ಗಂಗೊಳ್ಳಿ ಮಲ್ಯರಮಠ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ದೇವಾಲೆಂ ಸನ್ನಿದಿರಿ ವರ್ಷಂಪ್ರತಿ ಶ್ರಾವಣ ಮಾಸಾಂತು ಚೊಲ್ಚೆ ಅಖಂಡ ಭಜನಾ ಸಪ್ತಾಹ ಮಹೋತ್ಸವ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾಂಗೆಲೆ ಮಾರ್ಗದರ್ಶನ ಪ್ರಮಾಣೆ ಜು.೩೦ಕ ಸಕ್ಕಾಣಿ ಸಿಂಹ ಲಗ್ನಾಚೆ ಸುಮುಹೂರ್ತಾ ದೀಪ ಸ್ಥಾಪನಾ ಪೂರ್ವಕ ಸೂರು ಜಾಲ್ಲೆ.
ದೇಳಾಚೊ ಪ್ರಧಾನ ಅರ್ಚಕ ಎಸ್.ವೆಂಕಟರಮಣ ಆಚಾರ್ಯ ಆನಿ ಪುರೇತು ಜಾಲೀಲೆ ಜಿ.ವಿಠಲದಾಸ ಭಟ್ ತಶೀಚಿ ಜಿ.ಅನಂತಕೃಷ್ಣ ಭಟ್ ನೇತೃತ್ವಾರಿ ಧಾರ್ಮಿಕ ವಿಧಿವಿಧಾನ ಚಲ್ಲೆ. ದೇವಳಾಚೆ ಆಡಳಿತ ಮೊಕ್ತೇಸರ ಎನ್.ಸದಾಶಿವ ನಾಯಕ್ ಆನಿ ಆಡಳಿತ ಮಂಡಳಿ ಸದಸ್ಯ ಜಿ.ವೆಂಕಟೇಶ ನಾಯಕ್ ಮೇಳ್ನು ದೀಪ ಪ್ರಜ್ವಲನ ಕೆಲ್ಲಿ.
ಸಮಾಜಾಚೆ ಮ್ಹಾಲ್ಗಡೆ ಎಂ.ವಿನೋದ ಪೈ, ಜಿ.ನಿತ್ಯಾನಂದ ಶೆಣೈ, ಯು.ನಾರಾಯಣ ಪೈ, ಡಾ.ಕಾಶೀನಾಥ ಪಿ.ಪೈ, ಬಿ.ಕೃಷ್ಟ್ರಾಯ ಪೈ, ಎಂ.ಜಿ. ಮಾಧವ ಪೈ, ಎನ್. ಸುಭಾಶ್ ನಾಯಕ್, ಎಚ್.ಪಾಂಡುರಂಗ ನಾಯಕ್, ಎಂ.ಜಿ. ವಿಶ್ವನಾಥ ಭಂಡಾರ್‌ಕಾರ್, ಪುರೇತ, ದೇವಳಾಚೆ ಆಡಳಿತ ಮಂಡಳಿ ಸದಸ್ಯ, ಜಿ.ಎಸ್.ಬಿ ಮಹಿಳಾ ಮಂಡಳಿ ಸದಸ್ಯ, ಜಿ‌ಎಸ್‌ಬಿ ಸಮಾಜಬಾಂಧವ, ಗಾಂವ್ಚೆ ಧಾ ಲೋಕ ಮುಖೇಲ ಹೇ ವೇಳ್ಯಾರಿ ಉಪಸ್ಥಿತ ವ್ಹರಲೀಲೆ. ದ್ದರು.
ಅಖಂಡ ಭಜನಾ ಸಪ್ತಾಹ ಮಹೋತ್ಸವು ಆ.೬ಕ ದೀಪ ವಿಸರ್ಜನೆ ಬರಶಿ ಸಮಾಪನ ಜಾತ್ತಾ. ಆ.೫ಕ ಸಾಂಜವಾಳಾ ನಗರ ಭಜನಾ, ರಾತ್ರಿ ವಿಶೇಷ ಪೂಜಾ ಚಲ್ತಾ. ಅಖಂಡ ಭಜನಾ ಸಪ್ತಾ ಮಹೋತ್ಸವಾಂತು ಗಾಂವ್ಚೆ, ಪರಗಾಂವ್ಚೆ ವೆಗವೆಗಳೆ ಭಜನಾ ತಂಡಾಚಾನ ವಾಂಟೊ ಘೇವ್ನು ಭಜನಾ ಸೇವಾ ಸಮರ್ಪಣ ಕೆಲ್ಲಿ. ಪ್ರತಿನಿತ್ಯ ಶ್ರೀದೇವಾಕ ವಿಶೇಷ ಪೂಜಾ- ಪುನಸ್ಕಾರ, ಧಾರ್ಮಿಕ ಕಾರ್ಯಕ್ರಮ ಚೊಲಚೆ ಆಸ್ಸಾ.