ಉಡುಪೀ ಜಿಲ್ಹ್ಯಾಂತುಲ್ಯಾ ಪ್ರತಿಷ್ಠಿತ, ರಾಜ್ಯ ಪುರಸ್ಕಾರ ಫಾವೋ ಜಾಲ್ಲ್ಯಾ ಗಂಗೊಳ್ಳಿ ಟೌನ್ ಸೌಹರ್ದಾ ಸಹಕಾರೀ ಸಂಸ್ಥೇಚೋ ಅಧ್ಯಕ್ಷ ಮ್ಹಣೂನ ಶ್ರೀ ಜಿ. ವೆಂಕಟೇಶ ಭಾಸ್ಕರ ಶೆಣೈ ಆನೀ ಉಪಾಧ್ಯಕ್ಷ ಮ್ಹಣೂನ ಜಿ. ವಿಶ್ವನಾಥ ಆಚಾರ್ಯ ವೇಂಚೂನ ಆಯಲ್ಯಾತ ಮ್ಹೊಣು ಸಹಕಾರೀ ಸಂಸ್ಥಾಂಚ್ಯಾ ಉಪನಿಬಂಧಕಾಚ್ಯಾ ಕಾರ್ಯಾಲಯಾಚೋ ವೇಂಚಣೂಕ ರಿಟರ್ನಿಂಗ ಅಧಿಕಾರೀ ಆನೀ ವರಿಷ್ಠ ಉದರಗತ ಅಧಿಕಾರೀ ಸುನೀಲ ಕುಮಾರ ಸಿ. ತಾನ್ನಿ ಕಳಯಿಲ್ಯಾ.
ಜಿ. ವೆಂಕಟೇಶ ಭಾಸ್ಕರ ಶೆಣೈ ಹಾಂಣೀ ಫಾಟಲೀಂ ೧೦ ವರ್ಸಾಂ ಸಹಕಾರೀಚೆ ನಿರ್ದೇಶಕ ಜಾವ್ನು ಆನೀ ಫಾಟಲೇ ೧೮ ಮ್ಹಯನೇಚಾನ ಅಧ್ಯಕ್ಷ ಮ್ಹಣೂನ ಸಂಘಟನೇಚೇ ಉದರಗತೀಂತ ಮ್ಹತ್ವಾಚೀ ಭುಮಿಕಾ ಘೆತಲ್ಯಾ. ಸಂಘಟನೇಚೋ ಉಪಾಧ್ಯಕ್ಷ ಮ್ಹೂಣ ವೇಂಚೂನ ಆಯಿಲ್ಲ್ಯಾ ಜಿ.ವಿಶ್ವನಾಥ ಆಚಾರ್ಯಾನ ಫಾಟಲೀಂ ೧೫ ವರ್ಸಾಂ ಸಂಘಟನೇಚ್ಯಾ ನಿರ್ದೇಶಕ ಆನೀ ೧೦ ವರ್ಸಾಂ ಉಪಾಧ್ಯಕ್ಷ ಮ್ಹಣೂನ ಯೇಶಸ್ವೀಪಣಾನ ಕಾಮ ಕೇಲಾಂ.
ನಿರ್ದೇಶಕ ಎನ್. ಮಾಧವ ಕಿಣಿ, ಕೆ ಪರಮೇಶ್ವರ ನಾಯಕ್, ರಾಮನಾಥ್ ಚಿತ್ತಾಲ್, ನಾಗಪ್ರಸಾದ್ ಪೈ ಎಂ.ಜಿ., ನಗರ್ ಅಶ್ವಿನ್ ಕುಮಾರ್ ನಾಯಕ್, ಗೀತಾ ಜಿ. ನಾಯಕ್, ದೀಪಾಲಕ್ಷ್ಮಿ ನಾಯಕ್, ಮಹಾಬಲ ಪೂಜಾರಿ, ಕಿರಣ್ ಪಿಲಿಪ್ ಪಿಂಟೋ ಹಾಗೂ ಜಿ. ಸುರೇಶ್ ಉಪಸ್ಥಿತ ವ್ಹರಲೀಲೆ. ಹೇಂಚಿ ವೇಳ್ಯಾರಿ ಚುನಾವಣಾ ಪ್ರಕ್ರಿಯಾ ಯಶಸ್ವಿ ಜಾವ್ನು ಚಲೋಸೂನು ಹಾಡಲೀಲೊ ರಿಟನಿಂಗ್ ಆಫೀಸರ್ ಸುನೀಲ್ ಕುಮಾರ್ ಸಿ ಎಂ. ತಾಂಕಾ ಸಂಘಾಚೆ ತರಪೇನಿ ಸನ್ಮಾನ ಪೂರ್ವಕ ಗೌರವ ಕೆಲ್ಲಿ. ಸಂಘಾಚೆ ಮಾಜಿ ಅಧ್ಯಕ್ಷ ಎಚ್. ಗಣೇಶ್ ಕಾಮತ್ ತಾನ್ನಿ ನವೀನ ಪದಾಧಿಕಾರಿಂಕ ಅಭಿನಂದನ ಕೆಲ್ಲಿ. ಮುಖೇಲ ಕಾರ್ಯಕಾರೀ ಗಣೇಶ ನಾಯಕ ಹಾಂಣೀ ಆಬಾರ ಮಾನಲೋ.