ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ ‘ಕಾವ್ಯಾಂ ವ್ಹಾಳೊ- ೧೦’ ಕೊಂಕಣಿ ಕವಿಗೋಷ್ಟಿ

Youtube Vedio Link : https://youtu.be/GMr4EYIAJJA?si=NiMCpAk6DVILiWKX

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ತರಪೇನಿ, ಅಕಾಡೆಮಿ ಸಭಾಂಗಣಾಂತು ಜನವರಿ ೦೩, ೨೦೨೬ ರಂದು ‘ಕಾವ್ಯಾಂ ವ್ಹಾಳೊ-೧೦’ ಶೀರ್ಷಿಕೆ ಸಕಲ ಕವಿಗೋಷ್ಟಿ ಚಲ್ಲೆ. ಅಕಾಡೆಮಿ ಅಧ್ಯಕ್ಷ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ತಾನ್ನಿ ಸಮಾರಂಭಾಚೆ ಅಧ್ಯಕ್ಷಪಣ ಘೆತ್ತಿಲೆ. ಹಾನ್ನಿ ೨೦೨೬ ವರ್ಷ ಚಾಂಗ ವ್ಹರೊ ಮ್ಹೊಣು ಪ್ರಾಸ್ತಾವಿಕ ಜಾವ್ನು ಉಲಯಿಲೆ. ಕಾವ್ಯಾಂ ವ್ಹಾಳೊ ಮ್ಹಣ್ಚೆ ಕಾರ್ಯಕ್ರಮ ಘೆಲೀಲೆ ವರ್ಷ ಮಾರ್ಚ್ ೮ ಕ ಅಂತರಾಷ್ಟ್ರೀಯ ಬಾಯ್ಲಮನ್ಶೆಲೆ (ಮಹಿಳಾ ದಿನಾಚರಣೆ) ವೇಳ್ಯಾರಿ ಸ್ತ್ರೀಕುಲಾಚೆ ಪ್ರತಿಭಾ ಪ್ರಕಾಶನಾ ಖಾತ್ತಿರಿ ಶೂರ ಕೊರನು, ಆಜಿ ಕಾವ್ಯಾಂ ವ್ಹಾಳೊ ಹಾಜ್ಜೆ ೧೦ವೇಂ ಆವೃತ್ತಿಕ ಯವ್ನು ಪಾವ್ಲಿಂತಿ ಮ್ಹೊಣು ಖುಷಿ ವ್ಯಕ್ತ ಕೆಲ್ಲೆ. ಹೇ ಕಾರ್ಯಕ್ರಮಾಂತು ಆಜ ಪರಿಯಂತ ಸುಮಾರ ೭೫ ಪಶಿ ಚ್ಹಡ ಕವಿ ಲೋಕಾಣಿ ವಾಂಟೊ ಘೆತ್ಲ್ಯಾ. ಹಾಂಗೆಲೆ ಸ್ಪೂರ್ತಿ ಘೇವ್ನು ಆನಿ ಇತ್ಲೆ ಯುವಕಾರ ಕವಿ ಲೋಕಾನಿ ಕೊಂಕಣಿ ಕಾವ್ಯ ಬರೋವಚಾಕ ಸೂರ ಕೊರಕಾ ಮ್ಹೊಣು ಸಾಂಗೂನು ಸಕಡಾಂಕ ಯೇವಕಾರ ಕೆಲ್ಲಿ.

