯ್ಕರ್ – ಮೊ : ೯೨೪೧೪ ೧೪೪೭೬ ಹಾಂಕಾ ಸಂಪರ್ಕ ಕರಾ.