ಕೊಂಕಣಿ ಸಾಹಿತ್ಯ ಅಕೆಡಮಿ ಪ್ರಶಸ್ತಿ ವಿಜೇತ ಡಾ.ಕೆ ರಮೇಶ್ ಕಾಮತ್ ಹಾಂಗೆಲೆ ನಿರ್ದೇಶನಾಚೆ ಕೊಂಕಣಿ ಸಿನೇಮ – ಅಂತ್ಯಾರಂಭ
ಪುಣೆ ಫಿಲಂ ಇನ್ಸಟಿಟ್ಯೂಟ್ ಪದವೀಧರ ತಶೀಚಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ ಡಾ.ಕೆ ರಮೇಶ್ ಕಾಮತ್ ಹಾನ್ನಿ ನಿರ್ದೇಶನ ಕೆಲೀಲೆ ನವೀನ ಕೊಂಕಣಿ ಚಲನಚಿತ್ರ “ಅಂತ್ಯಾರಂಭ” ಚೆ ಚಿತ್ರೀಕರಣ ಆರತ ಮಡಿಕೇರಿಂತು ಸಂಪೂರ್ಣ ಜಾಲ್ಲೆ. “ಅಂತ್ಯಾರಂಭ” ಸಿನೇಮ ಆದಿತ್ಯ ಸಿನಿ ಕ್ರಿಯೇಷನ್ಸ ಬ್ಯಾನರ್ ಹಾಂತು ಶ್ರೀಮತಿ ಕಿರಣ್ಮಯಿ ಕಾಮತ್ ತಾನ್ನಿ ನಿರ್ಮಾಣ ಕರೀತ ಆಸ್ಸಾತಿ.
ಅಲ್ಪ ಸಂಖ್ಯಾತ ಸಾರಸ್ವತ ಕೊಂಕಣಿಂತು ಎದ್ದೋಳತಾಂಯ ತಯಾರ ಜಾಲೀಲೆ ಸಿನೇಮ ಖಾಳಿ ಆಠ ಮಾತ್ರ. ತಾಂತುಲೆ ತೀನಿ ಸಿನೇಮಾಂಕ ಡಾ ರಮೇಶ್ ಕಾಮತ್ ತಾನ್ನೀಚಿ ನಿರ್ಮಾಣ ಆನಿ ನಿರ್ದೇಶನ ಕೆಲ್ಲ್ಯಾ. ಕೇವಲ ಆವಯಿ ಭಾಷೆ ವಯಚೆ ಅಭಿಮಾನಾನಿ ಆಪಣೇಲೆ ೭೨ ವರ್ಷಾಚೆ ವಯಾರಿ ಆತ್ತ ಚಾರಿಚೆ ಕೊಂಕಣಿ ಸಿನೇಮಾಚೆ ನಿರ್ದೇಶನ ಕರತಾ ಆಸ್ಸಾತಿ.
“ಅಂತ್ಯಾರಂಭ” ಏಕ ಸಾಮಾನ್ಯ ಮನರಂಜನಾತ್ಮಕ ಸಿನೇಮ ನ್ಹಂಹಿ, ಏಕ ತತ್ವಾಧಾರಿತ ಕಲಾತ್ಮಕ ಸಿನೇಮ ಜಾವ್ನಾಸ್ಸಾ. ಜೀವನದ ವೆಗವೆಗಳೆ ಘಟ್ಟಾರಿ ಮನುಷ್ಯಾಕ ಸಬಾರ ಕಷ್ಟ – ಸಂಕಷ್ಟ ಎತ್ತಾ. ತ್ಯಾ ಕಷ್ಟಾಕ ಭೀವ್ನು ತ್ಯಾಂಚಿ ಜೀವನಾಂಚೆ ಅಂತ್ಯ ಮ್ಹೊಣು ಠರಯತಾ. ಜಾಲ್ಯಾರಿ ಡಾ.ಕಾಮತ್ ಮಾಮ್ಮಾನಿ ಆಪಣೇಲೆ ಸಿನಿಮಾ ಕಾಣ್ಯಾ ಮುಖಾಂತರ ಜೀನಾಚೆ ಪಯಣಾಂತ್ಲು ಅಂತ್ಯ ಮ್ಹಣಚೇಚಿ ನಾ. ಖಂಚೇಯಿ ಕಷ್ಟ ನವೀನ ಸುರುವಾತಾಕ ನಾಂದಿ ಮ್ಹಣತಾ, ಮ್ಹಣಚೆ ಗಹನ ತತ್ವ ಕಳಯತಾ.