ಮುಖೇಲೆ ಸೊಯರೆ ಜಾಲೀಲೆ ಸಾಮರಸ್ಯ ಮಂಗಳೂರು ಹಾಜ್ಜೆ ಅಧ್ಯಕ್ಷ ಜಾಲೀಲೆ ಮಂಜುಳಾ ನಾಯಕ್ ತಾನ್ನಿ ಉಲೋನು ಕೊಂಕಣಿ ಭಾಸ ಆನಿ ತ್ಯಾ ವ್ಹರೋಚೆ ಖಾತ್ತಿರಿ ಆಮ್ಗೆಲೆ ಮ್ಹಾಲ್ಗಡ್ಯಾನಿ ಕೆಲೀಲೆ ವಾವರೇನಿ ಕೊಂಕಣಿ ಭಾಷ ಆಮ್ಗೆಲೆ ದೇಶಾಚೆ ಸಂವಿಧಾನಾಚೆ ೮ವೇ ವೊಳೇರಾಂತು (ಪರಿಚ್ಚೇದಕ್ಕೆ) ಮೆಳ್ಳಾ. ಕರ್ನಾಟಕ ಸರಕಾರ ಕೊಂಕಣಿ ಅಕಾಡೆಮಿ ಕೆಲ್ಲ್ಯಾ. ಆಮ್ಮಿ ಕೊಂಕಣಿಗಾನ ತ್ಯಾ ವ್ಹರೋನು, ಅಭಿವೃದ್ಧಿ ಕೊರಚೆ ಕಾಮ ಕೊರಕಾ. ಹೇ ಖಾತ್ತಿರಿ ಕೊಂಕಣಿ ಸಾಹಿತ್ಯ ಅಕಾಡೆಮಿ ನಿರಂತರ ಜಾವನು ವಾವರೋ ಕರೀತ ಆಸ್ಸಾ ಮ್ಹೊಣು ಅಕಾಡೆಮಿಕ ತಾರೀಪು ಕೆಲ್ಲೆ.

ಘೆಲೀಲೆ ೪೬ ವರ್ಷಾಚಾನ ಕೊಂಕಣಿ ಸಾಹಿತಿಕ ಪುಸ್ತಕ ತಶೀಚಿ ಸಿಡಿ ಘೇವ್ನು ಗಾಂವ ಗಾಂವ ಭೋಂವ್ನು ಜಾತ್ರಾ-ಪರಬೆ ವೇಳ್ಯಾರಿ ಘೇವ್ನು ವ್ಹರ್ನು, ವಿಕ್ಕೂನು ಕೊಂಕಣಿ ಸಾಹಿತ್ಯ ಸೇವಾ ಕರೀತ ಆಸ್ಸುಚೆ ಆಲ್ವಿನ್ ಸಿಕ್ವೇರಾ( ಮೆಲೋಡಿ ಮಾಸ್ಟರ್) ಹಾಂಕಾ ಹೇ ಸಂದರ್ಭಾರಿ ಸನ್ಮಾನ ಕೆಲ್ಲೆ.

ಖ್ಯಾತ ಕವಿ ಅರವಿಂದ ಶ್ಯಾನಭಾಗ ತಾನ್ನಿ ಕವಿಗೋಷ್ಟಿ ಚಲೋನು ದಿಲ್ಲೆ. ಕವಿ, ಕಾವ್ಯಾ ಖಾತ್ತಿರಿ ಸವಿಸ್ತಾರ ವಿವರ ದಿಲ್ಲೆ. ಮರ್ಲಿನ್ ಮಸ್ಕರೇನ್ಹಸ್, ನವೀನ್ ಕುಲ್ಶೇಕರ್, ವಾಯ್ಲೆಟ್ ಪಿರೇರಾ, ಸುಮಾ ವಸಂತ್, ರಿಚ್ಚಿ ಪಿರೇರಾ, ಪ್ರೀತಾ ಮಿರಾಂದ, ಸ್ಟ್ಯಾನಿಸ್ಲಸ್ ಡಿಸೋಜ, ಎಡ್ವರ್ಡ್ ಲೋಬೊ, ಅರುಣ್ ದಾಂತಿ, ಸಪ್ನಾ ಮೇ ಕ್ರಾಸ್ತಾ ಆದಿ ಲೋಕಾನಿ ತಾಂಗತಾಂಗೆಲೆ ಕವಿತಾ ವಾಚ್ಚಿಲೆ.
ಅಕಾಡೆಮಿ ಸದಸ್ಯ ಶ್ರೀ ಸಮರ್ಥ್ ಭಟ್ ತಾನ್ನಿ ಕಾರ್ಯಕ್ರಮಾಚೆ ನಿರೂಪಣ ಕೊರನು, ಆಬಾರ ಮಾನಲೆ. ಅಕಾಡೆಮಿ ಸದಸ್ಯ ಅಕ್ಷತಾ ನಾಯಕ್ ತಾನ್ನಿ ಉಪಸ್ಥಿತ ವ್ಹರಲೀಲೆ.