`ಉಲಯಚೆಂ ದೇವು ಮ್ಹೊಣು ಭಕ್ತವೃಂದ ತಾಕೂನು ಆಪೋನು ಘೆತ್ತಾ ಆಶ್ಶಿಲೆ ಸದ್ಗುರು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಜನ್ಮಶತಮಾನೋತ್ಸವು ೨೦೨೪ ತಾಕೂನು ೨೦೨೬ ಪರ್ಯಂತ ಘರ ಘರ ಭಜನ, ಪಾದುಕಾ ಯಾತ್ರಾ ಆದಿ ಸಬಾರ ಕಾರ್ಯಕ್ರಮಾನಿ ಘಡತಾ ಆಸ್ಸುನು ತತ್ಸಂಬಂಧ ರಾಷ್ಟ್ರಾಚೆ ವೆಗವೆಗಳೆ ಗಾಂವಾಂತು ಭೋವ್ನು ದಿನಾಂಕ. ೧೬-೦೯-೨೦೨೪ ದಿವಸು ಪೂಜ್ಯ ಸುಧೀಂದ್ರ ತೀರ್ಥ ಸ್ವಾಮ್ಯಾಂಗೆಲೆ ಪಾದುಕಾ ಹುಬ್ಬಳ್ಳಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಸರಸ್ವತಿ ಸದನಾಕ ಆಯ್ಯಿಲೆ ತೆದ್ದನಾ ಭಕ್ತಿ-ಶೃದ್ಧೇರಿ ಸ್ವಾಗತ ಕೊರನು ಪೂಜ್ಯ ಸ್ವಾಮ್ಯಾಂಗೆಲೆ ಪೋಟೊ ಸಹಿತ ಪಾದುಕೇಕ ಪೂಜಾ ಪಾವಯಿಲೆ. ಹೇ ವೇಳ್ಯಾರಿ ಸಮಾಜಾಚೆ ಬರೇಪಣಾ ಖಾತ್ತಿರಿ ಭಟ್ಮಾಮ್ಮಾನಿ ದೇವಾಲೆಂ, ಸ್ವಾಮ್ಯಾಲೆಂ ಮಾಗಣಿ ಕೆಲ್ಲೆ. ಸಮಾಜಾಚೆ ಕಾರ್ಯದರ್ಶಿ ಶ್ರೀ ಪ್ರಮೋದ ಕಾಮತ, ಉಪಾಧ್ಯಕ್ಷ ಶ್ರೀಕಾಂತ ಮಹಲೆ, ಶ್ರೀ ಹರೀಶ ಮಾಂಜ್ರೆಕರ, ಶ್ರೀ ಸುದರ್ಶನ ಕಾಮತ್, ಶ್ರೀ ಸದಾನಂದ ಕಾಮತ್ ಸಹಿತ ವ್ಹಡ ಅಂಕಡ್ಯಾರಿ ಸಮಾಜ ಬಾಂಧವ ಉಪಸ್ಥಿತ ವ್ಹರಲೀಲೆ. ದಿನಾಂಕ. ೧೭-೦೯-೨೦೨೪ ದಿವಸು ಧಾರವಾಡಾಚೆ ಶಿವಗಿರಿಂತು ಆಸ್ಸುಚೆ ವಿಭಾ ಪ್ರಿಂಟರ್ಸ್ ಹಾಜ್ಜೆ ಶ್ರೀಮತಿ ಕವಿತಾ ಆನಿ ಶ್ರೀ ಮಯ್ಯಾಳ ಉಮೇಶ ಕಾಮತ ಹಾಂಗೆಲೆ ಘರ್‍ಕಡೆ ಪೂಜ್ಯ ಸ್ವಾಮ್ಯಾಂಗೆಲೆ ಪಾದುಕಾ ಯಾತ್ರಾ ಆಯ್ಯಿಲೆ ತೆದ್ನಾ ಸ್ವಾಗತ ಕೊರನು, ಪಾದ್ಯಪೂಜಾ, ಭಜನ, ಅನ್ನಸಂತರ್ಪಣ ಆದಿ ಕಾರ್ಯಕ್ರಮ ಚಲ್ಲೆ. ಮಾಗಿರಿ ಪೂಜ್ಯ ಸ್ವಾಮ್ಯಾಂಗೆಲೆ ಪಾದುಕಾ ಯಾತ್ರ ಧಾರವಾಡಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಕ ಘೆಲೀಲೆ ತೆದ್ನಾ ಥಂಯಿ ಭಕ್ತಿ-ಶೃದ್ಧೇರಿ ಯೇವ್ಕಾರ ಕೊರನು ಘೆತ್ಲೆ.