ಸಿನಿಮಾಚೆ ಮುಖೇಲ ಪಾತ್ರ ಮ್ಹಾಲ್ಗಡೋ ವೃದ್ಧ ನಾಯಕಾಲೊ ಪಾತ್ರಾಂತು ಡಾ.ರಮೇಶ್ ಕಾಮತ್ , ಯುವ ನಾಯಕ ಜಾವನು ದಾಮೋದರ್ ನಾಯಕ್ , ಯುವ ನಾಯಕಿ ಜಾವನು ಪ್ರಖ್ಯಾತ ರೂಪದರ್ಶಿ ಪ್ರತೀಕ್ಷಾ ಕಾಮತ್ , ವಿಠೋಭ ಭಂಡಾರ್ಕರ್, ಸ್ಟಾನಿ ಆಲ್ವಾರೀಸ್ , ಪ್ರಖ್ಯಾತ ಯಕ್ಷಿಣಿಗಾರ ಉದಯ್ ಜಾದೂಗಾರ್ , ಶೀಲಾ ನಾಯಕ್ , ವಸುಧಾ ಪ್ರಭು, ಅನಂತ್ ನಾಯಕ್ ಸಗ್ರಿ, ನರಸಿಂಹ ನಾಯಕ್, ಮಾಸ್ಟರ್ ಆದಿತ್ಯ ನಾಯಕ್ , ಮಾಸ್ಟರ್ ಯಥಾರ್ಥ , ಸಂದೀಪ್ ಮಲಾನಿ , ಪ್ರಕಾಶ್ ಕಿಣಿ , ಉಮೇಶ್ ಶೆಣೈ , ಕೃಷಣ ನಾಯಕ್ , ಆನಂದ ನಗರ್ಕರ್ , ವಿನುತಾ ಕಿರಣ್ , ಗೋವಿಂದರಾಯ್ ಶಾನಭೋಗ್ ಆದಿ ಲೋಕಾನಿ ಅಭಿನಯ ಕೆಲ್ಲ್ಯಾ.
ತಾಂತ್ರಿಕ ವರ್ಗಾಂತು ಛಾಯಾಗ್ರಾಹಕ ಜಾವ್ನು ಪಿವಿ‌ಆರ್ ಸ್ವಾಮಿ , ಸಂಕಲನಕಾರ ಜಾವ್ನು ನಾಗೇಶ್ , ಸಂಗೀತ ನಿರ್ದೇಶಕ ಜಾವ್ನು ಶ್ರೀಸುರೇಶ್ , ಗಾಯಕ ಜಾವ್ನು ಶಂಕರ್ ಶಾನುಭೋಗ್ ಆನಿ ಸಂಭಾಷಣ ಪ್ರಶಸ್ತಿ ವಿಜೇತ ಶಾ.ಮಂ.ಕೃಷ್ಣರಾಯ ತಾನ್ನಿ ಬರೋನು ಸೇವಾ ಪಾವಯಲಾ. ನಿರ್ಮಾಪಕಿ :ಕಿರಣ್ಮಯಿ ಆರ್ ಕಾಮತ್
ಕಥೆ – ಚಿತ್ರಕಥೆ – ಗೀತೆ ರಚನೆ ಆನಿ ನಿರ್ದೇಶನ : ಡಾ.ಕೆ ರಮೇಶ್ ಕಾಮತ್