ಗಂಗೊಳ್ಳಿಯ ಪೇಟೆ ಶ್ರೀ ವಿಠಲ ರಕುಮಾಯಿ ತಥಾ ಮುಖ್ಯಪ್ರಾಣ ದೇವಳಾಂತು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ೯ವೇಂ ಪುಣ್ಯತಿಥಿ ಆರಾಧನಾ ಮಹೋತ್ಸವ ಕಾರ್ಯಕ್ರಮ ವೆಗವೆಗಳೆ ಧಾರ್ಮಿಕ ಕಾರ್ಯಕ್ರಮ ಬರಶಿ ಜನವರಿ ೭ಕ ಶೃದ್ಧಾ-ಭಕ್ತೀರಿ ಚಲ್ಲೆ.
ಸಕ್ಕಾಣಿ ಸ್ತೋತ್ರ ಪಠಣ, ಧೋಂಪಾರಾ ಶ್ರೀದೇವಾಕ ಮಹಾಮಂಗಳಾರತಿ, ಗುರುಪೂಜಾ, ಪುಷ್ಪಾರ್ಚನ, ತೀರ್ಥ ಪ್ರಸಾದ ವಾಂಟಪ ಚಲ್ಲೆ. ದೇವಳಾಚೆ ತಾಂತ್ರಿಕ ವೇದಮೂರ್ತಿ ಜಿ.ರಾಘವೇಂದ್ರ ಆಚಾರ್ಯ ಆನಿ ದೇವಳಾಚೆ ಆಡಳಿತ ಮಂಡಳಿಚೆ ಡಾ.ಕಾಶೀನಾಥ ಪೈ ಆನಿ ಎಂ.ಜಿ.ಪ್ರಕಾಶ ಪೈ ತಾನ್ನಿ ಗುರು ಗುಣಗಾನ ಕೆಲ್ಲಿ. ರಾತ್ತಿಕ ಭಜನ, ಶ್ರೀದೇವಾಕ ಪ್ರಸನ್ನಪೂಜಾ, ಪ್ರಸಾದ ವಾಂಟಪ ಆದಿ ಧಾರ್ಮಿಕ ಕಾರ್ಯಕ್ರಮ ಚಲ್ಲೆ. ದೇವಳಾಚೆ ಮುಖೇಲ ಅರ್ಚಕ ವೇದಮೂರ್ತಿ ಜಿ.ಮೋಹನದಾಸ ಭಟ್ ನೇತೃತ್ವಾರಿ ಧಾರ್ಮಿಕ ಅನುಷ್ಠಾನ ಚಲ್ಲೆ. ದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಪುರೇತ, ಭಟ್ಮಾಮು, ಗಾಂವ್ಚೆ -ಪರ್‍ಗಾಂವ್ಚೆ ಧಾ ಲೋಕ, ಸಮಾಜಬಾಂಧವ ಉಪಸ್ಥಿತ ವ್ಹರಲೀಲೆ.